ئەڤرۆ نیوز:
وەزارەتا ساخلەمیێ یا عیراقێ راگەهاند کو د ماوەیێ ٢٤ دەمژمێرێن بۆری دا ل عیراقێ هزار و ٩٥٨ کەسێن دی تووشی ڤایرۆسێ کۆرۆنایێ بووینە و هەروەسا ١٠٣ کەسان ژی جانێ خوە ژ دەست داینە.
ل عیراقێ پتر ژ سەد تووشبوویێن دی جانێ خوە ژ دەست دان
نووترين نووچه
- مەزلووم عەبدی بۆ نێچیرڤان بارزانی: سوپاس بۆ پشتەڤانییا تە یا بەردەوام ل مافێن كوردان
- سەرۆكێ هەرێمێ و سەرۆكێ دەم پارتی ل دۆر پرۆسێسا چارەسەریێ: نابیت ئەڤ دەرفەتە ژ دەست بچیت
- نێچیرڤان بارزانی و بالیۆزێ فینلەندایێ دوپاتیێ ل سەر بهێزكرنا پەیوەندییان دكەن
- پێدڤییە مافێن كوردێن سووریێ بهێنە پاراستن
- پێدڤییە ڕێز ل مافێن دستووری و شایستەیێن دارایی یێن كوردستانێ بهێتە گرت
- ڕ ێبەر ئەحمەد: داعش ب دووماهی نەهاتییە و گەفێن وێ یێن ماین
- شێروان دوبەردانی: د پڕۆژەیاسایا بودجەیا 2027ێ دا ب دەهان مین بۆ هەرێما كوردستانێ هاتینە چاندن
- ب ڕێكا دانوستاندنان كار بۆ بنەجهكرنا پشكا دادی یا هەرێمێ د بودجەی دا دكەین
- سەرۆك بارزانی و سوودانی ڕەوشا سیاسی یا ئیراقێ و دەڤەرێ گەنگەشە كر
- كلیلا چارەسەریا كێشەیێن هەولێرێ و بەغدایێ بجهئینانا دەستوورییە و بێی وێ كێشە چارەسەر نابن
سه‌ره‌كى نووترين نووچه
رەوشا ١٥ تووشبوویێن کۆرۆنایێ ل کوردستانێ خرابە
سێ تووشبوویێن دی یێن کۆرۆنایێ ل هەرێما کوردستانێ جانێ خوە ژ دەست دان
ڤایرۆسه‌كێ دی یێ نوو و كۆژه‌ك هاته دیتن
ئه‌ڤرۆ نیوز:
ڤایرۆسه‌كێ دی یێ مه‌ترسیدار هاتیه دیتن و ئه‌گه‌ر هه‌یه ب بیته مه‌ترسیدارترین ڤایرۆس هه‌موو جیهانێ.
ڤه‌كۆله‌رێن چینێ ڤایرۆسه‌كێ نوو دیتی یه كۆ دچیته سه‌ر گرۆپێ ڤایرۆسێن ئه‌نفلوه‌نزا كۆ شیانێن ئه‌وێ چه‌ندێ هه‌نه كۆ ل ده‌مه‌كێ كێم بۆ هه‌موو جیهانێ بهێته ڤه‌گۆهاستن، جورێ نوو یێ ڤایرۆسی ب G4 EA H1N1 دهێته نیاسین و د به‌رازان دا هاتیه دیتن.
ڤه‌كۆله‌ر ئه‌وێ چه‌ندێ د بێژن كۆ ئه‌ڤ ڤایرۆسه ل دوماهیێ دناڤ به‌رازان دا ده‌ركه‌تی یه و به‌لێ ده‌لیڤه هه‌یه بهێته ڤه‌گۆهاستن بۆ مرۆڤان ژی، پیكهاته‌یا ڤایرۆسی دچیته سه‌ر ئه‌نفلوه‌نزا بالندان كۆ ل سالا 2009 ب ئه‌گه‌رێ گیان ژ ده‌ستدانا سه‌دان هزار كه‌سان ل جیهانێ.
سەرۆکێ حوکمەتێ: دانوستاندنێن ل گەل بەغدا دێ بەردەوام بن
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ب رێیا ڤیدیو کۆنفرانسەکێ ل گەل شاندێ دانوستاندنکارێ هەرێما کوردستانێ ل گەل بەغدا کۆمبوو و تێدا سەرۆکێ حوکمەتا هەرێما کوردستانێ راگەهاند کو ئەو ب چو رەنگەکێ سازشێ ل سەر مافێن دستووری یێن هەرێما کوردستانێ ناکەن و دێ دانوستاندنێن هەرێمێ و بەغدا بەردوەام بن هەتا کو هەر دو ئالی دگەهنە رێککەفتنەکێ کو د بەرژەوەندیا هەر دو ئالیان دا بیت.
سەرۆکێ حوکمەتا هەرێما کوردستانێ ئەو یەک ژی دیار کر کو هەرێما کوردستانێ دڤێت ل گۆر دستووری ل گەل بەغدا رێککەڤیت و دڤێت هەموو شایستێن دارایی یێن هەرێما کوردستانێ ل گۆر رێککەفتنەکا نوو بهێنە گەرەنتیکرن.
سوبه‌هی كۆمبوونا بلندا سه‌رۆكێن روسیا و توركیا و ئیرانێ هێته كرن
ئه‌ڤرۆ نیوز:
په‌یڤدارێ كوچكا سه‌رۆكاتیا روسیا راگه‌هاند سوبه‌هی هه‌ر ئێك ژ پوتین و ئه‌ردوغان و رۆحانی كوم دبن.
دیمیتری پیسكوف په‌یڤدارێ كوچكا سه‌رۆكاتیا روسیا راگه‌هاند سوبه‌هی 1/7/2020 هه‌ر ئێك ژ ڤلادیمیر بوتن سه‌رۆك كۆمارێ روسیا و ره‌جه‌ب ته‌یب ئه‌ردوغان سه‌رۆك كۆماری توركیا و حه‌سه‌ن روحانی سه‌رۆك كۆمارێ ئیرانێ ب ریكا ڤیدیو كۆنفرانس كۆم دبن.
ئارمانج ژ كۆمبوونا بلندا هه‌رسێ سه‌رۆكێن وه‌لاتان دانوستاندن ل سه‌ر دوسه‌یا سوریا و دوماهی پێشهاتێن ئه‌وی وه‌لاتی ل چارچوڤه‌یێ دانوستاندنێن ئه‌ستانه‌دا.
ل سلێمانیێ سێ توشبوویێن دی ب كورونایێ گیانێ خوه ژ ده‌ست دان
ئه‌ڤرۆ نیوز:
ل سلیمانیێ سێ توشبوویێن دی یێن ڤایرۆسێ كورونایێ گیانێ خوه ژ ده‌ست دان، تانوكه ل پارێزگه‌ها سلیمانیێ 173كه‌سان ب ئه‌گه‌رێ كورونایێ گیانێ خوه ژ ده‌ست داینه ل ئه‌ڤێ پارێزگه‌هێ.
ئه‌و سی توشبوویێن گیانێ خوه ژ ده‌ست داین ئه‌ڤرۆ دژیێ 70 سالیێ دا بوون و ئه‌ڤێ دی ژی دژیێ 50 سالیێ دابوو.
لگۆری دوماهی ئامارا وه‌زاره‌تا ساخله‌میا حكومه‌تا هه‌رێما كوردستانێ، تا نوكه چار هزار و 229 كه‌س ل سلیمانیێ تووشی كورونایێ بووینه، 173 كه‌سان ژی گیانێ خوه ژ ده‌ست دایه.
ئازربایجان هه‌ڤكاریێن ساخله‌میێ دگه‌هینته عیراقێ
ئه‌ڤرۆ نیوز:
وه‌زاره‌تا ده‌رڤه‌یا عیراقێ راگه‌هاند ئازه‌ربایجانێ 25 ته‌نێن هه‌ڤكاریێن ساخله‌میێ ب رێكا فرۆكه‌یه‌كا تایبه‌ت ره‌وانه‌ی عیراقێ كرن.
لگۆری راگه‌هاندنا وه‌زاره‌تا ده‌رڤه‌یا عیراقێ، فرۆكه‌یه‌كا ئازه‌ربایجان كۆ 25 ته‌نێن هه‌ڤكاریێن ساخله‌میێ و خۆ پارێزیێ بۆ به‌رهنگار بوونا ڤایرۆسێ كورونایێ گه‌هاندنه عیراقێ.
وه‌زاره‌تا ده‌رڤه‌یا عیراقێ ئه‌و چه‌نده ژی دیاركر كۆ سوپاسیا خو ئاراسته‌ی ئازه‌ربایجانێ كر ل هه‌مبه‌ر ده‌ستپێشخه‌ریا مرۆڤی د ئه‌ڤێ ره‌وشێ كۆ ب ئه‌گه‌ری كورنایێ جیهان تێدا ده‌رباز دبیت.
عیراق داخازا رێكه‌تنێ ل سه‌ر ئاڤێ ل گه‌ل توركیا دكه‌ت
ئه‌ڤرۆ نیوز:
وه‌زیرێ ژیده‌رێن ئاڤێ یێن عیراقێ راگه‌هاند تژیكرنا سكرێ ئیلیسو كۆ ل سه‌ر روبارێ دیجله ل توركیا دێ كارتێكرنا نه‌رینی ل سه‌ر عیراقێ هه‌بیت.
مه‌هدی ره‌شید وه‌زیرێ ژێده‌رێن ئاڤێ یێن عیراقێ راگه‌هاند مه داخازا دانوستاندنێ ژ توركیا كریه داكو بگه‌هینه رێكه‌تنێ ل سه‌ر پلانا تژیكرنا سكری و بێ زیان گه‌هاندن ب پشكا ئاڤا عیراقێ ژ ئاڤا دیجله، كارتێكرنا پروسه‌یا تژیكرنا سكری نوكه ده‌رناكه‌ڤن، چونكو رێژه‌یه‌كا زۆر ئاڤا خرڤه‌كری هه‌یه، به‌لێ ل وه‌رزێن بهێت پروسه دێ كارتێكرنه‌كا مه‌زن ل سه‌ر رووبارێ دیجله هه‌بیت، له‌ورا ئارمانجا وه‌زاره‌تا ژیده‌رێن ئاڤێ ئه‌وه بگه‌هینه رێكه‌تنه‌كێ ب دلێ هه‌ردو ئالیان بیت.
وه‌زیرێ ژێده‌رێن ئاڤێ یێن عیراقێ ئه‌و چه‌نده ژی راگه‌هاند به‌رژه‌وه‌ندێن هه‌ڤبه‌ش دناڤبه‌را عیراقێ و توركیا دا هه‌نه كۆ دێ نه‌چار كه‌ین بگه‌هینه ریكه‌تنێ ل سه‌ر مێزا دانوستاندنێ.
شانه‌یا قه‌یرانان داخازا هه‌لوه‌شاندنا ده‌سه‌لاتێن فه‌رمانگه‌هێن ساخله‌میێ دكه‌ت
ئه‌ڤرۆ نیوز:
شانه‌یا قه‌یرانێن تایبه‌ت ب ڤایرۆسێ كورونایێ داخاز ژ جڤاتا نوونه‌رێن عیراقی، كو ب هه‌لوه‌شاندنا ده‌سه‌لاتا فه‌رمانگه‌هێن ساخله‌میێ ل هه‌موو پارێزگه‌هان كر.
جواد موسه‌وی بریارده‌رێ شانه‌یێ د به‌یاننامه‌یه‌كێ دا راگه‌هاند هێشتا ده‌م مایه بۆ ئه‌وێ چه‌ندێ خه‌له‌تیین كوژه‌ك یێن وه‌زاره‌تا ساخله‌میێ راستڤه بكه‌ین، لامه‌ركه‌زیه‌تا ساخله‌میێ ل پارێزگه‌هێن عیراقێ بوویه ئه‌گه‌رێ شكه‌ستنا ئه‌وان فه‌رمانگه‌هان د ریب ری بوونا ڤایرۆسێ كورونایێ.
بریارده‌رێ شانه‌یێن قه‌یرانانان ل جڤاتا نوونه‌رێن عیراقێ ئه‌و چه‌نده ژی دازانین خراپیا ئیداره‌كرنا ره‌وشا ساخله‌میێ ل پارێزگه‌هان بوویه ئه‌گه‌رێ زێده‌بوونا ژماره‌یا توشبوویێن كورونایێ و داخازا وه‌رگرتنا ده‌سه‌لاتێن فه‌رمانگه‌هێن ساخله‌میێ ل پارێزگه‌هان بۆ وه‌زاره‌تێ دكه‌ین.
نيشاندان
WP Facebook Auto Publish Powered By : XYZScripts.com