ئەڤرۆ نیوز:
وه‌زاره‌تا ساخلەمیا هەرێما کوردستانێ راگه‌هاند: د ماوێ 24 دەمژمێرێن بوری دا چ توشبوویێن نوو ب ڤایرۆسێ کۆرۆنا یێ ل هەرێما کوردستانێ نەهاتینە تۆمار کرن.
د 24 دەمژمێرێن بوری دا چ توشبوویێن نوو ب کۆرۆنا ل هەرێمێ نەهاتینە تۆمار كرن
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
مه‌سرور بارزانی: ئه‌ركێ مە هەموویانە روو ب روو ڤایرۆسێ كۆرۆنا یێ ببین
ئەڤرۆ نیوز:
سەرۆکێ حوکمەتا هەریما کوردستانێ د گۆتارەکا تەلەفزیۆنی دا راگەهاند، حوکمەتا هەرێما کوردستانێ ل پێشیا پرانیا وەلاتان دایە بۆ بەرهنگاربوونا کۆرۆنایێ، هەروەسا نوکە ئەم د قۆناغەکا نوو داینە پێدڤیە هاتنوچوونا ناڤ باژێران بهێتە سنوردار کرن.
مەسرور بارزانی سەرۆکێ حوکمەتا هەرێمێ زێدەتر گۆت، هەکە خەلک و حکومەت ب هەڤرا هاریکاریا هەڤدۆ بکەن دێ شێین کورۆنایێ کۆنترۆل کەین و هەر چەند گەفێن کۆرۆنایێ بۆ مە زێدە دژوارن، لێ ب هاریکاریا هەڤدۆ و جێبەجیکرنا رێنمایێن ساخلەمیێ و حکومەتێ دێ شێین ڤایررۆسێ کۆرۆنایێ کۆنترۆل کەین.
هەروەسا سەرۆکێ حکومەتێ سوپاسیا پڕانیا کارمەندێن ناڤخۆ و ساخلەمیێ کر و گۆت، خەلکێ کوردستانێ چەندین جاران روو ب روو زولمێ بوویە و لێ مە ئەو دەمێن دژوار دەربازکرینە و دێ ڤێ رەوشێ ژی دەرباز کەین.
مه‌حموود عوسمان: بارزانی نه‌مر له پاش ڕێكه‌وتنی 11ی ئادار داوای له به‌رپرسانی كورد كرد له پۆسته‌كانیان خزمه‌تی میله‌ت بكه‌ن
ئه‌ڤرۆ نیۆز، عه‌زیز هه‌ورامی :
ئه‌مڕۆ 14ی ئادار ساڵیادی له دایكبوونی سه‌ركرده‌ی مه‌زن مسته‌فا بارزانی نه‌مره، سه‌ركرده‌یه‌كی شۆڕشی ئه‌یلوول كه ماوه‌یه‌كی زۆر له‌گه‌ڵی بووه باس له گه‌وره‌ی و ساده‌ی و تۆكۆشانی بارزانی نه‌مر ده‌كات.
دكتۆر مه‌حمود عوسمان سه‌ركرده له شۆڕشی ئه‌یلوول، به ئه‌ڤرۆ نیۆزی ڕاگه‌یاند:” بارزانی نه‌مر سه‌ركرده‌یه‌كی نه‌ته‌وه‌یی بوو، خه‌باتی بۆ ئه‌وه‌بو میله‌تی كورد بگاته مافی چاره‌ی خۆی، ئه‌وه‌شبوو له شۆڕشی ئه‌یلول تواندرا بگه‌ینه به‌یانی 11ی ئازار، بۆیه‌كه‌م جاربو له لایه‌ن وڵاتی داگیركه‌ری ئه‌وكاتی عێراق ددانی نا به مافی ئه‌تۆنۆمی بۆ كورد.
مه‌حموود عوسمان ده‌شڵێ، هه‌میشه له دانوستانه‌كانی بارزانی له‌گه‌ڵ حكوومه‌تی ئه‌وكاتی عێراق و ده‌وڵه‌تانی ناوچه‌كه و جیهانیش، داوای ئه‌وه‌ی بوو كورد له‌سه‌ر ئه‌رزی خۆی به‌سه‌ربه‌زی و ئازادی بژێت مافه‌كانی خۆی هه‌بێت حكوومڕانێكی سه‌ربه‌خۆی خۆی هه‌بێت به كه‌ركوك و ته‌واوی ناوچه كانی تری كوردستانیی، عێراقیش عێڕاقێكی دیموكراسی بێت سیاسه‌تێك پێڕه‌و بكرێت هاوڵاتیان مافی خۆیان پێبدرێت.
هه‌روه‌ها عوسمان ئاماژه‌ی بۆ ئه‌وه‌شكر، له پاش ڕێكه‌وتنی 11ی ئازار و وه‌رگرتنی چه‌ند پۆستێك و حكوومڕانی چه‌ند ناوچه‌یه‌كی كوردستانی، ئه‌وكه‌سانه‌ی دیاری كران له‌لایه‌ن سه‌ركردایه‌تی شۆڕش بۆ پۆسته‌كان، ڕێنمایی بارزانی نه‌مر ئه‌وه‌بوو ده‌ست پاكبن و خزمه‌تی میله‌تی خۆیان بكه‌ن و كاره‌كانی ڕۆژانه‌یان به‌باشی ڕاپه‌ڕێنن له‌گه‌ڵ هاوڵاتیان تێكه‌ڵاوبن، ئامانجه‌كانی شۆڕش جێبه‌جێ بكه‌ن و كارله سه‌ر جێبه‌جێ كردنی به‌یانی 11ی ئازار بكه‌ن.
ئه‌و سه‌ركرده‌ی شۆڕشی ئه‌یلوول ده‌ڵێ، به‌رده‌وام بارزانی نه‌مر باسی له‌وه ده‌كرد ده‌بێت كه‌ركوك له هه‌موو هه‌لومه‌رجێكدا به‌شێكبێت له كوردستان، كه‌ركوك دڵی كوردستانه كه‌ركوك له ڕوی جوگرافی و مێژووی به‌شێكه له كوردستان، به‌رده‌وامیش به ئومێده‌وه ده‌یڕوانی له ئاینده‌ی كه‌ركوك كورد حكوومڕانی بكات، به‌رده‌وامیش له دانوستانه‌كانی له‌گه‌ڵ حكوومه‌تی عێراق بارزانی مسوڕبوو له‌سه‌ر ئه‌وه‌ی ده‌بێت كه‌ركوك و ته‌واوی ناوچه كوردییه‌كان له ژێر حكوومڕانی كوردیدابێت وهاوشێوه‌ی سلێمانی و دهۆك و هه‌ولێر، له پاش گێشتن به ڕێكه‌وتنی 11ی ئازار ساڵی 1970.
هه‌روه‌ها وتیشی، بارزانی نه‌مر له ڕێكه‌وتن و دانوستان به‌رده‌وام ئاماده‌بوو بۆ ئاشتی و هیچ كات حه‌زی به‌شه‌ڕ نه‌بوو به‌ڵام شه‌ڕ ده‌سه‌پا به‌سه‌ر كوردا بۆیه بارزانی و شۆڕشی كورد پارێزگاریان له گه‌له‌كه‌یان ده‌كرد، هه‌موو هه‌نگاوێكی ئاشتی قبووڵ بوو ته‌نها بۆ ئه‌وه‌ی گه‌لی كورد به ئامانجی گه‌وره‌ی بگات.
د روودانەکا ترافیکێ دا پێنج کەس بریندار بوون
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا پێنج کەس بریندار بوون.
ناڤهاتی زێدەتر دیار کر: ئەڤرۆ شەمبیێ 2020/3/14 ل دەمژمێر (9:00) شەڤ ل سەر جادا سـەرەکیا باتیفا بۆ زاخۆ و ل نێزیک بێرسفێ ترۆمبێلەکا کرێ تەکسی تۆیۆتا کرۆلا ل ژێر کونترۆلا شوفێری دەرکەفتیە وەرگەریایه و د ئەنجامدا پێنج کـەس بریندار بووینە و زیانێن مـادی یێن مـەزن ب ترۆمبێلێ کەفتینە.; د ئەنجامدا پێنج کـەس بریندار بووینە و زیانێن مـادی یێن مـەزن ب ترۆمبێلێ کەفتینە.
د روودانەکا ترافیکێ دا دو کەسان گیانێ خوە ژ دەست دا
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا دو کەسان گیانێ خوە ژ دەست دا.
ناڤهاتی زێدەتر دیار کر: ئەڤرۆ شەمبیێ 14.3.2020 د روودانەکا ترافیکێ دا و ل سەر رێیا سەرەکی یا فەیدیێ بۆ دهۆکێ روودایە و د ئەنجامدا دوکەسان گیانێ خوە ژ دەست دایە و دو کەسێن دیتر ژی ب گرانی بریندار بووینە.
هەروەسا گۆتیە: د ڤێ بوویەرێ دا ترۆمبێلەکا کیا تایبەت ل گەل ترۆمبێلەکا تانکەر لێکدایە و زیانێن مادی ژی ب هەردو ترۆمبێلان کەفتینە.
وەزارەتا دارایی: نەشێین رۆژا ئێکشەمبێ مووچە دابەش بکەین
له ڕۆژانی جه‌ژنی نه‌ورۆز گه‌شت وسه‌یران لە سلێمانی قه‌ده‌غه كرا
ئه‌ڤرۆ نیۆز، عه‌زیز هه‌ورامی:
لیژنه‌ی باڵای ئۆپڕاسیۆنه‌كانی پارێزگای سلێمانی چه‌ند بڕیارێكی نوێ بۆ ڕوبه‌ڕوبونه‌وه‌ی په‌تای كۆرۆنا ده‌ركرد، شوێنه گه‌شتیاریه‌كان داده‌خرێن و گه‌شت و سه‌یران له نه‌ورۆز قه‌ده‌غه‌یه.
له ڕاگه‌یه‌ندراوێكدا، لیژنه‌ی باڵای ئۆپڕاسیۆنی پارێزگای سلێمانی بۆ ڕوبه‌ڕوبونه‌وه‌ی په‌تای كۆرۆنا، كۆپێكی ده‌ست ئه‌ڤرۆ نیۆز كه‌وتووه، لیژنه‌ی باڵای ئۆپڕاسیۆنه‌كانی پارێزگای سلێمانی كۆبوونه‌وه، له گه‌ڵ قایمقامی قه‌زاكانی سه‌ر به‌پارێزگای سلێمانی، چه‌ندین بڕیاری نوێیاندا، له‌وانه داخستنی شوێنه گه‌شتیارییه‌كان و قه‌ده‌غه‌كردنی گه‌شت و سه‌یران.
هه‌روه‌ها له ڕونكردنه‌وه‌كه هاتووه، قه‌ده‌غه‌كردنی گه‌شت و سیرانی هاوڵاتیان بۆ شوێنه گه‌شتیارییه‌كان له ڕۆژانی جه‌ژنی نه‌ورۆز، وه داخستنی ته‌واوی گوندی گه‌شتیاری و كابینه و كه‌پر و یاریگا گه‌شتیارییه‌كان،ته‌واوی شوێنه گه‌شتیارییه‌كان له قه‌زا و ناحیه‌كان داده‌خرێن به ڕوی گه‌شتیاراندا.
هه‌روه‌ها له ڕونكردنه‌وه‌كه‌دا هاتووه، بڕیاره‌كان له ڕۆژانی جه‌ژنی نه‌ورۆز جێبه‌جێ ده‌كرێت و ڕێگه به گه‌شت و سه‌یرانی هاوڵاتیان نادرێت بۆ پاراستنی هاوڵاتییه‌كانمان و بڵاو نه‌بونه‌وه‌ی ڤایرۆسی كۆرۆنا، تاكاتێكی نادیار بڕیاره‌كان كاریان پێ ده‌كرێت.
بریارێن نوو ل دهۆكێ هاتنە دەرکرن
ئه‌ڤرۆ نیوز:
لژنا ریب ری بوونا ڤایرۆسێ کورونایێ نویترین بریار دەرکرن
١- گرتنا بازاران ل سەرانسەری پارێزگەهێ ئەو بازارێن گرتی یێن ل سەنتەران، وەکو، قيصريا، جودا ژ دەرمانخانا و نانپێژیا و بازارێن هشکاتیا ئانکو ،ئەرزاق، و پشتی بورینا ٢٦دەمژمێرێن دی بریار دێ جێبەجێ بیت.
٢- گرتنا مۆلا، هەر قائیمقامەکی ل هەر جهەکی کو د سنورێن ویدا مۆل هەبن پێدفیە بگریت و دەستهەلات پێ هاتیە دان.
٣- نابیت کورسیك ب میننە ل جهێن فروتنا تەزیاتیان ئانکو بتنێ تەزیاتیان ب سەفەری ب فروشن.
٤- گرتنا سەرتراشخانە.
٥ – گرتنا وێنەگریا، ئەو ستودیویێن کارێ ئاهەنگ و بونەیان دکەن.
٦- گرتنا وان جهێن کورسیکا و خیفەتا ددەنە ب کرێ بۆ ئاهەنگا و شەهیانا و تازیا .
٧ – گرتنا وان جهێن ئامیرێن ئاهەنگا ددەنە ب کرێ.
٨ – گرتنا ئەو جهێن ،مخزن، خارنێ بو تازیا و داواتا و هەلکەفتا جێدکەن.
٩ – گرتنا جهێن جێکرنا لافیتا ،فلیکسێن،،ریکلامکرنێ.
پارێزگارێ دهوکێ راگەهاند ژی،ناهێلین کەس ب هێتە پارێزگەها دهۆکێ و ئەڤ بریارە هەمی ژبو سەکەفتنامەیە ل سەر زالبوونا ڤایرۆسێ کورونایێ.
سكرتێرێ گشتی یێ نه‌ته‌وه‌یێن ئێكگرتی: داخازا راگه‌هاندنا شه‌ری دژی ڤایرۆسێ كورونایێ دكه‌ت
هئه‌ڤرۆ نیوز:
سكرتێرێ گشتی یێ نه‌ته‌وه‌یێن ئێكگرتی داخازا راگه‌هاندنا شه‌ری دژی ڤایرۆسێ كورونایێ ل ته‌ڤایا جیهانێ دكه‌ت.
ئه‌نتونیو گوتێرس سكرتێرێ گشتی یێ نه‌ته‌وه‌یێن ئێكگرتی د په‌یامه‌كێدا راگه‌هاند: هه‌ر چه‌نده كورونا زۆر به‌ر به‌لاڤ بوویه، لێ هێشتا ل بن كۆنترۆلێ ده‌رنه‌كه‌تیه و ئه‌گه‌رێ ژناڤبرنا وێ مایه.
ئه‌نتونیو گوتێرس داخاز ژ وه‌لاتان كر ب راگه‌هاندنا بارێ نه‌ئاسایی و به‌رهه‌ڤكاری بۆ ریب ری بوونا كورونایێ، شه‌رێ دژی ئه‌وی ڤایرۆسی بهێته راگه‌هاندن، چونكو مرۆڤایه‌تی ریب ری گه‌فا ساخله‌میێ بوویه كۆ د دیرۆكێ دا وه‌ك وێ نه‌بوویه.
به 75 ده‌فته‌ر دۆلار نه‌خۆشخانه‌یه‌كی نوێ كۆرۆنا دروست ده‌كرێت
ئه‌ڤرۆ نیۆز، عه‌زیو هه‌ورامی:
له قه‌زای كه‌لار له‌لایه‌ن سه‌رمایه‌دارانه‌وه له‌سه‌ر ڕوبه‌ری پێنچ هه‌زار مه‌تر زه‌وی سه‌رمایه‌داران نه‌خۆشخانه‌یه‌كی 70 قه‌روێڵه‌ی هاوشێوه‌ی نه‌خۆشخانه‌كه‌ی سلێمانی دروست ده‌كه‌ن.
حاجی ئه‌حمه‌د عه‌لی نوێنه‌ری بازرگانانی كه‌لار بۆ دروستكردنی نه‌خۆشخانه‌یه‌كی كۆرۆنا، به ئه‌ڤرۆ نیۆزی گۆت، ئه‌مڕۆ له ئیداره‌ی گه‌رمیان بازرگانان و خێرخوازان كۆبوینه‌وه بڕیاری دروستكردنی نه‌خۆشخانه‌یه‌كی 70 قه‌روێڵه‌ییماندا به بڕی 75 ده‌فته‌ر دۆلار.
ناوبراو وتیشی، ئه‌و كۆمپانیاییه‌ی نه‌خۆشخانه‌كه‌ی سلێمانی دروستكرد، هاتووه ئاماده‌ی ده‌ربڕیوه نه‌خۆشخانه‌یه‌كی 70 قه‌روێڵه‌ی له كه‌لاریش دروست بكات، ئێستا له‌گه‌ڵیدا وتوێژ ده‌كه‌ین، له به‌یانیه‌وه ده‌ست به‌كارده‌بێت له ماوه‌ی 15 بۆ 20 ڕۆژی ئاینده نه‌خۆشخانه‌كه ده‌كرێته‌وه.
هه‌روه‌ها ئاماژه‌ی به‌وه‌كرد، نه‌خۆشخانه‌كه له‌سه‌ر ڕوبه‌ری پێنچ هه‌زار مه‌تر بنیات ده‌ندرێت و تاوه‌كو ئێستا 40 سه‌رمایه‌دار ئاماده‌ی ده‌ربڕیوه، به‌پاره هاوكاری دروستكردنی نه‌خۆشخانه‌كه‌بێت، 75 ده‌فته‌ر دۆلاری تێده‌چێت، له به‌بنیات نانی تاوه‌كو دابینكردنی ته‌واوی ئه‌جیزه ته‌ندروستییه‌كان.
نيشاندان
WP Facebook Auto Publish Powered By : XYZScripts.com