ئەڤرۆ نیوز:
چەندین وێنێن نۆشدار و تیمارکارێن چینی ل تۆرێن جڤاکی بەلافبووینە و تێدا دۆخێ نۆشدارێن چینێ نیشان ددەت.
میدیایێن نافخۆ یێن چینێ چەند وێنێن نۆشدار و تیمارکارێن باژێرێ وهان یێ چینێ بەلاڤکرینە، کو ئەو باژێرە ناڤەندا بەلاڤبوونا ڤایرۆسێ کۆرۆنا یێ یە، تێدا دێمێ وان فەرمانبەرێن کەرتێ ساخلەمیێ ژبەر ماسک و جلکێن پاراستنێ تێکچوویە.
لدووڤ راپۆرتێن میدیایی یێن وەلاتێ چینێ، نۆشدار و فەرمانبەرێن کەرتێ ساخلەمیێ هند مژوولن، کو کێمترین دەم بۆ پێدڤیێن سەرەکی یێن وەکو نڤستنێ و خوارنێ هەیە.
ئەڤرۆ نیوز:
پەیڤدارێ هاتنوچوونا هەرێمێ ڕاگەهاند، د سالا بوری پتری چار هزار و ٤٠٠ روودانێن هاتنوچوونێ ل هەرێما کوردستانێ رووداینە و ب ڤێ چەندێ ٥٧٥ کەسان ژیانا خۆ ژ دەستدایە.
ئەسعەد کەریم پەیڤدارێ هاتنوچوونا هەرێما کوردستانێ راگەهاندیە، کو ل سالا ٢٠١٩ دا پتری چار هزار و ٤٠٠ روودانێن هاتنوچوونێ ل هەرێما کوردستانێ دا رووداینە و ب ڤێ چەندێ ٥٧٥ کەسان ژیانا خۆ ژ دەستدایە و پتری شەش هزار و ٨٨ کەسان ژی بریندار بووینە.
دیارکر ژی، ب تنێ ل سالا بوری پتری دو ملیۆن و ٣٨٠ هزار پێشێلکاری هاتینە تۆمارکرن، ژ وان ژی لەزاتی و بکارئینانا موبایلێ ب پلا ئێکێ و دویێ دهێن.
هەروەسا ل سالا بوری پتری ١٥٣ هزار تڕۆمبێل هاتینە تۆمارکرن و هژمارا تڕۆمبێلان ژی ل هەرێما کوردستانێ دا زێدەت
ئەڤرۆ نیوز:
نێچیرڤان بارزانی سەرۆکێ هەرێما کوردستانێ راگەهاند: بکارئینانا توندوتیژیێ ل دژی خۆنیشاندەران ل عیراقێ شەرمزار دکەین و خۆنیشاندانا ئاشتیانە مافەکێ دستوری و رێ پێدایە.
نێچیرڤان بارزانی سەرۆکێ هەرێما کوردستانێ د پەیامەکێ دا دیار کر: خۆنیشاندانا ئاشتیانەیا سڤیل مافەکێ دستوری و رێ پێدایە، کوشتنا خۆنیشاندەران و بکارئینانا هێزێ بۆ ترساندن و بەلاڤەپێکرنا وان تاوانەکا زق و بەرتەسککرنا ئازادی و مافێن دستوریێن وەلاتیانە و بکارئینانا توندوتیژیێ ل دژی خۆنیشاندەران شەرمزار دکەین.
گۆتیە ژی، داخوازا راگرتنا وان توندوتیژی و ڕەفتارێن نەڕەوا دکەین و پشتەڤانیا خۆ بۆ داخوازیێن ڕەوایێن خۆنیشاندەران دوپات دکەین، هەروەسا پێدڤیە هەموو ژ وێ یەکێ تێبگەهن کو ئاریشە و نەڕازیبوون و داخوازیێن خەلکی نە ب هێزێ و تەپەسەرکرنێ دهێنە بێدەنگکرن و نە چارەسەر دبن.
هەروەسا دیار کریە، بۆ دوماهی ئینان ب ئاریشان، داخواز دکەین هەر چی زوویە پرۆسا پێکئینانا کابینا نوو بهێتە ئێکلا کرن.
ئەڤرۆ نیوز:
ل گوندێ کۆرمۆر یێ سەر ب ناحیا قادرکەرەم ڤە ل قەزا چەمچەمال شۆفێرێن سێ تڕۆمبێلێن بارهەلگر هاتنە ڕەڤاندن، کو تڕۆمبێلێن وان هێک تێدابوون ژ ئالیێ هێزەکا نەناسیار ڤە هاتنە رەڤاندن.
هەر چەندە هێزێن پۆلیسێن وێ ناحیێ گەهشتنە جهێ بوویەرێ، لێ ب تنێ تڕۆمبێل ل وی جهی مابوون و شۆفێر تێدا نەمابوون، نەهاتیە زانین کانێ ئەو شۆفێڕە بۆ کیژ جهی هاتینە ڕەڤاندن.
ئەڤرۆ نیوز، عەلی حاجی :
ئەڤرۆ پێنجشەمبی دەمژمێر ٨:٠٠ شەڤ ل شوقێن دەلال ل باژێرێ زاخۆ کچەکا ژ ئاسانسورەکا شووقەکێ دکەڤیت ئکێسەر گیانێ خوە ژ دەست دەت.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گوت : ئەو روودان ل دەمژمێر ٨:٣٠ێ شەڤێ روودا دەما زاروویەکا کچ دژیێ ١٢ سالیێ دا ب ناڤێ ( ئە،ک) ژ ئاسانسورەکا شوقێن دەلال ستی دکەڤیت و ژ برینا وێ یا دژوار هەر ل وی جهی گیانێ خوە ژ دەست دایە و تەرمێ وێ کچێ بۆ نۆشداریا داد هاتیە رەوانە کرن و تیمەکا نۆشداران پشکنین ل سەر تەرمێ وێ زاروویێ کرینە ل دور گیان ژ دەست دانا وێ .
ئەڤرۆ نیوز:
ئەڤرۆ پێنجشەمبی (دانەغاز – کریسنت پترۆلیۆم) روونكرنەک دەربارەی بەرهەمئینانێ ل کۆرمۆر بەلاڤە كریە و دوپات كریە كو ب تەمامى شیاینە بەرهەمئینانێ دەست پێ بکەنەڤە.
گۆتیە ژی تیمێن مە یێن راهێنان پێکری ل سەر بەرسنگ گرتنا ب لەز ل مەیدانا ڤی پرۆژەی د خۆجهن، شیان دەست بجهـ ئێستگەهێ چێکەن، شیان ئاگری ڤەمرینن و چ زیانێن گیانى نەبوون، کو ب ئەگەرێ کێشەکا تەکنیکی روودا بوو، نوکە ب تەمامی غاز دهێتە بەرهەم ئینان.
هەروەسا ئێستگەها غازا کۆرمۆر بۆ ماوێ 11 سالان بەردەوام غازێ بۆ هەرێما کوردستانێ دابین دکەت.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د دو روودانێن ترافیکێ دا شەش کەس بریندار بوون.
ناڤهاتی زێدەتر گۆت: ئەڤرۆ پێنجشەمبی 2020/2/6 ل دەمژمێر 12:50 ل سەر جادا سێمێل_دۆمیز و ل نێزیک وار ڤین ستی، دو ترۆمبێلان لێکدا و ئێك ژ وان ژ جورێ کەیا سورينتو، یا دیتر ژ جورێ ئۆپل، د ئەنجامدا دو کەس بریندار بوون، زێدەباری هندێ زیانێن مادی ب هەردو ترۆمبێلان کەفتن.
ئەو ژی گۆت: هەر ئەڤرۆ ل دەمژمێر 12:30 ل سەر جادا سێمیل_فەیدیێ و ل نێزیک گوندێ گەرانی، دو ترۆمبێلان لێکدا و ئێك ژ ژ وان ژ جورێ هوندا و یا دیتر ژ جۆرێ ره ف کرێ بوو، د ئەنجامدا چار کەس بریندار بوون، زیدەباری هندێ زیانێن مادی ژی ب هەردو ترۆمبێلان کەفتن.
ئەڤرۆ نیوز:
سەرۆک بارزانی، پەیامەک بەلاڤکریە و تێدا دیار کریە داخوازێ ژ حوکمەتا عێراقێ دکەین ئەرکێ خۆ ل هەمبەری رێگرتن ژ خوین رێژتنێ جێبەجێ بکەت، هەروەسا، پشتەڤانیا خوە بۆ داخوازیێن ڕەوایێن خۆنیشاندەرێن عێراقێ دوپات دکەین.
بناڤێ خودایێ بەخشندە و میهرەبان
گەلەک دلگرانین ل سەر زێدەبوونا توندوتیژیێ و بوویەرێن خوینا وی یێن چەند ڕۆژێن بوری یێن بەغدا و نەجەف، گەلەک ب توندی خوینڕێتن و کوشتن و بکارئینانا توندوتیژیێ ل دژی خۆنیشاندەران شەرمزار دکەین.
داخوازێ ژ حکومەتا عێراقێ و دامودەزگەهێن فەرمی و پەیوەندیدار کر، ئەرکێ خۆ لسەر ڕێگرتن ژ خوینڕێتن و پاراستنا گیانێ وەلاتیان و خۆنیشاندەران جێبەجێ بکەن، پێدڤیە ئالیێن سیاسی ژی بۆ گەهشتن ب چارەسەریێ، ب زمانێ عەقل و مەنتق سەرەدەریێ ل گەل وێ قەیرانا کوور دا بکەن کو بەروکێ عێراقێ گرتیە.
هەر ل ڤێرێ پشتەڤانیا خۆ بۆ داخوازێن ڕەوا یێن خۆنیشاندەران و وەلاتیان دوپات دکەین، سەرەخۆشیێ ژی ژ کەسوکارێن قوربانیان و شەهیدێن بوویەرێن ڤان داویان یێن عێراقێ دکەین و هیڤیا باشبوونا بلەز بۆ برینداران دخوازین.
مەسعود بارزانی
6ی 2ی 2020
ئەڤرۆ نیوز:
باسکێ سەدری دیار کر، سەرکردەکێ وان ل باژێرێ بەسرا ژ ئالیێ چەند چەکدارێن نەنیاس ڤە تەقە لێ هاتیەکرن و هاتیە کوشتن.
سەعد مالکی بەرپرسێ راگەهاندنا باسکێ سەدری راگەهاند، ئەڤرۆ پێنجشەمبێ ٦ شواتا ٢٠٢٠ێ حازم حلفی سەرکردێ هێزا سەرایا سەلام یا سەر ب باسکێ سەدری فە، ل،سەر رێیا محەمەد قاسم یا رۆژئاڤایێ بەسرا، د دەما چوونێ بۆ بۆ سەر کاری ژ ئالیێ چەند چەکدارێن نەنیاس ڤە هاتیە کوشتن.
هەروەسا ئاشکرا کر، تیرۆرکرنا حازم حلفی ب دو فیشەکان بوویە کو ب سەر یەک لێداینە و کوشتیە.
ئه‌ڤرۆ نیۆز، عه‌زیز هه‌ورامیی:
فه‌رمانده‌یه‌كی باڵای هێزی پێشمه‌رگه‌ی كوردستان هۆشداری ده‌دات له‌وه‌ی به‌ڕۆشتنه ده‌ره‌وه‌ی هێزی هاوپه‌یمانان له عێراق ئه‌وه سوپاس و حه‌شدی شه‌عبی توانای ڕوبه‌ڕوبونه‌وه‌ی گروپه چه‌كداره‌كانیان نییه له‌ماوه‌ی شه‌ش مانگ هێزێكی نوێ تیرۆرستی پڕچه‌ك دروستده‌كرێت.
لیوا ڕوكن ڕه‌شید عه‌بدولكه‌ریم،فه‌رمانده‌ی هێزی پێشمه‌رگه كوردستان،به ئه‌ڤرۆنیۆزی ڕاگه‌یاند:” ئه‌گه‌ربێت و هێزی هاوپه‌یمانان عێراق به‌جێ بهێڵن و ئه‌وكات هیچ ئاماده‌گییه‌كیان نابێت بۆ ڕوبه‌ڕوبونه‌وه‌ی گروپه تیرۆرستییه‌كان، شه‌ش مانگ ناخایه‌نێت دۆخێكی ئاڵۆز له عێراق دروست ده‌بێت”.
ناوبراو ئاماژه‌ی بۆ ئه‌وه‌شكرد:” داعش پاشماوه‌كانی ماوه جوڵه‌ی دروستبوونی گروپێكی ترهه‌یه و زانیارییمان لایه هێزێكی سه‌ربازیان ده‌بێت به‌ناوی سوفیانێ ته‌واوی گروپ و ڕێكخراوه تیرۆرستییه‌كانی تر له چوارچێوه‌ی ئه‌و ڕێكخراوه نوێییه كۆده‌كه‌نه‌وه، ته‌واوی به‌رپرسانی ڕێكخراوه‌كانی تر له‌ناو ده‌برێن”.
زیاتر وتی:” هێزه عێراقییه‌كان توانای كۆنتڕۆڵكردن و ڕوبه‌ڕوبونه‌وه‌یان له‌گه‌ڵ گروپه تیرۆرستییه‌كان نییه، ناچارده‌بن به‌رده‌وام داوای هاوكاری له وڵاتانی ده‌وروبه‌ر و ڕوسیا و ئه‌مریكا بكه‌ن بۆ ئه‌وه‌ی له ڕوبه‌ڕوی بونه‌وه‌ی تیرۆرستان هاوكاری بكرێن.
فه‌رمانده‌كه‌ی هێزی پێشمه‌رگه ده‌ڵێ، هێزه‌كانی حه‌شدی شه‌عبی گروپی سه‌ربه‌حزبه‌كانن له نه‌بوونی هێزی هاوپه‌یمانان له ناوچه‌كه شه‌ڕی ناوخۆی خۆیان هه‌ڵده‌گیرسێنن و هیچ كات ئاماده‌نین فه‌رمانه‌كانی سه‌رۆك وه‌زیرانی عێراق جێبه‌جێ بكه‌ن، بۆیه ڕۆشتنه ده‌ره‌وه‌ی هێزی هاوپه‌یمانان له عێراق گرفتێكی گه‌وره‌ی ئه‌منی ڕو له عێراق ده‌كات”.
نيشاندان