ئەڤرۆ نیوز:
جۆتیار عادل پەیڤدارێ حوکمەتا هەرێما کوردستانێ راگەهاند کو دێ حوکمەت ل سەر پرۆژێ خوە یێ چاکسازیێ بەردەوام بیت، مخابن هندەک کەس و هێز ئاریشە دروست کرینە و ناهێلن غاز بگەهیتە وەلاتیان ل هەولێرێ و دهۆکێ.
فراکسیۆنا پارتی ل پەرلەمانێ کوردستانێ ژی ئەڤرۆ راگەهاند کو هندەک کەسێن مافیا ناهێلن غاز بگەهیتە وەلاتیان و ئاریشان بۆ خەلکی ل هەولێرێ و دهۆکێ دروست دکەن و ئەو یەک ژی ب چو رەنگەکێ ناهێتە قەبوولکرن و دڤێت یا پێدڤی ل دژی وان کەسان بهێتە کرن.
ئەڤرۆ نیوز، عەلی حاجی:
ل بەری دەمەکێ کێم ل نێزیک فەرماندا دهوک یا هێزێن پێشمەرگەیێ کوردستانێ ل دهوکێ ژ ئەگەرێ روودانەکا ترافیکی کەسەک ب گرانی بریندار دبیت.
شڤان بوسەلی شاهد حالێ روودانێ بۆ ئەڤرۆ نیوز گوت : ئەو روودان ل دەمژمێر ٢:٣٠ نیڤرۆ ل سەر جاددەیا پێگهور ل پشت فەرماندەیا دهوک دناڤبورا ترومبێلەکا شوفێرلێت رەنگێ رەش و مازدا رەنگێ سور و د ئەنجامێ وێ رودانێ دا شوفێرێ ترومبێلا مازدا ب گرانی بریندار دبیت و ئەگەرێن وێ روودانێ بۆ وێ چەندێ ڤەدگەریان شوفێرێ ترومبێلەکێ دڤیا هەڤرکیێ دگەل شوفێرێ ترومبێلەکا دیتر بکەت و پشتی گەهشتنا تیمێن ساخلەمیێ ئێکسەر بریندارێ وێ روودانێ بۆ نەخوشخانێ هاتە رەوانەکرن.
ئەڤرۆ نیوز:
ئه‌ڤرۆ ئێڤارى 2/ 2/2020 لدووڤ شیره‌تێن فه‌رهاد ئه‌مین ئه‌تروشى پارێزگه‌رێ دهوكێ 12كم دن یێن رێكا روڤیا گوپال ل هه‌مبه‌ر وەلاتیان هاتنه ڤه‌كرن.
ئه‌ندازیار خه‌دیجه محەمەد ئەحمەد رێڤه‌به‌را رێك وپرا ل دهوكێ ل دۆر ڤه‌كرنا وان 12 كم رێكێ گوت: لدووڤ فه‌رمانا پارێزگارێ دهۆكێ ئه‌ڤرۆ رێكه‌فتى 2-2-2020 مه 12 كم دى ژرێكا سه‌ره‌كى یا دهوك هه‌ولێر ژ روڤیا بو گوپالى ڤه‌كرن ئه‌ڤێ پارچا رێكێ گرنگیا خو هه‌یه ژبۆ هاتنوچونا گشتى و روودانێن هاتنوچونێ دێ كێمتر لێ هێن هه‌روه‌سا وەلاتى بله‌ز تر دێ شێن هاتنوچونا دهوك و هه‌ولێر كه‌ن.
سه‌باره‌ت ڤه‌كرنا هه‌موو رێكێ رێڤه‌به‌را رێك وپرا ل دهوكێ گوت: درێژیا رێكێ ل سنورێ پارێزگه‌ها دهوكێ هه‌تا سه‌ر رووبارێ زێى 21كم و 200 مترن و 26م یا فره‌هه ورێژا گشتى یا ئه‌نجامدانێ گه‌هشتیه 87% ولدوڤ به‌رنامێ كارى هه‌تا 21-3-2021دێ ب دوماهى هێت لێ ئه‌م كارێ خو بله‌زتر ئه‌نجامده‌ین مه‌لبه‌ره رێكا ناڤبرى ل سنورێ پارێزگه‌ها دهوكێ دماوێ ئه‌ڤ ساله‌دا هه‌موو بكه‌ڤیته دخزمه‌تێ دائانكو ئه‌و (5) كم ماین ژى ل ئه‌ڤ ساله دێ ب دوماهى هێن.
به‌رێ بنیاتى ل روژا 3-10-2018بورێكا ناڤبرى هاتیه دانان وبه‌رى نوكه (5)كم رێكێ ل هه‌مبه‌ر هاولاتیان هاتبونه ڤه‌كرن وئه‌ڤرو 2-2-2020 دوازده كم دن ل هه‌مبه‌ر هاولاتیان هاتنه ڤه‌كرن وب توماكرنا ڤێ رێكا ستراتیجى یا جوت سایدى دناڤبه‌را دهوك وهه‌ولێر هاتن وچون دێ بله‌زتر هێته ئه‌نجامدان ورودان ژى دێ كێمتر لێ هێن پروژه ل سه‌ر بودجا حكومه‌تا هه‌رێما كوردستانێ وژلایێ گروپێ داڤین گروپ بكوژمێ (80) ملیون دولاران دهێته ئه‌نجامدان.
ئه‌ڤرۆ نیوز:
رێكخراوا وه‌لاتێن هنارتنا پترۆلێ ئوپیكێ راگه‌هاند: ئوپێكێ دڤێت تا هه‌یڤا حوزه‌یرانا بهێت كێمكرنا هنارتنا پترۆلێ درێژ بكه‌ته‌ڤه، ب ئه‌گه‌رێ كارتێكرنا ڤایرۆسێ كورونا رێژه‌یا داخوازیا پترۆلێ ژلایێ چینێ كێمتر بوویه.
ئوپیكێ ئه‌و چه‌نده ژی دیاركر داكه‌تنا بهایێ پترۆلێ ل ماوه‌یێ چه‌ند رۆژێن رابوری زه‌نگه‌كا ئاگه‌هداركرنێ یه بۆ ئوپێكێ تاكو پلانا راگرتنا بهایێ پترۆلێ دابنیت، چونكو ڤایرۆسێ كورونا كو ل چینێ و چه‌ندین وه‌لاتێن دی په‌یدا بوویه، كارتێكرن ل سه‌ر گه‌شه‌یا ئابووری هه‌یه و رێژا داخوازیا وه‌لاتان بۆ پترۆلێ كێم بوویه.
رێكه‌فتنا ئوپێك ل گه‌ل روسیا بۆ پلانا كێمكرنا هنارتنا پترۆلێ بجهـ بكه‌ت، ده‌مێ كێمكرنا ته‌مام و ریكخراوێ نوكه درێژكرنا ماوه‌یێ درێژكرنا هنارتنێ بۆ هه‌یڤا حوزه‌یرانا بهێت شرۆڤه دكه‌ت.
ئه‌ڤرۆ نیوز:
به‌نكا ناڤه‌ندا چینێ راگه‌هاند: ب مه‌به‌ستا به‌رهنگاربوونا ڤایرۆسێ كورونا ل چینێ 174 ملیار دۆلار ئێخستنه بازاری و 156 ملیار دۆلار دابینكرن بۆ پشته‌ڤانیا ڤه‌ژاندنا كه‌رتێ ئابووری.
لگوری ئاژانسا رویته‌رز، به‌نكا ناڤه‌ندا چینێ د راگه‌هاندنه‌كێ دا به‌لاڤكریه ب 174ملیار دۆلاران ئێخته بازاری ب مه‌به‌ستا به‌رهنگاربوونا بلاڤبوونا ڤایرۆسێ كورونا د وی وه‌لاتی دا، كۆ ب ئه‌گه‌رێ ئه‌ڤی ڤایرۆسی زێده‌تری 14 هه‌زتر تووشبوی هاتینه توماركرن، ژمارا ئه‌و كه‌سێن ب ئه‌گه‌رێ ڤایرۆسی مرین گه‌هشتیه 3304 كه‌سان.
ب ئه‌گه‌ری ڤایرۆسێ كورونا ل چینێ پرانیا وه‌لاتان گه‌شتێن خو بۆ ئه‌وی وه‌لاتی راوه‌ستاندینه بڤێ ژی مه‌ترسیه‌كا مه‌زن بۆ سه‌ر كه‌رتێ ئابووری دروست كریه، كو وه‌لاتێ دوێ یێ جیهانێ یه ژروویێ ئابووری ڤه، ب بهایێ 156 ملیار دۆلاران دابین دكه‌ت بۆ ڤه‌ژاندنا كه‌رتێ ئابوورێ وه‌لاتی.
ئه‌ڤرۆ نیوز، عه‌لی حاجی :
نوونه‌رێ قاممقامیا زاخۆ د داخویانیه‌كێ دا بۆ ئه‌ڤرۆ نیوز دیار كر نوكه دا چ گه‌رێن دی یێن به‌لاڤ كرنا گازا سپی ل زاخۆ نینن و ئه‌م به‌رده‌وام په‌یوه‌ندیێ داینه دگه‌ل رێڤه‌به‌ریا به‌لاڤكرنا سوته‌مه‌نی و كانزایێ ل پارێزگه‌ها دهوكێ .
زێده‌تر نیشان بوغوس گۆت : پشتی به‌لاڤ كرنا دو گه‌رێن گازا سپی ل زاخۆ ب سه‌ر زێده‌تری حه‌فت هزار خێزانان ل هنده‌ك گه‌ره‌كێن ل سالا بوری به‌هرا خوه یا گازا سپی وه‌رنه‌گرتین و ئه‌ڤ ساله به‌رها خوه یا گازا سپی وه‌رگرتین و هێشتا گه‌ره‌كا دا یا به‌لاڤ كرنا گازا سپی مایه ل سه‌ر وان خێزانێن ل سالا بوری به‌هرا خوه وه‌رنه‌گرتین و ئه‌ڤرۆ ژی مه په‌یوه‌ندی ب رێڤه‌به‌ریا گشتی یا به‌لاڤ كرنا سوته‌مه‌نی و كانزایێ ل پارێزگه‌ها دهوكێ كری یه به‌لێ بۆ مه دیار كرن هه‌تا نوكه چ گازه‌كا سپی ل به‌ر ده‌ست نینه بۆ به‌لاڤ كرنێ .
ناڤهاتی زێده‌تر گۆت : هه‌ر ده‌ما گازا سپی گه‌هشته ده‌ستێ مه ئێكسه‌ر دێ ده‌ست ب به‌لاڤ كرنا وێ كه‌ین ژبه‌ر كو وه‌رزێ ئه‌ڤ ساله‌یێ زڤستانێ وه‌رزه‌كا ساره ژبه‌ر هاتنا پێلێن ئێك ل دووڤ ئێكێ یێ به‌فر و بارانان .
ئه‌ڤرۆ نیۆز، قائید میرۆ
چه‌ند رۆژه‌كه ئاریشه‌یا نه‌بوون و بلندبوونا بهایێ غازێ ل باژێڕێ هه‌ولێرێ په‌یدابوویه و قایمقامێ هه‌ولێرێ ژی دبێژیت، هژماره‌كا چه‌كداران رێكێ ناده‌ن غاز بگه‌هیت.
نه‌به‌ز عه‌بدولحه‌مید، قایمقامێ قه‌زا هه‌ولێرێ بۆ ئه‌ڤرۆ نیۆز دیاركر” دوهی رۆژا شه‌مبی ئاریشه‌یا كێمیا غازێ هاتیه چاره‌سه‌ركرن ئینانا غازێ ب كۆمپانیه‌كادی هاتیه‌دان، به‌لێ هه‌ر دوهی هژماره‌كا چه‌كداران خودانێ كۆمپانیێ ره‌ڤاندیه و گه‌ف لێكرینه.
نه‌به‌ز عه‌بدولحه‌مید دبێژیت” داخوازێ ژ سه‌رۆكایه‌تی جڤاتا وه‌زیران دكه‌ین بۆ چاره‌سه‌ركرنا ئاریشا نه‌بوونا غازێ ل هه‌ولێرێ، چونكه نابیت وه‌لاتی باجا هنده‌ك كه‌سان بده‌ن یێن دخوازن رێگریێ بكه‌ن ل گرێبه‌ستا كۆمپانیا ڤه‌گوهاستنا غازێ.
ئه‌ڤرۆ نیوز:
وه‌زاره‌تا پترۆلا عیراقێ ته‌ڤایا فرۆتنا پترۆلا ل سالا 2019 راگه‌هاند زێده‌تری ملیاره‌ك و 250 ملیۆن به‌رمیلێن پترۆلێ فرۆتی نه و داهاتێ وان بوویه 80 ملیار دۆلار.
وه‌زاره‌تا پترۆلێ ئه‌و چه‌نده ژی دیاركر ل سالا 2019 ملیاره‌ك و 287 ملیۆن و 196 هه‌زار به‌رمیلێن پترۆلێ ره‌وانه‌ی بازاری كرینه، كۆمپانیێن چینی و هندی دیارترین كریارێن پترۆلا عیراقی نه.
ته‌ڤایا هنارتنا پترۆلا عیراقێ د هه‌یڤه‌كێ دا 107 ملیۆن و 266 هه‌زرا به‌رمیلێن پترۆلێ بوون، بڤێ چه‌ندێ د رۆژه‌كێ دا سێ ملیۆن و 460 هزار به‌رمیلێن پترۆلی هنارتینه بازاری.
وه‌زاره‌تا پترۆلا عیراقێ ئه‌و چه‌نده ژی دازانین كۆ ئه‌و پترۆلا ل 2019 دا فرۆتی، ب بهایێ 78 ملیار و 27 ملیۆن دۆلاران بوو، ئه‌ڤه ژی ته‌ڤایا داهاتی د هه‌یڤه‌كی دا دگه‌هته شه‌ش ملیار و 543 ملیۆن دۆلاران و ته‌ڤایا بهایی هه‌ر به‌رمیله‌كا پترۆلێ 61 دۆلار و شه‌ش سه‌نت بوون.
ئەڤرۆ نیوز ، مەحمود نهێلی:
رێڤەبەرێ ساخلەمیا قەزا ئامێدیێ دیار کر، دێ دو هۆلێن نەشتەرگەریان ل دووڤ ستاندەردێن جیهانی ل نەخوەشخانا ئامێدیێ هێنە جێکرن و ل ڤان نێزیکان دێ دەست ب کاری هێتە کرن.
دکتور شاکر عەبدولعەزیز، رێڤەبەرێ ساخلەمیا قەزا ئامێدیێ بو ئەڤرۆ نیوز دیار کر، کو دێ هەردو هۆلێن نەشتەرگەریان ل نەخوشخانا ئامێدیێ هێنە خراب کرن و ل جهێ وان دێ هۆلێن نوو ب رەنگەکی باش ومودێرن هێنە چێکرن و تەڤایا کەلو پەلان و کەرەستەیێن پێدڤی ل دووڤ ستاندەردان دێ بو هێنە دابیکرن.
گۆت : ئەڤ پرۆژەیە بۆ کۆمپانیەکێ دەرکەفت و ژلایێ رێکخراوەکا ئیتالی ڤە کوژمێ ٦٥۰ هزار یورو بو هاتینە تەرخانکرن و ل نێزیک دێ دەست بکاری هێتەکرن. و ئاشکرا کر، هەیڤانە دورێن ٥۰ نەشتەرگەریا ل نەخوشخانا ئامێدیێ دهاتنە ئەنجامدان لێ هەردەمەکی ئەڤ هولێن نوو کەفتنە د خزمەتا هاولاتیان و نەخوەشان دا دێ وان شیانێن ئەنجامدانا رێژەکا پتر یا نەشتەرگەریان هەبیت و ب رەنگەکی باشتر و خزمەتەکا پتر بیت.
ئه‌ڤرۆ، هۆشه‌نگ تاجر:
د هه‌ڤدیتنا شاندێ ئه‌نجوومه‌نێ نشتیمانی یێ كوردی ل سووریێ ل گه‌ل جێگرێ وه‌زیرێ ده‌رڤه یێ روسیا، بۆگدانۆڤ داخواز ژ شاندێ ئه‌نه‌كه‌سێ كر كو ل گه‌ل ئالیێن دی یێن كوردی ئێكه‌تیا خوه دروست بكه‌ن و به‌ری نها نوونه‌رێ ئه‌مریكا و فره‌نسا ژی هه‌مان داخوازی ژ هێزێن كوردی یێن رۆژئاڤایێ كوردستانێ كربوون.
مسته‌فا جومعه ئه‌ندامێ مه‌كته‌با سیاسی یا پارتی دیموكراتی كوردستان/ سووریێ بۆ ئه‌ڤرۆ دیار كر كو د هه‌ڤدیتنا جێگرێ وه‌زیرێ ده‌رڤه یێ روسیا ل گه‌ل شاندێ ئه‌نه‌كه‌سێ، روسیا پشته‌ڤانیا خوه بۆ مافێن ره‌وا یێن گه‌لێ كورد ل سووریێ دیار كریه و داخواز ژ هه‌ڤالێن ئه‌نه‌كه‌سێ ژی كریه كو ل گه‌ل په‌یه‌دێ و ته‌ڤده‌مێ ئاریشێن د ناڤبه‌را خوه دا چاره‌سه‌ر بكه‌ن و ئێكه‌تیا خوه دروست بكه‌ن.
ناڤهاتی راگه‌هاند كو به‌ری نها د هه‌ڤدیتنا شانده‌كێ ئه‌نجوومه‌نێ نشتیمانی یێ كوردی ل گه‌ل جێمز جێفری نوونه‌رێ ئه‌مریكا بۆ كاروبارێن سووریێ ژی جێفری هه‌مان داخوازی ژ ئه‌نجوومه‌نێ نشتیمانی یێ كوردی ل سووریێ كربوو.
چاڤدێرێن سیاسی دیار دكه‌ن كو ئه‌مریكا و روسیا هه‌ر ئێك ژ بۆ به‌رژه‌وه‌ندیێن خوه كار بۆ چاره‌سه‌ركرنا قه‌یرانا نها ل سووریێ دكه‌ن، هه‌ر دو وه‌لاتێن زلهێز ژی دزانن هه‌تا كورد نه‌گه‌هنه مافێن خوه یێن ره‌وا قه‌یرانا سووریێ ژی ناهێته چاره‌سه‌ركرن، ژ به‌ر هندێ ژی داخواز ژ هه‌ر دو هێزێن كوردی ئانكو ئه‌نجوومه‌نێ نشتیمانی یێ كوردی ل سووریێ و ته‌ڤده‌مێ دكه‌ن كو ئاریشێن د ناڤبه‌را خوه دا چاره‌سه‌ر بكه‌ن، هه‌كه كورد ل رۆژئاڤا خوه‌دان ئێك هه‌لویست بن دێ هێزێن جیهانی ژی شێن پتر هاریكاریا كوردان كه‌ن، لێ هه‌تا ناكۆكیێن كوردان هه‌بن ئه‌و یه‌ك دێ ئاسته‌نگیان ل هه‌مبه‌ر هاریكاریا هێزێن جیهانی ژی بۆ كوردان دروست كه‌ت.
ل ئالیێ دی به‌ری نها محه‌مه‌د عه‌لی ئه‌ندامێ مه‌كته‌با سیاسی یا پارتی دیموكراتی كوردستان/ سووریێ ژی بۆ ئه‌ڤرۆ دیار كربوو كو ئه‌و ب هه‌موو ره‌نگه‌كێ كار بۆ ئێكه‌تیا هێزێن كوردی ل رۆژئاڤایێ كوردستانێ دكه‌ن، لێ دڤێت په‌یه‌ده هنده‌ك پێنگاڤێن به‌رچاڤ ب هاڤێژیت و ب كریاری كار بۆ چاره‌سه‌ركرنا ئاریشێن ل رۆژئاڤایێ كوردستانێ بكه‌ت، چونكو هه‌تا نها ژی هه‌لویستێ په‌یه‌دێ خزمه‌تا چاره‌سه‌ریا پرسێن ل رۆژئاڤایێ كوردستانێ ناكه‌ت، ژ به‌ر هندێ ژی ئه‌و چاڤه‌رێ نه كو بابه‌تێ ڤه‌گه‌را پێشمه‌رگێن رۆژ بهێته ئێكلا كرن و هه‌روه‌سا چو ئاسته‌نگی ژی ل هه‌مبه‌ر خه‌باتا پارتێن سیاسی ل رۆژئاڤایێ كوردستانێ نه‌هێنه دروست كرن.
ناڤهاتی دیار ژی كربوو كو راسته هه‌تا نها په‌یه‌دێ گه‌له‌ك سۆز داینه لێ ب كریاری چو نه‌هاتیه كرن و هه‌كه ب كریاری پێنگاڤێن به‌رچاڤ نه‌هێنه هاڤێتن دێ ره‌وش وه‌كو خوه بیت و چو گوهۆرین ژی روو ناده‌ن.
ئه‌و یه‌ك د ده‌مه‌كێ دایه كو حه‌فتیا بۆری مه‌زلوم عه‌بدی فه‌رماندارێ گشتی یێ هێزێن سووریا دیموكرات راگه‌هاند كو گه‌له‌ك پێشڤه‌چوونێن باش ل رۆژئاڤایێ كوردستانێ دروست بووینه و ئه‌و نها به‌رهه‌ڤیان بۆ گێرانا كۆنفرانسێ رۆژئاڤایێ كوردستانێ دكه‌ن و دیار كر كو وان دڤێت هه‌موو پارتێن سیاسی یێن رۆژئاڤایێ كوردستانێ د كۆنفرانسێ رۆژئاڤا دا پشكدار بن و هه‌روه‌سا داخواز ژ هه‌موو پارتێن سیاسی یێن رۆژئاڤایێ كوردستانێ ژی كر كو پێكڤه لیژنه‌كێ ئاڤا بكه‌ن و وه‌سا ل گه‌ل شامێ یان ژی هه‌ر ئالیه‌كێ دی ده‌ست ب دانوستاندنان بكه‌ن.
چاڤدێرێن سیاسی یێن رۆژئاڤایێ كوردستانێ ژی دیار دكه‌ن كو هه‌لویستێ مه‌زلوم عه‌بدی گه‌له‌ك باشه و دڤێت هه‌ر دو جڤاتێن كوردی یێن رۆژئاڤایێ كوردستانێ ژی پشته‌ڤانیێ ل بزاڤێن مه‌زلوم عه‌بدی بكه‌ن، چونكو د ره‌وشا نها یا هه‌ستیار دا دڤێت هه‌موو ئالیه‌ك بۆ ئێكه‌تیا هێزێن كوردی ل رۆژئاڤا كار بكه‌ن.
نيشاندان