ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ئەڤرۆ ل گەل میخائیل بۆگدانۆڤ جێگرێ وەزیرێ دەرڤە یێ روسیا کۆمبوو و د کۆمبوونێ دا بەحسێ رەوشا عیراقێ، دەڤەرێ و هەرێما کوردستانێ هاتە کرن.
جێگرێ وەزیرێ دەرڤە یێ روسیا ئەڤرۆ ب سەرەدانەکێ گەهشتیە هەرێما کوردستانێ و ل گەل سەرۆکێ هەرێما کوردستانێ و سەرۆکێ حوکمەتێ کۆمبوو و نها ژی ل گەل سەرۆک بارزانی د کۆمبوونێ دایە.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل گەل میخائیل بۆگدانۆڤ جێگرێ وەزیرێ دەرڤە یێ روسیا کۆمبوو.
د کۆمبوونێ دا بەحسێ رەوشا دەڤەرێ و ئالۆزیێن ل عیراقێ و بابەتێ دیارکرنا سەرۆک وەزیرەکێ نوو بۆ عیراقێ هاتە کرن و جێگرێ وەزیرێ دەرڤە یێ روسیا پشتەڤانیا وەلاتێ خوە بۆ ئارامیا عیراقێ دیار کر و هێڤی خواست کو ئاریشێن د ناڤبەرا هەرێما کوردستانێ و عیراقێ دا ژی بهێنە چارەسەرکرن.
د پشکەکا دی یا کۆمبوونێ دا بەحسێ رەوشا سووریێ ژی هاتە کرن و سەرۆکێ هەرێما کوردستانێ پشتەڤانیا بۆ خوە چارەسەرکرنا قەیرانا سووریێ دیار کر کو تێدا مافێن گەلێ کورد بهێنە گەرەنتیکرن و رەوشا سووریێ ژی ب گشتی ئاسایی ببیت.
ئه‌ڤرۆ نیوز:
د نووترین كارڤه‌دان دا، برایان براكینز، په‌یڤدارێ هێزێن ئه‌سمانی یێن ئه‌مریكی د داخۆیانیه‌كا رۆژنامه‌ڤانی دا راگه‌هاند كو وه‌لاتێ وی پێدانا چه‌كی و مووشه‌كێن فرۆكێن F16 بۆ عیراقێ راگرت.
برایان براكینز گۆت ژی”هه‌ر ده‌مێ ره‌وشا ئه‌منی ل عیراقێ به‌ر ب باشتر بچیت، دێ ئه‌مریكا ده‌ست ب هنارتنا چه‌كی بۆ عیراقێ كه‌ت”.
په‌یڤدارێ هێزێن ئه‌سمانی یێن ئه‌مریكی ئاماژه ب وێ چه‌ندێ ژی كر كو دووماهی كاروانێ چه‌كی كو ئه‌مریكا بۆ له‌شكرێ عیراقێ هنارتی ل رۆژا 14/11/2019 بوو.
ئه‌و چه‌ك و مووشه‌كێن ژلایێ ئه‌مریكا ڤه دهێنه دان بۆ عیراقێ، ل دووڤ رێككه‌فتنه‌كێ بوو د ناڤبه‌را هه‌ردو وه‌لاتان كو ل هه‌یڤا گۆلانا 2016 ب بهایێ ئێك ملیار و 800 ملیۆن دۆلاران هاتیه ئیمزاكرن.
ژ لایه‌كێ دی ڤه، رۆژناما (وول ستریت جۆرنال) یا ئه‌مریكی د راپۆرته‌كا خوه دا ل سه‌ر عیراقێ ئاماژه ب وێ چه‌ندێ كر كو هه‌ردو وه‌زاره‌تێن ده‌رڤه و به‌رگریا ئه‌مریكی مژوولی پلانه‌كێ نه بۆ كێمكرنا هاریكاریێن له‌شكری بۆ عیراقێ.
به‌لاڤكر ژی”هه‌كه هات و بریارا په‌رله‌مانێ عیراقێ ل دۆر ده‌ركرنا هێزێن ئه‌مریكی و بیانی ژ عیراقێ هاته بجهئینان، ئه‌مریكا دێ هاریكاریێن خوه بۆ هێزێن عیراقی ل سالا 2020 ب گۆژمێ 250 ملیۆن دۆلاران كێم كه‌ت”.
كه‌ریم علێوی، ئه‌ندامێ لژنا ئاسایش و به‌رگریێ ل په‌رله‌مانێ عیراقێ ل دۆر وی بابه‌تی راگه‌هاند” هه‌تا نوكه چو نڤیسار نه‌گه‌هشتینه مه ل دۆر راگرتنا ئه‌مریكا بۆ هاریكاریێن له‌شكری بۆ هێزێن عیراقی و ئه‌م یێ ل ژڤانێ دووپاتكرنا ڤی ده‌نگوباسی یان ره‌تكرنا وی ژلایه‌نێن په‌یوه‌ندیدار “.
گۆت ژی”زیاندارا مه‌زن ژ ڤێ بریارا دێ ئه‌مریكا ب خوه بیت و چو كارتێكرن ل عیراقێ نابیت، ژبه‌ركو چه‌ك ب هێزێن عیراقێ دهێته دان به‌رامبه‌ر گۆژمێن دراڤی یێن مه‌زن، گه‌له‌ك وه‌لاتێن دی یێن هه‌ین كو عیراق دشێت رێككه‌فتنێن كرینا چه‌كی دگه‌لدا ئیمزا بكه‌ت”.
پێشتر ژی دۆنالد ترامپ سه‌رۆكێ ئه‌مریكا گه‌فێن ژناڤبرنا ئابوورێ عیراقێ كربوون و دیاركر بوو هه‌كه بریارا ده‌ركرنا هێزێن ئه‌مریكی ژ عیراقێ بهێته بجهئینان، دێ هه‌موو پارێ عیراقێ ل به‌نكا فیدرالی یا ئه‌مریكی راگریت.
ئه‌ڤرۆ، بارزان مزووری:
كلارا عودیشو، سه‌رۆكا لیستا ئه‌نجومه‌نێ گه‌لی كلدانی و سریانی و ئاشوری ل په‌رله‌مانێ كوردستانێ بۆ ئه‌ڤرۆ نیوز گۆت:مه هنده‌ك په‌رله‌مانتار ل په‌رله‌مانێ عیراقێ یێن هه‌ین ئه‌و كو ب ده‌نگێ شیعان بووینه په‌رله‌مانتار، به‌لێ نوونه‌راتیا مه‌سیحیان ناكه‌ن.
كلاراییێ زێده‌تر گۆت” هه‌رسێ په‌رله‌مانتارێن مه‌سیحی یێن سه‌ر ب لیستا (بابلیون) ب هزاره‌ها ده‌نگێن شیعا ل نه‌جه‌ف و كه‌ربه‌لا بووینه په‌رله‌مانتار و دبێژن حوكمه‌ت یا شیعایه وئه‌و نه‌شێن كێشه و پێتڤیێن مه‌سیحیان دابین بكه‌ن. ل حوكمه‌تا به‌غدا مه مه‌سیحیان چ پوستێن مه‌زن نینن ب تنێ هنده‌ك رێڤه‌به‌رێن فه‌رمانگه‌هێن بچووكن هه‌رچه‌نده په‌رله‌مانێ عیراقێ و حوكمه‌تێ د نها دا چ گرنگیا خو نه‌مایه ژبه‌ر وێ چه‌ندێ ره‌وشا مه‌سیحیان ل به‌غدا یا خرابه”.
گۆت ژی” هه‌تا نها سه‌رژمێریا مه‌سیحیان ل عیراقێ یا دیار نینه، به‌لێ به‌ری 2003 نێزیكی دو ملیون مه‌سیحی ل عیراقێ هه‌بوون د نها دا تنێ نێزیكی 150 هزار یێن ماین ئه‌وژی هه‌موو ل كوردستانێ دژین رێژه‌كا كێم زڤرینه ده‌شتا مووسلێ لبن ده‌ستهه‌لاتداریا پێشمه‌رگه‌ی دانه ود ره‌وشه‌كا باش دا دژین، وه‌لاتیێن مه‌سیحی ل به‌غدا نه‌ماینه ئه‌وێن ماین رێژه‌كا گه‌له‌ك كێمن وپتریا وان دانعه‌مرن وكچ و كورێن وان هه‌موو ل كوردستانێ و ده‌رڤه‌ی عیراقێ نه ئه‌ڤه ئه‌و مه‌سیحی نه یێن خودان ملك و ئوتێل و كارگه‌هێن مه‌زن و هه‌تا نها نه‌فرۆتینه و یێ بزاڤێ دكه‌ن وان ملكێن خوه بفروشن وئه‌وژی عیراقێ بهێلن ژبه‌ركو ئه‌و خوه‌نیشادانێن به‌غدا گه‌له‌ك زیان ب مه‌سیحیان گه‌هاندیه و ره‌وشا ئه‌منی گه‌له‌ك یا خرابه”.
ئه‌ڤرۆ نیوز:
رۆژنامه‌كا سعودی به‌لاڤكر كو ئه‌مریكا دانوستاندان ل گه‌ل هه‌رێما كوردستانێ دكه‌ت ب مه‌ره‌ما دانانا بنگه‌هێن سه‌ربازی و زێده‌كرنا سه‌ربازێن خوه ل هه‌رێمێ.
رۆژناما شه‌رقولئه‌وست ژ زارێ چه‌ند به‌رپرسێن رۆژئاڤایی” هنده‌ك پێشنیاز بۆ زێده‌كرنا هه‌بوونا له‌شكرێ یێن هه‌ین، ژوان ژی هه‌ر دانوستاندنه‌كا ل گه‌ل به‌غدا بهێته ئه‌نجامدان دڤێت ل سه‌ر پرسێن دی ژی بهێنه كرن نه تنێ بیاڤێ له‌شكری، به‌لكو ل دۆر په‌یوه‌ندیێن ئابووری ژی، زێده‌باری هاندانا قۆلپا ناتۆی كو رۆله‌كێ كاریگه‌رتر د شه‌رێ دژی داعشێ دا هه‌بیت”.
دیاركر ژی” ژ وان پێشنیازان، ئه‌نجامدانا دانوستاندنان ل گه‌ل سه‌رۆكایه‌تیا هه‌رێما كوردستانێ ل دۆر دانانا بنگه‌هێن له‌شكری ل نێزیك سلێمانیێ و ل باشوورێ هه‌ولێرێ و ل نێزیك هه‌له‌بجه و زێده‌كرنا هژمارا سه‌ربازێن ژ 500 سه‌ربازان بۆ دو هزار سه‌ربازان، زێده‌باری وان پێنج هزار سه‌ربازێن ل عیراقێ ب خوه هه‌ین”.
وێ رۆژناما ل سه‌ر زارێ هژماره‌كا دبلۆماتكاران به‌لاڤكر ژی كو نوكه هه‌بوونا له‌شكری یا ئه‌مریكی ل رۆژئاڤایێ عیراقێ و ل رۆژهه‌لاتا سووریێ یا هه‌ی، ژ به‌ركو پتریا هێزێن ئه‌مریكی ئه‌وێن ژ رۆژهه‌لاتا فوراتێ ل ده‌ستپێكا ئه‌ڤ ساله هاتینه ڤه‌كێشان، ل هه‌رێما كوردستانێ ماینه و هژمارا سه‌ربازێن ئه‌مریكی ل نێزیك بیرێن په‌ترۆلێ ژ هزار سه‌ربازان بووینه 500 سه‌رباز”.
ژلایه‌كێ دی ڤه لایه‌نێن سیاسی یێن شیعی د به‌رده‌وامن ل سه‌ر داخوازا ڤه‌كێشانا هێزێن ئه‌مریكی ژ عیراقێ، ریاز مه‌سعودی، ئه‌ندامێ په‌رله‌مانێ عیراقێ ژ لیستا سائیروون راگه‌هاند” عیراق پێدڤیه ب هه‌بوونا بنگه‌هێن له‌شكری یێن ئه‌مریكی نینه و پێدڤیه لایه‌نێن سیاسی له‌زێ بكه‌ن د ده‌ستنیشانكرنا سه‌رۆكێ نوو یێ وه‌زیران تاكو حوكمه‌تا داهاتی بشێت بریارا په‌رله‌مانێ عیراقێ یا ده‌ركرنا هێزێن بیانی و ب تایبه‌تی یێن ئه‌مریكی بجهبینیت و نه‌خشه رێیه‌كێ بۆ بجهئینانا وێ بریارێ دانیت”.
ناڤبری دیاركر” ئه‌م ل عیراقێ نوكه پێتڤی نینین ب هه‌بوونا بنگه‌هێن له‌شكری یێن ئه‌مریكی و بیانی و ده‌ركه‌فتنا وان ژ عیراقێ یا گرنگه و پێدڤیه لایه‌نێن سیاسی ل سه‌ر كه‌سایه‌تیه‌كی بۆ پۆستێ سه‌رۆَكێ وه‌زیران ب رێككه‌ڤن تاكو حوكمه‌ته‌كا ب هێز پێك بینیت كو ئه‌و حوكمه‌ت بشێت بریارا په‌رله‌مانی ل دۆر ده‌ركرنا هێزێن بیانی بجهبینیت و عیراق نه بیته مه‌یدانا شه‌رێ هه‌رێمایه‌تی”.
ئەڤرۆ نیوز:
شوکرو یەعیتیر، د ژیێ 57 سالیێ دایە و ئەڤە چەندین سالە ل یانا عومەرلی سپۆر یا تورکی ل گەل نەڤیێ خوە یێ 18 سالی یاریێ دکەت.
کەنالێ Ntv Spor یێ تورکی بەلاڤە کریە، کو وی زەلامێ د ژیێ 38 سالیێ دا یاری بۆ وێ یانێ کریە و کاپتن و سەرۆکێ وێ یانێ یه، هەروەسا وی شەش کور و دو نەڤی هەنە و ئێک ژ نەڤیێن وی ب ناڤێ ئیسماعیل دەمیرتاش ل گەل وی پێکڤە یاریێ بۆ وێ یانێ دکەن.
نوکە شوکرو د ژیێ 57 سالیێ دایە و وی دڤێت هەتا ژیێ 61 سالیێ یاریێ بکەت، هەروەسا ژ وی دەمێ وی دەست ب یاریکرنێ کرە، چ جاران تووشی هنگافتنێ نەبوویە.
ئەڤرۆ نیوز:
وەزارەتا كارەبا حوکمەتا ھەرێما كوردستانێ بڕیار دایە سەرجەم زێدەگاڤیێن سەر كارەبێ ببریت و سزایی بدەتە وان كەسان ژی، یێن کو ب شێوەکێ نە قانوونی كارەب راكێشایی.
حسێن محەمەد، رێڤەبەرێ گشتی یێ کارەبا ھەولێرێ دبێژیت : ژ %٤٠ ئەو کارەبا دهێتە بەرهەمئینان ب هەروە دچیت، بەلێ ب بڕینا زێدەگاڤیان دێ گرفتا كێمیا كارەبێ هەتا رادەکێ باش هێتە چارەسەر کرن.
ل سەر ئاستێ ھەرێما کوردستانێ ملیۆنەك و ٥٧٠ ھزار ھەڤبەشێن کارەبێ ھەنە، رۆژانە وێستگەهێن کارەبێ ٣ ھزار و ٥٠٠ مێگاواتان هەتا ٣ ھزار و ٨٠٠ مێگاواتان بەرھەمد د ئینن، به‌لێ ب ئەگەرێ زێدەگاڤیێن سەر كارەبێ و سەرپێچیان ژ %٤٠ یا وێ كاره‌با به‌رهه‌مهاتی ب هەروە دچیت، بەرپرسێن وەزارەتا کارەبێ ژی دبێژن: ب نەهێلانا سەرپێچیان: دێ نێزیکی ٩٠٠ مێگاواتێن کارەبێ ڤەگەرن، کو کاریگەری ل سەر زێدەکرنا دەمژمێرێن پێدانا کارەبێ بۆ وەلاتیان هەبیت.
ئەڤرۆ نیوز:
وەزارەتا بەرگریا تورکیا راگەهاند، دێ ب توندی روو ب روو لەشکەرێ سووریا بین، هەکە نێزیکی خالێن چاڤدێریا لەشکەرێ تورکیا ل ئیدلبێ ببن.
وەزارەتا بەرگریا تورکیا ل سەر دوماهی پێشهاتێن ئیدلبێ و هێرشێن لەشکەرێ سووریا بۆ سەر وی باژێری راگەهاندنەک بەلاڤکر و ئاماژە ب هندێ دا، هێرشێن سۆپایێ سووریێ بووینە ئەگەرێ کوشتنا خەلکێ سڤیل و کارەساتێن مرۆڤی رووداینە.
گوتیە ژی، دێ روو ب روو سۆپایێ سوریا بین و دێ ب توندی بەرسڤا هەر هێرشەکێ دەین، کو ل نیزیک بنگەهـ و خالێن چاڤدێریێن سۆپایێ تورکیا ل ئیدلبێ بهێتە کرن.
ئەڤرۆ نیوز:
پشتی ئەڤرۆ کۆمبوونا حوکمەتا هەرێمێ و وەبەرهێنەران، جۆتیار عادل، پەیڤدارێ حوکمەتا هه‌رێما كوردستانێ بۆ میدیایان راگه‌هاند، کو حوکمەتا هەردەم دێ پالپشتیا وەبەرهێنەران کەت و ئاماژە ب هندێ دا، کو ئەو کۆممبوونە بۆ دروستکرنا هەماهەنگیێ بوو.
هه‌وره‌سا گوت ژی: وان ب ئاشکرایی ب وەبەرهێنەران گوتیە، پێدڤیە پابه‌ندی قانوونا بن و بەرەف وێ ئارمانجانێ بچن، یا کو حوکمەتێ ل دەستپێکا دەست ب کاربوونێ دیار کری.
ئەڤرۆ نیوز:
دۆنالد ترەمپی سەرۆکێ ئەمریکا راگەهاند، ئەو ل هەمبەری پێنگاڤەکا مەزنا ئاشتیێ دانە و ئیسرائیلێ ژی پێنگاڤێن مەزن بۆ ئاشتیێ هاڤێتینە و فەلەستینی و ئیسڕائیل ژی هەژی ژیانەکا باشترن.
د پرێس گۆنفرانسەکێ دا، سەرۆکێ ئەمریکا گۆت، ئارمانجا سەرەکی یا وان د ڤی پرۆژەی دا ئاشتییەکا ڕاستەقینەیە، دیسان ئەز بۆ هندێ نەهاتیمە هەلبژارتن داکو خوە ژ بڕیارێن دژوار ڤەشێرم.
دۆنالد ترەمپ ڕاگەهاند ژی، دێ کارکەین بۆ ئاڤاکرنا دەولەتەکێ بۆ فەلەستینێ و بۆ پێکڤە گرێدانا جوگرافیا ئاخا فەلەستینێ و پێدڤیە خوە ژ تیرۆرێ بپارێزن، هەروەسا قودس دێ بیتە پایتەختا دابەشنەکری یێ ئیسرائیلێ.
ترەمپی دازانین ژی، ئەو نەخشە رێیە دێ ٥٠ ملیار دۆلاران بۆ فەلەستینیان ب دەستڤەئینیت و دێ هەژاریێ کێم کەت.
نيشاندان