ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا رێژێن جودا يێن باران بارينێ ل هه‌رێما كوردستانێ هاتينه تۆماركرن و ل دووڤ ڤى خشتێ ل خوارێ دياركرى:
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
به‌فر و باران دێ دووباره بارن
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى دهێته پێشبينيكرن ئه‌سمان ببيته ئه‌ور و ل پشتى نيڤرۆ باران بباريت و ل ده‌ڤه‌رێن چيايى ژى به‌فر.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو سوبه‌هى رۆژا ئێكشه‌مبى رێكه‌فتى 29ى كانوونا ئێكێ 2019 دهێته پێشبينيكرن ئه‌سمان ببيته ئه‌ور و ل پشتى نيڤرۆ باران بباريت و ل ده‌ڤه‌رێن چيايى ژى به‌فر.
پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه و ناڤه‌ندى بيت ناڤبه‌را 5 بۆ 15كم بيت و مه‌ودايێ ديتنێ ژى دێ 6 بۆ 8كم بيت. نزمترين پلا گه‌رماتيێ دێ 6 پله بيت و بلندترين پله ژى دێ 10 بيت.
مه‌سرور بارزانى په‌يامه‌كا پيرۆزباهيێ ئاراسته‌ى ئێكه‌تى نيشتمانى كوردستان دكه‌ت
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ ئه‌ينيێ 27/12/2019، ب هه‌لكه‌فتا ب دووماهى هاتنا كۆنگرێ چارێ يێ ئێكه‌تى نيشتمانى كوردستان، په‌يامه‌كا پيرۆزباهيێ ئاراسته‌ى سوركردايه‌تيا ئێكه‌تيێ كر.
مه‌سرور بارزانى د په‌ياما خوه دا گۆت” پيرۆزباهيا سه‌ركه‌فتنا كۆنگرێ چارێ ل به‌رێزان ئه‌ندامێن جڤاتا سياسى يا بلند وجڤاتا گشتى يا سه‌ركردايه‌تيێ و هه‌موو ئه‌ندامێن ئێكه‌تى نيشتمانى كوردستان دكه‌م، هيڤيدارم ئه‌ڤ كۆنگره ببيته ده‌ليڤه‌ك بۆ خزمه‌تكرنا پرسێن نيشتمانى و هه‌روه‌سا پشته‌ڤانيا زێده‌تر بۆ حوكمه‌تا هه‌رێما كوردستانێ، بۆ وێ چه‌ندێ بشێن پێكڤه خزمه‌ته‌كا هه‌ژيترا خه‌لكێ هه‌رێما كوردستانێ بكه‌ين و داكۆكيێ ژى ژ مافێن خوه يێن دستوورى بكه‌ين”.
خوارنێن دوهنی ب تنێ نابنە ئەگەرێ قەلەویێ
ئەڤرۆ نیوز ، زنار تۆڤی:
د. ئیسرا کەمال نۆشدارا هناڤا و نشتەرگەریێن گشتی، دیار کر: ب تنێ خوارنێن دوهنی نابنە ئەگەرێ قەلەویێ، بەلکو ئەو خوارن و ڤەخوارنێن کو هەر رێژەکا خوارنێ ژ پێدڤیا لەشی زێدەتر بیت، دێ بیتە ئەگەرێ قەلەویێ، ڤێجا چ ژێدەرێ وێ چەوری بیت یان پرۆتین یان کاربۆهیدرات یان ڤەخوارنێن کحولی یان هەر تشتەکێ دیتر بیت.
ناڤهاتیێ گۆت ژی: ل ئەمریکا د ڤان ۳٠ سالێن دوماهیێ دا رێژا ب کارئینانا دوهنێ زێدەکری بۆ خوارنێ ب رێژەکا بەرچاڤ هاتیە خوار، لێ هەر رێژا قەلەویێ بەرەف زێدەبوونێ دچیت، هەروەسا ڤەخوارنێن گازی هیچ رێژەکا دوهنی تێدا نینە، لێ لدووڤ ڤەکۆلینان ژێدەرێ سەرەکی یە بۆ قەلەویێ، لەوما دەمێ مە ڤیا خوارنێ بخوین و کێشا مە زێدە نەبیت، دڤێت هزر ل سەرجەمێ وێ خوارنێ بکەین یاکو ئەم دخوین، کا جۆر و رێژە و شێوازێ لێنانێ یێ چاوایە؟، دیسا کانێ ئەو خۆارنە زێدەترە ژ پێدڤیا رۆژانە یا لەشی یان نە.
ئەرێ گەرمكرنا ترومبێلێ یا گرنگە؟
ئەڤرۆ نیوز ، زنار تۆڤی:
گەلەك ژ شۆفێران بەری ترومبێلا خوە بهاژون، بتایبەتی د وەرزێ زڤستانێ دا، بۆ چەند خۆلەکان ترومبێلا خوە گەرم دكەن و وەسا هزر دكەن ئەڤ چەندە بۆ بزوێنەرێ ترۆمبێلێ یا باشە. د ڤی واری دا تریسی نوبلز، رێڤەبەرا كاروبارێن گشتی ل دەستەیا ترومبێلێن ئەمریكی دبێژیت: ترومبێلێن ڤی سەردەمی ژ ترومبێلێن بەری 15 ـ 20 ساڵان گەلەک پێشكەفتی ترن، لەوما وی سەردەمی پێدڤی بوو ترۆمبێل بهێتە گەرمكرن، بەلێ نوكە ب تنێ شۆفێری پێدڤی ب 30 چركان هەیە پشتی بکارخستنێ ترومبێلێ بهاژوت، نەخاسمە هەکە ژیێ ترومبێلێ ژ 10 سالان كێمتر بیت. نوبلز زێدەتر دبێژیت: ترومبێلێن نوکە ب رێكخستوكێن كارەبایی بۆ كاركرنا بزوێنەری و پاڵدانا سوتەمەنیێ هاتینە دروستكرن، لەوما د هەر سەقایەكێدا بیت، بزوێنەر زوو سوتەمەنیێ وەردگریت و پێدڤی ب چاڤەرێبوونێ ناکەت، هەروەسا دوپات دكەت ژی، ب تنێ 30 چركە بەسن پشتی بکارخستنێ، شۆفێر ترومبێلێ بهاژوت.
ب وێنه… رێ و ره‌سمێن جه‌ژنا حه‌زره‌تێ مه‌سيح ل دهۆكێ
فه‌رمانا دامه‌زراندنا مامۆستايێن گرێبه‌ست دێ هێته ده‌ركرن
ئه‌ڤرۆ نيوز:
ل ده‌ستپێكا سالا نوو سه‌رۆكايه‌تيا جڤاتا وه‌زيران دێ فه‌رمانا دامه‌زراندنا مامۆستايێن گرێبه‌ست ده‌ركه‌ت.
ژێده‌ره‌كێ به‌ربرس ژ وه‌زاره‌تا په‌روه‌ردێ راگه‌هاند” برياره ل ڤان نێزكان فه‌رمانا دامه‌زراندنا مامۆستايێن گرێبه‌ست بهێته ده‌ركرن”.
هه‌روه‌سا عه‌بدلحه‌كيم خسرۆ، سه‌رۆكێ فه‌رمانگه‌ها هه‌ماهه‌نگيێ و پێداچوونێ ل جڤاتا وه‌زيران بۆ باسنيوز گۆت” ل سالا نوو فه‌رمانا دامه‌زراندنا مامۆستايێن گرێبه‌ست دێ هێته ده‌ركرن و مامه‌لێن دامه‌زراندنێ دێ بۆ هێنه ب رێڤه‌برن و ئه‌ڤ بابه‌ته دێ ب دووماهى هێت”.
ل رۆژا 6/11/2019 سه‌رۆكايه‌تيا جڤاتا وه‌زيران ل هه‌رێما كوردستانێ بريار دابوو ب دامه‌زراندنا مامۆستايێن گرێبه‌ست كو هژمارا وان شه‌ش هزار كه‌سن و ده‌مێ كاركرنا وان وه‌كو گرێبه‌ست وه‌كو خزمه‌ت دێ بۆ هێته هژمارتن.
بزانە دێ کەنگی گه‌را دووێ یا گازا سپی ل زاخۆ هێتە بەلاڤ کرن
ئەڤرۆ نیز،عەلی حاجی :
نونەرێ قایممقامیا زاخۆ بۆ ئەڤرۆ نیوز دیار کر پشتی ب دوماهی هاتنا بهێنڤەدانا سەرێ سالا نوو ٢٠٢٠ێ دەست ب بەلاڤکرنا گه‌را دووێ یا گازا سپی دناڤ سەنتەرێ زاخۆ دا هێتە کرن .
زێدەتر نیشان بوغوس گوت : نوکە دا گەرا ئێکێ یا بەلاڤ کرنا گازا سپی ل سەر وان ١٦ برێکارێن هاتینە دەست نیشان کرن ب دوماهی هات کو ئەو پلێتێن د گەرا ئێکێ دا هاتینە بەلاڤ کرن دبوونە چار هزار پلێت و گەرا ئێکێ ب دوماهی هات،ژبەر کو پلێتێن گازا سپی ل پارێزگەها دهوکێ بۆ هەژمارەکا دیترا برێکارێن گازا سپی نەهاتینە چاپ کرن دێ گەرا دووێ پشتی دەست پێکرنا دەواما فەرمی ل دەست پێکا سالا نوو هێتە بەلاڤ کرن ژبەر کو دێ پلێت هێنە چاپ کرن و ل دووف دا دێ وان پلێتان ل سەر هەژمارەکا برێکارێن دیتر بەلاڤ کەین،ئەم ب هێڤی بوین د ماوەیێ بهێن ڤەدانێ ژی داگازا سپی بەلاڤ بکەین بەلێ ژبەر نەبونا پلێتان گەرا دووێ نەهاتە بەلاڤ کرن.
گوت ژی : گەرا دووێ دێ ل گەرکا فرقێ بیت و دگەل هندەک برێکارێن دیتر ل نەخوشخانا سەعید پیرانی و ژبەرکو هاولاتیێن ل ڤان تاخان بەهرا خوە یا گازا سپی ل سالا بوری وەرنەگرت بوون وبریارە ل سالا ٢٠٢٠ دا بەهرا خوە یا گازا سپی وەربگرن.
دەزگایێ بارزانی هەژمارەکا هاریکاریان بەلاڤ کرن
ئەڤرۆ نیوز،عەلی حاجی :
بەرپرسێ نڤێسینگەها زاخۆ یا دەزگایێ خێرخوازیێ بارزانی د داخویانیەکێ دا بۆ ئەڤرۆ نیوز راگەهاند ل هەیڤا ١٢ دا هندەک پێدڤیێن ئازوقەیی و پاقژکرنێ ل سەر هەژمارەکا هاولاتیان هاتنە بەلاڤ کرن و زێدەباری وێ چەندێ ژی هەژمارەکا ئامیرەیێن خودان پێدڤیێن تایبەت ژی هاتنە بەلاڤ کرن.
زێدەتر محەمەد مەهدی گوت : نڤێسینگەها زاخۆ یا دەزگایێ خێرخوازیێ بارزانی ب هەماهەنگی دگەل نڤێسینگەها هەوار هاتنا قەیرانان ئازوقە و کەل و پەلێن پاقژکرنێ ل سەر ٢٠٠ خێزانان بەلاڤ کرن کو بۆ هەر خێزانەکێ ٣٥ کێلویێن ئازوقەی پێک هات بون و هەر دیسان دەزگایی بارزانیێ نەمر ٣٠ کارتونێن ئازوقەیی ل سەر ٣٠ خودان پێدڤیێن تایبەت بەلاڤکرن و زێدەباری و چەندێ د بەردەوامیا هاریکاکرنا خودان پێدڤیێن تایبەت ١٠ ئامیرە ( عەرەبانێن ڤەگوهاستنێ) هاتنە بەلاڤ کرنێ و هەر د ناڤ کەمپێن باژێرێ زاخۆ دا چەندین خولێن فێرکرنێ و وەرزشی هاتنە ڤەکرن.
تیمێن 122 شوفێرەك ل چیایەكێ شێخان ژ مرنێ رزگاركر
ئەڤرۆ نيوز،بارزان مزووری:
سەروار نزار،هاریكارێ نوژداری ل تیما 122 قەسرۆك بۆ ئەڤرۆ نیوز گوت:ئەڤرۆ دەمژمێر سێشه‌مبى 24/12/2019 تیما مە هاته ئاگەهداركرن كۆ ترۆمبێلەكا بارهەلگر ل چیایێ چیاپانگی د ناڤبەرا سنورێن هەردو ناحیێن قەسرۆك و ئەترۆش وەرگەریا وشوفێر دناڤ دا ئاسێ مايه، ئێكسەر گەهشتین جهێ رویدانێ بۆ ده‌مێ ئێك دەمژمێر هەتا شیاین شوفێرێ ژناڤ ترۆمبێلێ دا بینەدەر و برینێن وى چارەسەربكەین وبۆ نەخوه‌شخانا تەنگاڤیان ل شێخان ڤەدگوهێزین،هه‌كه تیمێن مە د هەوارا وی شوفێری نەچوبان، دا دناڤ ترۆمبێلێ دا گیانێ خوه ژ دەست دەت،
ناڤهاتی خویاكر ئەو ترۆمبێلا بارهەلگر بارێ خوه باركربۆ دا چیتە چیایێ چیاپانك دگەهیتە نیڤا رێكێ ستوپ نامینیت ئێكسەر ترۆمبێل ژدەستا دەردكەڤیت و وەرگه‌ريت و زیانێن مەزن ب ترۆمبێلێ دكەڤن،
گوت ژى، شوفێرێ برينداربووى بناڤێ”عبدالرەحمان مەحموود رەشد” ژیێ وی 45 سالە ئاكنجیێ گوندێ زیناڤایە سەر ب ناحیا كەلەكچی ڤە.
نيشاندان
WP Facebook Auto Publish Powered By : XYZScripts.com