ئه‌ڤرۆ نيوز:

پشتى سه‌ره‌دانا ل گه‌ل هه‌ر ئێك ژ ئێكه‌تى نشتيمانى كوردستان و بزاڤا گۆڕان ل سلێمانيێ و ئه‌ڤرۆ ژى ل هه‌ولێر سه‌رۆكێ هه‌رێما كوردستانێ ل گه‌ل عه‌لى باپير ئه‌ميرێ كۆمه‌لا ئيسلامى كۆمبوو و پاش ژى ل گه‌ل مه‌كته‌با سياسى يا پارتى ديموكراتى كوردستان كۆمبوو.

مه‌ره‌م ژ ڤان سه‌ره‌دانا چێكرنا هه‌ڤده‌نگى و هه‌ماهه‌نگيێ يه‌ ل د ناڤبه‌را لايه‌نێن سياسى دا ل دۆر پرسێن چاره‌نڤيس ساز و بزاڤێ دكه‌ت ل گه‌ل لايه‌نێن پشكدار دحوكمه‌تێ دا و يێن ئۆپۆزسيۆن كۆم ببيت و ئه‌ڤ ره‌نگه‌ سه‌ره‌دانه‌ دێ د به‌رده‌وام بن.

ئه‌ڤرۆ نيوز، نيوار محه‌مه‌د سه‌ليم:

جڤاتا وه‌زيران دێ دووماهى پێشهاتنێن دانوستاندنان ل گه‌ل حوكمه‌تا عيراقێ و بابه‌تێ پيڤه‌رێ ئاڤێ ئه‌ڤرۆ گه‌نگه‌شه‌ كه‌ت.

بڕياره‌ ئه‌ڤرۆ ده‌مژمێر 11:00 ب سه‌رپه‌رشتيا مه‌سرور بارزانى سه‌رۆكێ جڤاتا وه‌زيران دێ كۆمبوونا حه‌فتيانه‌ يا جڤاتا وه‌زيران ب رێڤه‌ چيت.

بڕياره‌ د كۆمبوونا خوه‌ يا ئه‌ڤرۆ دا، جڤاتا وه‌زيران دانوستاندنێ ل سه‌ر دووماهى پێشكه‌فتنێن دانوستاندنێن ناڤبه‌را هه‌رێما كوردستانێ و حوكمه‌تا فيدرال تايبه‌ت ب ماف و شايستێن هه‌رێما كوردستانێ د بوودجێ 2020ێ دا گه‌نگه‌شه‌ بكه‌ت.

هه‌رديسا ته‌وه‌ره‌كێ دى يێ كۆمبوونێ دێ يێ تايبه‌ت بيت ب ميكانيزما رێكخستن و ڤه‌گه‌راندنا هه‌موو داهاتان بۆ وه‌زاره‌تا دارايى. ته‌وه‌رێ دووماهيێ ژى دێ دانوستاندن بيت ده‌رباره‌ى پرۆژێ پيڤه‌رێ ئاڤا مالان.

ئەڤرۆ نیوز:

نێچیرڤان بارزانی سەرۆکێ هەرێما کوردستانێ د چارچۆڤێ سەرەدانا خوە یا بۆ باژێرێ سلێمانیێ و کۆمبوونا ل گەل ئێکەتیێ و بزاڤا گۆران راگەهاند کو یا نها بۆ مە گرنگ ئەوە هێزێن کوردستانی ل بەغدا پێکڤە کار بکەن، چونکو هەکە ئەم پێکڤە کار بکەین دێ شێین دەستکەفتیان بپارێزین و بەرۆڤاژی هندێ دێ تووشی زیانێ بین.

سەرۆکێ هەرێما کوردستانێ دیار کر کو د چارچۆڤێ دروستکرنا هەڤپەیمانیا کوردستانی ل بەغدا ل گەل هەر دو جێگرێن خوە سەرەدانا بزاڤا گۆران و ئێکەتیێ کرینە و گۆت: (دێ پاشی سەرەدانا لایەنێن دی یێن سیاسی ژی کەین و ئارمانجا مە ئەوە ل بەغدا پێکڤە کار بکەین و وی دەمی دێ پێگەهێ هەرێما کوردستانێ ژی بهێز کەڤیت).

ئەڤرۆ نیوز ، زنار تۆڤی:

ئەڤرۆ سێشەمبی 26.11.2019 سەرۆکێ ھەرێما کوردستانێ نێچیرڤان بارزانی ل گه‌ل ھەردو جێگرێن خوە، مستەفا سەید قادر و جەعفەر شێخ مستەفا دێ سه‌ره‌دانا سلێمانیێ كه‌ن و دێ ل گەل چەندین ئالیێن سیاسی ل وێ پارێزگەھێ کۆم بن.

وەسا بریارە د وێ کۆمبوونێ دا سەرۆکێ ھەرێما كوردستانێ پرسێن راستڤەکرنا دستورێ عیراقێ و دۆخێ نوکە یێ عیراقێ پشکا هه‌رێمێ د بودجێ گشتی یێ عیراقێ دا و دروستکرنا ھەڤپەیمانیا کوردستانی و رەوشا ناڤخۆ یا ھەرێمێ ل گەل وان ئلیان گۆتوبێژ بکەن.