ئه‌ڤرۆ نيوز:

ئه‌ڤ شه‌ڤه‌ ب رێيا سێ مووشه‌كان هێرش ل سه‌ر هێزه‌كا له‌شكرێ ئه‌مريكى ل سه‌ربازگه‌ها تاجى ل باكوورێ به‌غدا هاته‌ كرن.

ده‌زگه‌هێن راگه‌هاندنێ يێن عيراقى به‌لاڤكر كو سێ مووشه‌كێن هاونان ئاراسته‌ى بنگه‌هێ له‌شكرى يێ ئه‌مريكى ل سه‌ربازگه‌ها تاجى هاتنه‌ كرن.

هه‌تا نوكه‌ ئه‌مريكا چو رۆهنكرن ل دۆر وێ هێرشێ نه‌داينه‌، هه‌رچه‌نده‌ كه‌نالێ (سومه‌ريه‌ نيوز) به‌لاڤكر كو چو زيانێن گيانى ژ ئه‌نجامێ وێ هێرشێ نه‌بوون.

ل دووڤ پێزانينێن كه‌نالێن عيراقى، دو مووشه‌ك كه‌فتينه‌ دناڤ بنگه‌هێ له‌شكرى يێ ئه‌مريكى دا و موشه‌كه‌ك كه‌فتيه‌ ده‌رڤه‌ى بنگه‌هى.

ئه‌ڤرۆ نیوز:

ئه‌ڤرۆ دوشه‌مبی 28/10/2019 په‌رله‌مانێ عیراقێ ده‌رماله‌ و ئیمتیازاتێن هه‌رسێ سه‌رۆكایه‌تیێن عیراقێ و هه‌موو به‌رپرسێن حكومى یێن بلند هه‌لوه‌شاندن.

ل دووڤ وێ بریارا په‌رله‌مانێ عیراقێ، هه‌موو ئیمتیازات و ده‌رمالێن سێ سه‌رۆكایه‌تیان ( سه‌رۆكاتیا كۆمارێ، سه‌رۆكاتیا جڤاتا وه‌زیران، سه‌رۆكاتیا په‌رله‌مانى) و هه‌موو ئیمتیازات و ده‌رمالێن ئه‌ندامێن په‌رله‌مانى، به‌رپرسێن مه‌زن، راوێژكاران، بریكارێن وه‌زاره‌تان، رێڤه‌به‌رێن گشتى، ده‌سته‌یێن سه‌ربخوه‌، ده‌ستهه‌لاتا دادوه‌رى، پارێزگاران، هه‌لوه‌شاندن.

هه‌روه‌سا په‌رله‌مانێ عیراقێ ئه‌ڤرۆ بریارا هه‌لوه‌شاندنا جڤاتێن پارێزگه‌هێن عیراقێ ده‌ركر كو پارێزگه‌رێن پارێزگه‌هێن عیراقێ راسپاردن بۆ ب رێڤه‌برنا كاروبارێن دارایى و كارگێرى هه‌تا جڤاتێن نوو یێن پارێزگه‌هێن دهێنه‌ هه‌لبژارتن.

په‌رله‌مانێ عیراقێ د راسپارده‌كێ دا داخوازا پێكئینانا لژنه‌كێ بۆ راستڤه‌كرنا دستوورێ عیراقێ د ده‌مێ چار هه‌یڤان دا به‌رچاڤكر.

ئه‌ڤرۆ نیوز:

رێبه‌رێ ره‌وتێ سه‌درى و لیستا سائیرون، موقته‌دا سه‌در ئه‌ڤرۆ داخوازیێن خوه‌ به‌رچاڤكرن و پشته‌ڤانی ژى ل خوه‌نیشاندهرێن عیراقى كر.

موقته‌دا سه‌در د په‌یامه‌كێ دا داخواز ژ عادل عه‌بدولمه‌هدى سه‌رۆك وه‌زیرێن عیراقێ كر كو ژڤانێ هه‌لبژارتنێن پێشوه‌خت رابگه‌هینیت.