ئه‌ڤرۆ نیو:

وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ چه‌ند بریاره‌كێن تایبه‌ت ب نه‌خوشیا ڤایرۆسێ كورونا دان.

بێگه‌ر تاله‌بانی وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ لژنه‌یه‌كا تایبه‌ت پێك ئینا، كۆ ئه‌و لژنه‌یه‌ كۆمبوو و چه‌ند بریاره‌ك دان و وه‌زیرا چاندنێ ژی ئیمزا ل سه‌ر ئه‌وان بریاران كر.

دناڤا ئه‌وان بریارا دا هاتیه‌، كۆ مه‌به‌ست ژێ پشت به‌ستن ب زانیاریێن رێكخراوا شاخله‌میا جیهانی و رێكخراوا ساخله‌میا ئاژه‌لی و رێكارێن لژنه‌یا بلندا رێگری ژ ڤایرۆسێ كوڤید -19 كۆ ب  (کۆرۆنا COVID-19 ) ل حكومه‌تا هه‌رێمێ، گرێدایی وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ ڤه‌ ژووره‌كا تایبه‌ت هاته‌ پیك ئینان ژ رێڤه‌به‌راتیێن گشتی یێن سامانێ ئاژه‌لی و ڤێتێرنه‌ری.

قه‌ده‌غه‌كرنا زینده‌وه‌رێن ئاڤی و  بالنده‌ و ئاژه‌لێن جوانیێ ژ ئه‌وان وه‌لاتێن لگۆری رێكخراوا ساخله‌میا جیهانی ڤایرۆسێ کۆڤید-19 کۆرۆنا COVID-19 ، په‌یدا بوویه‌ دناوا وان دا ژی ئیرانه‌.

هه‌وا ره‌شاندنا هۆلێن ئاژه‌لی و ئه‌و جهێن ئاژه‌ل و بالنده‌ تێدا دهێنه‌ فرۆتن، ئاگه‌هداركرنا نورینگه‌ه و جهێن كه‌رتین تایبه‌ت كۆ سه‌ره‌ده‌ریێ ل گه‌ل ئاژه‌لێن جوانیی دكه‌ن ب مه‌به‌ستا ره‌شاندنا جێن وان.

پێك ئینانا لژنه‌یه‌كا هه‌ڤپشك دناڤبه‌را رێڤه‌به‌راتیین ڤێتێرنه‌ری ل پارێزگه‌هان و ئێكه‌یێن ئیداری و فه‌رمانگه‌هێن ساخله‌میێ و ژینگه‌ه و لایه‌نێن په‌یوه‌ندیدار تایبه‌ت بڤی ڤایرۆسی، رۆژانه‌ دووڤچوونێن هیر بۆ زانیاریێن نوو بۆ به‌لاڤبوونا ڤایرۆسێ كورونا ل ئه‌وان وه‌لاتان په‌یدا دبیت، ژبوی بكار ئینانا رێكارێن قه‌ده‌غه‌كرن و هاوه‌رده‌كرنا ئاژه‌لان ژ وی وه‌لاتێ ڤایرۆس تێدا په‌یدا دبیت.

ئەڤرۆ نیوز:

رێبەر ئەحمەد وەزیرێ ناڤخوە یێ حوکمەتا هەرێما کوردستانێ دیار کر کو د کۆمبوونا وان ل گەل بەرپرسێن پارێزگەهێن هەرێما کوردستانێ بەحسێ گەلەک خالێن گرنگ هاتینە کرن و راگەهاند هندەک پێرابوونێن پێدڤی دێ هێنە وەرگرتن، ب تایبەتی ژی پشتی کو کۆرۆنا ل ئیرانێ بەلاڤبوویی و گۆت: (ل فرۆکەخانان، خالێن سنوری و دەڤەرێن دیتر دێ یا پێدڤی بۆ پاراستنا وەلاتیان هێتە کرن، هاتنوچوونێ دێ هێتە سنوردارکرن و هندەک کارێن دیتر دێ هێنە ئەنجامدان کو بێگومان ئەو یەک ژی بۆ پاراستنا وەلاتیێن هەرێما کوردستانێ یە).

وەزیرێ ناڤخوە ئەو یەک ژی دیار کر هەر کەسەک بزاڤێ بکەت ب رێیا ئاژاوەگەریێ دەلیڤە بۆ خوە دروست بکەت و کەلوپەلان گران بکەت دێ ب توندی سەرەدەری دگەل دا هێتە کرن.

وەزیرێ ناڤخوە یێ حوکمەتا هەرێما کوردستانێ ئەو یەک ژی دیار کر کو هەتا نها چو حالەتێن گوماناوی یێ کۆرۆنایێ ل هەرێما کوردستانێ نینن و داخواز ژ دەزگەهێن راگەهاندنێ ژی دکەین ل دەف خوە چو زانیاریێن شاش بەلاڤ نەکەن و گۆت: (هەر تشتەک هەبیت دێ ب رێیا وەزارەتا ساخلەمیێ بۆ وەلاتیان هێتە دیار کرن).