ئه‌ڤرۆ نيوز:
د راگه‌هاندنه‌كێ سۆپايێ توركيا ئاماژه ب وێ چه‌ندێ دكه‌ت كو ئامانجه‌كا پارتيا كرێكارێن كوردستانێ – په‌كه‌كه ل چيايێ گاره‌يى ل نێزيك ئامێديێ كريه ئارمانج و دو سه‌ركردێن وێ پارتيێ كوشتينه.
ب گۆره‌ى راگه‌هاندنه‌كا سۆپايێ توركيا، ئه‌و دو سه‌ركرده د ليستا سۆر يا داخوازكريان دا بووينه ب ناڤێن سێرڤه‌ت ئايدن و سۆلمه‌ز يه‌شار.
هه‌تا نها په‌كه‌كێ چو داخۆيانيه‌ك د ده‌رباره‌ى وێ هێرشا له‌شكرێ توركيا و ب ئارمانج گه‌هاندنا دو سه‌ركردێن خوه به‌لاڤ نه‌كريه.
ئه‌ڤرۆ نیوز:
په‌یڤدارێ وه‌زاره‌تا بازرگانى و پیشه‌سازى ل هه‌رێما كوردستانێ راگه‌هاند، ل هه‌رێما كوردستانێ سالانه دشێین زێده‌تر ژ 540 هزار ته‌نێن گه‌نمى عمبار كه‌ین و مه خواست یا هه‌ى بگه‌هینینه ملیۆن ته‌نان، هه‌روه‌سا ئاشكراكر كو بریاره پێنج سایلۆیێن نوو ل هه‌رێما كوردستانێ بهێنه دروستكرن.
فه‌تحى مه‌جید، په‌یڤدارێ وه‌زاره‌تا بازرگانى و پیشه‌سازى ل هه‌رێما كوردستانێ گۆت” ل دووڤ وێ پلانا هاتیه دانان، بریاره پێنج سایلۆیێن دى ل هه‌ولێرێ و دهۆكێ و سلێمانیێ بهێنه دروستكرن، كو هه‌ر سایلۆیه‌ك بشێت 40 هزار ته‌نێن گه‌نمى عمبار بكه‌ت، چونكى به‌رهه‌مێ چاندنێ ل هه‌رێما كوردستانێ زۆره و جهێن مه د كێم، له‌وما ئه‌و سایلۆ دێ هێنه دروستكرن بۆ وێ چه‌ندێ مه كێشه د وى بیاڤى دا نه‌مینن”.
ناڤبرى زێده‌تر بۆ مالپه‌رێ فه‌رمى یێ پارتى دیموكراتى كوردستان گۆت” ئه‌م پشكه‌كین ژ ئاسایشا خۆراكى و دخوازین پشكداریێ د وى بوارى دا بكه‌ین، د نوكه دا ل هه‌رێما كوردستانێ شه‌ش سایلۆ یێن هه‌ین و 540 هزار ته‌نێن گه‌نمى ب خوه‌ڤه دگرن، به‌لێ مه خواست یا هه‌ى بگه‌هینینه ملیۆن ته‌نان، وى ده‌مى مه كێشا گه‌نمى نامینیت، كو خواستا ئێكێ یا وه‌لاتیانه، له‌وما هه‌مه هه‌ر گرفته‌ك ژى روو بده‌ت، وى ده‌مى دى بۆ ده‌مێ چه‌ندین سالان ب وى گه‌نمێ عمباركرى خوه راگرین ئه‌ڤه ژى گاڤه‌كا گرنگه”.
ئه‌ڤرۆ نیوز:
رێڤەبەریا گشتی یا ساخلەمیێ ل پارێزگەها دهۆکێ رێنمایێن نوو بۆ نەخوه‌شێن ل نه‌خوه‌شخانا و بنگەهێن سەرەکی و پزیشکی داد دەركرینه.
رێنمایێن رێڤه‌به‌ریا گشتى یا ساخله‌میێ، ل دووڤ مالپه‌رێ نوش نیوز پێك دهێن ژ:
۱- پێدڤیە بۆ هەر نەخوه‌شەکێ ل نەخوه‌شخانێ دهێتە نڤاندن، کۆپیەک ژ کارتا نیشتمانی یان کۆپیەک ژ ناسناما بارێ کەسایەتی و پسۆلا خوراکی ب فایلا وى ڤە بهێتە هەڤپێچکرن.
۲- پێدڤیە باوەرناما مرنێ ژلایێ نۆشداریا داد د ده‌مێ 24 دەم هژمێران دا بهێتە رێکخستن.
ئه‌ڤرۆ نيوز:
وه‌زاره‌تا ساخله‌ميێ ل هه‌رێما كوردستانێ راگه‌هاند، ب پشكداريا نوونه‌رێن هژماره‌كا وه‌زاره‌تان، حوكمه‌تا هه‌رێمێ دێ فه‌رمانگه‌هه‌كا تايبه‌ت ب ده‌رمان و خۆراكى دامه‌زرينيت.
محەمه‌د قادر، په‌يڤدارێ وه‌زاره‌تا ساخله‌ميێ گۆت” نوونه‌رێ هه‌ر ئێك ژ وه‌زاره‌تا ناڤخوه و كواليتيا جۆره‌يى و خالێن گۆمركى دێ ل ێ فه‌رمانگه‌هێ دا پشكدار بن و دێ رۆلێ سه‌ره‌كى د ئيدارا فه‌رمانگه‌هێ دا هه‌بيت”.
گۆت ژى” ئارمانج ژ دروستكرنا وێ فه‌رمانگه‌هێ، رێكخستنا كه‌رتێ ده‌رمانى يه د ئينانێ دا و كواليتيێ و چاڤدێريا بهايان و ده‌ست ب سه‌ر داگرتنا ده‌رمانێن خراب و ئيكسپايه‌ر، هه‌روه‌سا چاڤدێريا كه‌رتێ خۆراكى ژ ئينانا وى ژ ده‌رڤه و فرۆشتن و كوالێتيا وى”.
ئاماژه كر” ژ روويێ كارگيرى ڤه ئه‌و فه‌رمانگه‌هه دێ ب سه‌ر وه‌زاره‌تا ساخله‌ميێ بيت”.
ئه‌ڤرۆ نيوز:
لیژنا دوفچوونا جوانکاری وسەنتەر وکلینیکێن جوانکاریێ ل قايمقامیا قەزا دهوکێ بریارا سزادانا جوانكاريا جيهان ب گۆژمه‌كێ پاره‌ى دا ژبەر هەبونا چەند بویاغا نینوکا یا ئکسپایر ونەهلاویستنا بهایێن جوانکاریێ.
هه‌روه‌سا لژنا ناڤبرى جوانكاريا خوناڤ ب گوژمەکێ پارەی سزادا، ژبەر نەبوونا مولەتا کارێ تاتوی، کو نابیت نوشدارێ ددانان کارێ جوانکاریا بوتس وفلر ولێزەر بکەت، كو بتنێ کارێ نوشدارى پیستی یە.
لژنا ناڤبرى جوانکاریا (MH) بۆ ده‌مێ 24 ده‌م هژمێران داخست، ژبەر ب سەرڤەچوونا مۆلەتا ساخلەمیێ.
د هه‌مان ده‌م دا لژنێ ده‌ستخوه‌شى ل جوانكاريا له‌يلا كر، ژبەر پێگریا وێ ب رێنمايێن ساخله‌ميێ.
ئەڤرۆ نیوز،عەلی حاجی :
ئەندامەكێ لژنا هەڤپشك یا سەر ب رێڤەبەریا ساخلەمیا زاخۆ ڤە د داخویانیەكێ دا بۆ ئەڤرۆ نیوز دیار كر ژ ئەگەرێ نەپێگریا خوارنگەهەكێ و ماركێتەكێ ب رێنمایێن رێڤه‌به‌ریا ساخله‌میا زاخۆ، ب كوژمەكێ پارەی هاتنه سزادان و بۆ ده‌مێ پێنج روژان هاتنە داخستن .
زێدەتر مەهدی رەمەزان گوت : ئەڤرۆ چار شەمبێ 23/10/2019 مە سەرەدانا چەندین جهێن بازرگانی ل زاخۆ كر و مە خوارنگەهەكەك بناڤێ (بابێ حەسەن) ى ب كوژمێ 150 هزار دیناران سزا دا ژبەر نەبوونا رێك وپێكیێ و نەپاقژیێ د ناڤ خوارنگەهێ دا، هه‌روه‌سا ماركتەك بناڤێ (ماركت ئاكرەیی) ب كوژمێ 50 هزار دیناران هاتە سزا دان وبۆ ده‌مێ پێنچ رۆژان هاتە داخستن ژبەر كو دناڤ وێ ماركتێ دا 120 كێلویێن كەرەستەیێن جورا و جور یێن ئیًكسپایەر دهه‌بوون”.
گۆت ژى” هەتا نوكە مە شیایە ب رێیا لژنا هەڤپشك زێدەتری 75% كونترولێ ل سەر جهێن بازرگانی بكه‌ین و رۆژانە ژی ئەم كارێ لێگەریانێ دكەین دناڤ بازاری دا و ئەڤ چەندە ژی پشتی كارێ مە یێ رۆژانە دهێتە ئەنجام دان”.
ئه‌ڤرۆ نیوز:
ئه‌ڤرۆ چارشه‌مبى 23/10/2019 جڤاتا وه‌زیرێن هه‌رێما كوردستانێ ب سه‌رپه‌رشتیا مه‌سرور بارزانى سه‌رۆكێ جڤاتا وه‌زیران و ب به‌رهه‌ڤبوونا قوباد تاله‌بانى جێگرێ سه‌رۆكێ جڤاتا وه‌یزران كۆمبوو.
ل ده‌ستپێكا كۆمبوونێ سه‌رۆكێ جڤاتا وه‌زیران ئاماژه كر كو ل رۆژێن داهاته و پشتى ب دووماهى هاتنا 100 رۆژێن كاركرنا كابینا نه‌هێ یا حوكمه‌تا هه‌رێما كوردستانێ، راپۆرته‌كا به‌رفرهه دێ هێته به‌لاڤكرن و تێدا دێ ئاماژه ب وان كار و پرۆژان هێته كرن كو هاتینه ئه‌نجامدان و ئه‌وێن دشیان دا نه‌بوون بهێنه ئه‌نجامدان ل گه‌ل رۆهنكرنا ئه‌گه‌رێن ئه‌نجام نه‌دانا وان، ل دۆر ڤێ چه‌ندێ سه‌رۆكێ جڤاتا وه‌زیران گۆت” حوكمه‌ت یا خه‌لكى یه و پێدڤیه د خزمه‌تا خه‌لكى دا بیت و مافێ وه‌لاتیانه بزانن حوكمه‌تێ هه‌تا نوكه چ كریه”.
پاشى سه‌رۆكێ جڤاتا وه‌زیران رۆناهى خسته سه‌ر گوهۆرینێن عیراقێ و ئاماژه ب وێ چه‌ندێ كر كو ئه‌م ل گه‌ل داخوازیێن ره‌وا و قانوونى یێن خه‌لكێ خوه‌نیشانده‌رێن عیراقێ نه، به‌لێ ب هیچ شێوه‌كى ل گه‌ل توندوتیژیێ دا نینین، ئه‌ڤجا ژ هه‌ر لایه‌كى بیت، پشته‌ڤانیێ ژى ل گاڤێن چاكسازیێ یێن حوكمه‌تا عیراقێ دكه‌ین، به‌لێ دخوازین وه‌لاتى ب شێوه‌كێ ئاشتیانه داخوازیێن خوه به‌رچاڤ بكه‌ن و داموده‌زگه‌هێن حوكمه‌تا عیراقێ ژى به‌رپرسیارانه به‌رسڤا داخوازیێن ئاشتیخوازانه یێن خوه‌نیشانده‌ران بده‌ن”.
هه‌روه‌سا گۆت” سه‌قامگیربوونا ره‌وشا عیراقێ د به‌رژه‌وه‌ندیا هه‌موو خه‌لكێ عیراقێ دا یه ب هه‌رێما كوردستانێ ژى ڤه، هه‌روه‌سا هیڤیدارین كێشێن د ناڤبه‌را هه‌رێما كوردستانی و حوكمه‌تا فیدرال ب گۆره‌ى دستوورى بهێنه چاره‌سكرن و به‌غدا به‌رسڤه‌كا ئه‌رێنى بۆ پێشنیازێن حوكمه‌تا هه‌رێما كوردستانێ بده‌ت”.
سه‌باره‌ت ره‌وشا رۆژئاڤایێ كوردستانێ و باكوورێ رۆژهه‌لاتا سووریێ ژى، مه‌سرور بارزانى نیگه‌رانیا خوه ژ ره‌وشا ل وان ده‌ڤه‌ران نیشان دا و ئاماژه ب ڤه‌رێژێن خراب بۆ سه‌ر هه‌رێما كوردستانێ كر كو هه‌تا نوكه زێده‌تر ژ 8 هزار په‌نابه‌ران ژ به‌ر وێ ره‌وشێ به‌ر ب هه‌رێما كوردستانێ هاتینه و دیاركر ژى كو حوكمه‌تا هه‌رێما كوردستانێ هه‌ر چ یا پێدڤى بیت بۆ هاریكاریا وان، دێ ئه‌نجام ده‌ت، به‌لێ پێدڤی ب هاریكاریا حوكمه‌تا فیدرال و جڤاكێ نێڤده‌وله‌تى یه ژى كو د ڤى وارى دا هاریكاریا حوكمه‌تا هه‌ریما كوردستانێ بكه‌ن”.
پاشى جڤاتا وزیران دانوستاندن ل دۆر پێداچوونێ ب پێكهاتێ كارگێرى و دارایى یێ وه‌زاره‌ت و ده‌سته و لایه‌نێن نه گرێداى ب وه‌زاره‌تان ڤه كر ل دووڤ به‌رچاڤ وه‌رگرتنا ره‌وشا نوكه، بۆ ڤێ مه‌ره‌مێ ژى بریار هاته دان هه‌ر وه‌زاره‌ته‌ك ژ لایێ خوه‌ڤه ب هوورى پێداچوونێ د پێكهاتێ وه‌زاره‌تێ و ده‌زگه‌هێن وێ دا بكه‌ت ل دووڤ پلان و خشته‌كێ دیاركرى ب ئاراسته‌یا زێده‌تر ب دامه‌زراییكرن و كێمكرنا مه‌زاختیان هه‌روه‌كو د هێلێن گشتى یێن كارناما كابینا نوو یا حوكمه‌تێ دا هاتی.
ئەڤرۆ نیوز:
سەرۆک مەسعود بارزانی پێشوازی ل جۆن ویلیکس بالیۆزێ بریتانیا ل عیراقێ کر و د کۆمبوونێ دا سەرۆک بارزانی راگەهاند کو نابیت هەموو کێماسیێن بەرێ ل عیراقێ بکەنە ستویێ عادل عەبدولمەهدی، بەلکو دڤێت هەموو ئالی پێکڤە ل گۆر دستووری کار بۆ چارەسەرکرنا ئاریشێن ل عیراقێ بکەن.
د کۆمبوونێ دا بەحسێ رەوشا رۆژئاڤایێ کوردستانێ ژی هاتە کرن و سەرۆک بارزانی نیگەرانیا خوە ل هەمبەر رەوشا نها ل باکورێ سووریێ دیار کر و راگەهاند کو نابیت رێ بهێتە دان دیموگرافیا رۆژئاڤایێ کوردستانێ بهێتە گوهۆرین، باشترە کەمپەک د ناڤ ئاخا سووریێ دا بهێتە دروستکرن و جڤاکێ نێڤدەولەتی ژی هاریکاریا خەلکی بکەت.
ئه‌ڤرۆ نيوز:
به‌رپرسه‌كێ كۆمارا ئيسلامى يا ئيرانى ئاشكه‌را دكه‌ت كو ژ سوبه‌هى رۆژا پێنجشه‌مبى 23ى چريا ئێكێ 2019 وه‌لاتيێن عيراقێ دشێن بۆ ماوێ دو هه‌يڤان بێ ڤيزه سه‌ره‌دانا ئيرانێ بكه‌ن.
حسێن شه‌رافه‌تى هاريكارێ پارێزگارێ خوراسانێ بۆ كاروبارێن ئه‌منى بۆ ئاژانسا مێهرى راگه‌هاند: “وه‌كو به‌رسڤدانا وێ ئاسانكاريێ وه‌لاتێ عيراقێ بۆ زياره‌تكارێن ئيرانى د رێ و ره‌سمێن چله‌يا ئيمام حوسێن دا كريه، وه‌لاتيێن عيراقێ ژ سوبه‌هى رۆژا پێنجشه‌مبىێ بۆ ماوێ دو هه‌يڤان بۆ سه‌ره‌دانكرنا ئيرانێ پێدڤى ب ڤيزايێ نابيت”.
نەوزاد هلۆرى:
حوكمەتا هەرێما كوردستانێ كوژمێ ١٠ ملیار دینار بۆ نوژەنكرنا ئەوان ریێ و جهان تەرخانكرن ئەوێن كو سالا بورى ژ ئەگەرىێ باران و لەهیان خراپ بوى، هەموو ئەو نوژەنكرن ژى دڤێت ددەما ٧٠ روژان دا دوماهى بهیێن.
خەدیجا عەبدولخالق، رێڤەبەرا رێك و پرا ل پارێزگەها دهۆك بۆ ئەڤرۆ نیوز گۆت: (ب مەرەما دوبارە سەخبچرى و نوژەنكرنا ئەو رێیا ئەویێن كو سالا بورى ژ ئەگەرىێ باران و لەهیان خراپ بوى، حوكمەتا هەرێما كوردستانێ كوژمىێ ١٠ ملیار دینار تەرخانكرینە، پشكەكا زۆر ژ وى پارەى دێ بۆ نوژەنكرن و چێكرنەڤا ئەوان جاددان بیت كو هاتینە خراپكرن).
زێدەتر گۆت: (ژوان نوژەنكرنێن كو دێ ژلایێ رێڤەبەریا رێك و پرا هێنەچێكرن پێكدهێن ژ، سەخبێركرنا رێیا بەردەرەش بو كەلەك ب كوژمێ ملیارەك و ٤٨٠ هزار و ٣٦٠ دیناران، چێكرنا قەنتەراتێن رێیا شێخان بۆ كومەلگەها چرە ب كوژمێ ٤٢٥ ملیون و ٦٠٠ هزار دیناران، چێكرنا قەنتەرێن رێیا باعەدرىێ بۆ شێخان ب كوژمێ ١٧٥ ملیون و ٨٤٠ هزار دیناران، دیسان چێكرنا كومەلگەها چرە بۆ روڤیا ب كوژمێ ٥٨١ ملیون و ٨٤٠ هزار دیناران، چێكرنا قەنتەرێن رێیا مەزرەت بۆ بەردەرەش ب كوژمێ ٤٣٣ ملیون و ٤٤٠ هزار دیناران).
ناڤبرى دیاركر ژى، ئەڤ كوژمێ پارەى بۆ چوار كومپانیان هاتینە دابەشكرن بۆ چێكرنا هەموو ئەوان پرۆژان و دڤێت ددەما ٧٠ رۆژان دا بهێنە چێكرن ڤە، ئەڤ نوژەنكرنە ژى هەموو دێ بو وان جاددە و جهان بیت كو ل زڤستانا سالا ٢٠١٨-٢٠١٩ خراپ بوینە ل سەرانسەرێ پارێزگەها دهۆكێ.
نيشاندان