ئەڤرۆ نیوز:
بەری دەمەکێ هێزێن تورکیا ل نێزیکی ئدلبێ کۆپتەرەکا شەری یا سووریێ ئێخستن و وەزارەتا بەرەڤانیێ یا روسیا ژی هۆشداری دا تورکیا کو هێزێن خوە ژ ئدلبێ ڤەکێشیت دا چو شەر د ناڤبەرا تورکیا و سووریێ دا روو نەدەن.
تورکیا کۆپتەرەکا سووریێ ئێخست
نووترين نووچه
- سەرەدانا مەسرور بارزانی د دەمەكێ هەستیار و گرنگ دا هاتە ئەنجامدان
- سوپاسییا هاریكارییا حوكمەت و گەلێ كووریا دكەین
- دیدارێن دیپلۆماسی ل ئورۆپا بۆ پاراستنا هەرێمێ و چارەسەركرنا كێشەیان ل گەل بەغدا هاتنە ئەنجامدان
- رۆژنامەیا ئەلشەرق ئەلئەوسەت: عەلی ئەلزەیدی تووشی بەربەستەكا مەزن بوویە
- مەحموود ئێزدی: پێدڤییە حوكمەتا نوو یا ئیراقێ دەست ب پێنگاڤێن بجهئینانا رێككەفتنا شنگالێ بكەت
- بۆ چارەسەرکرنا ئاریشەیان ل گەل شامێ رێککەفتینە
- شرۆڤەكارەكا سیاسی: دیپلۆماسییا نەرم یا نێچیرڤان بارزانی، كلیلا چارەسەركرنا ئاریشەیێن هەولێر و بەغدایێ یە
- فەرهاد ئەترووشی: بۆ بەرژەوەندییا گشتی دێ پشكداریێ د دەنگدانێ بۆ كابینەیا عەلی ئەلزەیدی دا كەین
- پەرلەمانتارەك: پارتی سێ پۆستێن بلند د كابینەیا عەلی ئەلزەیدی دا دێ وەرگریت
- مەسرور بارزانی و ئەردۆغانی نەخشەیێ پاشەڕۆژا پەیوەندییان و ئاسایشا دەڤەرێ گەنگەشەكر
سهرهكى نووترين نووچه
سەرۆک بارزانی پێشوازیێ ل وەزیرێ دەرڤە یێ عیراقێ دکەت
ئەڤرۆ نیوز:
سەرۆک مەسعود بارزانی پێشوازی ل محەمەد عەلی ئەلحەکیم وەزیرێ دەرڤە یێ عیراقێ کر و د روونشتنەکێ دا بەحسێ رەوشا عیراقێ و ئالۆزیێن ڤێ دووماهیێ و داخوازیێن خوەنیشادەران هاتە کرن.
هەر د کۆمبوونێ دا بەحسێ چاوانیا چارەسەرکرنا ئالۆزیێن نها ل عیراقێ ژی هاتە کرن و هاتە دیار کرن کو دڤێت مافێن هەموو پێکهاتێن ل عیراقێ بهێنە پاراستن و مەترسی ل سەر وان دروست نەبن.
بابەتێ شەرێ ل دژی داعشێ و مەترسیا هزرێن توندرەوی ژی تەوەرەکا دی یا دیدارا سەرۆک بارزانی ل گەل وەزیرێ دەرڤە یێ عیراقێ بوو.
پشتی ههشت سالان ریكا حهلهب دیمهشق هاته كونترۆلكرن
ئهڤرۆ نیوز:
پشتی ههشت سالان ژ دهستدانێ، سوپایێ سوریا رێكا نێڤ دهولهتی یا دناڤبهرا حهلهب و دیمهشقێ كۆنترۆلكرهڤه.
ئاژانسا رویتهرز بهلاڤكر، هێزێن سوپایێ سوریا ریكا نێڤ دهولهتی یا دناڤبهرا حهلهب و دیمهشقێ ب تهمامی كونترۆلكرهڤه كۆ ب رێكا ئیم5 یا ناڤداره، ئهڤهژی بۆ جارا ئێكێ یه پشتی ههشت سالان سوپایێ سوریا ڤهگهریته ئهوان دهڤهرێن كۆ ل سالا 2012 ژ دهست داین.
لگۆری ژێدهرێن نوچهیێن سوریا، سوپایێ سوریا كونترۆلا دوماهی پرا دناڤبهرا رێكا سهرهكی ڤهكر ل باشووری رۆژئاڤایی حهلهبێ و ئالایێ سوریا تێدا هاتیه بلندكرن.
بهری چهند رۆژێن بوری، سوپایێ سوریا ژمارهیهكا گۆند و باژێركێن دناڤبهرا پاریزگهها ئیدلبێ و حهلهبێ كونترۆلكرنهڤه و چهكدارێن گرۆپێن توندرهوێن بهرهیێ رزگاریێ شامێ ل وێ دهڤهری هاتنه دهرخستن.
سهرۆكێ حوكمهتێ: پشتهڤانیێ ل حوكمهتهكا پێگیر ب مافێن دستوری دكهین
ئهڤرۆ نیوز:
مهسرور بارزانی سهرۆكێ حوكمهتا ههرێما كوردستانێ و وهزیرێ دهرڤهیێ عیراقی كۆمبوون و سهرۆكێ حوكمهتێ راگههاند: پشتهڤانیێ ل حوكمهتهكێ دكهین كۆ پێگیر بیت ب مافێن دستوری یێن ههرێما كوردستانێ.
لگۆری راگههاندنا نڤیسینگهها سهرۆكێ حوكمهتا ههرێما كوردستانێ، ئهڤرۆ مهسرور بارزانی سهرۆكێ حوكمهتا ههرێما كوردستانێ پێشوازی ل محهمهد عهلی وهزیرێ دهرڤهیێ عیراقی كر و د دیدارهكێ دا دانوستاندن دهربارهیێ دوماهی پێشهاتێن عیراقی و دهڤهرێ كرن.
د وێ راگههاندنێ دا ئاماژه ب وێ چهندێ ژی هاتهكرن، كۆ ل كۆمبوونێ دا تهئكید ل گرنگیا سهقامگیریا رهوشا عیراقی و پێك ئینانا حوكمهتهكا گشتگیر هاتهكرن، كۆ جهێ رهزامهندیا زۆرینهیا خهلكێ عیراقێ بیت و پهیوهندیهكا باش ل گهل ههرێمێ و وهلاتێن ههڤسی و جڤاكێ نێڤ دهولهتی ههبیت.
ئهمریكا: 109 سهرباز ژ هێرشا ئیرانێ زیان بهركهت بوون
ئهڤرۆ نیوز:
وهزارهتا بهرهڤانیا ئهمریكا راگههاند 109 سهربازێن ئهمریكی ل هێرشا سوپایێ پاسدارێن ئیرانێ بۆ سهر بنگههێ سهربازی یێ عهین ئهسهد ل عیراقێ زیان ڤێ كهتینه و نوكه 76 كهس رهوشا ساخلهمیا وان جێگیره.
وهزارهتا بهرهڤانیا ئهمریكا دیاركر نووترین ئامار ل سهر زیانێن سهربازێن ئهمریكا ل هێرشا سوپایێ پاسدارێن ئیرانێ بۆ سهر بنگههێ سهربازی یێ عهین ئهسهد بهلاڤكر كۆ 109 سهربازێن ئهمریكا زیان بهركهت بوون.
رۆژا ههشتێ ههیڤا بوری سوپایێ پاسدارێن ئیرانێ ل تولڤهكرنا كۆشتنا قاسم سلیمانی فهرماندهیێ فهیلهقا قودس هێرشهكا موشهكی بۆ سهر بنگههێ عهین ئهسهد د پارێزگهها ئهنبار ئهنجام دا، كۆ تایبهت بۆ ب هێزێن ئهمریكا ل وێ پارێزگههێ، دهستپێكێ هێزێن ئهمریكا راگههاند چ زیانێن گیانی سهر هێزێن مه دا نههاتینه، پاشی 31 ههیڤا بوری گۆت 14 سهرباز ب ئهگهرێ وێ هێرشێ زیان بهر مێشكێ وان كهت بوو پاشی ئهو ژماره بلند بوو بۆ 64 سهربازان.
ترهمپ: نهچارین مهزنترین هێزا ئهتومی دروست بكهین
ئهڤرۆ نیوز:
سهرۆكێ ئهمریكا راگههاند: ب ئهگهرێ نهبوونا چ رێكهتنێن ئهتومی ل گهل چینێ و روسیا، وهلاتێ مه نهچاره مهزنترین هێزا ئهتومی ل جیهانی دا بنیت.
دونالد ترهمپ سهرۆكێ ئهمریكا دیاركر ههر ئێك ژ روسیا و چینێ دڤێن دانوستاندنێ ل گهل ئهمریكا بكهن بۆ راوهستاندنا ب ههدهردانا ملیارهها دۆلاران دبیاڤێ چهكێ ئهتومی دا، لێ ههكه چ ریكهتن دناڤبهرا مه دا نهبن نهشیێن ئهوی كاری ئهنجام بدهین بهلكو بهرۆڤاژی نهچارین مهزنترین هێزا ئهتومی ل جیهانێ دروست بكهین.
رێكهتنامهیهك دناڤبهرا روسیا و ئهمریكا دا بۆ كێمكرنا بهرههمئینانا چهكێ ئهتومی ههیه لێ چین د وێ رێكهتنامهیێ دا پشكدار نینه و ماوهیێ رێكهتنێ ل سالا 2021 دوماهی پێ دهێت هێشتا واشنتونێ بریار ل سهر درێژكرنا ماوهیێ دوماهیا رێكهتنامهیێ نهدایه.
هێزێن ئهمنی ل بهغدا هاتنه بهلاڤكرن
ئهڤرۆ نیوز:
هێزهكا زۆر كۆ سهر ب دژه تیرۆرا عیراقێ ڤه ل پرانیا دڤهرێن بهغدا هاتنه بهلاڤكرن و پهیڤدارێ دژه تیرۆرێ ئهگهرێ ئهڤێ چهندێ ئاشكراكر.
سهباح نهعمان پهیڤدارێ دژه تیرۆرا عیراقی د داخویانیهكێ دا بۆ میدیایێن عیراقی دیاركر مهبهستا بهلاڤكرنا ئهوان هیزان مهشقكرنه داكۆ بۆ ههر كارهكێ ژنشكهكێ ڤه بهرههڤ بن.
پهیڤداری دژه تیرۆرا عیراقێ دیاركر ژی پاراستنا ناڤ باژێری ئیكه ژ ئهركێن هێزێن مه و ئهڤرۆ ئهو هێز وهك نمایشهكا سهربازی هاتینه بهلاڤكرن.
بلاڤ بوونا ئهوان هێزان ل بهغدا شێوهیهكێ دو دلیێ دروستكر دناڤا خهلكێ بهغدا و دهێته گۆتن كردارێن توندیێ بهێنه بكار ئینان.
كۆمسیونا مافێ مرۆڤ: دلتهنگین ب هێرشكرنا خونیشاندهران بۆ سهر هێزێن ئهمنی
ئهڤرۆ نیوز:
كۆمسیونا مافێن مرۆڤی ل عیراقێ دلتهنگیا خۆ ههمبهری هێرشكرنا خونیشاندهران بۆ سهر هێزێن ئهمنی نیشان دا.
ئهڤرۆ 11/2/2020 كۆمسیونا مافین مرۆڤی ل عیراقێ د بهیاننامهیهكێ دا داخاز ژ خونشاندهران كر ههماههنگیێ ل گهل هێزێن ئهمنی بكهن ژ بوی گیانێ خونیشاندهران یێ پاراستی بیت.
د بهیاننامهیێ دا، كۆمسیونا مافین مرۆڤی دلتهنگیا خۆ ب ئهگهرێ هێرشا خونیشاندهرێن گۆرهپانا وهسبه ل بهغدا بۆ سهر كامهندێن هێزێن ئهمنی نیشان دا، كۆ ل رۆژا 9 و 10 ئهڤێ ههیڤێ چهند خونیشاندهرهكان ب بوتلێن سوتنێ هێرش كرنه سهر هێزێن ئهمنی.
خونیشاندان ل رۆژا 1/10/2019 ل بهغدا و پرانیا باژێرێن عیراقی دژی گهندهلی و نهبوونا خزمهتگۆزاریێن دهستپێكی و كارهب و ئاڤ و بێكاریێ دهستپێكرینه و زێدهتری 600 وهلاتی د ئهڤان خونیشاندانان دا هاتینه كۆشتن و رێژهیا كێم ئهندامان ژی ل بلند بوونێ دایه.
رێڤهبهرێ فرۆكهڤانیا مهدهنیا عیراقێ هاته لادان
ئهڤرۆ نیوز:
رێڤهبهرێ دهسهلاتا فرۆكهڤانیا مهدهنیا عیراقێ ژ كارێ وی هاته دور ئێخستن.
لگۆری نڤیسارهكێ دهسهلاتێن فرۆكهڤانیا مهدهنیا عیراقێ كۆ راستهوخو سهر ب جڤاتا وهزیرێن عیراقی ڤه یه، عهلی خهلیل ئیبراهیم رێڤهبهرێ دهسهلاتا فرۆكهڤانیا عیراقێ ژ كاری هاته دوور خستن و بریاره ئهڤرۆ بكهڤته دبیاڤێ بجهكرنێ دا.
د نڤیساری دا كۆ چ ئاماژهیه بۆ ئهگهرێ ژ لادانا ناڤبری نه هاتینه دیاركرن و بهلكۆ ل بن ناڤێ فهرمانێن ئیداری هاتیه دهرخستن.
لگۆری دستور و یاسایێن عیراقێ دهسهلاتا فرۆكهڤانیا مهدهنیا عیراقێ دهسهلات ب سهر ئاسمانێ عیراقێ ههیه بالهفرخانهیێن ههرێمێ ژی رێنمایێن وان لبهرچاڤ دكهن، لێ ب گشتی بالهفرخانهیێن ههرێمێ ل بن كۆنترۆلا ههرێمی ب خودا نه.
ئهندامهكێ لژنا دارایی و ئابووری: دڤێت یاسایا خانهنشینیێ بهێته راستڤهكرن
ئهڤرۆ نیوز:
رهخنهیهكا زۆر ژ یاسایا خانهنشینیا عیراقێ دهێنه گرتن بریاره ل دهمێ بهێت دهستكاریا ئهوێ یاسایێ بهێتهكرن.
ماجد تهمیمی ئهندامێ لژنا دارایی و و ئابووری ل جڤاتا نووهرێن عیراقێ راگههاند: نه دادیهكا زۆر ل یاسایا خانهنیشنیا ئێكگرتی یا عیراقی دا ههیه و سكالایێن زۆر ل سهر وێ گههشتینه دهستێ مه.
لژنا دارایی و و ئابووری ل جڤاتا نوونهرێن عیراقێ گۆت ئهو گوهورینێن ل یاسایێ دا هاتینهكرن ههژی نهبوون و بهری هنگی ڤهكۆلین ل سهر نههاتبوونهكرن، ل گهل داخازیا خانهنشینكریان نا گۆنجیت.
دهستكاریكرنا یاسایا خانهنشینیێ ل عیراقێ د دهمهكی دایه كۆ حوكمهتا ههرێمێ بهرههڤ نینه خانهنشینیا عیراقێ بجهـ بكهت چونكو پشكهكا زۆرا وێ ل خزمهتا فهرمانبهران دایه.
نيشاندان
WP Facebook Auto Publish Powered By : XYZScripts.com