ئەڤرۆ نیوز:
وەزارەتا دارایی و ئابووری یا حوکمەتا هەرێما کوردستانێ راگەهاندیە، سوبەهی سێشەمبی 18.2.2020 دێ مووچێ هەیڤا 11 یێ وەزارەتا کار و کاروبارێن جڤاکی و کێم ئەندامان هێتە دابەشکرن.
سوبەهی دێ مووچێ ڤان جهان هێتە دابەشکرن
نووترين نووچه
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
- مەسرور بارزانی سەرەخۆشیێ ل شێخ نەهرۆ كەسنەزانی دكەت
- نڤیسینگەها سەرۆكێ حوكمەتا هەرێمێ: حوكمەتا هەرێما كوردستانێ دێ بەردەوام بیت ل سەر رووبڕووبوونا گەندەلیێ و سەروەرییا یاسایێ
- 20 مەهـ ل سەر هەلبژارتنان دەرباز بووینە و چو بەهانە بۆ راگرتنا پەرلەمانی نەماینە
- سەرۆك بارزانی هەڤخەمییا خۆ بۆ حوكمەت و گەلێ قەتەرێ دەربڕی
- لیندزی گراهام پشتەڤانەكێ وەفادار و دۆستەكێ ب بها یێ گەلێ كوردستانێ بوو
- حوكمەتا هەرێما كوردستانێ د بەرهنگاربوونا گەندەلیێ دا پێگیرییا خۆ ب كارنامەیا خۆ سەلماند
- فەرهاد ئەترووشی: مە نڤیسار بۆ دامەزراندنا هەمیشەیی یا 70 هزار فەرمانبەرێن گرێبەست ئاراستەی بەغدا كریە
- بایكۆتكرنا پەرلەمانی دژاتیكرنا سووندا یاسایییە و تاوانەكا مەزنە بەرانبەر گەلێ كوردستانێ
سهرهكى نووترين نووچه
مەترسیا هەرفینێ ل سەر لۆفێن زرێزە دروست بوویە
ئەڤرۆ نیوز، عەلی حاجی :
پشتی چار هەیڤان ل سەر نووژەنکرنا رێیا لوفێن زرێزە ل سنورێ ناحیا باتیفا مەترسیا هەرفینێ ل سەر وێ جادێ دروست بوویە.
ل دور ڤێ چەندێ رۆژنامەڤان ل ناحیا باتیفا نزار مەجید بۆ ئەڤرۆ نیوز گوت : پشتی هاتنا پێلەکا بەفر و بارانێ ل سنورێ ناحیا باتیفا و پشتی چار هەیڤان ل سەر نووژەنکرنا جادێن لوفێن زرێزە دوبارە مەترسیا هەرفینێ ل سەر وێ جادێ دروست بوویە و پشکەکا وان لوفان چوویە خوارێ و جادە تێکچوویە و ب ڤی رەنگی مەترسی ل سەر هاتنوچوونا ترومبێلان ژی پەیدا کری یە، لەورا پێدڤی یە حکومەتا هەرێما کوردستانێ هزر ل دانانا پلانەکا دی بکەت بۆ وێ یەکێ ئەڤ جادە بهێتە خراب کرن ل جهێ وێ تونێلەک بهێتە دروست کرن یان ژی رێ رەوێ وێ جادێ ب ئێکجاری بهێتە گوهۆرین و رێیەک دیتر بهێتە دروست کرن ژبەر کو ئەو رێکە ژ رێکێن سەرەکیە چەندی گوند و کومەلگەهایە ل سنورێ ناحیا باتیفا بۆ دەڤەرێن کانی ماسێ.
مستهفا چاوڕهش: هاوسهرۆكی یهكێتی دووكهس دهبن باسی ژنی تیانییه
ئهڤرۆ نیۆز، عهزیز ههورامی:
له سهرداوای كۆسرهت ڕهسووڵ عهلی سهرۆكی ئهنجوومهنی باڵای سیاسی و بهرژهوهندییهكانی یهكێتی، كۆبوونهوهكانی ئهنجوومهنی گشتی سهركردایهتی یهكێتی ڕاگیراوه، هاوسهرۆكانی یهكێتی دووكهس دهبن و باس لهوهنهكراوه یهكێكیان ژنبێت.
مستهفا چاوڕهش سهرپهرشتیاری كۆبوونهوهكانی ئهنجوومهنی گشتی سهركردایهتی یهكێتی، به ئهڤرۆ نیۆزی ڕاگهیاند:” له سهرداوای كۆسرهت ڕهسووڵ كۆبوونهوهكانی ئهنجوومهنی گشتی سهركردایهتی، وهسێندراون پێمانی وت، كۆبوونهوهكان ڕابگرن چهند ڕۆژێك من سهفهرێكی دهرهوهی وڵات.
كۆسرهت ڕهسووڵ عهلی سهرۆكی ئهنجوومهنی باڵای سیاسی و بهرژهوهندیهكانی یهكێتی باری تهندروستی ناجێگیربووه بۆ وهرگرتنی چارهسهر سهردانی وڵاتی ئوردنی كردووه.
مستهفا چاوڕهش ئاماژهی بۆ ئهوهكرد، ئهنجوومهنی گشتی سهركردایهتی له پێڕهوی ناوخۆ هاوسهرۆكی بۆ یهكێتی پهسهندكردووه، دوو كهس دهبنه هاوسهرۆك و باسی ئهوهشی تیا نییه ژنێك له دهستهی هاوسهرۆكی حزب ههبێت، تائێستاش ناوی كهس دیاری نهكراوه بۆ هاوسهرۆكایهتی یهكێتی.
چاوڕهش ئاماژهی بۆ ئهوهشكرد، له چهند ڕۆژی ئاینده كۆسرهت ڕهسووڵ دهگهڕێتهوه بۆ كوردستان پاش گهڕانهوهی كۆبوونهوهكانی ئهنجوومهنی گشتی سهركردایهتی دهست پێدهكهنهوه.
له بارهی چارهنووسی بهرپرسی ئهو مهڵبهندانهی له كۆنگره دهرنهچوونهتهوه،بهرپرسهكهی یهكێتی دهڵێ،یهكهم كۆبوونهوهی فهرمی سهركردایهتی كرا ئهوكاته بڕیار له چارهنوسی ئهوبهرپرسانهدهدرێت و قسهیان لهسهردهكرێت.
د روودانەکا ئاگر بەربوونێ دا وەلاتیەکێ ژیانا خۆ ژ دەستدا
ئەڤرۆ نیوز، زنار تۆڤی:
ل پارێزگەها دهۆکێ ئاگر ب شوقەیەکێ کەفت و ب وێ چەندێ ژنەک سۆت و ژیانا خۆ ژ دەستدا.
بێوار عەبدلعەزیز بەرپرسێ راگەهاندنا بەرەڤانیا باژێرێ دهۆکێ بۆ ئەڤرۆ نیوز راگەهاند، ئەڤرۆ ل دەمژمێر ١١:٣٦ خۆلەکێن سپێدێ دا ل تاخێ ماسیکێ یا باژێرێ دهۆکێ ئاگر ب شوقەیەکێ کەفت و ب وێ چەندێ ژنەک سۆتیە و پاشی ژیانا خۆ ژدەستدا.
بەرپرسێ راگەهاندنا بەرەڤانیا باژێرێ دهۆکێ دازانین ژی، تیمێن ئاگرڤەمراندنا بنگەهێ مالتایێ ل جهێ بوویەرێ بەرهەڤبوونە و ئاگر کۆنترۆلکریە، دیسان پۆلیسێن پارێزگەها دهۆکێ دێ دووڤچوون و ئەگەرێن مرن و ئاگربەربوونێ د ڤێ روودانێ دا کەن.
سەندیکا رۆژنامەڤانان دێ کۆنگرێ خوە گێریت
ئەڤرۆ نیۆز، قائید میرۆ:
بڕیارە ئەڤسالە کۆنگرێ سەندیکا رۆژنامەڤانان برێڤەبچیت و نەقیبێ سەندیکایێ ژی دبێژیت، ئەنجوومەن یێ بەرھەڤیان بۆ گرێدانا کۆنگرێ سەندیکایێ دکەت، بەلێ رۆژا رێڤەچوونا کۆنگرەی دیارنینە.
حاکم ئازاد حەمەدەمین، نەقیبێ سەندیکا رۆژڤانێن کوردستانێ بۆ ئەڤرۆ نیۆز دیارکر” بڕیار ھاتیەدان ئەڤسالە کۆنگرێ سەندیکا رۆژنامەڤانان بھێتە ئەنجامدان، چونکە دەمێ گرێدانا کۆنگرێ بسەرڤەچوویە و ئەنجوومەنێ سەندیکایێ ژی بریارا دوماھیێ لدۆر ئەنجامدانا کۆنگرەی د ئەڤسالەدا دەرکریە.
حاکم ئازاد ئاشکراکر” بەری کۆنگرەی دێ کۆنفڕانس بۆ لقێن سەندیکا رۆژنامەڤانان بھێنە رێڤەبرن و کۆنگرەژی دێ پشتی کۆنفڕانسا بڕێڤەچیت، ژبەرکو ھزاران ئەندام چاڤەڕێی رێڤەچوونا کۆنگرەی دکەن، بەلێ رۆژا رێڤەچوونا کۆنگرەی ھێشتا دیارنینە دێ کەنگی بیت.
وهزارهتا دارایی: پروسهیا دامهزراندنا مامۆستایێن گرێبهست د قوناغا دوماهیێ دایه
ئهڤرۆ نیوز:
پهیڤدارێ وهزارهتا دارای و ئابووری یا حكومهتا ههریما كوردستانێ راگههاند: پروسهیا ههرتمیا مامۆستایێن گرێبهست گههشتیه قوناغا دوماهیێ.
ئهحمهد عهبدلرهحمان پهیڤدارێ وهزارهتا دارایی و ئابووری یا حكومهتا ههرێما كوردستانێ راگههاند: لگۆری بریارا ژماره 34 یا جڤاتا وهزیران، بریارا دامهزراندنێ بۆ مامۆستایێن گرێبهست دهركهفتی یه و مه ژی نڤیسارهك بۆ وهزارهتا پهروهردێ بۆ هیردهكاریێن ئهوان گرێبهستان بۆ مه فرێ بكهن.
پهیڤدارێ وهزارهتا دارایی و ئابووری یا حكومهتا ههرێما كوردستانێ راگههاند ژی دوماهی نڤیسار دهی گههشتیه دهستێ مه بۆ ئهوێ مهبهستێ مه ژی ئهڤرۆ نڤیسارهك كۆ داخاز ژ وهزارهتا پهروهردێ كریه گرۆڤێن تایبهت ب مامۆستایێن گرێبهست بۆ مه رهوانه بكهن، ههر دهمێ ئهو زانیاری گههشتنه دهستێ مه، ل زووترین دهم دێ پرۆسهیا دامهزراندنێ بجهـ كهین، لێ ئهو پرۆسهیا ئیداری ژ چهند قوناغهكان پێك دهێت، نوكه ل قوناغا دوماهیێ دایه.
پێشانگهها سالانە یا قۆتابیان ل پەروەردا رۆژئاڤا هاتە ڤەکرن
ئەڤرۆ نیوز ، زنار تۆڤی:
پشكا چالاكیێن قوتابخانان یا پهروهردا دهۆك رۆژئاڤا ئهڤرۆ 17/2/2020 ب چاڤدێرى و بهرههڤبوونا عومهر عهلى تاها رێڤهبهرێ گشتى یێ پهروهردا پارێزگهها دهۆكێ و عومهر ئهحمهد قاسم رێڤهبهرێ پهروهردا دهۆك رۆژئاڤا و فادیا عهبدولقادر رێڤهبهرا پهروهردا دهۆك رۆژههلات و هژمارهكا زۆر یا بهرپرسێن حزبى و حكومى و مێهڤان و سهرپهرشتیار و مامۆستا و قوتابیان، پێشانگهها شێوهكارى و كارێن دهستى بۆ قوتابخانێن بنهرهت و ئامادهیى ڤهكر.
پشتى بهرههڤبوویان گهریانهك ل ناڤ پێشانگههێ كرى و كارێن قوتابیان ژ نێزیك دیتین دیارى ل سهر قوتابخانێن سهركهفتى هاتنه بهلاڤكرن.
كهڤر كهمال بهرپرسێ پشكا چالاكیێن قوتابخانان بۆ ئەڤرۆ نیوز دیار كر : كو ئەڤ شالە 6400 قوتابیان ژ 92 قوتابخانان پشكدارى د ڤێ پێشانگههێ دا كریه و كارێ وان ژ لایێ لیژنهكا بسپۆر ڤه هاته ههلسهنگاندن و ئهڤ ساله پشكدارى گهلهكا باشبوو و ههروهسا كارێن باشى ژى ژ لایێ قوتابیان ڤه هاتبوونه دروستكرن و گۆت:( 16 قوتابخانێن سهركهفتى ژ ههرسێ قوناغێن بنهرهت 1 بۆ 6 و بنهرهت 7 بۆ 9 و ئامادهیى ژ ئالیێ مه ڤه هاتنه خهلاتكرن).
ئهنجامێن پێشانگههێ ب ڤى رهنگى بوون:
سهركهفتیێن قۆناغا بنهرهت (1-6):
قوتابخانا ههكار سهركهفتیا ئێكێ
قوتابخانا راژان سهركهفتیا دووێ
قوتابخانا زڤڕین سهركهفتیا سیێ
قوتابخانا شاخكێ سهركهفتیا چارێ
قوتابخانا مالتا ژێرى سهركهفتیا پێنجێ
سهركهفتیێن قۆناغێن (7، 8 و 9):
قوتابخانا سهردهم سهركهفتیا ئێكێ
قوتابخانا چنار سهركهفتیا دووێ
قوتابخانا زانكۆ سهركهفتیا سیێ
قوتابخانا ههڤند سهركهفتیا چارێ
قوتابخانا وان سهركهفتیا پێنجێ
قوتابخانا كهزان سهركهفتیا پێنجێ دوباره
سهركهفتیێن قۆناغێن ئامادهیى:
ئامادهیا دهۆك یا كچان سهركهفتیا ئێكێ
ئامادهیا شههید مهلا ئهمین سهركهفتیا دووێ
ئامادهیا ئاواز سهركهفتیا سیێ
ئامادهیا كهژین سهركهفتیا چارێ
ئامادهیا سهفین سهركهفتیا پێنجێ
وهزارهتا شههید و ئهنفالكریان: دێ 171رۆفاتێن گۆرێن ب كۆم ڤهگهرینه ههرێمێ
ئهڤرۆ نیوز:
وهزارهتا كارۆبارێن شههیدان و ئهنفالكریان یا حكومهتا ههرێما كوردستانێ دێ گۆرێن ب كۆم یێن سهماوه كۆ ل سالا بوری هاتینه دیتن ڤهگهرینه ههرێما كوردستانێ و بهێنه ڤهشارتن.
خهبات عهبدلا راوێژكارێ وهزارهتا كارۆبارێن شههید و ئهنفالكریان یا حوكمهتا ههرێما كوردستانێ راگههاند: وهزارهتێ نیازا ئینانا 171 رۆفاتێن گۆرهكێ ب كۆم یێن سهماوه د چارچوڤهیێ ئهوان سێ گۆرێن ل ههیڤا نیسانا سالا 2019 هاتینه دیتن، ل چهند رۆژێن بهێت د مهراسیمهكا ههژی ل ههرێما كوردستانێ دێ هێنه ڤهشارتن، كۆ 97 روفات ژن و 74 زارۆكن.
راوێژكارێ وهزارهتا كارۆبارێن شههید و ئهنفالكریان یا حوكمهتا ههرێما كوردستانێ راگههاند ژی ژلایێ نوژداریا دادێ ڤه ل بهغدا سامپلێن ههموو ههستیكان هاتینه وهرگرتن، بۆ ئهنجامدانا پشكنینان، لێ پیدڤی بووحكومهتا ههرێمێ و وهزارهتا كارۆبارێن شههید و ئهنقالكریان بۆ تهمامكرنا پرۆسیسا پشكنینا دی ئێن ئهی نمونهیا خوینێ ژ كهس و كارێن قوربانیان هاتبا وهرگرتن، لێ تانوكه نههاتیهكرن.
ناڤبری ئهو چهنده ژی دا زانین، ب ئهگهرێ رهوشا ئالوزا عیراقێ نهشیان دو گورێن دی یێن ب كۆم ڤهكهن، لی لگۆری ریپیڤا ئهمریكیان ل باشوورێ عیراقی و رۆژئاڤا دناڤبهرا 3 بۆ 4 گورێن ب كۆم ههنه، لێ مهرج نینه ههمی گورێن ئهنفالكریان بن بهلێ پشكا زۆرا وان قوربانیێن ئهنفالێ نه.
خهبات عهبدلا راوێژكارێ وهزارهتا كارۆبارێن شههید و ئهنقالكریان یا حوكمهتا ههرێما كوردستانێ گۆت: وهزارهتا كارۆبارێن شههیدان و ئهنفالكریان پشكدار بوویه ل تیما نیشتمانی یا ڤهكرنا گۆرێن ب كۆم ل بهغدا، ب ئهگهرێ رهوشا عیراقێ و دووراتی و چولیا جهێ گۆرێن ب كۆم رێگر بوون ژ ڤهكرنا گورێن دی.
سهرۆك كۆمارێ ئیرانێ: ل بن چ گهفان دانوستاندنێ ناكهین
ئهڤرۆ نیوز:
سهرۆك كۆمارێ ئیرانێ راگههاند: تاران ل بن گهفان دانوستاندنێ ل گهل ئهمریكا دا ناكهت، رۆلێ ئیرانێ گرنگه بۆ بدهستڤهئینانا ئاشتیێ ل رۆژههلاتا ناڤین.
حهسهن روحانی سهرۆك كۆمارێ ئیرانێ راگههاند: ئیران ل بن چ گهفان دانوستاندنێ ناكهت، خو رادهست ناكهین، ژ بهر فشار و گهفێن ئهمریكا، ژ بێهێزیێ دانوستاندنان ژی ناكهین.
رۆحانی ئهو چهنده ژی راگههاند: سیاسهتا سهپاندنا توندی و فشاران بۆ سهر ئیرانێ دێ شكهستنێ ئینیت و دوژمنێن مه باش دزانن فشاران چ مفا تێدا نینه.
سهرۆك كۆمارێ ئیرانێ دازانین بدهستڤه ئینانا ئاشتیێ ل رۆژههلاتا ناڤین بێ ههڤكاریا ئیرانێ دروست نابیت.
رێكخراوا ساخلهمیا جیهانێ: ل رۆژههلاتا ناڤین ژی ڤایرۆسێ كورونا سهرهلدایه
ئهڤرۆ نیوز:
رێكخراوا ساخلهمیا جیهانی هژمارا تووشبویێن ڤایرۆسێ كورونا ل وهلاتێن رۆژههلاتا ناڤهراست ئاشكراكر.
د راگههاندنهكێ دا رێكخراوا ساخلهمیا جیهانی بهلاڤكریه ههتا رۆژا 16/2/2020 نهه كهس ل رۆژههلاتا ناڤین تووشی ئهوی ڤایرۆسی بوون.
رێكخراوا ناڤبری دیاركر كۆ سێ كهس ل ئیماراتی هاتنه چارهسهركرن ژ نهخوشخانی دهركهتن، ل دوماهیا سالا بوری ڤایرۆسێ كورونا كۆ ژ مرۆڤهكی بۆ مرۆڤهكێ دی دئێته ڤهگۆهاستن بۆ جارا ئێكێ ل باژێرێ وهان پهیدا بوو،
لگۆری ئهوان ئامارین چین بهلاڤ دكهت دهردكهڤیت تووشبوویێن ب ڤایرۆسێ كورونا زیدهبوویه و گههشتیه 70 ههزار 551 كهسان و حالهتهك ژی ل مسرێ هاتیه تووماركرن، هژمارا كهسین مری بڤێ ڤایرۆسێ ههتا نوكه گههشتیه هزار و 775 كهسان، ل چینێ چارهسهریا 10 ههزار و 969 تووشبویێن كورونا كرینه .
نيشاندان
WP Facebook Auto Publish Powered By : XYZScripts.com