ئەڤرۆ نیوز:
سەرۆک مەسعود بارزانی ل گەل کونسولێ گشتی یێ فرەنسا ل هەولێرێ کۆمبوو و دلگرانیا خوە ل هەمبەر ئەگەرێ هێرشەکا سەربازی یا تورکیا بۆ سەر رۆژئاڤایێ کوردستانێ دیار کر کو و داخواز ژ فرەنسا کر رۆلەکێ کاریگەر بۆ رێگریکرن ژ هێرشا تورکیا بگێریت.
سەرۆک بارزانی ل گەل ئولیڤیێ دیکۆتینی کونسولێ گشتی یێ فرەنسا ل هەولێرێ بەحسێ روودانێن ل دەڤەرێ و پێشهاتێن ل سووریێ کر و داخواز کر فرەنسا وەکو هێزەکا کاریگەر یا د هەڤپەیمانیا نێڤدوەلەتی یا ل دژی داعشێ ب رۆلێ خوە رابیت دا چو کارەساتێن دی ل رۆژئاڤایێ کوردستانێ روو نەدەن.
ئه‌ڤرۆ نيوز:
پارێزگارێ نه‌ينه‌وا راگه‌هاند كو پێشڤه‌چوونێن باش د ناڤبه‌را هه‌رێما كوردستانێ و به‌غدا دا هه‌نه ل دۆر كێشا شنگال و هه‌ردو قايمقام نامينن.
مه‌نسور مه‌رعيد، پارێزگارێ نه‌ينه‌وا د ديداره‌كێ دا ل گه‌ل رووداو راگه‌هاند كو دژيوارى دا، مه‌حما خه‌ليل قايمقامێ شه‌رعى يێ شنگالێ يه، به‌لێ خه‌لك ئێدى وى قه‌بوول ناكه‌ن، قايمقامێ دژى يێ سه‌پاندى يه و چو سيفه‌تێن قانوونى نينن، “ژ به‌ر هندێ نه‌شێين دوسيا ئه‌منى بكه‌ين دده‌ستان دا”.
ئاشكه‌را ژى كر كو نها پێشڤه‌چوونێن باش د ناڤبه‌را هه‌رێما كوردستانێ و عيراقێ دا هه‌نه و ل نێزيك ئه‌ڤ كێشه دێ هێته چاره‌كرن و گۆت: “هه‌ردو قايمقام نامينن”.
ئه‌ڤرۆ نيوز:
هێزێن سوريا ديموكرات (هه‌سه‌ده) راگه‌هاندنه‌ك ده‌رباره‌ى ئه‌گه‌رێ هێرشا له‌شكرى يا توركيا بۆ سه‌ر رۆژئاڤايێ كوردستانێ به‌لاڤكر و راگه‌هاند كو ب تۆندى ئيدانا هه‌ر هێرشه‌كێ دكه‌ن بۆ سه‌ر رۆژئاڤايێ كوردستانێ و هێرشێن توركيا ژى قه‌بوول ناكه‌ين.
ئه‌ڤرۆ رۆژا چارشه‌مبى 9ى چريا ئێكێ 2019 هێزێن سوربا ديموكرات راگه‌هاندنه‌ك ل دۆر كاودانێن رۆژئاڤايێ كوردستانێ به‌لاڤكر و ئاماژه ب وێ چه‌ندێ كر كو ئه‌و دێ ب گيان و رۆحێ به‌ره‌ڤانيێ ژ ده‌ڤه‌رێ كه‌ن و ناهێلن توركيا هێرشێ بكه‌ته سه‌ر ده‌ڤه‌رێن رۆژئاڤايێ كوردستانێ.
ئەڤرۆ نیوز، نەوزاد هلۆرى:
سەرۆك مەسعود بارزانى، د تویێتەكىێ دا بەرسڤا سەرۆكىێ ئەمریكا دونالد ترامپ دا كو پیێشتر بەحس ل ڤەكیێشانا هیێزیێن ئەمریكا ل رۆژئاڤایىێ كوردستانىێ و كوردان دكر.
دەقا پەیاما بارزانى
هێژا سەرۆك دونالد ترامپ، بۆ ئاگەهداریا جەنابێ تە گەلێ كوردستانێ هەردەم داخوازا مافیێن رەواییێن خوە كریە و بەرەڤانى ل خوە كریە، پیێشمەرگەى ئەفسانەیا داعشێ شكاند و كورد پشكەكا كارتیێكەربوون ل هەڤپەیمانیا دژى تیرورێ، خوینا كوردان زۆر ژ چەك و پارەى بهاترە ………. ل گەل ریێزێن مە”
ئه‌ڤرۆ نيوز:
بڕياره ئه‌ڤرۆ جڤاتا وه‌زيرێن هه‌رێما كوردستانێ كۆم ببيت و چه‌ند بابه‌تێن په‌يوه‌نديدار گه‌نگه‌شه بكه‌ت.
ژێده‌ره‌كى ژ جڤاتا وه‌زيرێن هه‌رێما كوردستا،ێ راگه‌هاند كو ئه‌ڤرۆ رۆژا چارشه‌مبى رێكه‌فتى 9ى چريا ئێكێ 2019 جڤاتا وه‌زيرێن هه‌رێما كوردستانێ دێ كۆم بيت.
ئاشكه‌را ژى كر كو دێ كۆمبوون بۆ دانوستاندنێ بيت ل دۆر كاودانێن سياسى يێن عيراق و سوريا و پێشهاتان و هه‌لويستێ هه‌رێما كوردستانێ و ئاماده‌كاريێن لايه‌نێن په‌يوه‌نديدار يێن هه‌رێمێ بۆ هه‌ر ئه‌گه‌ر و پێشهاته‌كێ ژ ده‌رئه‌نجامێ گوهۆڕينێن ل ده‌ڤه‌رێ روو دده‌ن ب تايبه‌ت ژى هاتنا ئاواران.
دا زانين كو كۆمبوون دێ چه‌ند ته‌وه‌رێن دژى ب خوه ڤه گريت ب تايبه‌ت يێن وه‌زاره‌تا كار و كاروبارێن جڤاكى وه‌كو دانانا ميكانيزما پێدڤى بۆ زامنكرنا ده‌سته‌به‌ريا كرێكاران و پێدانا پارێ پشكداريێن كرێكاران.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا پۆليسێن هاتنوچوونا زاويته راگه‌هاند كو ئه‌ڤرۆ د روودانه‌كا ترافيكى دا 10 كه‌س بريندار بووينه و زيانێن مه‌زن ژى ب ترۆمبێلێن وان كه‌فتينه.
سالح جه‌ميل، راگه‌هاندكار ل رێڤه‌به‌ريا هاتنوچوونا زاويته بۆ ئه‌ڤرۆ نيوز، راگه‌هاند كو ئه‌ڤرۆ 9ى چريا ئێكێ 2019 ل ده‌مژمێر 7:30 ل سه‌ر جاددا سه‌ره‌كى يا ناحيا مانگێشك بۆ كۆمه‌لگه‌ها باگێرا روودانه‌ك د ناڤبه‌را دو ترۆمبێلان دا روودا.
زێده‌تر گۆت: “ئه‌ڤ روودانه ژ جورێ لێكدان بوو د ناڤبه‌را هه‌ر ئێك ژ ترۆمبێلا پيكئاپ تويوتا بارهه‌لگر و ترۆمبێلا پيكئاپ دێر بارهه‌لگر، د ئه‌نجام دا 10 كه‌س بريندار بوون و بۆ نه‌خۆشخانا ته‌نگاڤيان ل دهۆكێ هاتنه ره‌وانه كرن.
سالح جه‌ميل ئاشكه‌را ژى كر كو زيانێن مه‌زن ژى ب به‌ر هه‌ردو ترۆمبێلان كه‌فتينه و هيڤى ژى ژ شوفێران خواست كو پێگريێ ب رێنمايێن هاتنوچوونێ بكه‌ن ب مه‌ره‌ما ساخى و سلامه‌تيا گيان و سامانێ وان.
د ماوێ چار سالێن بۆرى دا ل هه‌رێما كوردستانێ چار هزار و 100 كه‌سان ژ ئه‌گه‌رێ روودانێن هاتنوچوونێ گيانێ خوه ژ ده‌ست دايه.
ئه‌ڤرۆ نيوز:
په‌رله‌مانێ كوردستانێ ب نیازه ل حه‌فتییا بهێت كۆم ببیت و ده‌نگی ل سه‌ر پێشنیازا تاپۆكرنا ئه‌ردێن زێده‌گاڤی بده‌ت.
بژار كۆچه‌ر، سه‌رۆكێ لژنا قانوونی ل په‌رله‌مانێ كوردستانێ راگه‌هاند كو بریاره ل حه‌فتیا بهێت په‌رله‌مانێ كوردستانێ روونشتنا دویێ ژ وه‌رزێ نوو یێ قانوون دانانێ گرێده‌ت و تێدا پێشنیازا تاپۆكرنا پارچه زه‌ڤیێن زێده‌گاڤی ل هه‌رێما كوردستانێ دێ هێته په‌سه‌ندكرن و بۆ وار گۆت: “خواندنا ئێكێ بۆ ڤێ پێشنیازێ هاتییه كرن و د روونشتنا حه‌فتییا بهێت دا، په‌رله‌مان دێ خواندنا دوێ بۆ كه‌ت و ده‌نگی ل سه‌ر ده‌ت”.
سه‌رۆكێ لژنا قانوونی یا په‌رله‌مانێ كوردستانێ دووپات كر، كۆده‌نگیا ته‌ڤ فراكسیۆنێن په‌رله‌مانی ل سه‌ر ڤێ پێشنیازێ هه‌نه و گۆت: “ژ به‌ر كو پێشنیازا تاپۆكرنا ئه‌ردێن زێده‌گاڤی د به‌رژه‌وه‌ندیا خه‌لكێ هه‌ژار دایه و هه‌ڤده‌م د به‌رژه‌وه‌ندیا حوكمه‌تێ دایه، بێ كێشه دێ هێته ده‌رباز كرن”.
بژار كۆچه‌ر هه‌روه‌ها گۆت: پرسا هه‌ره گرنگ د پێشنیازێ دا كو دێ ده‌نگ ل سه‌ر هێته دان، بهایێ هه‌ر مێتره‌كا ئه‌ردێ زێده‌گاڤێ ب كێمتر ژ پێشنیازا به‌ری نها هاتیه ده‌ستنیشان كرن.
ئه‌ڤرۆ نیوز، عه‌زیز هه‌ورامی
هه‌ردو حوكمه‌تێن هه‌رێما كوردستانێ و به‌غدا د دانوستاندنان دانه بۆ چاره‌سه‌ركرنا كێشێن په‌ترۆلێ و بودجه‌ى و ده‌ڤه‌رێن كوردستانێ یێن ده‌رڤه‌ى ئیدارا هه‌رێما كوردستانێ، ئه‌ندامه‌كا جڤاتا نوونه‌رێن عیراقێ دبینیت كو ده‌لیڤا رێككه‌فتنێ و لێك تێگه‌هشتنێ یا ل به‌رده‌م هه‌ردو لایه‌نان هه‌ى.
مه‌یاده نه‌جار، ئه‌نداما جڤاتا نوونه‌رێن عیراقێ ژ فراكسیۆنا پارتى بۆ ئه‌ڤرۆ نیوز گۆت” ده‌لیڤه نوكه یا ل به‌رده‌م هه‌ولێرێ و به‌غدا یا په‌یدابووى تاكو په‌یوه‌ندیێن خوه باشتر بكه‌ن و كێشێن هه‌لاویستى چاره‌سه‌ر بكه‌ن، نوكه سه‌رۆك وه‌زیرێن عیراقێ تا راده‌یه‌كى دانپێدانێ ب مافێن هه‌رێما كوردستانێ دكه‌ت”.
گۆت ژى” مه چه‌ندین مه‌له‌فێن گرنگ یێن هه‌ین كو هێشتا نه‌هاتینه چاره‌سه‌ركرن وه‌كو پترۆل و غاز و مادا 140 و مه‌له‌فێ پێشمه‌رگه‌ى و ده‌ڤه‌رێن كوردستانى یێن ده‌رڤه‌ى ئیدارا هه‌رێمێ، له‌وما پێدڤیه فراكسیۆنێن كوردستانى ب ئێكگرتى مل ب ملێ حوكمه‌تا هه‌رێمێ بزاڤا ب ده‌ستڤه‌ئینانا مافێن گه‌لێ كوردستانێ بكه‌ن و هێزا مه یا د ئێكگرتنا مه دا”.
مه‌یاده نه‌جار دیاركر” گاڤێن باش یێن هاتینه هاڤێتن بۆ رێككه‌فتنێ د ناڤبه‌را حوكمه‌تا هه‌رێمێ و حوكمه‌تا به‌غدا، دانوستاندنێن هه‌ردو لایه‌نان ب تایبه‌ت ل سه‌ر بودجا هه‌رێما كوردستانێ د ئه‌رێنى نه و ل نێزیك كێشا بودجه‌ى ل گه‌ل به‌غدا دێ هێته چاره‌سه‌ركرن و هه‌لویستێن سه‌رۆك وه‌زیرێن عیراقێ ل دۆر وى بابه‌تى د باشن”.
نيشاندان