ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: ژ ئەنجامێ لێکدانا دو ترۆمبێلا وەلاتیەک بریندار بوو.
ناڤهاتی زێدەتر دیار کر: ئەڤرۆ ئێکشەمبی ۱٦/۲/۲۰۲۰ ل سەر جادا گشتی یا دناڤبەرا قەزا بەردەرەش بۆ پرا مەندان و ل نێزیک مفرەقا کەمبا بەردەرەش دو ترۆمبێلا لێکدا و د ئەنجامدا کەسەک بریندار بوویە و هەروەسا زیانێن مادی ژی گەهشتینە هەردو ترۆمبێلان.
ئهڤرۆ نیوز:
رهجهب تهیب ئهردوغان سهرۆك كۆمارێ توركیا راگههاند: دڤێت هیزێن سوپایێ سوریا خو ڤهكێشن بۆ توخیبی رێكهتنا سوچی.
رهجهب تهیب ئهردوغان راگههاند ژی دڤیت هیزێن سوپایێ سوریا بچنه ئهوی جهێ كۆ توخیبێ رێكهتنا سوچی تا ئهوی دهمی ئاریشا ئدلبێ ناهێته چارهكرن.
سهرۆكێ توركیا دا زانین چارهركرنا ئاریشا ئدلبێ ئاوارهیێن سوریا ل توركیا ناڤهگهرن و رێك ژی ل هاتنا ئاوارهیێن نو یێن سوریا ناهێتهگرتن.
ئهڤرۆ نیوز:
وهزیرێ دهرڤهیێ ئیرانێ راگههاند ههكه ئارمانجێن مهزنێن ئابووری بدهستڤه بینین، دشیێن ژ بریاراكێمكرنا رێژهیا پیتاندنا یورانیومی پهشێمان بین.
محهمهد جهواد زهریف وهزیرێ دهرڤهیێ ئیرانێ راگههاند: تاران دشێت پهشێمان بیت ژ بریارا زێدهكرنا پیتاندنا یورانیومی بۆ پێشڤهبرنا بهرنامهیێ ئهتومی یێ خۆ، د چارچوڤهیی توخیبداری یان ب شیوهیهكێ گشتی ههكه مفا و دهستكهفتنێن مهزنین ئابووری تێدا ههبن.
وهزیرێ دهرڤهیێ ئیرانێ ئهو چهنده ژی راگههاند: وهلاتێ وی پێگیره ب تهڤایا برگه و مادهیێن رێكهتنا ئهتومی یا سالا 2015 ب وی مهرجی واشنتون ههموو بریارێن پشتی سالا 2018 ههمبهر ئیرانێ ههلبوهشینیت، ههلویستێ نوكه یێ ئیرانێ پهیامهكه بۆ وهلاتێن ئهورۆپا نهك بتنێ بۆ ئهمریكا.
ئهڤرۆ نیوز:
هژمارهكا موشهكان ل نێزیك بالیوزخانهیا ئهمریكا ل بهغدایا پایتهختێ عیراقێ كهفتن، بێ كۆ زیان بهێنه ئاشكراكرن.
لگۆری میدیایێن عیراقی بلاڤكرین، سپێدههیا ئهڤرۆ 16/2/2020 هژمارهكا موشهكان ل نێزیك بالیوزخانهیا ئهمریكا ل بهغدا كهفتتن و زهنگا ئاگههداركرنێ بۆ خۆ پاراستنێ هاتیه لێدان.
ئهڤرۆ نیوز:
رێڤهبهرێ سندوقا پشتهڤانیكرنا پرۆژهیێن بچیك یێن گهنجان و لاوان راگههاند: دهستپێكرنا دانا قهرێن بچیك بۆ ئهوان گهنجانه یین كۆ پرۆژه ههین، ب ئهگهرێ نهبوونا سهرمایی نهشێن بجهـ بكهن.
ئارام ئهنوهر ریڤهبهرێ سندوقا پشتهڤانیكرنا پرۆژهیێن بچیك یێن گهنج و لاوان ل ههرێما كوردستانێ راگههاند: ب ئارمانجا پشتهڤانیكرنا گهنج و لاوان و دیتنا دهلیڤهیێن كاری بۆخۆ، پرۆژهیهك هاتیه ئاراستهكرن بۆ جڤاتا وهزیران بۆ دهستپێكرنا دانا قهرێن بچیك ب گهنج و لاوێن ههرێما كوردستانێ، قهر ب ئهوان كهسان بهێتهدان كۆ خودان پرۆژهنه كۆ ب ئهگهرێ نهبوونا سهرمایی نهشێن بێخنه دبیاڤێ بجهكرنێ دا.
رێڤهبهرێ سندوقا پشتهڤانیكرنا پرۆژهیێن بچیك یێن گهنج و لاوان ل ههرێما كوردستانێ راگههاند ژی ههموو ئاماژه بۆ ئهوێ چهندێ نه كۆ حكومهتا ههرێما كوردستانێ رهزامهند دبیت بۆ دهستپێكرنا پرۆژهی و كهسێن مفایی ژ قهرێن بچیك وهردگرن دناڤبهرا 16 بۆ 30 سالیێ دانه و ژبلی ئهڤێ چهندێ پێدڤیه پرۆژهك ههبیت كۆ دهلیڤهیا كاری بۆ كهسێن دی ژی دابین بكهت، پارهیێ وهك قهر دهێته دان ملینونهك بۆ 15 ملیۆن دیناران.
ناڤبری دیاركر كۆ مه داخاز ژ حكومهتێ كریه پشتهڤان بیت و مفایی ژ وی پارهیێ ههیڤانه كۆ وهلاتی ڤهدگهرینن كۆ ل دهمێ خۆ وهك قهر پێ هاتبوونهدان ههیڤانه نێزیكی ئیك ملیار دینارانه و پرۆژه نابیته بارگرانی سهر ملێن حكومهتێ.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا وەلاتیەک بریندار بوو.
ناڤهاتی زێدەتر دا دیار کرن: ئەڤرۆ شەمبیێ 2020/2/15 ل دەمژمـێر (10:00) شەڤ ل سەر جادا سەرەکی یا دهۆك بۆ زاخۆ، ل نێزیکی مفرەقا گرشین ترۆمبێلەکا جیب جێمسی ب رەنگێ سپی ل بن کونترۆلا شوفێری دەرکەفتیە و د ئەنجامدا وەرگەریا یە و د وێ روودانێ دا وەلاتیەک بریندار بوویە و زیانێن مادى ب ترومبێلێ كەفتینه.
ئەڤرۆ نیوز:
مه نووچهیێ وهغهرا دوماهیێ یا کهساتیێ دیار یێ جڤاکێ یا ئێزدی خودێ ژێ رازی بەشیر خەلیل ئاغا قاییدی، بهیست.
ب ڤێ ههلکهفتنێ، بههیداری و سهرساخیێ ل مالبات و کهسوکار و دۆست و ههڤالێن وی دکهین و ههڤپارێت خهما وانین.
خودایێ مهزن سهبر و ههدارێ بدهته وان و خودێ ژێ ڕازی بێخته بهر دلۆڤانیا خوە.
نێچیرڤان بارزانی
سهرۆکێ ههرێما کوردستانێ
٢٠٢٠/٢/١٥
ئەڤرۆ نیوز:
میدیایێن عیراقی، ناڤێ هندەک وەزیرێن کابینا نوو یا محەمەد تەوفیق عەلاوی ئاشکرا کرینە.
میدیایێن عیراقی ئاشکرا کرینە، کو فەریق روکن عەبدلوەهاب ساعدی کاندیدێ وەزارەتا نافخۆیە، فەریق روکن جومعە عەناد کاندیدێ وەزارەتا بەرگریێ یە، عەلی دەهوری کاندیدێ وەزارەتا پەیوەندیانە، د. سەلامە سمێسم کاندیدا وەزارەتا خواندنا بلندە.
هەروەسا ئەحمەد رازی یاریکەرێ بەرێ یێ هەلبژارتیێ عیراقێ کاندیدێ وەزارەتا وەرزش و لاوانە، گوتۆبێژ دەربارەی کاندیدکرنا هەر ئێک ژ سەفیە سوهەیل و سەلاح تەمیمی بۆ وهزارهتا دهرڤه دهێتە کرن.
ئهڤرۆ نیوز، بارزان مزوورى:
دهرمانسازێ شههرهزا كهریم كهمال، رێڤهبهرێ ساخلهمیا قهزا شێخان بۆ ئهڤرۆ نیوز گۆت: ئێك ژ پرۆژێن مه یێن ئهڤ ساله كۆ بۆ ئێكهم جاره ئهڤ پرۆژه دهێتە ئهنجامدان گرنگی یا سهر زێدهكرنا رهوشهنبیریا ساخلەمیێ یه بۆ خهلكى، تایبهت ل دهڤهرا شێخان مهرهم ژڤى پرۆژهى ئهوه كۆ خهلكى هاندهین دوور بێخین ژ بكارئینانا دهرمانا ژبهركۆ ههر دهرمانهكێ دهێتە بكارئینان بێى نوشدارێ تایبهتمهند زیانهكا خۆ یا ههى ل سهر ژیانا خهلكى.
ناڤهاتى خویاكر خهلكێ مه هێشتا گهلهك بۆ دڤێت ههتا ب دروستى تێ بگههیت كا بكارئینانا دهرمانا ج زیانێن خۆ ههنه ل سهر مرۆڤى ئهو بههرا بۆمه دهێت یا دهرمانابۆ 25 بنگههێن تهندروستى ئهگهر بدهینه ئێك بنگهه یێن سهر ب رێڤهبهریا مهڤه تێرا وى بنگههى ناكهت ژبهر خهلكێ مه بتنێ دڤێت دهرمانا وهرگریت نه ب رێكێن دروست بكاربینیت بتنێ خهلكێ مه حهش دهرمانا دكهت.
ناڤهاتى گۆت:ئهم یێ بزاڤێ دكهین كۆ خهلكى هاندهین دهرمانا بكارنهئینن ژبهركۆ ئهڤ دهرمه خرابن ب رێگا كهساتیێن ئاینى و سهنتهرێن رهوشهنبیرى و قوتابخانا و مزگهفتنا دێ دگهل خهلكێ خۆ رینین خار زیانێن بكارئینانا دهرمانا زێدهتر بۆ شلوڤهكهین ب رێكێن لێدانا پوستهرا ژى بۆ جهێن پێش چاڤ دگهل ههموو قوتابخانێن قهزا شێخان سمینارا ئهنجام دهین ههر قوتابخانهكێ بۆ ماوێ حهفتیهكێ دێ سمینارا بۆ ئهنجام دهین بتنێ بۆ وێ چهندێ كۆ خهلكێ مه ئێدى خو ل دهرمانا دوور كهت ب ههروه بكار نهئینیت ژبهركۆ ههر مالهكێ نها بچیێ مالا خوە كریه دهرمانخانه ئهو دهرمان نه د گرنگن د مالێ دا بێ نوشدار دهێنە بكارئینان.
ناڤهاتى زێدهتر گۆت: داخوازێ ل رێكخراوا ژى دكهین بهێن ههڤكاربن دێ كارمهندا ژى دگهل وان رهوانهكهین دا دناڤ خهلكى بگهرێن بۆ هشیاركرنا خهلكى ژ بكارئینانا دهرمانا ژبهركۆ ههتا نها ئهڤ پرۆژه چ قهزایا دهست پێ نهكریه بتنێ ئهڤ پرۆژه ل قهزا شێخان دهێت ئهنجام دان ل ناحیا كهلهكچى دهست پێكریه ژى.
ئەڤرۆ نیوز:
مەسرۆر بارزانی، سەرۆک وەزیرێن هەرێما کوردستانێ ل میونشن پێشوازی ل ئەیمەن سەفەدی، وەزیرێ دەرڤە یێ ئوردنێ کر.
مالپەرێ حوکمەتا هەرێما کوردستانێ راگەهاندیە، د وێ کۆمبوونێ دا، وەزیرێ دەرڤە یێ ئوردنێ سلاڤ و رێزێن تایبەت یێن شاهـ عەبدوللای شاهێ ئوردنێ گەهاندینە سەرۆکێ حوکمەتا هەرێمێ و ئاماژە ب هندێ دایە، کو پەیوەندیەکا ب هێز یا مێژوویی دناڤبەرا ئوردنێ و هەرێما کوردستانێ دا هەیە.
سەرۆکێ حوکمەتا هەرێما کوردستانێ ژی سوپاسیا شاهـ عەبدوللای کر بۆ پشتەڤانیا وی یا بەردەوام ل هەرێما کوردستانێ و سەقامگیریا دۆخێ عێراقێ، د وێ کۆمبوونێ دا بارودۆخێ عێراقێ و ڤێ دەڤەرێ و پەرەپێدانا پەیوەندیێن هەرێما کوردستانێ و ئوردنێ گوتۆبێژ کرن.
نيشاندان