ئەڤرۆ نیوز؍عەلی حاجی:

نێزیکی سێ رۆژایە گەنجەکێ زاخۆ ب ناڤێ (وەعەد سەلیم) یێ بەرزەیە و هەتا نوکە نەهاتیە دیتن و لێگەریان ل ناڤبری يا به‌رده‌وامه‌.

رەعەد سەلیم ؍ برایێ کەسێ بەرزە بوی بۆ ئەڤرۆ نیوز گۆت” ل ئێڤاریا رۆژا پێنچشەمبێ برایێ من ژمال دەرکەڤتیە و هەتا نوکە ڤەنه‌گەریایە مال؍ بەری دو رۆژان مە ترومبێلا وی ل دهۆکێ دیتیە کو رادەستی ئێک ژکەسوکارێن مە کربوو؍برایێ من ب وی کەسی گوتبو ژی هەکە پشتی دو رۆژێن دی ئەز نەزڤریمەڤە ؍ترومبێلا من رادەستی مالا مە بکە؍ ژ رۆژا ژ مال دەرکەڤتی و هەتا دوهی مە شنی زانی یە یێ بەرزە بووی ئەو ژی پشتی خودانێ جهێ کاری پەیوەندی ب مەکری و دیارکری برایێ من نێزیکی دو رۆژایە نەهاتیە کاری.

 گوت ژی :مالامە و برایێ من چو ئاریشە دگەل کەسەکێ نینە و مە هەمی لایەنێن پەیوەندیدار ژی ئاگەهدار کرینە و برایێ من ب خوە ژی یێ پەککەڤتی یە و ژبەر پەکەفتتیا وی ژی ل کارێ خوەیێ پێشمەرگاتیێ هاتبوو خانەنشینکرن.

ئەڤرۆ نیوز ، مەحمود نهێلی

بەرپرسێ‌ نڤیسینگەها گەشتوگوزاریا ئامێدیێ‌ بۆ ئەڤرۆ نیوز دیار كر، كو دڤان چەند رۆژێن بوری دا پتر ژ 60 هزار گەشتیاران سەرا جهێن گوزاری یێن دەڤەرا ئامێدیێ‌ كريه‌، كو پتریا وان خەلكێ‌ باشور و ناڤەراستا عیراقێ‌ بووینە.

حمید سالح، بەرپرسێ‌ نڤیسینگەها گەشتوگوزاری ل ئامێدیێ‌ دیار كر، كو دڤێ‌ جەژنێ‌ دا پتری هەر هەلكەفتەكا دی گەشتیاران قەستا دەڤەرێ‌ كریە و گۆت: ( پتریا ڤان گەشتیاران خەلكێ‌ باشور و ناڤەراستا عیراقێ‌ بووینە و سەرا هەموو جهێن گەشتیاری یێن دەڤەرێ‌ دایە بتنێ‌ ئەو جه نەبن یێن مەترسیا بوردومانان ل سەر).

ناڤهاتی دیار ژی كر، كو ئەو نەشیانە گەشتیاران ڤرێكەنە جهێن گوزاری یێن گەلیێ‌ بالندا و ئاڤا مارك ل دەڤەرا رێكان ژبەر كو ئەو دەڤەر بەردەوام دهێتە بوردومانكرن.

گۆت ژی، ژبلی وان جهێن دەستنیشانكری، جهێن دی هەموو د ئارامن و گەشتیار دشێن قەست بكەنێ‌ و ب ئومێدين  د هەلكەفتێن بهێت دا رێژا گەشتیاران پتر لێ‌ بهێت.