ئەڤرۆ نیوز، عەلی حاجی :‏
مەلا سەعید عەبدولرەحمان، رێڤەبەرێ ئەوقاف و کاروبارێن ئایینی، د داخویانیەکێ دا بۆ ئەڤرۆ نیوز ئاشکەرا کر ژ بەر ‏نەپێگریا گوتاربێژان ب رێنمایێن ئەوقافێ، سێ گوتار بێژ ب ئێکجاری ھاتنە دورخستن. دا زانین ژی کو د نوکە دا ‏پێنچ مزگەفت دھێنە ئاڤا کرن.‏

مەلا سەعید عەبدولرەحمان زێدەتر گوت : ژبەر کو مە ھەژمارەکا رێنمایان ھەنە و ئەو رێنما ژلایێ وەزارەتا ئەوقاف و ‏کاروبارێن ئاینی ھاتینە دەر کرن ، کو ژگرنگترین رێنمایان ژی نابیت گوتاربێژ تەشھیرێ بکەت یان ژی گوتارەکا ‏توند پێشکێش بکەت ، زێدەباری وێ چەندێ ژی نابیت فەتوا ل سەر مینبەرێن مزگەڤتان بھێنە ددان،دئەڤ سالە دا و ‏ھەتا نوکە ، ژبەر نەپێگریا سێ گوتاربێژان ب ڤان رێنمایان و پشتی چەندین ھوشداریان ھاتنە دوور خستن ژ کارێ ‏گوتاربێژیێ ، بەلێ دو ژ وان کەسان نەئیمام بون و نە ب گرێبەست و نە ب دامەزراندن دگەل مە نەبون بتنێ وەکو ‏خوەبەخش بون دگەل مەدا کار دکرن.‏

ناھاتی گوت ژی : ژبەر ھاتنا قەیرانا دارایی حکومەتا ھەرێمێ ھەمی پروژەیێن خوە راوەستاندن بون ، بەلێ نیچزیکی ‏‏36 مزگەڤتان ژلایێ خێرخوازان ڤە ھاتنە ئاڤا کرن ، پشتی وەرگرتنا رەزامەندیێ و دابینکرنا پارچە زەڤیەکێ ژلایێ ‏باژێرڤانیا زاخۆ ڤە، دنوکە دا کار کرن ل سەر پێنچ مزگەڤتان ڤە دھێتە کرن ژلایێ خێرخوازێن دەڤەرا زاخۆڤە ، ئەو ‏پێنچ مزگەڤتە ژی دێ ب شێوەیەکێ مودرن ھێنە ئاڤا کرن .‏

ئه‌ڤرۆ نيوز، نيوار محه‌مه‌د سه‌ليم:

رۆژا 1ى ئيلۆنا 2019ێ خولا دانانا قانوونا يا وه‌رزێ پاييزێ يا سالا ئێكێ يا خولا پێنجێ يا په‌رله‌مانێ كوردستانێ يه‌.

پرۆژێ قانوونا چاكسازيێ د مووچه‌ى، ده‌رماله‌ و خانه‌نشينيێ هيڤيا هه‌موو فراكسيۆنێن په‌رله‌مانى يه‌، ژبلى پرۆژێ قانوونا چاكسازيێ، بڕياره‌ حوكمه‌ت 18 پرۆژێن قانوونێن دى كو د كه‌رتێن جودا دانه‌، بۆ په‌رله‌مانى ب هنێريت كو دبيته‌ كارێ ده‌ستپێكى يێ لايه‌نێن پشكدار د ده‌سته‌لاتێ دا بۆ په‌سه‌ندكرنێ.

ئه‌ڤرۆ نيوز، نه‌وزاد هلۆرى

 ب گۆژمێ‌ 120 ملیۆن دیناران ده‌ست ب چێكرنا جاده‌كا خزمه‌تگۆزاری د ناڤبه‌را فه‌یدیێ‌ و مووسل دا دهێته‌ كرن.

ئه‌میر ئه‌ترۆشى، به‌رپرسێ راگه‌هاندنا رێڤه‌به‌ریا گشتى یا باژێرڤانیان ل پارێزگه‌ها دهۆكێ ئه‌ڤرۆ نیوز گۆت:  دیار كر كو ب درێژاهیا چار هزار و 330 مه‌ترین چارگۆشه‌ و فره‌هیا 20 مه‌تران، ده‌ست ب چێكرنا جاده‌كێ د ناڤبه‌را فه‌یدیێ‌ و باژێرێ مووسلێ كو 120 ملیۆن دیناران ژی بۆ ڤی پرۆژه‌ی هاتینه‌ ته‌رخانكرن و ئه‌ڤ پرۆژه‌یه‌ دێ‌ ڤه‌كرنا جادێ‌ و تێكه‌له‌كرن و قێركرن و دانانا شۆسته‌ی ب خوه‌ڤه‌ گریت.

دياركر ژى كو ئه‌ڤ جاده‌  وه‌كو جاده‌‌كا خزمه‌تگۆزاری هێته‌ بكارئینان بۆ هاتنوچوونا ترۆمبێلان د ناڤبه‌را دهۆك و مووسلێ دا و دێ‌ د ناڤبه‌را هه‌ردو جادێن سه‌ره‌كی را بۆ مووسل چیت و جاره‌كا دی بۆ دهۆكێ‌ هێت و گۆت: ل گه‌ل ڤی پرۆژه‌ی دێ‌ جادا نه‌خوه‌شخانا فه‌یدیێ‌ ژی هێته‌ قێركرن.