ئەڤرۆ نیوز ٬ عەلی حاجی :
حەکیم یوسڤ زێدەتری ۲۰ سالە ل هەیڤا رەمەزانێ ل کولانێن زاخۆ شعرێن ئایینی دبێژیت و وه‌لاتی ژی هاریکاریێ دگەل دا دکەن .
ب ڤیدیۆ .. 20 ساله شعرێن ئاینی دبێژیت
نووترين نووچه
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
- گەلێ كورد پێدڤی ب ئێكگۆتاری و پەیڕەوكرنا رێنمایێن سەرۆك بارزانی یە
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
سه‌ره‌كى نووترين نووچه
سه‌رۆك بارزانى پێشوازیێ ل كونسۆلێ فلستینێ ل كوردستانێ دكه‌ت
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ سێشه‌مبى 28/5/2019 پێشوازى ل نه‌زمى حزورى، كونسۆلێ فلستینێ ل هه‌رێما كوردستانێ كر.
د دیداره‌كێ دا كونسولێ فلستینێ سلاڤێن مه‌حموود عه‌باس سه‌رۆكێ فلستینێ گه‌هاندنه سه‌رۆك بارزانى وپێزانین بۆ رۆلێ سه‌رۆك بارزانى د سه‌قامگیریا كوردستانێ وعیراقێ وده‌ڤه‌رێ وهه‌روه‌سا پێشڤه‌برنا كه‌لتوورێ پێكڤه‌ژیانێ د ناڤبه‌را پێكهاتێن نه‌ته‌وى وئایینى دا هه‌بوو.
هه‌ر د وێ كۆمبوونێ دا دووپاتى ل په‌یوه‌ندیێن دیرۆكى د ناڤبه‌را گه‌لێ كوردستانێ وگه‌لێ فلستینێ وره‌وایه‌تیا دۆزا هه‌ردو گه‌لان هاته كرن.
كارگێریا پارێزگه‌ها دهۆكێ فتاره‌ك بۆ 1500قوتابیان به‌رهه‌فكر
ئەڤرۆ نیوز:
ب هه‌لكه‌فتا هاتنا مه‌ها ره‌مه‌زانا پیروز ول دوڤ به‌رنامه‌كێ ده‌ست نیشانكرى یێ كارگێریا پارێزگه‌ها دهوكێ بو دانا فتارا بو ته‌خێن جودا جودا ئه‌ڤرو ئێڤارى 28-5-2019 فه‌رهاد ئه‌مین ئه‌تروشى پارێزگه‌رێ دهوكێ ب ئاماده‌بونا جێگرێن پارێزگه‌رى فتاره دگه‌ل قوتابیێن پشكێن نافخویى خوار .
بڤێ هه‌لكه‌فتێ پارێزگه‌رێ دهوكێ بناڤێ كارگێریا پارێزگه‌ها دهوكێ و خه‌لكێ پارێزگه‌هێ پیروزباهیێن گه‌رم ئاراسته‌ى رێزدار نێچیرڤان بارزانى كرن ب هه‌لكه‌فتا هه‌لبژارتنا جه‌نابێ وى ژلایێ په‌رله‌مانێ كوردستانێ بو پوستێ سه‌روكاتیا هه‌رێما كوردستانێ .
پارێزگه‌رێ دهوكێ ته‌كه‌زكر كو نێچیرڤان بارزانى پترى بیست سالایه وه‌كو سه‌ركرده‌كێ خودان ئه‌زمون وشیان خزمه‌تا حكومه‌تا هه‌رێمێ وخه‌لكێ كوردستانێ كریه ورولێ وى یێ به‌رچاڤه ل سه‌ر ئاستێ هه‌رێمێ وئیراقێ وجیهانێ وهیڤى خاستن كو ل دویڤ ده‌سته‌هه‌لاتێن وى هه‌ین ئه‌و پشته‌ڤانیێ ل پارێزگه‌ها دهوكێ بكه‌ت وژین وژیارا خه‌لكى خوشبكه‌ت وسه‌ركه‌فتن بو جه‌نابى وى خواست.
سه‌باره‌ت ئاماده‌كرنا فتارێ بو قوتابیێن پشكێن نافخویى گوت: فتاره ل دوڤ به‌رنامێ كارگێریا پارێزگه‌ها دهوكێ بو ته‌خێن جودا جودا هاتینه ئاماده‌كرن وفتارا ئه‌ڤرو بو قوتابییان هاتیه ئاماده‌كرن وه‌كو پشته‌ڤانییه‌كا مه‌عنه‌ویه بو قوتابییان نه‌خاسمه نوكه وه‌رزێ ئه‌نجامدانا ئه‌زمونایه وده‌ست خوشى ل قوتابیێن به‌رهه‌ڤبوى كر وهیڤى خاستن جه‌ژنه‌كا خوش وئارام ده‌ربازكه‌ن وئه‌نجامێن باش ژى ب ده‌ستڤه‌بینن ، هه‌روه‌سا ده‌ست خوشى ل ستافێ كارگێریا پارێزگه‌هێ كر بو به‌رهه‌ڤكرنا فتارا بو ته‌خێن جودا جودا وخواست كو روژێن خوش وگه‌شتر ب سه‌ر هه‌موو خه‌لكێ پارێزگه‌هێ دا بهێن .
هه‌ژى گوتنێ یه ستافێ كارگێرى یێ پارێزگه‌هێ فتاره بو نێزیكى(1500) قوتابیێن پشكێن نافخویى ل ناڤه‌ندا پارێزگه‌هێ ئاماده‌كربو.
بریار ئه‌وه ل روژێن بهێت ژى كارگێریا پارێزگه‌هێ چه‌ند فتارێن دن بو ته‌خێن جودا جودا به‌رهه‌كه‌ت.
جوره كێزه‌كێ بێزارى بۆ خه‌لكێ ڤێ ده‌ڤه‌رێ دروستكریه
ئه‌ڤرۆ نیوز ، نه‌وزاد هلۆرى:
جوره كێزه‌كا ره‌ش ل سنوورێ ده‌ڤه‌را ئامێدیێ ب گشتى په‌یدابویه، پشكه‌ك ژ وه‌لاتیان بێزاریا خوه لێ دبینن چونكى دچیته دناڤ مال و خوارن و ڤه‌خوارنان دا.
سه‌گڤان عومه‌ر، وه‌لاتیه‌كێ شێلادزێ یه دیاركر كو جوره كێزه‌كا ره‌ش ل ده‌ڤه‌را وان په‌یدابویه و بۆ ئه‌ڤرۆ نیوز گۆت: (ئه‌ڤ كێزا ره‌ش دچیته دناڤ خوارن و ڤه‌خوارن و ئاڤێن تانك و ناڤا باخچه و سه‌ر نڤینك و جلوبه‌رگ و هه‌ر تشتى دا، دشێت بفریت و پیان ژى دچیت، ئه‌ڤ كێزه گه‌له‌ك بێزاریا خه‌لكى دكه‌ت ب تایبه‌تى ب شه‌ڤ ده‌ما مرۆڤ نڤستى و دهێته دناڤ به‌تانى و سه‌ر سه‌روچاڤێن مرۆڤى).
زێده‌تر گۆت: (بو ناڤبرنا وى هنده‌ك ژ خه‌لكێ ده‌ڤه‌رێ مالێن خوه د ره‌شینن و هنده‌ك ژى دكوژن، به‌لێ ژبه‌ركو یا زوره و دووباره دهێنه‌ڤه ژناڤبرنا وان ژى یا ب زه‌حمه‌ته).
زوبێر حه‌سه‌ن، ئه‌ندازیاره‌كێ چاندنێ یه ل ده‌ڤه‌رێ بۆ ئه‌ڤرۆ نیوز گۆت: (ئه‌ڤ جورێ كێزا ره‌ش دهێته بناڤكرن ب قالوجه و ئێكه ژ وان كێزێن وه‌رزێ بهارێ په‌یدا دبیت، به‌لێ ل ده‌ستپێكا وه‌رزێ گه‌رمێ مه‌زن دبیت و دشێت بهێت و بچیت و بفریت ژى، به‌لێ تا ناڤه‌راستا هاڤینێ دمینیت و پاشان دمریت، ئه‌وێن كو دمینن ژى قه‌ستا جهێن هوین ل نێزیك ئاڤان دكه‌ن، نوكه كو دناڤ مالان دا هه‌یه بزاڤى َدكه‌ت جهه‌كێ هوین بخوه په‌یدا بكه‌ت).
زێده‌تر گۆت: (هه‌ر چه‌نده ئه‌ڤێ جورێ كێزێ چ زیان نینن و دبیت مفا هه‌بن، به‌لێ ل گه‌ل ڤێ یه‌كێ ژى زیان هه‌نه ب تایبه‌تى ئه‌گه‌ر بكه‌ڤیته دناڤ خوارن و ڤه‌خوارنێ دا، ئه‌ڤ كێزه گه‌له‌ك حه‌ش حه‌شه‌راتێن دى دكه‌ت ب تایبه‌تى دوپشك و كولى و به‌لاتینك و مێش و چه‌ند حه‌شه‌راتێن دن یێن زیاندار ئه‌وێن كو دناڤ مالان و چاندنێ ژى دا په‌یدا دبن، هه‌كه ئه‌ڤ كێزه دناڤ سرۆشتى دا بیت و دناڤ چاندنێ دا بیت پێدڤیه نه‌هێته كوشتن و ژناڤبرن، به‌لێ هه‌كه هاته دناڤ مالاندا پێدڤیه بهێته ژناڤبرن، چونكى زیان بو ساخله‌میا مرۆڤى هه‌یه ئه‌گه‌ر هات و بچیته دناڤ خوارنێ و ڤه‌خوارنێ، پاشى ئه‌و خوارن و ڤه‌خوارن بهێته خوارن).
نێچيرڤان بارزانى په‌يامه‌كێ به‌لاڤ دكه‌ت
ئه‌ڤرۆ نیوز:
ب هه‌لكه‌فتا هه‌لبژارتنا وى بۆ پۆستێ سه‌رۆكێ هه‌رێما كوردستانێ، نێچیرڤان بارزانى په‌یامه‌ك به‌لاڤكر وسوپاسیا په‌رله‌مانێ كوردستانێ كر ووه‌لاتیێن هه‌رێما كوردستانێ ژى پشت راستكرن كو سه‌رۆكاتیا هه‌رێمێ دێ بیته بنگه‌هێ ئێكرێزیێ.
نێچیرڤان بارزانى د په‌یاما خوه دا راگه‌هاند” من سوپاسى وپێزانینه‌كا زۆر بۆ په‌رله‌مانێ كوردستانێ یا هه‌ى كو ئه‌ڤرۆ ب نوونه‌راتیا گه‌لێ كوردستانێ باوه‌رى دایه من، هه‌موو كوردستانیان پشت راست دكه‌م كو سه‌رۆكاتیا هه‌رێمێ دێ بنگه‌هێ ئێكرێزیێ وكۆمكرنا هه‌موو هێز ولایه‌نێن سیاسى یێن كوردستانى وپێكهاتێن ئیتنى وئاینان بیت ب جوداهیا بیر وبۆچوونێن خوه‌ڤه، ژبۆ پێكڤه‌ژیانه‌كا ئاشتیانه وئارامیا گه‌لێ كوردستانێ”.
گۆت ژى” ئارامى وئاشتیا جڤاكى ودابینكرنا مافێن تاك وكومه‌لگه‌هێ، دێ ئارمانجا مه یا سه‌ره‌كى بیت ب گرتنه‌به‌را رێیا دیالۆكێ د چاره‌سه‌ركرنا هه‌موو كێشێن د ناڤبه‌را هه‌رێمێ وحوكمه‌تا فیدرال دا د چارچۆڤێ دستوورى دا، هه‌روه‌سا پاراستنا په‌یوه‌ندیا دۆستانه یا ب هێز ل گه‌ل وه‌لاتێن جیران وده‌ڤه‌رێ وبه‌رده‌وامیدان ب هێزكرنا پێگه وسه‌نگا هه‌رێما كوردستانێ ل سه‌ر ئاستێ هه‌رێمایه‌تى ونێڤده‌وله‌تى”.
نێچیرڤان بارزانى، سه‌رۆكێ هه‌لبژارتى یێ هه‌رێما كوردستانێ ل دووماهیا په‌یاما خوه ئاماژه ب وێ چه‌ندێ كر كو هه‌رێما كوردستانێ مولكێ هه‌موو كوردستانیانه، ب هه‌موو جوداهیێن خوه‌ڤه، سه‌رۆكاتیا هه‌رێمێ ژى دێ سه‌كۆیێ ئیراده وخواست ومافێن وان بیت بێ جوداهى”.
کۆنسولێن وەلاتێن بیانی پیرۆزباهیێ ل نێچیرڤان بارزانی دکەن
ئەڤرۆ نیوز:
ئەڤرۆ پشتی کو نێچیرڤان بارزانی ل پەرلەمانێ کوردستانێ وەکو سەرۆکێ نوو یێ هەرێما کوردستانێ هاتە هەلبژارتن کۆنسولێ وەلاتێن وەکو فرەنسا، ئیمارات، هند، ئیران و گەلەک وەلاتێن دی د داخۆیانیێن جودا جودا دا پیرۆزباهی ل نێچیرڤان بارزانی کرن و دیار کرن کو نێچیرڤان بارزانی کەسەکێ سەرکەفتی بوویە و دشێت رۆلەکێ سەرەکی بۆ چارەکرنا پرسێن ل هەرێما کوردستانێ و عیراقێ بگێریت.
ل ئالیێ دی ئەحمەد داوود ئوگلۆ سەرۆک وەزیرێن بەرێ یێ تورکیا ژی پیرۆزباهی ل نێچیرڤان بارزانی کر و هێڤیا سەرکەفتنێ بۆ خواست.
بەلجیکا بەرهەڤە پتر هاریکاریا کوردستانێ بکەت
ئەڤرۆ نیوز:
ئەڤرۆ مەسرور بارزانی شیرەتکارێ ئاسایشا هەرێما کوردستانێ پێشوازی ل هندریک ڤان دیفێلد بالیۆزێ وەلاتێ بەلجیکا ل عیراقێ و ئوردنێ کر و د هەڤدیتنێ دا بەحسێ رەوشا عیراقێ و گشتی یا دەڤەرێ و کوردستانێ هاتە کرن.
ژ ئالیێ خوە ڤە بالیۆزێ بەلجیکا ب گرنگی بەحسێ پرۆسێسا پێکئینانا کابینا نوو یا حوکمەتێ کوردستانێ کر و بەرهەڤیا وەلاتێ خوە بۆ هاریکاریێن پتر بۆ هەرێما کوردستانێ دیار کر و هەروەسا هێڤی خواست کو مەسرور بارزانی بشێت د کابینا نوو یا حوکمەتا هەرێما کوردستانێ دا سەرکەفتی بیت.
مەسرور بارزانی ژی هێڤیا سەرکەفتنێ بۆ بالیۆزێ بەلجیکا ل عیراقێ و ئوردنێ خواست و دیار کر پەیوەندیێن هەرێما کوردستانێ و بەغدا نها باشن و بزاڤ دهێنە کرن هەموو پرسێن هەی ب رێیا دستوورێ بهێنە چارەکرن.
پارێزگه‌رێ دهۆكێ و به‌رپرسا (UNHCR) ره‌وشا ئاواره و په‌نابه‌ران گه‌نگه‌شه‌كر
ئەڤرۆ نیوز:
ئه‌ڤرو سپێدێ 28-5-2019 فه‌رهاد ئه‌مین ئه‌تروشى پارێزگه‌رێ دهوكێ پێشوازیا (ئان دولان ) به‌رپرسا (UNHCR) ل پارێزگه‌ها دهوكێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا ئیسماعیل محەمەد ئەحمەد هاریكارێ پارێزگه‌رى بو كاروبارێن ئاواره وپه‌نابه‌ران به‌حسێ ره‌وشا ئاواره وپه‌نابه‌ران ل سنورێ پارێزگه‌ها دهوكێ وئه‌و هاریكاریێن مروڤایه‌تى یێن پارێزگه‌ها دهوكێ ورێكخراوێن مروڤایه‌تى پێشكێشدكه‌ن وپێدڤیێن رونشتڤانێن كه‌مپا تایبه‌تى ل وه‌رزێ هاڤینێ هاته كرن.
دته‌وه‌ره‌كێ دن دا به‌حسێ ب دوماهى هاتنا ئه‌رك وبه‌رپرسیاریا (ئان دولان ) به‌رپرسا (UNHCR) ل پارێزگه‌ها دهوكێ ودانانا (دیڤید مولباه) ل شوینا وێ هاته كرن.
(ئان دولان ) به‌رپرسا (UNHCR) ل پارێزگه‌ها دهوكێ سوپاسیا حكومه‌تا كوردستانێ وپارێزگه‌رێ دهوكێ وسازیێن پارێزگه‌هێ كر هه‌مبه‌ر هه‌ڤكاریا وان دگه‌ل UNHCR ژبو خزمه‌ته‌كرنا ئاواره وپه‌نابه‌ران.
پارێزگه‌رێ دهوكێ ده‌ست خوشى ل (ئان دولان ) به‌رپرسا (UNHCR) ل پارێزگه‌ها دهوكێ كر هه‌مبه‌ر ئه‌و خزمه‌تا پێشكێشى ئاواره وپه‌نابه‌ران ل سنورێ پارێزگه‌هێ كرى وداخازا سه‌ركه‌فتنێ بوكر دهه‌ر كار وئه‌ركه‌كێ نوو دا یێ پێ دهێته راسپاردن وبه‌رهه‌ڤیا پارێزگه‌هێ نیشان بو هه‌ر هاریكاریه‌كێ دگه‌ل به‌رپرسێ نوو یێ (UNHCR) ل پارێزگه‌ها دهوكێ وخواست رێكخراوا (UNHCR) به‌رده‌وامیێ بده‌ته هاریكاریێن خو یێن بو ئاواره وپه‌نابه‌ران.
كۆنگرێ رۆژنامه‌ڤانى يێ فراكسيۆنا پارتى پشتى كۆمبوونا په‌رله‌مانێ كوردستانێ
ئه‌ڤرۆ نيوز:
ئومێد خۆشناو، سه‌رۆكێ فراكسيۆنا پارتى ديموكراتى كوردستان ته‌كست ل سه‌ر هه‌لبژارتنا نێچيرڤان بارزانى وه‌كو به‌ربژارێ پارتى ديموكراتى كوردستان ب سه‌رۆكێ هه‌رێمێ راگه‌هاند و سۆپاسيا وان لايه‌نان كر يێن كو پێگرى ب رێكه‌فتنا دولايه‌نى كرى.
به‌حس ل وێ چه‌ندێ ژى كر كو ئه‌وێن پشكدارى نه‌كرى و پێگرى ب رێكه‌فتنێ نه‌كرى، دياره به‌رنامه‌كێ پێشتر هه‌بوويه و گۆت: “هه‌كه پێشتر مه‌ڤيابا مه دشيا شه‌ش بۆ حه‌فت هه‌يڤا ڤێ چه‌ندێ بكه‌ين، به‌لێ پارتى دڤيا ده‌ليڤێ بده‌ته هه‌موو هێزان پشكدار بن”.
ئاماژه ب وێ چه‌ندێ ژى كر كو سه‌ره‌ده‌ريا وان ل گه‌ل ئێكه‌تيێ ژ ئه‌ڤرۆ و پێڤه دێ ب گۆره‌ى بڕيارا سه‌ركرداتيا سياسى يا پارتى بيت ژ به‌ر كو ئه‌وان رێكه‌فتن پێكڤه كريه.
سۆپاسيا سه‌رۆك بارزانى ژى كر كو د ماوێ بۆرى دا، وه‌كو سه‌رۆكێ هه‌رێمێ رۆله‌كێ گه‌له‌ك مه‌زن هه‌بوويه د دانه‌نياسينا هه‌رێمێ ب جيهانێ و كارێن گه‌له‌ك باش بۆ هه‌رێما كوردستانێ كرين.
نه‌ڤه‌شارت ژى كو پشتى رێوره‌سمێن سووندخوارنا سه‌رۆكێ هه‌رێمێ، كارێ ئێكێ يێ فراكسيۆنا وان دێ به‌ربژاركرنا مه‌سرۆر بارزانى بيت بۆ پۆستێ سه‌رۆكێ حوكمه‌تا هه‌رێما كوردستانێ.
نێچيرڤان بارزانى ب سه‌رۆكێ هه‌رێما كوردستانێ هاته هه‌لبژارتن
ئه‌ڤرۆ نيوز:
به‌رى ده‌مه‌كێ كێم كۆمبوونا په‌رله‌مانێ كوردستانێ ب رێڤه چوو و تێدا نێچيرڤان بارزانى ب ده‌نگێن پتريا ئه‌ندامێن په‌رله‌مانى وه‌كو سه‌رۆكێ هه‌رێما كوردستانێ هاته هه‌لبژارتن.
د كۆمبوونا ئه‌ڤرۆ يا په‌رله‌مانى دا، سه‌ره‌راى پشكدارينه‌كرنا ئێكه‌تى نشتيمانى كوردستان يا ژ نيشكه‌كێ ڤه، نێچيرڤان بارزانى 68 ده‌نگێن 81 ئه‌ندامێن په‌رله‌مانێ كوردستانێ ب ده‌ست خوه ڤه ئينان وه‌كو سه‌رۆكێ هه‌رێما كوردستانێ هاته هه‌لبژارتن.
هه‌ر چه‌نده پشكداريكرن و نه‌كرنا ئێكه‌تى نشتيمانى كوردستان چو ژ هاوكێشا كۆمبوونا په‌رله‌مانێ كوردستانێ نه‌دكر، به‌لێ ماوه‌كێ زۆره پارتى دخواست د پرۆسا سياسى دا پشكدار بكه‌ت، به‌لێ وه‌سان دياره ئه‌وان بۆچوونه‌كا دى يا هه‌ى.
نيشاندان
WP Facebook Auto Publish Powered By : XYZScripts.com