ئه‌ڤرۆ نيوز:
ئه‌ڤرۆ رۆژا ئێكشه‌مبى 28ى نيسانا 2019ێ مه‌ولود چاويش ئوغلۆ، وه‌زيرێ ژ ده‌رڤه يێ توركيا ب سه‌ره‌دانه‌كا فه‌رمى گه‌هشته به‌غدا يا پايته‌ختێ عيراقێ و بڕياره ل گه‌ل مه‌زنه به‌رپرسێن وێ كۆم ببيت و چه‌ندين دوسه‌يێن گرێداى پرسێت تيرۆر و ئابوورى دا گه‌نگه‌شه بكه‌ن.
بڕياره وه‌زيرێ ده‌رڤه يێ توركيا سه‌ره‌دانا هه‌رێما كوردستانێ بكه‌ت و ل گه‌ل به‌رپرسێن بلندێن هه‌رێما كوردستانێ ژى كۆم ببيت.
ئه‌ڤرۆ نیوز:
پشتى وه‌زاره‌تا ناڤخوه وپێشمه‌رگه، ل چه‌ند وه‌زاره‌تێن دى ل هه‌رێما كوردستانێ فۆرمه‌ك وه‌كو سۆزنامه‌كێ ب فه‌رمانبه‌ران داگریت كو نابیت ب چو شێوه‌كى ببنه شوفێرێن ته‌كسیێ.
بۆ رێكخستنا كارێ ته‌كسیان، حوكمه‌تا هه‌رێما كوردستانێ چه‌ند بریار ورێنما ده‌ركرینه كو كاركرن وه‌كو شوفێرێن تاكسیان ل فه‌رمانبه‌رێن حوكمه‌تێ قه‌ده‌غه‌كریه وهژماره‌كا وه‌زاره‌تان ژى گاڤ ب وى ئاراسته‌ى هاڤێتینه.
بریاره ل هه‌یڤا حوزه‌یرانا داهاتى بریارا قه‌ده‌غه‌كرنا كارێ تاكسیێ ل فه‌رمانبه‌ران ب تایبه‌ت هێزێن ناڤخوه ل سه‌رانسه‌رى هه‌رێما كوردستانێ بهێته بجهئینان.
ئه‌ڤرۆ نیوز، نه‌وزاد هلۆرى:
قوتابیه‌كێ شه‌ش سالى بناڤێ (شاهان شوكرى) كو ل رێزا ئێكێ یا (قوتابخانا ئيسفكا يا بنه‌ره‌تى) ل كومه‌لگه‌ها قه‌دش یا سه‌ر ب ناحیا سه‌رسنكێ دخوینیت، وه‌كو ماموستا و كه‌سوكارێن وى دياركرن كو هه‌شت نه‌خوه‌شى يێن هه‌ين و ئێكه ژ قوتابیێن زیره‌ك ل قوتابخانێ، چاره‌سه‌ركرنا وى ل ده‌رڤه‌یێ كوردستانێ يا هه‌ى، به‌لێ پێدڤى ب پترى 16 ده‌فته‌رێن دولارى یه، ژبه‌ر نه‌خوه‌شیێن خوه 99% ژ وه‌ختێ خوه ب شه‌ڤ و رۆژان نه‌شێت بنڤیت، ب گوره‌ى ئاخفتنێن نوشداران، ئه‌ڤ زارويه مه‌زن نابیت ئانكو گه‌شه‌یێ ناكه‌ت.
بۆ ديتنا ڤيديۆيێ ڤى لينكى كليك بكه.
ئه‌ڤرۆ نیوز:
په‌رله‌مانتاره‌كێ بزاڤا گۆران ل په‌رله‌مانێ عیراقێ داخوازا ئاشكراكرنا مه‌زاختیێن سه‌رۆكاتیا كۆمارێ ژ به‌رهه‌م سالحى دكه‌ت.
ئاشكراكرنا مه‌زاختنا پاره‌ى ژلایێ به‌رهه‌م سالح ڤه بۆ فیسته‌ڤالا عه‌شیره‌تا جاف، هه‌رچه‌نده ژ لایێ عه‌شیره‌تا جاف هاته ره‌تكرن، به‌لێ نه‌رازیبوون ل سه‌ر مه‌زاختنا پارێ سه‌رۆكاتیا كۆمارێ ژلایێ به‌رهه‌م سالح ڤه دروست كر.
هشیار عه‌بدوللا، ئه‌ندامێ لژنا دارایى ل په‌رله‌مانێ عیراقێ وپه‌رله‌مانتارێ فراكسیۆنا گۆران ئه‌ڤرۆ شه‌مبیێ 27/4/2019 راگه‌هاند” پشت به‌ستن ب دستوورێ عیراقێ وپه‌یره‌وێ ناڤخوه‌یێ په‌رله‌مانى وه‌كو پشكه‌ك ژ رۆلێ چاڤدێریكرنێ، داخوازكریه سه‌رۆكاتیا په‌رله‌مانێ عیراقێ پرسیاره‌كێ ئاراسته‌ى سه‌رۆكاتیا كۆمارێ بكه‌ت ل دۆر تێكرایێ وان پارێن مه‌زاختین ژ هه‌موو روویه‌كى یێ سه‌رۆك كۆمارى ونڤیسینگه‌ها وى هه‌ر ژ ده‌مێ پۆستێ خوه وه‌رگرتى.
هه‌ر دوهى ئه‌ینیێ 26/4/2019 هه‌ر هه‌مان په‌رله‌مانتار ئاشكراكر كو به‌رهه‌م سالح گۆژمه‌كێ مه‌زن یێ پاره‌ى بۆ فیسته‌ڤالا عه‌شیره‌تا جاف مه‌زاختیه، ئه‌وژى ژبه‌ركو به‌رهه‌م سالح وچه‌ند به‌رپرسێن ئێكه‌تیێ پشكدارى تێدا كربوو.
ئه‌ڤرۆ نیوز:
ئاژنسا accuweather یا ئه‌مریكى یا تایبه‌ت ب پێشبینیێن سه‌قاى ل جیهانى دیاركر كو ل هه‌یڤا ره‌مه‌زانێ دێ باران بارین ل هه‌رێما كوردستانێ ده‌ستپێكه‌ت.
ئاژانسا ناڤبرى پێشبینى ژى كریه كو نزمترین پلا گه‌رمێ ل هه‌یڤا ره‌مه‌زانى ل هه‌رێما كوردستانێ دێ 24 پله بیت وبلندترین پلا گه‌رمێ ل رۆژێن دووماهیێ ژ هه‌یڤا ره‌مه‌زانى دێ گه‌هیته 38 پله.
ئەڤرۆ نیوز:
خەلیل سەرکانی ئەندامێ جڤاتا گشتی یا بزاڤا گۆران راگەهاند کو حەفتیا داهاتی شاندەکێ پارتی دێ هێنە سلێمانی و سەرەدانا مە کەن و گۆت: (مە چو ئاریشە ل گەل پارتی نینن و دێ شاندەکێ پارتی سەرەدانا مە کەت، لێ هەتا نها ب دروستاهی رۆژا سەرەدانا شاندێ پارتی دیار نینە).
ئەندامێ جڤاتا گشتی یا بزاڤا گۆران ئەو یەک ژی دیار کر کو پارتی سۆز دایە چاکسازیان بکەت و هەروەسا رەنگە ل ڤێ حەفتیێ جڤاتا گشتی یا گۆرانێ ژی کۆم ببیت.
ئەڤرۆ نیوز، نەوزاد هلۆری:
جڤات و لژنا بەرهەڤکرنا سەیرانا گوندی، رابو ب ئەنجامدانا سەیرانەکا خێزانی بو خەلکێ گوندێ سەرگەلێ یا سەر ب دەڤەرا نهێل، تێدا هژمارەکا چاڵاکیان هاتنەکرن، ب گۆرەی ئاخفتنێن خەلکێ گوندی، سەیران رێیەکا گرنگ یا زێدەتر خورتکرنا پەیوەندیێن جڤاکی و مرۆڤاتیە و ساڵێن بهێت دێ کەنە ڤیستەڤالەکا کەلتووری بو ناساندنا کەلتوورێ پێکڤە ژیانێ.
بۆ ديتنا ڤيديۆيێ ڤى لينكى كليك بكه.
ئەڤرۆ نیوز،بارزان مزووری:
لارا یوسف،رێڤەبەرا ناحیا ئەلقوش بۆ رۆژناما ئەڤرۆ نیوز گوت:مە داخاز ل سەرۆکێ حکومەتا هەرێما کوردستانێ کریە کۆ سەرەدەریێ دگەل ناحیا ئەلقوش بکەت ژ لایێ گەهاندنا پروژێن خزمەتگوزاری و پرۆژێن گرنگ ڤە ،
ناڤھاتی گوت:ئەو فەرمانبەرێن دەشتا مووسل د شەرێ رێکخراوا تیرۆرستی یا داعشدا ھاتینە لادان ژ دەوامێن خۆ داخاز ژ سەرۆکێ حکومەتێ کر کۆ ئەو فەرمانبەر ڤەگەرنە سەر دەوامێن خۆ ژلایێ خوڤە داخاز ژمە کر کۆ بزوترین وەخت لیستا ناڤێن وان فەرمانبەرا بۆ رەوانە بکەین بۆ ڤەگەریانا وان فەرمانبەرا بۆ سەر کارێن وان دوبارە وەکو فەرمانبەرێن ھەرێما کوردستانێ.
ئەڤرۆ نیوز ٬ عەلی حاجی :
رێڤەبەریا پشکا چالاکیێن قوتابخانەیان یا سەر ب پەروەدا قەزا زاخۆ ڤە ل ژێر درووشمێ هونەر ناسناما گەلانە فیسته‌ڤاله‌كا زانستی و هونەری بۆ قوتابیێن قوتابخانا نیلوڤ یا بنەرەتی تایبەت ساز کر و کو تێدا چەندین خوارنێن کوردی و بەرهەمێن زانستی وکارێن هونەری هاتە نیشاندان .
بۆ دیتنا ڤیدیۆیێ ڤى لینكى كلیك بكه.
نيشاندان