ئه‌ڤرۆ نیوز:
ریڤه‌به‌ریا گشتى یا كه‌شناسیێ ل هه‌رێما كوردستانێ ل دۆر ره‌وشا سوباهى یا سه‌قاى ل پاریزگه‌ها دهۆكێ به‌لاڤكر كو سوباهى ئێكشه‌مبى 24/3/2019 دێ ئه‌سمان ئه‌ور وباران بیت.
ره‌وشا سوباهى یا سه‌قاى ل پارێزگه‌ها دهۆكێ
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
سه‌ره‌كى نووترين نووچه
مەسرور بارزانی ل دۆر داعشێ هۆشداریێ دده‌ت
ئه‌ڤرۆ نیوز:
شیره‌تكارێ جڤاتا ئاسایشا هه‌رێما كوردستانێ ل دۆر دوباره سه‌رهلدانا داعشێ هوشداریێ دده‌ت وئاشكرا دكه‌ت كو ل پارێزگه‌هێن باكوورێ عیراقێ ل وان جهێن ژ ده‌ستێ داعشێ هاتینه ئازادكرن، شانێن نڤستى یێن داعشێ ب ته‌كتیكه‌كا نوو جاره‌كادى دێ سه‌رهلده‌ن.
مه‌سرور بارزانى، شیره‌تكارێ جڤاتا ئاسایشا هه‌رێما كوردستانێ بۆ رۆژناما گاردیان یا بریتانى گۆت” كونترۆلكرنا ده‌ڤه‌رێن دبن ده‌ستێ داعشێ دا، ئارمانجا سه‌ره‌كى یا شه‌رى بوو، قوربانیێن زۆر ژى ل وى شارى هاتن دان، ئه‌نجامێن شه‌رى ژى ل عیراقێ وسووریێ دبه‌رچاڤن”.
زێده‌تر گۆت” مانا كێشێن سیاسى وئابوورى یێن سه‌ره‌كى بێ چاره‌سه‌رى، رێ بۆ دوباره سه‌رهلدانا داعشێ خوه‌ش دكه‌ت”.
مه‌سرور بارزانى دیاركر ژى”داعش نه تنێ هه‌بوونا هێزه‌كا چه‌كدارى یان رووبه‌ره‌كێ جوگرافى، به‌لكو داعش ئایدیۆلۆژیه‌كا تایبه‌ته ورێكخراوا داعش شیایه خوه ل گه‌ل شكه‌ستنان بگونجینیت ول جهێن تایفگه‌رى تێدا یا زال، ده‌ست ب هێرشێن چه‌كدارى كریه”.
دیسا دبێژیت”ل پارێزگه‌هێن باكوورێ عیراقێ ل وان جهێن ژ ده‌ستێ داعشێ هاتینه ئازادكرن، شانێن نڤستى یێن داعشی ب ته‌كتیكه‌كا نوو جاره‌كادى یێن دیار بووین، ب مه‌ره‌ما به‌لاڤكرنا ترس ودودلیێ د ناڤ خه‌لكی دا”.
رێنمایێن بکارئینانا بەلەمێن گەشتیاری ھاتنە توندکرن
ئەڤرۆ نیوز:
سەروکێ دەستەیا گەشتوگوزارا ھەرێما کوردستانێ دیارکر ل گەل دەسپێکرنا وەرزیچ بھارێ و سەیرانان، رێنمایێن نوو یێ توند بۆ بکارئینانا بەلەمێن گەشتیاری دەرکرن.
د گرنگترین وان رێنمایێن نوو دا ھاتیە ھەر ھەر گەشتیارەک بێ چاکیتێ نقومبوونێ سیاری بەلەمانبیت دێ خودانێ بەلەمێ ھێتە سزادان.
زێدەتر مەولەوی جەبار ئاشکرا کر ئەو دەڤەرێن گەشتیاری یێن سکر یان ئاڤ و رووبار ھەین و بەلەم تێدا بھێنە کار ئینان پێدڤیە مولەت ھەبیت دیسان ل سەر خودانێ بەلەمێ پێدڤیە ھەموو پێدڤیێن رزگارکرنێ د ناف وان بەلەمان دا ھەبیت، دیسان زێدەتر ژ قەبارێ خوە کەسان سیار نەکەت.
توندکرنا ڤان رێنامیان ھاتە پێش پشتی ل رۆژا پێنجشەمبیا بوری بەلەمەکا پر ژ گەشتیار ل رووبارێ دجلە یا باژێرێ مووسل ژێر ئاڤ بووی و زێدەتر ژ ١٠٠ کەسان تێدا خەندقین و چەندین کەس ژی بێ سەروشوینن.
ب سروودا ئەی رەقیب شکەستنا داعشێ ل سووریێ هاتە راگەهاندن
ئەڤرۆ نیوز:
فەرمانداریا گشتی یا هێزێن سووریا دیموکراتیک بەری دەمەکێ د رێوەرسمەکێ دا ب فەرمی ب دووماهی هاتنا خیلافەتا داعشێ ل سووریێ راگەهاند.
رێورەسم ب سروودا نەتەوی یا ئەی رەقیب هاتە دەستپێکرن و فەرماندارێ گشتی یێ هەسەدێ راگەهاند کو رێکخراوا تیرۆرستی یا داعشێ ل سەر دەستێ هێزێن سووریا دیموکرات ب هاریکاریا هێزێن هەڤپەیمانیا نێڤدەولەتی هاتە ژناڤبرن و ئێدی چو ئاخ د دەستێ داعشێ دا نەماینە و نها باغۆز وەکو دووماهی پێگەهێ رێکخراوا تیرۆرستی یا داعشێ ژی کەفتە دەستێ هێزێن مە.
مەزلەم عەبدی فەرماندارێ گشتی یێ هێزێن سووریا دیموکرات بەحسێ چەند سالێن شەرێ ل دژی داعشێ کر و راگەهاند کو مە شیایە هەتا نها نێزیکی ٥ ملیۆن وەلاتیێن سووریێ ژ دەستێ داعشێ رزگار بکەین، مە د شەرێ ل دژی داعشێ دا ب هزاران شەهید و بریندار داینە و گۆت: (سوپاسیا هەڤپەیمانیا نێڤدەولەتی یا ل دژی داعشێ دکەین کو هاریکاریا مە کرن و رێبازا مە یا دیموکراتیک بۆ ئەگەرێ هندێ کو ب پشکداریا هەموو پێکهاتێن ل سووریێ ئەم بشێن داعشێ ژناڤ ببەین).
کارێ راستڤەکرنا قانوونا سەروکاتیا ھەرێمێ دێ دەسپێکەت
ئەڤرۆ نیوز:
فراکسیونا پارتی ل پەرلەمانێ ھەرێما کوردستانێ ئیمزا ل سەر راستڤەکرنا قانوونا سەروکاتیا ھەرێما کوردستانێ کريه، و رادەستی سەروکاتیا پەرلەمانی ھاتیە کرن.
د ڤی دەربارەی دا سەباح مەحمود ئەندامێ پەرلەمانێ کوردستانێ دیارکر کو فراکسیونا پارتی ئیمزا ل سەر پرۆژە قانوونا راستڤەکرنا قانوونا سەروکاتیا ھەرێما کوردستانێ ھاتە کرن و سوبەھی دێ دەسپێکەن.
ل دووڤ وان زانیاریێن ھاتینە ئاشکرا کرن ژ لایێ پەرلەمانتارێن پارتی کو ب ھاریکاریا لایەنێن دی نوکە ئەو مژوولی کارێن راستڤەکرنا قانوونا سەروکاتیا ھەرێما کوردستانێ نە، و ھەموو بزاڤێن وان ئەون بێ ئێکەتی ئەڤ کارە نەھێتە کرن لێ ئەگەر ئامادە نەبوون کارێن راستڤەکرنا پرۆژە قانوونا سەروکاتیێ نا راوەستن.
سەروکێ فراکسیونا پارتی ئومێد خوشناو ئەو چەندە ژی راگەھاند ھەتا نڤێسیا دەستورێ ھەرێما کوردستانێ تمام دبیت، د برگەیا قانوونێ دا دێ ھێتە راستڤەکرن یا کوھاتیە سەروکێ ھەرێما کوردستانێ دێ ل ناڤ پەرلەمانی دا ھێتە ھەلبژارتن نەکو ناڤ خەلکی دا.
دیسان دیارکر فراکسیونا پارتی پرۆژە قانوون نوکە تمام بوویە و ھاتیە رادەستکرن بۆ سەرۆکاتیا پەرلەمانی.
ئه‌ڤ شه‌ڤه دێ چه‌ندین یارى هێنه ئه‌نجامدان
ئه‌ڤرۆ نیوز:
دچارچۆڤێ ڤاڤارتنێن قاره‌مانیا نه‌ته‌وێن ئورۆپى 2020 ئه‌ڤ شه‌ڤه ل ده‌مژمێر 10:45 دێ چه‌ندین یارى هینه ئه‌نجامدان:
ئینگلته‌را – چیك
پورتۆگال – ئۆكرانیا
لوكسمبورگ – لیتوانیا
ئه‌لبانیا – توركیا
ئه‌ندۆرا – ئایسلاندا
مولدوڤا – فره‌نسا
به‌رى ده‌مه‌كێ كێم ژى یاریا د ناڤبه‌را هه‌ردو هه‌لبژارتیێن بولگاریا ومونتینیگرۆ ب ئه‌نجامێ وه‌كهه‌ڤیێ 1-1 ب دووماهى هات.
ب ڤیدیۆ .. ب رێڤەچونا جەژنا نەورۆزێ ل دەڤەرا بارزان
ئەڤرۆ نیوز،،نەوزاد هلۆری:
ئەڤرۆ درۆژا دویێ یا جەژنا نەورۆزێ دا هژمارەکا مه‌زن ژ خەلکێ دەڤەرێن بارزان و شێلادزێ و دەوروبەرا قەستا سەیرانگەها (دارا دازان) ل سنورێ دەڤەرا بارزان کر ژ بۆ بوراندنا دەمەکێ خوه‌ش.
بۆ دیتنا ڤیدیۆیێ ڤى لینكى كلیك بكه
عه‌بدولمه‌هدى لژنه‌كا سێ كه‌سى بۆ ب رێڤه‌برنا پاریزگه‌ها نه‌ینه‌وا پێك دئینیت
ئه‌ڤرۆ نیوز:
فه‌رماندێ گشتى یێ هێزێن چه‌كدار ل عیراقێ، عادل عه‌بدولمه‌هدى، ئه‌ڤرۆ ئه‌ینیێ 22/3/2019 بریارا پێكئینانا شانه‌كا قه‌یرانێ بۆ چاره‌سه‌ركرنا ره‌وشا پارێزگه‌ها نه‌ینه‌وا پێكئینا، ژ ئه‌گه‌رێ ره‌وشا نه ئاسایى ئه‌وا پارێزگه‌ها ناڤبرى تێدا د بۆریت ب تایبه‌تى پشتى نقومبوونا به‌له‌ما گه‌شتیارى ل رووبارێ دیجله ل باژێرێ مووسل.
ل دووڤ بریار عه‌بدولمه‌هدى ئه‌و شانا قه‌یرانێ ژ سێ كه‌سان پێك دهێت ئه‌وژى هه‌ر ئێك ژ مزاحم قاسم خه‌یات، سه‌رۆكێ زانكۆیا مووسل وئه‌ندامه‌تیا هه‌ر ئێك ژ فه‌رماندێ ئۆپه‌راسیۆنێن نه‌ینه‌وا فه‌رماندێ پۆلیسێن نه‌ینه‌وا كو ئه‌و شانه دێ گرێداى فه‌رماندێ گشتى یێ هێزێن چه‌كدار بیت.
عه‌بدولمه‌هدى بریار دا ئه‌و شانا قه‌یرانێ كاروبارێن ده‌ستهه‌لاتا بجهئینانێ ل پارێزگه‌ها نه‌ینه‌وا ب رێڤه ببه‌ت تاكو جڤاتا پاریزگه‌ها نه‌ینه‌وا بریارێن خوه بده‌ت پشتى ڤه‌كۆلینێن نوكه دهێنه ئه‌نجامدان ل دۆر وێ روودانێ.
عه‌بدولمه‌هدى د بریارا خوه دا ئاماژه ب پاریزگارێ نه‌ینه‌وا كریه كو پێدڤیه پێگیریا تمام ب ڤێ بریارێ بكه‌ت.
ب ڤیدیۆ ..وه‌لاتیێن مووسل رێگریێ ل پارێزگارى دكه‌ن
ئه‌ڤرۆ نیوز:
پشتى نه‌وفه‌ل عاگۆب پارێزگارێ نه‌ینه‌وا خواستى سه‌ره‌دانا جهێ روودانا نقومبوونا به‌له‌ما گه‌شتیارى بكه‌ن ئه‌وا دوهى پێنجشه‌مبى پتر ژ 100 كه‌سان تێدا خه‌ندقین، ب ده‌هان وه‌لاتیێن باژێرێ مووسلێ رێگری ل ترومبێلا وى كر وداخوازا ده‌ست ژ كاركێشانا وى كر.
وه‌كو د پارچه ڤیدیۆیێ دا ده‌ردكه‌ڤیت، ب ده‌هان گه‌نجێن باژێرێ مووسل ب به‌ران هێرشێ دكه‌نه سه‌ر كاروانێ ترومبێلێن پارێزگارێ نه‌ینه‌وا وهه‌ر د وێ پارچه ڤیدیۆیێ دا ده‌ردكه‌ڤیت كو جاما ترومبێلا پارێزگارى یا هاتیه یا هاتیه شكاندان وزێره‌ڤانێن پارێزگارى ژى ب تووندى روو ب روویێ وان گه‌نجان دبن.
هه‌ر ل ده‌مێ ره‌ڤینا پارێزگارێ نه‌ینه‌وا ژ ده‌ستێ وان گه‌نجان، كاروانێ ترومبێلێن وى ل دو گه‌نجان دده‌ن وب دژوارى بریندار دكه‌ن.
بۆ دیتنا پارچه ڤیدیۆیێ كلیكێ ل سه‌ر ڤێ لینكى بكه.
به‌شیر حه‌داد: پێدڤیه روودانا مووسل ب ساناهى ده‌رباز نه‌بیت وپێرابوون هه‌بن
ئه‌ڤرۆ نیوز:
ب مه‌ره‌ما دووڤچوونا روودانا نقوومبوونا به‌له‌ما گه‌شتیارى د ناڤ رووبارێ دیجله ل باژێرێ مووسل وگه‌هاندنا سه‌ره‌خوه‌شیا خوه ب كه‌سوكارێن قوربانیان، ئه‌ڤرۆ ئه‌ینیێ به‌شیر حه‌داد جێگرێ سه‌رۆكێ په‌رله‌مانێ عیراقێ ل گه‌ل هژماره‌كا ئه‌ندامێن په‌رله‌مانێ عیراقێ سه‌ره‌دانا باژێرێ مووسلێ كر.
د داخۆیانیه‌كێ دا بۆ ده‌زگه‌هێن راگه‌هاندنێ، به‌شیر حه‌داد گۆت” ئه‌م نوونه‌رێن هه‌موو عیراقیانه، نوونه‌رێن هه‌موو خه‌مێن هه‌وه‌ینه، ئه‌وا ل مووسل رووداى وخه‌ندقینا 100 كه‌سان، د گاڤا ئێكێ دا، مه دڤێت ئه‌ڤ روودانه ب ساناهى ده‌رباز نه‌بیت وپێدڤیه پێرابوون به‌رامبه‌ر وان كه‌سان بهێنه وه‌رگرتن یێن خه‌مسارى كرى د روودانا وێ كاره‌ساتا مه‌زن دا”.
گۆت ژى”ئه‌م ئه‌ڤرۆ یێن هاتین تاكو ژ نێزیك ئاگه‌هدارى ره‌وشا ڤى خه‌لكى ببین ومه سۆز ژى دایێ كو ل رۆژا ئێكشه‌مبیا داهاتى كارێ مه یێ ئێكێ د روونشتنا په‌رله‌مانێ عیراقێ دا، پرسا وێ لژنێ بیت كو بۆ دیاركرنا راستیان ل سه‌ر پارێزگه‌رێ نه‌ینه‌وا هاتیه پێكئینان، وێ لژنێ چه‌ند راسپارده‌یه‌ك یێن هه‌ین وپێدڤیه ل په‌رله‌مانێ عیراقێ ده‌نگ ل سه‌ر وان راسپارده‌یان بهێته دان تاكو ره‌وشا ئیدارى وئه‌منى وئاڤه‌دانكرنێ ل باژێرێ مووسل ب شێوه‌كێ باش بكه‌ڤیته كارى”.
جێگرێ سه‌رۆكێ په‌رله‌مانێ عیراقێ دیاركر” مه نه‌ڤێن گه‌له‌ك باخڤین، ژبه‌ركو ل رۆژێن داهاتى دێ كریارێن مه بینن”.
ئاماژه كر”هه‌موو داخوازیێن خه‌لكێ مووسل د ره‌وانه، خه‌لكه‌كێ دل تژى نه، مافی وانه داخوازا چاكسازیێ وخزمه‌تگوزاریان بكه‌ن، چونكى ئه‌ڤ خه‌لكه یێ سته‌م لێكرى یه ومالێن وان وێران بووینه وباژێرێ وان یێ ژناڤچوویه، د به‌رامبه‌ر دا ژى چو بۆ نه‌هاتیه كرن ژ خزمه‌تكرن وقه‌ره‌بووكرنا وان”.
نيشاندان
WP Facebook Auto Publish Powered By : XYZScripts.com