ئەڤرۆ نیوز ، زنار تۆڤی:

سەرۆکێن هەردو هەڤپەیمانیێن سائیرون و فەتح یێن شیعی کۆم بووینە و رێککەفتن ل سەر هەرسێ سەرۆکاتیێن عیراقێ کرینه.

لدووڤ میدیایێن هەڤپەیمانیا فەتح یا هادی عامری ئەمیندارێ گشتی یێ رێکخراوا بەدر و سەرۆکێ هەڤپەیمانیا فەتح ل نەجەف ل گەل موقتەدا سەدری رێبەرێ باسکێ سەدری و سەرۆکێ هەڤپەیمانیا سائیرون، دەربارەی پێکئینانا کوتلەیا مەزنا پەرلەمانی و پێکئینانا حوکمەتێ کوم بووینه

وی ژێدەری دیارکر ژی، کو هادی عامری و موقتەدا سەدر ل سەر هەرسێ سەرۆکاتیێن عیراقێ رێککەفتینە، لێ هەتا نوکە چو ناڤ ئاشکرا نەکرینە و هەردو ئالی دخوازن حوکمەتا عیراقێ ب زووترین دەم بهێتە پێکئینان.

ئەڤرۆ نیۆز، قائید میرۆ

پەرلەمانێ عیراقێ چاڤەڕێی بڕیارا پەرلەمانێ عێراقێ یە بۆ بڕیاردان ل سەر مەزنترین هه‌ڤپه‌یمانیا پەرلەمانی و بڕیارە سەرۆك و جێگرێن سەرۆكێ پەرلەمانی بهێنە هەلبژارتن.

مەیادە محەمەد نەجار، ئەنداما پەرلەمانێ عێراقێ بۆ  ئەڤرۆ نیۆز دیاركر” نوكە پەرلەمانێ عێراقێ چاڤەڕێی بڕیارا دادگەها فیدرالە بۆ ئێكلاكرنا پرسا مەزنترین هه‌ڤپه‌یمانیا پەرلەمانی، چونكى دو لیستێن مەزن یێن هاتینە پێكئینان و هەر ئێك ژوان خوە ب مەزنتر دزانیت، لەوڕا پەرلەمانی نڤیسارەك ئاراستەی دادگەها فیدرالى كریە و تێدا داخوازكریە بڕیارێ ل دۆر مەزنترین هه‌ڤپه‌یمانیا پەرلەمانی بدەت.

مه‌یادێ ئاماژە كر” هێشتا دادگەهێ بەرسڤا پەرلەمانی نەدایە و هەردەمێ بڕیار دەركەفت، هه‌ڤپه‌یمانیا مەزن دێ دەست ب بزاڤێن خوە كەت بۆ پێكئینانا كابینا نوو یا حوكمەتا عیراقێ و بابەت دێ هێتە ئێكلاكرن”.

گۆت ژی” د كۆمبوونا داهاتی دا، دێ دەستەیا سەرۆكایەتیا پەرلەمانی هێتە هەلبژارتن كو پێكهاتیە ژ سەرۆكێ پەرلەمانی و هەردو جێگرێن سه‌رۆكى، خویا یەژی پۆستێ سەرۆكێ پەرلەمانێ عێراقێ بۆ عەرەبێن سونەیە و هەتا نوكە 9 به‌ربژار یێن هه‌ین بۆ ڤی پۆستی”.