ئهڤرۆنيوز:
برياره سوباهى پێنجشهمبى 11/10/2018 موچێ ههيڤا تهمووزا 2018يا ههردو وهزارهتێن خواندنا بلند وكاروبارێن شههيد وئهنفالكريان بهێته بهلاڤكرن.
سوباهى مووچێ ڤان جهان دێ هێته بهلاڤكرن
نووترين نووچه
- سەرۆكێ هەرێما كوردستانێ پێشوازی ل بەرپرسێ نڤیسینگەها ئێكەتییا ئورۆپایێ كر
- نێچیرڤان بارزانی و یان برێم دوپاتیێ ل سەر بەردەوامییا هاریكارییا د ناڤبەرا هەرێمێ و فەرەنسایێ دا دكەن
- ب فەرمانا سەرۆكێ هەرێمێ پلەیا هەژمارەكا پلەدارێن هێزێن ئاسایشا ناڤخۆ هاتە بلندكرن
- دیمەشق دەست ب ڕێكارێن ڤەكرنا قونسلخانەیا خۆ ل هەرێما كوردستانێ دكەت
- بناس دۆسكی ب بەلگەنامەیێن فەرمی روو ب روویێ وەزارەتا پەترۆلا فیدرال دبیت
- كاراكرنا پەرلەمانی و پێكئینانا حوكمەتێ پێدڤییەكا نیشتمانی یە
- نێچیرڤان بارزانی و قونسلێ بەریتانیا دوپاتیێ ل سەر بەردەوامییا ب هێزكرنا پەیوەندییان دكەن
- هشیار زێباری: رێككەفتنێن ل گەل ئەمریكا دێ پاشەڕۆژەكا باشتر و گەشەكرنێ بۆ ئیراقێ دابین كەن
- پارتی ل سەر چارەسەركرنا قەیرانان پێگیرە
- چارەسەركرنا كێشەیێن هەولێرێ و بەغدایێ هێز و سەروەریێ د دەنە ئیراقێ
سهرهكى نوچێن گرنگ
پتر ژ 36 هزار كهسان ژههموو پارێزگههێن عيراقێ داخوازا پۆستێ وهزير كريه
ئهڤرۆنيوز:
ئوفيسا سهرۆك وهزيرێن عيراقى يێ راسپاردى عادل عهبدولمههدى بهلاڤكر كو پتر 36 هزار كهسان داخوازا وهرگرتنا پۆستێ وهزير ژ سهرۆك وهزيرێن نوو كريه.
ئۆفيسا عادل عهبدولمههدى سهرۆك وهزيرێن راسپاردى راگههاند”36 هزار و 6 كهسان داخوازا وهرگرتنا پۆستێ وهزير دحوكمهتا عهبدولمههدى دا كريه”
ئاماژه دا”رێژا كهسانێن سهربخوه يێن داخوازيێن خوه پێشكێشكرين گههشته 97% ورێژا ژنان ژى 15% بوو ورێژا ههلگرێن باوهرنامێن بلند 23% بوو”.
دياركر ژى” داخواز ژ ههموو پارێزگههێن عيراقێ يێن هاتين”.
عادل عهبدولمههدى مالپهرهكێ ئهلكترۆنى بهلاڤكربوو وداخواز ژ وهلاتيێن عيراقێ كربوو ههر كهسێ بخوازيت پۆستێ وهزير وهربگريت داخوازيا خوه ب رێيا وى مالپهرێ ئهلكترۆنى پێشكێش بكهت.
پێشانگهها دهۆك یا نێڤدهولهتی ب پشكداریا 40 كومپانیان هاته ڤهكرن
ژپێخهمهت خورتكرنا بزاڤا بازرگانی دناڤبهرا پارێزگهها دهوكێ وكومپانیێن مسری ئهڤرو پشتی نیڤرو 10-10-2018ل دهڤهرا ئالوكا بههزاد علی ئادهم جێگرێ پارێزگهرێ دهوكێ ب ئامادهبونا چهند بهرسێن میری ورێڤهبهرێن فهرمانگهها وبازرگان وكومپانیێن دهڤهرێ پێشانگهها دهوك یا نیڤ دهولهتی یا تایبهت ب بهرههمێن كومپانیێن مسری هاته ڤهكرن.
پاش گهریانهك لناڤ پێشانگههێ كر وژنێزیك سهحكره بهرههمێ كومپانیێن مسری.
جێگرێ پارێزگهرێ دهوكێ د پهیڤهكێ دا دهست خوشی ل كومپانیا رائید ورێڤهبهریا پێشانگهها دهوك یا نیڤ دهولهتی وههموو لایهنان كر كو شیاینه ڤێ پێشانگههێ رێكبێخن وبهرههمێ (40) كومپانیێن مسری دوارێن جودا دا بهرچاڤكهن .
ههروهسا گوت: ئهڤ جوره پێشانگههه دێ بزاڤا بازرگانی دناڤبهرا ههرێمێ و وهلاتێ مسرێدا خورتر لێ كهن وداخاز ژوهلاتیێن پارێزگههێ وكومپانیێن نافخویی وبازرگانان كر كو سهرهدانا پێشانگههێ بكهن وژنێزیك بهرههمێ كومپانیێن مسری ببینن وههڤبهستا دگهل كومپانیێن مسری بكهن بو كرینا كهل وپهلێن هاتینه بهرچاڤكرن.
ههژی گوتنێ یه چل كومپانیێن مسری پشكداری دپێشانگههێ دا كریه وكهلو وپهلێن وهكو جلك وموبیلیات و وئێكسوارات وكارێن دن یێن دهستی وجورا وجور بهرچاڤكرینه وبریاره پێشانگهه بو ماوێ دهه روژا ل ههمبهر وهلاتیا وبازرگانان یا ڤهكری بیت وفروتنا كهل وپهلا یا راستهو خو دێ هێته
كرن.
دپرۆژه قانوونا بودجا عيراقێ دا 12.67% بۆ كوردستانێ هاتيه دانان
ئهڤرۆنيوز:
پشكا ههرێما كوردستانێ دپرۆژێ قانوونا بودجا عيراقێ بۆ سالا 2019 ب 12.67% هاتيه دانان، پهرلهمانتارهكێ بهرى يێ كورد ژى دبێژيت ئهو پرۆژه قانوونه ژلايێ حوكمهتا عهبادى ڤه هاتيه بهرههڤكرن ويێ سياسى يه.
ئهڤرۆ چارشهمبى 10/10/2018 وهزارهتا دارايى يا عيراقى پرۆژێ قانوونا بودجا سالا 2019 هنارته جڤاتا وهزيران بۆ پهسهندكرنێ وبرياره پاشى بهێته هنارتن بۆ پهرلهمانى بۆ دهنگدانێ ل سهر.
مەسعود حەیدەر، ئهندامێ بهرێ يێ لژنا دارايى ل پهرلهمانێ عيراقێ دبێژيت” پرۆژه قانوونا بودجا سالا 2019 پێشێلكرنا دستوورى وقانوونێ يا تێدا وحوكمهتا بهكاربهر چهند رێگريێن سياسى تێدا داناينه بۆ دروستكرنا كێشا سياسى دناڤبهرا ههولێرێ وبهغدا، ژوان پشكا ههرێما كوردستانێ ب 12.67% هاتيه دانان، ههروهسا خهرجيێن سيادى زێدهترن ههمبهركرن ل گهل سالا بۆرى، كو پشكا ههرێما كوردستانێ ژوان خهرجيان تێدا نينه.
مهسعود حهيدهر، ل دووڤ رووداو، گۆت ژى” پێدڤيه پهرلهمانێ عيراقێ وى پرۆژه قانوونى بۆ حوكمهتێ ڤهگهرينيت وكابينا عادل عهبدولمههدى ل سهر بنهمايێ بهرنامێ حوكمهتا نوو وى پرۆژێ قانوونێ بهرههڤ بكهت”.
ل دو روودانان كهسهكى گيانێ خوه ژ دهست دا وسێ بريندار بوون
ئهڤرۆ نیوز ، نەوزاد هلوری:
ژ ئەنجامێ دو روودانێن هاتنوچۆنێ ل دو دەمێن ژێک جودا ل نێزیک کومەلگەها قەدش چار کهس بوونە قوربانی كو کەسەکى ژوان گیانێ خوە ژ دەست دا.
وەعەد رێکانی، ئێك ژ کەسوکارێ ئەو کەسێ گیانێ خوە ژ دەست دای بۆ ئەڤرۆ نیوز گۆت: (ئەڤرۆ ل نێزیک کومەلگەها قەدش یا سەر ب ناحیا سەرسنکێ ژ ئەنجامێ روودانەکا هاتنوچۆنێ کور مەتێ من (ههژار بێسهبى) گیانێ خوە ژ دەست دا و کەسەک ژی ل گەل بۆ برینداربوویە)
ئەڤرو بەری نیڤرو ژی ترومبێلەک دناڤبەرا گوندێ بەرێ کەر و کومەلگەها قەدش روودا و د ئەنجام دا دوو کەس برینداربوون کو ئەو ژی ئافرەتەک ب گرانی بریندار بوو و شوفێرێ ترومبێلێ ب سڤکی بريندار بوو.
وهزیرێ دهرڤهيێ توركیا دێ سهرهدانا ههولێرێ كهت
ئهڤرۆنيوز:
برياره وهزيرێ دهرڤهيێ توركيا ددهمێ دو رۆژێن بهێت دا سهرهدانا ههولێرێ بكهت ول گهل بهرپرسێن بلند يێن ههرێما كوردستانێ كۆم ببيت.
دهزگههێن راگههاندنێ يێن توركى بهلاڤكر كو مهولود چاوش ئوگلۆ وهزيرێ دهرڤهيێ توركيا ل رۆژێن 11 و12 ڤێ ههيڤێ دێ سهرهدانا عيراقێ وههولێرێ كهت.
ل دهستپێكێ وهزيرێ دهرڤهيێ توركى دێ سهرهدانا بهغدا كهت وپاشى ل ههولێرێ دێ هژمارهكا ديدار وكۆمبوونان ئهنجام دهت.
ھێشتا رۆفاتێن سێ پێشمەرگەیێن شەھید ل کەرکووکێ ماينه
ئهڤرۆ نيوز، قائید میرۆ:
ئەڤە بۆدەمێ ھەیڤەکێ یە رۆفاتێن سێ پێشمەرگەیەیێن بەری نوکە کەفتیە ددەستێ داعشدا ل کەرکووکێ ماینە و وەزارەتا پێشمەرگەژی دبێژیت، بەغدا بەرسیڤا مە نادەت بۆ ئینانەڤا رۆفاتێن سێ پێشمەرگەیێن شەھید.
لیوا قارەمان کەمال، جێگرێ سوپا سالارێ پێشمەرگەی بۆ ئەڤرۆ نیۆز دیارکر” ھەیڤا بۆری رۆفاتێن سێ پێشمەرگەیان ل تاخەکێ قەزا حەویجە ھاتنە دیتن، کو لسەر دەمێ شەڕی بەرھنگاریا داعش کەفتبوونە دەستێ چەکدارێن داعش و ھاتبوونە شەھیدکرن، لەوڕا پشتی گەھشتنا زانیاریان مە دەست ب کارێ خوە کر بۆ ڤەگەڕاندنا رۆفاتێن ھەرسێ پێشمەرگەیان.
ئەڤی بەرپرسێ وەزارەتا پێشمەرگەی ئاشکراکر” ب رێیا سەرۆکایەتیا جڤاتا وەزیران وەزارەتا پێشمەرگەی داخوازا رادەستکرنا رۆفاتێن ئەڤان پێشمەرگەیێن شەھیدکریە، بەلێ بەغدا یا بەرھەڤنینە ھەتا نوکە بەرسیڤا وەزارەتا پێشمەرگەی نەدایە.
لیوا قارەمان کەمال ئاماژەکر” مە زانیاری لدۆر جھێ رۆفاتان نینە، چونکە بەری نوکە ل نۆشداریا داد یا کەرکووکێ بوون، بەلێ ددەمێ نوکەدا نوزانین بۆ کیرێ ھاتینە ڤەگوھاستن.
ڤيديۆ: چاوانيا چێكرنا دوشهكێن هريێ
ئهڤرۆ نیوز مهرج و رێنمایێن وهرگرتنا قوتابیێن دهرهكی بهلاڤ دكهت
ئهڤرۆ نیوز، ئازاد نسری:
بهرپرسێ پشكا ئهزموونان ل رێڤهبهریا پهروهردهیا دهۆك رۆژئاڤا دیار كر كو دهرگههێ وهرگرتنا قوتابیێن دهرهكی ل پۆلا 5 بنهرهت ههتا 11 ئامادهیی بۆ سالا خواندنێ 2018-2019 هاته ڤهكرن و پێشكێشكرن ههتا 30/10/2018 دێ یا بهردهوام بیت.
خویا ژی كر كو ژ دایكبوویێن 1999 و بهر ب خوارێ مافێ ههی پێشكێشی پۆلێن قۆناغا بنهرهت بكهن، ژ دایكبوویێن 2000 – 2001 – 2002 ژی ههكه دو سالان ل ئێك پۆل كهفت بن وان ژی مافێ خواندنێ ل قوتابخانهیێن رۆژ نامینیت و دشێن پێشكێشی دهرهكی بكهن، 2003 و پێههل ههكه دو سالان ل پۆلا خوه كهفت بن مافێ ههی ههر بمیننه ل خواندنا ب رۆژ.
ل دۆر وان قوتابیێن مافێ دهرهكی ل پۆلێن 10 و 11 ئامادهیی ههی ، خالد ئهحمهد خالد دیار كر كو ئهو كهس دشێن پێشكێشی ڤان ههردو پۆلێن ئامادهیی بكهن یێن مافێ خواندنێ ل قوتابخانێ نهمینیت ئهو ژی ژ دایكبوویێن 1994 كور و 1993 كچ و بهر ب خوارێ، ههروهسا قوتابیێن دو سالان ل پۆلا خوه دمینن یان دێ چنه قوتابخانهیێن ئێڤاران یان ژی دێ پێشكێشی دهرهكی كهن و گۆت:(ل دووڤ بڕیارا وهزارهتا پهروهردێ ئهڤ ساله پێشكێشكرن بۆ پۆلێن 10 و 11 پیشهیی نابیت).
ناڤهاتی ئاشكرا كر ههر قوتابیهكێ پێشكێشی دهرهكی وهرزی دكهت، پێدڤیه شهش وێنان و كۆپیهكا ناسنامێ ل گهل خوه بینیت و دێ سهرهدانا پهروهردێ كهت و فۆرمهكێ وهرگریت و ل دووڤ دا دێ ل قوتابخانێ داگریت و پاشی دێ زڤڕینته پهروهردێ و فایل دێ بۆ هێته ڤهكرن و وهك قوتابیهكێ دهرهكی دێ هێته وهرگرتن.
خویا ژی كر كو پشتی قوتابی دهێنه وهرگرتن، قوتابیێن ل سالا بۆری ئهزموونێن دهرهكی كرین جارهكا دی ههر دێ چنه وان قوتابخانان، چونكو تۆمار بۆ وان ل وان قوتابخانان یێن هاتینه ڤهكرن و یێن دی ل دووڤ حهزا وان دێ ل سهر قوتابخانان هێنه بهلاڤكرن.
سهبارهت ژڤانێ وهرگرتنا قوتابیێن دهرهكی بۆ پۆلا 12 ئامادهیی، بهرپرسێ پشكا ئهزموونان دیار كر كو پشتی 30/10 دێ دهست ب وهرگرتنا قوتابیێن دهرهكی بۆ پۆلا 12 ئامادهیی هێته كرن و ل 1/11/2018 ژی قوتابیێن ئێك و دوو بابهت ل گهل چاككرنا تێكرایی دێ دهست پێ كهت.
ئێكگرتوو: ئهنجامێن نها رهت دكهين و داخوازا ههلبژارتنێن پێشوهخت دكهين
ئهڤرۆ نيوز:
ھەلبژارتنێن 30ی ئەیلوولێ ھەگەر چەند پاقژ و بێ ئاریشەژی رێڤەچووبن ئەڤە بۆ یەکگرتوویا ئیسلامی روویدانەکا نەچاڤەڕێ کربو، چونکە دەنگێن یەکگرتوویا ئیسلامی بشێوەیەکێ بەرچاڤ کێمبووینە و بویە جھێ پرسیارا سەرکرداتیا ئەڤێ حزبێ، وەکی ئەندامەکێ سەرکرداتیا یەکگرتوو دبێژیت، ھەلویستێن مە یێن چوار سالێن بۆری جھێ باوەریا خەلکی نەبووینە و ئاماژەکر، یەکگرتوو ئەنجامان رەت دکەت و داخوازا ھەلبژارتنێن بەروەخت دکەین.
ئەندامەکێ سەرکرداتیا یەکگرتوویا ئیسلامی ھەلویستێ حزبا خوە لدۆر ئەنجامێن ھەلبژارتنان دیارکر، و ئاشکراکر، رۆژێن داھاتی یەکگرتوو دێ بڕیارەکا وێرەک لدۆر پشکداریێ د پەرلەمان و حوکمەتا داھاتی دا بدەت، ئەبوبەکر ھەلەدنی بۆ رۆژناما ئەڤرۆ گۆت: گورەی پەیڕەوێ نافخۆیێ گۆنکرێ حەفتێ یێ یەکگرتوویا ئیسلامی ھاتیە ئەف پرسێن ھەستیار و پشکداری کرنا یەکگرتوویا ئیسلامی د حوکمەتێ دا و چێکرنا ھەڤپەیمانیێ پێدڤی ب زۆرینەیا دەنگێن سەرکرداتیا یەکگرتووی ھەیە، ئەڤە ژی پشتی راپرسی د ناڤا رێکخستن و کادرێن حزبێ دا دھێتەکرن، ھەروەکی دناڤا پەیڕەوی دا ھاتیە ئەم دێ ڤێجاری ژی بڕیارێ ل کادرێن خوە وەرگرین ببینە ھێزەکان ئۆپۆزسیۆن یان ژی بچینە ناڤا کابینا نوویا حوکمەتا ھەرێما کوردستانێ، نوکە دو بۆچوون دناڤا یەکگرتوودا ھەنە ھندەک دبێژن ب ئێکجاری بایکۆتا پڕۆسا سیاسی بکەین، و نەچینە پەرلەمانی ژی، بەلێ بۆچوونەکا دی ئەوە پشکداری پەرلەمانی بکەین، بەلێ نەچینە ناڤا حوکمەتێ دێ کادر و رێکخستنێن یەکگرتوو بڕیارا ئێکلاکەر بدەن.
ب گورەی ئەنجامێن ھەلبژارتنێن پەرلەمانێ کوردستانێ ھژمارا کۆرسیێن یەکگرتوویا ئیسلامی کێمبووینە و سەرکرداتیا یەکگرتوو ب دژواری ئەنجامان رەت دکەت، ئەوی ئەندامێ سەرکردایەتیا یەکگرتوو دیارکر، کێمبوونا دەنگێن یەکگرتوو بۆ چەند ئەگەرەکان ڤەدگەڕیت، ئێک ژوان ھژمارەکا زۆرا کێما وەلاتیان پشکداری د پڕۆسا دەنگدانا ڤێجارێ یا پەرلەمانێ کوردستانێ دا کریە، پەیوەندی ب سەختەکاری و نا ئومێدکرنا وەلاتیان ڤە ھەیە د پڕۆسا ھەلبژارتنان، خەلک ل جھێ دەستھەلاتداران سزا بدەت مخابن ئۆپۆزسیۆن ھاتە سزادان، ئەم ناڤەشێرین ھەلویستێن یەکگرتوویا ئیسلامی د چوار سالێن بۆری دا جھێ باوەریا مللەتی نەبووینە و ئەم نەشیاینە ببینە جھێ رازیبوونا خەلکی، ب دیتنا وەلاتیان ھەلویستێ یەکگرتوو گورەی ئاستێ روویدانان نەبوویە.
گورەی بڕیارا کۆمسیۆنا سەربخۆیا ھەلبژارتنان ددەمێ دووماھی ھاتنا پڕۆسا ڤاڤارتنا دەنگان دێ جڤاتا کۆمسیۆنێ بڕیارێ لدۆر قەبوولکرن یان رەتکرنا ئەنجامان دەت، ئەبوبەکر ھەلەدنی گۆت: دخوازین ھەموو ئەندامێن جڤاتا کۆمسیۆنا بلندا ھەلبژارتنان بشێوەیەکێ پیشەیانە کارێ خوە بکەن، گوھێ خوە نەدەنە گڤاشتنێن حزبێن دەستھەلاتدار ئەڤا حەقیقەتە ئەڤێ بۆ خەلکێ کوردستانێ ئاشکرا بکەن، چونکە ئەڤە دیرۆکە و رەحمێ ب چو کەسەکی ناکەت، ھەکە بۆ کۆمسیۆنێ دەرکەفت سەختەکاریێن زۆر ھاتینە کرن و پشتڕاستبوون، پێدڤیە کۆمسیۆن یا بێدەنگ نەبیت و پڕۆسا دیموکراتیا خەلکێ کوردستانێ زۆر مەزنترە ل ھەموو حزبێن سیاسی، ئەم وەکی یەکگرتوویا ئیسلامی ئەنجامێن ھەلبژارتنان رەت دکەین و ب دیتنامە دڤێت ھەلبژارتنێن 30ی ئیلوونێ بھێنە ھەلوەشاندن و ھەلبژارتنێن بەروەخت بھێنە ئەنجامدان، ھەروەکی ئەڤا ل تورکیا چێبوی، ژ بەر کو ھەلبژارتنێن ڤێجارێ پاقژ نەبووینە و لسەر کۆمسیۆنێ یە رێیا ھەلبژارتنەکادی بھێتە پاقژکرن ھەر ل پاقژکرنا تۆمارا دەنگدەران ھەتا دگەھیتە ئاستێ کێمکرنا دەلیڤا سەختەکاریێ.
نيشاندان
WP Facebook Auto Publish Powered By : XYZScripts.com