ئه‌ڤرۆ نيوز، عه‌زيز هه‌ورامى:
فايه‌ك زه‌لامه‌كێ 50 سالى يه، به‌حس ل چاوانيا به‌رهه‌ڤكرنا هريێ و چێكرنا دوشه‌كان دكه‌ت.
به‌حس ل وێ چه‌ندێ ژى دكه‌ت كا ل ده‌سپێكێ كار چاوان دهاته كرن و نوكه ژى كار چاوان دهێته كرن.
نووترين نووچه
- سەرۆك بارزانی و پارێزگارێ سەلاحەدین ڕەوشا سیاسی یا ئیراقێ گەنگەشە كر
- مەسرور بارزانی و بالیۆزێ ئەلمانیایێ دوپاتیێ ل سەر پێشڤەبرنا پەیوەندییان دكەن
- مەسرور بارزانی: دەستێ دۆستینیێ بۆ پێكهینانا حوكمەتێ مە بۆ هەموو ئالییان درێژ كریە
- سەرۆك بارزانی: هەكە ئەم ب خوە نەبین كەس مە ناپارێزیت
- د دژوارترین قووناغان دا مام جەلال دەنگێ تێكگەهشتن و پێكڤەكاركرنێ بوو
- سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
- سیروان بارزانی: مووچەیێ پێشمەرگەی ناگەهیتە نیڤا مووچەیێ لەشكەرێ ئیراقێ
- ئیراق ئەگەرێ بجهنەئینانا سیستەمێ ئاسیكۆدایە
- سەرۆك بارزانی: هێزا پێشمەرگەیێ كوردستانێ هەر دێ مینیت و هەرێمێ پارێزت
- سەرۆك بارزانی و خەمیس خەنجەر دوپاتیێ ل هەماهەنگییا د ناڤبەرا هێز و ئالییێن سیاسی دا دكەن
سه‌ره‌كى نوچێن گرنگ
ئه‌ڤرۆ نیوز مه‌رج و رێنمایێن وه‌رگرتنا قوتابیێن ده‌ره‌كی به‌لاڤ دكه‌ت
ئه‌ڤرۆ نیوز، ئازاد نسری:
به‌رپرسێ پشكا ئه‌زموونان ل رێڤه‌به‌ریا په‌روه‌رده‌یا دهۆك رۆژئاڤا دیار كر كو ده‌رگه‌هێ وه‌رگرتنا قوتابیێن ده‌ره‌كی ل پۆلا 5 بنه‌ره‌ت هه‌تا 11 ئاماده‌یی بۆ سالا خواندنێ 2018-2019 هاته ڤه‌كرن و پێشكێشكرن هه‌تا 30/10/2018 دێ یا به‌رده‌وام بیت.
خویا ژی كر كو ژ دایكبوویێن 1999 و به‌ر ب خوارێ مافێ هه‌ی پێشكێشی پۆلێن قۆناغا بنه‌ره‌ت بكه‌ن، ژ دایكبوویێن 2000 – 2001 – 2002 ژی هه‌كه دو سالان ل ئێك پۆل كه‌فت بن وان ژی مافێ خواندنێ ل قوتابخانه‌یێن رۆژ نامینیت و دشێن پێشكێشی ده‌ره‌كی بكه‌ن، 2003 و پێهه‌ل هه‌كه دو سالان ل پۆلا خوه كه‌فت بن مافێ هه‌ی هه‌ر بمیننه ل خواندنا ب رۆژ.
ل دۆر وان قوتابیێن مافێ ده‌ره‌كی ل پۆلێن 10 و 11 ئاماده‌یی هه‌ی ، خالد ئه‌حمه‌د خالد دیار كر كو ئه‌و كه‌س دشێن پێشكێشی ڤان هه‌ردو پۆلێن ئاماده‌یی بكه‌ن یێن مافێ خواندنێ ل قوتابخانێ نه‌مینیت ئه‌و ژی ژ دایكبوویێن 1994 كور و 1993 كچ و به‌ر ب خوارێ، هه‌روه‌سا قوتابیێن دو سالان ل پۆلا خوه دمینن یان دێ چنه قوتابخانه‌یێن ئێڤاران یان ژی دێ پێشكێشی ده‌ره‌كی كه‌ن و گۆت:(ل دووڤ بڕیارا وه‌زاره‌تا په‌روه‌ردێ ئه‌ڤ ساله پێشكێشكرن بۆ پۆلێن 10 و 11 پیشه‌یی نابیت).
ناڤهاتی ئاشكرا كر هه‌ر قوتابیه‌كێ پێشكێشی ده‌ره‌كی وه‌رزی دكه‌ت، پێدڤیه شه‌ش وێنان و كۆپیه‌كا ناسنامێ ل گه‌ل خوه بینیت و دێ سه‌ره‌دانا په‌روه‌ردێ كه‌ت و فۆرمه‌كێ وه‌رگریت و ل دووڤ دا دێ ل قوتابخانێ داگریت و پاشی دێ زڤڕینته په‌روه‌ردێ و فایل دێ بۆ هێته ڤه‌كرن و وه‌ك قوتابیه‌كێ ده‌ره‌كی دێ هێته وه‌رگرتن.
خویا ژی كر كو پشتی قوتابی دهێنه وه‌رگرتن، قوتابیێن ل سالا بۆری ئه‌زموونێن ده‌ره‌كی كرین جاره‌كا دی هه‌ر دێ چنه وان قوتابخانان، چونكو تۆمار بۆ وان ل وان قوتابخانان یێن هاتینه ڤه‌كرن و یێن دی ل دووڤ حه‌زا وان دێ ل سه‌ر قوتابخانان هێنه به‌لاڤكرن.
سه‌باره‌ت ژڤانێ وه‌رگرتنا قوتابیێن ده‌ره‌كی بۆ پۆلا 12 ئاماده‌یی، به‌رپرسێ پشكا ئه‌زموونان دیار كر كو پشتی 30/10 دێ ده‌ست ب وه‌رگرتنا قوتابیێن ده‌ره‌كی بۆ پۆلا 12 ئاماده‌یی هێته كرن و ل 1/11/2018 ژی قوتابیێن ئێك و دوو بابه‌ت ل گه‌ل چاككرنا تێكرایی دێ ده‌ست پێ كه‌ت.
ئێكگرتوو: ئه‌نجامێن نها ره‌ت دكه‌ين و داخوازا هه‌لبژارتنێن پێشوه‌خت دكه‌ين
ئه‌ڤرۆ نيوز:
ھەلبژارتنێن 30ی ئەیلوولێ ھەگەر چەند پاقژ و بێ ئاریشەژی رێڤەچووبن ئەڤە بۆ یەکگرتوویا ئیسلامی روویدانەکا نەچاڤەڕێ کربو، چونکە دەنگێن یەکگرتوویا ئیسلامی بشێوەیەکێ بەرچاڤ کێمبووینە و بویە جھێ پرسیارا سەرکرداتیا ئەڤێ حزبێ، وەکی ئەندامەکێ سەرکرداتیا یەکگرتوو دبێژیت، ھەلویستێن مە یێن چوار سالێن بۆری جھێ باوەریا خەلکی نەبووینە و ئاماژەکر، یەکگرتوو ئەنجامان رەت دکەت و داخوازا ھەلبژارتنێن بەروەخت دکەین.
ئەندامەکێ سەرکرداتیا یەکگرتوویا ئیسلامی ھەلویستێ حزبا خوە لدۆر ئەنجامێن ھەلبژارتنان دیارکر، و ئاشکراکر، رۆژێن داھاتی یەکگرتوو دێ بڕیارەکا وێرەک لدۆر پشکداریێ د پەرلەمان و حوکمەتا داھاتی دا بدەت، ئەبوبەکر ھەلەدنی بۆ رۆژناما ئەڤرۆ گۆت: گورەی پەیڕەوێ نافخۆیێ گۆنکرێ حەفتێ یێ یەکگرتوویا ئیسلامی ھاتیە ئەف پرسێن ھەستیار و پشکداری کرنا یەکگرتوویا ئیسلامی د حوکمەتێ دا و چێکرنا ھەڤپەیمانیێ پێدڤی ب زۆرینەیا دەنگێن سەرکرداتیا یەکگرتووی ھەیە، ئەڤە ژی پشتی راپرسی د ناڤا رێکخستن و کادرێن حزبێ دا دھێتەکرن، ھەروەکی دناڤا پەیڕەوی دا ھاتیە ئەم دێ ڤێجاری ژی بڕیارێ ل کادرێن خوە وەرگرین ببینە ھێزەکان ئۆپۆزسیۆن یان ژی بچینە ناڤا کابینا نوویا حوکمەتا ھەرێما کوردستانێ، نوکە دو بۆچوون دناڤا یەکگرتوودا ھەنە ھندەک دبێژن ب ئێکجاری بایکۆتا پڕۆسا سیاسی بکەین، و نەچینە پەرلەمانی ژی، بەلێ بۆچوونەکا دی ئەوە پشکداری پەرلەمانی بکەین، بەلێ نەچینە ناڤا حوکمەتێ دێ کادر و رێکخستنێن یەکگرتوو بڕیارا ئێکلاکەر بدەن.
ب گورەی ئەنجامێن ھەلبژارتنێن پەرلەمانێ کوردستانێ ھژمارا کۆرسیێن یەکگرتوویا ئیسلامی کێمبووینە و سەرکرداتیا یەکگرتوو ب دژواری ئەنجامان رەت دکەت، ئەوی ئەندامێ سەرکردایەتیا یەکگرتوو دیارکر، کێمبوونا دەنگێن یەکگرتوو بۆ چەند ئەگەرەکان ڤەدگەڕیت، ئێک ژوان ھژمارەکا زۆرا کێما وەلاتیان پشکداری د پڕۆسا دەنگدانا ڤێجارێ یا پەرلەمانێ کوردستانێ دا کریە، پەیوەندی ب سەختەکاری و نا ئومێدکرنا وەلاتیان ڤە ھەیە د پڕۆسا ھەلبژارتنان، خەلک ل جھێ دەستھەلاتداران سزا بدەت مخابن ئۆپۆزسیۆن ھاتە سزادان، ئەم ناڤەشێرین ھەلویستێن یەکگرتوویا ئیسلامی د چوار سالێن بۆری دا جھێ باوەریا مللەتی نەبووینە و ئەم نەشیاینە ببینە جھێ رازیبوونا خەلکی، ب دیتنا وەلاتیان ھەلویستێ یەکگرتوو گورەی ئاستێ روویدانان نەبوویە.
گورەی بڕیارا کۆمسیۆنا سەربخۆیا ھەلبژارتنان ددەمێ دووماھی ھاتنا پڕۆسا ڤاڤارتنا دەنگان دێ جڤاتا کۆمسیۆنێ بڕیارێ لدۆر قەبوولکرن یان رەتکرنا ئەنجامان دەت، ئەبوبەکر ھەلەدنی گۆت: دخوازین ھەموو ئەندامێن جڤاتا کۆمسیۆنا بلندا ھەلبژارتنان بشێوەیەکێ پیشەیانە کارێ خوە بکەن، گوھێ خوە نەدەنە گڤاشتنێن حزبێن دەستھەلاتدار ئەڤا حەقیقەتە ئەڤێ بۆ خەلکێ کوردستانێ ئاشکرا بکەن، چونکە ئەڤە دیرۆکە و رەحمێ ب چو کەسەکی ناکەت، ھەکە بۆ کۆمسیۆنێ دەرکەفت سەختەکاریێن زۆر ھاتینە کرن و پشتڕاستبوون، پێدڤیە کۆمسیۆن یا بێدەنگ نەبیت و پڕۆسا دیموکراتیا خەلکێ کوردستانێ زۆر مەزنترە ل ھەموو حزبێن سیاسی، ئەم وەکی یەکگرتوویا ئیسلامی ئەنجامێن ھەلبژارتنان رەت دکەین و ب دیتنامە دڤێت ھەلبژارتنێن 30ی ئیلوونێ بھێنە ھەلوەشاندن و ھەلبژارتنێن بەروەخت بھێنە ئەنجامدان، ھەروەکی ئەڤا ل تورکیا چێبوی، ژ بەر کو ھەلبژارتنێن ڤێجارێ پاقژ نەبووینە و لسەر کۆمسیۆنێ یە رێیا ھەلبژارتنەکادی بھێتە پاقژکرن ھەر ل پاقژکرنا تۆمارا دەنگدەران ھەتا دگەھیتە ئاستێ کێمکرنا دەلیڤا سەختەکاریێ.
موئەید تەیب: مە چ کارتێن گڤشاتنێ بەرامبەر بەغدا نەماینە
ئه‌ڤرۆ نيوز:
ئەندامەکێ خولا بەرێ یا پەرلەمانێ عیراقێ دیارکر، ھەکە سەرۆک وەزیرێن عیراقێ یێ نوو بڤێت یێ سەرکەفتی بیت، دڤێت ھەر ل دەسپێکێ کار بۆ چارەکرنا کێشێن ھەولێرێ و بەغدا کەت.
موئەید تەیب، ئەندامێ خولا بەرێ یا پەرلەمانێ عیراقێ بۆ رۆژناما ئەڤرۆ گۆت: ھەکە عادل عەبدوالمەھدی بڤێت ب سەرکەڤیت دڤێت کێشێن ھەولێرێ و بەغدا چارە کەت و بێ چارەکرنا ئەڤان کێشا حوکمەتا داھاتی یا ب سەرکەفتی نابیت، کێشێن ھەموو حوکمەتێن بەغدا، ئیبراھیم جەعفەری سەرا ناکوکیێن ھەرێمێ و بەغدا ھاتە لادان، مالکی پشتی ھەڤڕکیێن ھەرێمێ و بەغدا دەست پێکرین و سەرکەفتن نەئینا، عەبادی ب ھەمان شێوە، ئەڤجا ھەر کەسەکێ بڤێت سەرکەڤیت سەرۆک وەزیرێن عیراقێ دڤێت کێشێن ھەولێرێ و بەغدا دچارچووڤێ دەستوری و تێگەھشتن دا چارە کەت.
عادل ل دەمێ ئوپۆزسیۆنێ و تێکەلیا وی ل گەل کوردان دوستێ گەلێ کورد بوویە، لێ نەشێن بێژین گرنتی یە و دێ ب ھەموو تشتێ کوردان رازی بیت و دێ ل سەر ئاڤاکرنێ حوکمەتێ، ھەکە دروستکرنا حوکمەتێ دایێ سەرکەفتی بیت وەک تێگەھشتن ل گەل ھەرێما کوردستانێ ئەڤە دێ شەنێێ چارەکرنا کێشان بیت نوکە ھێشتا زی یە ڤێ چەندێ بێژین.
موئەد تەیب ھەروەسا گۆت: ل سالێن بوری سەرکرداتیا ھەرێمێ شاشی نەبووینە و دەمێ کێشەک د ناڤبەرا دو ئالیان دا ھەبیت، دڤێت ئالیێ بەرامبەر ئیرادەک ھەبیت و بەغدا چ جارا نەڤیایە کێشا چارە کەت، کوردان کارتەکا گڤاشتنێ ل سەر بەغدا نینە، وان ل سەر مە ھەنە و ئەو دشێن بودجا مە ببڕن و دشێن سنوران بگرن، مە ئەو کارتێن کڤاشتنێ نینن، تشتێ چێبووی نە شاشیێن مە بووینە، چونکی ئیرادە ل بەغدا نینە و باوەری بۆ دروست نەبوویە کو کورد و عەرەب دو نەتەوێن سەرەکی نە، نە وەک ئەو ھزر دکەن کو بەری سەدام بکەڤیت کوردان چ ھەبوو، نوکە چ ھەیە، یان کاودانێن کوردێن باشور تێدا دەربازبن ژ کاودانێن ھەموو پارچێن کوردستانێ باشترن ئەو ھەر دەم ڤێ گۆتنێ دبێژن، کوردان ریبارێن خوینێ داینە و سەدان ھزر قوربانی داینە و ئەڤە پەروە نەھاتینە و مخابن ئەو ھەر دەم ڤێ گۆتنێ بێَژن.
ل دۆر کاودانێن کەرکووکێ ژی، دروست بوونا حوکمەتا داھاتی موئەیب تەیب گۆت: چ جارا وەکی 16 ئۆکتۆبەرێ نازِڤریت، بەغدا بەرھەف نینە ، ھەکە وەک 16 ئۆکتۆبەرێ بزڤریت ئەڤە پێدڤی ب بیڤەلەرزەکا سیاسی یە، لێ باوەر دکەم دێ سڤک تر لێ ھێت، دێ بزاڤا کەن وەک نوکە نەمینت لێ وەک بەری 16 ئۆکتۆبەرێ لێ ناھێت.
ئەندامێ خولا بوری یا پەرلەمانێ عیراقێ ئەو ژی گۆت: ریفراندوم نەبوو کارتا گڤاشتنێ، چونکی نەشیاین پێنگاڤا دووڤدا پاڤێین، ئەو کارتە ژی مە نەمایە کو کوردان ل بەغدا ئێکرێز و ئێک دەنگ بن، مە چ کارتێن گڤاشتنێ نینن، بتنێ ئەم دشێین خوە نەرازی بکەین، یا راستی ئەو چەکێ بەغدا ھەی مە نینە، و ھەر تشتەکێ بدلی نەبیت ھەر وێ رۆژێ شێن مە سزابدەن و ئەم نەشێن، پێگەھێ مە و ئیرادا وەلاتێن ھەرێمی دژی مە کوردان، کارتا ئێکرێزی و ئێک ھەلویستیێ مە پێشتر ھەبوو، لێ نوکە ئەو ژی نەمایە.
کوردان ھەڤپەیمانیەکا نوو ل بەغدا دروستکر
ئەڤرۆ نبوز:
جارەکا دیتر بزاڤا گۆڕان و کۆمەلا ئیسلامی چوونە ژێر گڤاشتن و بڕیارێن کارکرنا نەوەی نووێ وەک ھێزەکا سیاسی، کو بەری ھینگێ بایکوتا بزاڤا نەوەی نووێ ل ھەرێما کوردستانێ و بەغدا ژی کربوون و دانپێدان ژی وەک ھێزەکا سیاسی یان حزبەکا سیاسی ل کوردستانێ پێ نەکرینە.
ل رۆژا سیشەمبی 10 چریا ئێکێ یا سالا 2018، فڕاکسیۆنا گۆڕان و کومەلا ئیسلامی، ب ھەڤپشکی ل گەل فڕاکسیۆنا نەوەی نووێ ل بەغدا و جڤاتا نوونەرێن عیراقێ، لیژنەکا ھەڤپشک ئێکئینان.
د کونگرەکێ رۆژنامەڤانیێ ھەڤپشکدا، ھوشیار عەبدوللا پەرلەمانتارێ گۆران، سەبارەت پێکئینانا لیژنەا ھەڤپشک گۆت: بۆ بەرھنگاری و دژاتیا وێ سەختەکاریا ھەبلژارتنێن پەرلەمانێ ھەرێما کوردستانێ فڕاکسیۆنەکا ئێکگرتی مە پێکئینایە.
ھەروەسا پەرلەمانتارێ گۆڕان گۆت: ھەرسێ لایەن ب سەدان بەلگە ددەست دا ھەنە، ئەو ژی بگرە ژ دروستکرنا ناسنامێن ساختەکاری و رەگەزنامێن عیراقی کو دەنگ ژی پێ ھاتیە دان.
ل ھەردو ھەلبژاترنێن جڤاتا نوونەرێن عیراقێ و پەرلەمانێ کوردستانێ، ئێکەتیا نشتیمانی بوێ چەندێ ھاتیە تومەتبارکرن، کو ب رێیا رەگەزنامێن عیراقی و بارە شارستانی ب ھاریکاریا تیمەکا وەلاتێ ئیرانێ ساختەکاری ئەنجامداینە.
دژە تیرۆرا کوردستانێ ده‌سته‌سه‌ركرنا گرۆپه‌كا مه‌ترسيدار رادگه‌هينيت
ئه‌ڤرۆنيوز:
دژه تيرۆرا كوردستانێ يا سه‌ر ب جڤاتا ئاسايشا هه‌رێما كوردستانێ ڤه، ده‌سته‌سه‌ركرنا تۆره‌كا مه‌زن ومه‌ترسيدار ب هه‌ڤپشكى ل گه‌ل هه‌ڤپه‌يمانان راگه‌هاند.
دژه تيرۆا كوردستانێ يا سه‌ر ب جڤاتا ئاسايشا هه‌رێمێ ڤه دبه‌رپه‌رێ خوه ل سه‌ر تۆرا فه‌يسبووكى به‌لاڤكر” رێڤه‌به‌ريا گشتى يا دژه تيرۆرێ ب هه‌ڤپشكى ل كه‌ل هه‌ڤپه‌يمانيا نێڤده‌وله‌تى دژى داعشێ، پشتى وه‌رگرتنا رازيبوونا دادوه‌رى، دئۆپه‌راسيۆنه‌كا سه‌ركه‌فتى دا ل 6/10/2018 شيا تۆره‌كا مه‌زن و سه‌ره‌كى يا ژێده‌رێ دارايى يا رێكخراوا تيرۆرستى يا داعشێ ده‌سته‌سه‌ر بكه‌ت كو ل عيراقێ وسووريێ كار دكر”.
هه‌ڤده‌م رێڤه‌به‌ريا گشتى يا دژه تيرۆرێ، وه‌لاتيێن هه‌رێما كوردستانێ پشت راستكرن كو چو جاران تيرۆرست نه‌شێن ئارامى وسه‌قامگيريا هه‌رێما كوردستانێ تێك بده‌ن وهه‌موو لڤينێن تيرۆرستان وئه‌وێن هاريكاريا وان دكه‌ن ل بن چاڤدێريا هوور دانه ول دووڤ قانوونێ ره‌فتار دگه‌لدا دهێته كرن”.
په‌یمانگه‌ها ته‌كنیكی دهۆك یا تایبه‌ت دێ ئاهه‌نگا گه‌را دویێ یا ده‌رچوونێ گێریت
ئه‌ڤرۆ نیۆز، رێوار مزیری:
ل ژێر چاڤدێریا (راگریا په‌یمانگه‌ها ته‌كنیكی دهۆك یا تایبه‌ت) په‌یمانگه‌ها ناڤهاتی دێ ئاهه‌نگا گه‌را دویێ یا ده‌رچوونا قوتابیان بۆ سالا خواندنێ (2017 -2018) ل رۆژا 13/10/2018ێ ل ده‌مژمێر 4:00 ی ئێڤاری ل باخچێن دریم ستی ل دهۆكێ گێریت.
شێرزاد حه‌سۆ، به‌رپرسێ پشكا په‌یوه‌ندی و راگه‌هاندنێ ل په‌یمانگه‌ها ته‌كنیكی دهۆك یا تایبه‌ت بۆ رۆژناما ئه‌ڤرۆ دیار كر كو په‌یمانگه‌ها ته‌كنیكی دهۆك یا تایبه‌ت دێ ئاهه‌نگا گه‌را دویێ یا ده‌رچوونا قوتابیان بۆ سالا خواندنێ (2017 – 2018) گێریت و تێدا 518 قوتابی دێ باوه‌رناما دبلۆمێ وه‌رگرن كو 231 قوتابی یێن پشكا ته‌كنه‌لۆجیا زانیاری نه و 287 قوتابی یێن پشكا كارگێری كارن و گۆت: “چه‌ندین برگێن جۆراوجۆر دێ د ڤێ ئاهه‌نگێ دا هێنه ئه‌نجامدان و كه‌سوكارێن قوتابیان ژی ماف یێ هه‌یی ل ڤێ ئاهه‌نگێ ئاماده ببن”.
ناڤهاتی ئاماژه دا وێ چه‌ندێ كو دووماهی رۆژ بۆ وه‌رگرتنا رۆبێن ده‌رچوونێ سوبه‌هی رۆژا 10/10/2018ێ یه و گۆت: “په‌یمانگه‌ها ته‌كنیكی دهۆك یا تایبه‌ت ژ پشكێن (ته‌كنه‌لۆجیا زانیار، كارگێری كار، كارگێری بانكه‌كان، كارگێریا سیسته‌مێ زانیاریێن ته‌ندروستی) و پێشبینی دهێته‌كرن بۆ سالا خواندنێ 2018 – 2019 پشكا ده‌رمانسازی ژی بهێته ڤه‌كرن”.
په‌رله‌مانتاره‌ك داخوازا راكرنا خالا گومركى دناڤبه‌را مووسلێ ودهۆكی دكه‌ت
ئه‌ڤرۆنیوز:
ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان ئه‌ڤرۆ سێشه‌مبى 9/10/2018 داخوازه‌كا ئیمزاكرى ژ هژماره‌كا په‌رله‌مانتارێن پارێزگه‌ها نه‌ینه‌وا بۆ سه‌رۆكاتیا په‌رله‌مانى بلندكر ژبۆ راكرنا خالا گومركى ئه‌وا هاتیه دروستكرن دناڤبه‌را هه‌ردو پارێزگه‌هێن دهۆك ونه‌ینه‌وا.
جه‌مال دوبردانى، ئه‌ندامێ فاكسیۆنا پارتى ل په‌رله‌مانێ عیراقێ ژ پارێزگه‌ها نه‌ینه‌وا د به‌یاننامه‌كێ دا به‌لاڤكر” مه دست ب هه‌وه‌كا كۆمكرنا ئیمزایان كریه بۆ راكرنا خالا گومركى ل نه‌ینه‌وا كو بوویه ئه‌گه‌رێ رێگریێ ل گه‌هاندنا كه‌لوپه‌لێن هاورده‌كرى ئه‌وێن دهێنه دناڤ نه‌ینه‌وا دا،وئه‌ڤ داخوازیه وئیمزایێن ل سه‌ر هاتیه بلندكرن بۆ سه‌رۆكێ په‌رله‌مانێ عیراقێ”.
گۆت ژى” ئه‌م بێ ده‌نگ نابین ل سه‌ر ڤێ چه‌ندێ وهنده‌ك یێن هه‌ین كو دخوازن ده‌ستكاریێ دبوهایان دا بكه‌ن ل پارێزگه‌هێ، ب تایبه‌تى نوكه خه‌لكێ نه‌ینه‌وا دره‌وشه‌كا نه‌خوه‌ش دانه ژ هه‌ژاریێ وبێكاریێ زێده‌بارى وێ چه‌ندێ نوكه پارێزگه‌ها نه‌ینه‌وا یا د ره‌وشا ئاڤاكرنێ دا پشتى ژ داعشێ هاتیه رزگاركرن”.
گۆت ژى” دێ بزاڤێن مه‌زن كه‌ین بۆ كێمكرنا رادێ بلندبوونا بوهایان وراكرنا وێ خالا گۆمركى “.
ده‌رگه‌هێ پێشكێشكرنێ بۆ وه‌گرتنا پۆستێ وه‌زیر ل به‌رده‌م عیراقیان دهێته ڤه‌كرن
ئه‌ڤرۆنیوز:
عادل عه‌بدولمه‌هدى سه‌رۆك وه‌زیرێن عیراقێ یێ نوو هاتیه راسپاردن بۆ پێكئینانا حوكمه‌تێ، ئه‌ڤرۆ سێشه‌مبى 9/10/2018 ب شێوه‌كێ فه‌رمى مالپه‌ره‌كێ ئه‌لكترۆنى راگه‌هاند بۆ وه‌لاتیێن عیراقى كو دشێن دده‌مێ دو رۆژان دا هه‌ر ژ ده‌مژمێر 8 سپێده‌یا ئه‌ڤرۆ وهه‌تا ده‌مژمێر 4 ئێڤاریا پێنجشه‌مبى 11/10/2018 ب رێیا وى مالپه‌رێ داخوازیێن خوه بۆ وه‌رگرتنا پۆستێ وه‌زیر پێشكێش بكه‌ن.
هه‌ر وه‌لاتيه‌كێ عيراقى دشێت ب رێيا ڤى لينكى داخوازيا خوه بۆ وه‌گرتنا پۆستێ وه‌زير پێشكێشى سه‌رۆك وه‌زيرێن عيراقێ يێ نوو بكه‌ت.
https://iraqcabinet2018.com/
هنارتیێ نه‌ته‌وێن ئێكگرتى پیرۆزباهیا سه‌ركه‌فتنێ ل سه‌رۆك بارزانى دكه‌ت
ئه‌ڤرۆنیوز:
سه‌رۆك مه‌سعود بارزانى ئه‌ڤرۆ سێشه‌مبى 9/10/2018 پێشوازى ل یان كوبیتش هنارتیێ تایبه‌ت یێ سكرتێرێ گشتى یێ نه‌ته‌وێن ئێكگرتى بۆ كاروبارێن عیراقێ كر.
ددیداره‌كێ دا یان كوبیتشى پیرۆزباهیا سه‌ركه‌فتنا پرۆسا هه‌لبژارتنێن په‌رله‌مانێ كوردستانێ وسه‌ركه‌فتنا لیستا پارتى دیموكراتى كوردستان ل سه‌رۆك بارزانى كر وهیڤى خواست كو ب زووترین ده‌م كۆمسیۆنا هه‌لبژارتنان ل هه‌رێمێ ئه‌نجامێن دووماهیێ یێن هه‌لبژارتنان رابگه‌هینیت وپه‌رله‌مانێ نوو ده‌ست ب كارێن خوه بكه‌ت.
نيشاندان
WP Facebook Auto Publish Powered By : XYZScripts.com