ئەڤرۆ نیوز:
بەری دەمەکێ کێم ھەلبژارتیێ ئسپانیا شیا سەرکەفتنەکا مەزن ب شەش گۆلان بێ بەرامبەر ل سەر ھەلبژارتیێ کرواتیا توماربکەت ژ قارەمانیا نەتەوێن ئوروپی یا ھەڤالینی.
نووترين نووچه
- سەرۆكێ هەرێما كوردستانێ پێشوازی ل بەرپرسێ نڤیسینگەها ئێكەتییا ئورۆپایێ كر
- نێچیرڤان بارزانی و یان برێم دوپاتیێ ل سەر بەردەوامییا هاریكارییا د ناڤبەرا هەرێمێ و فەرەنسایێ دا دكەن
- ب فەرمانا سەرۆكێ هەرێمێ پلەیا هەژمارەكا پلەدارێن هێزێن ئاسایشا ناڤخۆ هاتە بلندكرن
- دیمەشق دەست ب ڕێكارێن ڤەكرنا قونسلخانەیا خۆ ل هەرێما كوردستانێ دكەت
- بناس دۆسكی ب بەلگەنامەیێن فەرمی روو ب روویێ وەزارەتا پەترۆلا فیدرال دبیت
- كاراكرنا پەرلەمانی و پێكئینانا حوكمەتێ پێدڤییەكا نیشتمانی یە
- نێچیرڤان بارزانی و قونسلێ بەریتانیا دوپاتیێ ل سەر بەردەوامییا ب هێزكرنا پەیوەندییان دكەن
- هشیار زێباری: رێككەفتنێن ل گەل ئەمریكا دێ پاشەڕۆژەكا باشتر و گەشەكرنێ بۆ ئیراقێ دابین كەن
- پارتی ل سەر چارەسەركرنا قەیرانان پێگیرە
- چارەسەركرنا كێشەیێن هەولێرێ و بەغدایێ هێز و سەروەریێ د دەنە ئیراقێ
سهرهكى نوچێن گرنگ
مهسرور بارزانی: پارتى دباشترين رهوش دايه بۆ بهرگريێ ژ بهرژهوهنديێن كوردستانێ
ئهڤرۆنيوز:
شيرهتكارێ جڤاتا ئاسايشا ههرێما كوردستانێ، مهسرور بارزانى راگههاند، پارتى ديموكراتى كوردستان دباشترين رهوش دايه بۆ بهرگريێ ل بهرژهوهنديێن كوردستانێ.
مهسرور بارزانى، شيرهتكارێ جڤاتا ئاسايشا ههرێما كوردستانێ ل بهرپهرێ خوه ل سهر تۆرا جڤاكى يا تويتهرى بهلاڤكر” 30 ئهيلوولێ دهليڤهكه ل بهردهم خهلكێ كوردستانێ بۆ وێ چهندێ چارهنڤيسێ گهلێ كورد دهستنيشان بكهت”.
مهسرور بارزانى داخواز ژ خهلكێ كوردستانێ كر دهنگ ب ليستا 183 يا پارتى ديموكراتى كوردستان بدهن.
كۆمسيۆنێ 7 حزب وقهوارێن سياسى سزادان
ئهڤرۆنيوز:
ئهڤرۆ سێشهمبى 11/9/2018 كو رۆژا دهستپێكرنا بانگهشا ههلبژارتنێن پهرلهمانێ كوردستانێ بوو، كۆمسيۆنا بلند يا ههلبژارتنان وراپرسيێ ل ههرێما كوردستانێ درۆهنكرنهكێ دا سزادانا 7 قهواره ولايهنێن سياسى راگههاند.
كۆمسيۆنا ناڤبرى راگههاند كو ژبهر پێگيرى نهكرنا وان ب قانوون ورێنما وپهيرهوێن كۆمسيۆنێ وئهنجامدانا بانگهشا پێشوهخت، بريارا سزادانا دارايى يا چهند قهوارێن سياسى يێن پشكدار دبانگهشا ههلبژارتنان دا دايه.
كۆمسيۆنێ قهوارێ ئێكهتى نيشتمانى كوردستانێ ب گۆژمێ 3 مليۆن ديناران سزا دايه، ههروهسا پارتى ژى ب ههمان گۆژمێ پارهى سزادايه.
ههروهسا قهوارێ ( بهرهڤ چاكسازيێ) كو ههردو حزبێن ئێكگرتوو ئيسلامى وبزاڤا ئيسلامه بخوهڤه دگريت، ب گۆژمێ ئێك مليۆن دينار سزادايه، ب ههمان گۆژمێ پارهى قهوارێ پارتى گهشهپێدان ژى سزادايه.
ديسا ههردو قهوارێن پارتيا چاكسازى يا توركمانى وجڤاتا مللى كلدانى سريانى ئاشوورى ژى ب گۆژمێ ئێك مليۆن دينار هاتينه سزادان.
قهوارێ حهفتێ ئهوێ هاتيه سزادان ژلايێ كۆمسيۆنێ ڤه، ( تاكێ ئهرمهنه) كو ب گۆژمێ 500 هزار ديناران هاتيه سزادان.
ئيران داخوازا رادهستكرنا ئهندامێن حزبێن رۆژههلاتا كوردستانێ دكهت
ئهڤرۆنيوز:
سهرۆكێ ئهركانێن هيزێن چهكدارێن ئيرانێ داخواز ژ حوكمهتا عيراقێ وههرێما كوردستانێ دكهت ئهندامێن حزبێن رۆژههلاتا كوردستانێ كو ل ههرێما كوردستانێ دجهگيرن، رادهستى ئيرانێ بكهن، ههكه نهشێن وى كارى بكهن، پێدڤيه دهربكهن.
محهمهد باقرى، سهرۆكێ ئهركانێن هيزێن چهكدارێن ئيرانێ راگههاند” پێشتر وان حزبان سۆز دابوو هێرشان ئهنجام نهدهن، بهلێ ل سالا بۆرى سۆزا خوه شكاندبوو، ئهڤه ژى ئێدى جهێ ئارام گرتنێ نينه”.
ئهڤ داخۆيانيا باقرى دهێت پشتى وێ هێرشا مووشهك يا ئيرانى ل سهر ههردو بارهگايێن حزبێن ديموكرات (حدك) و (حدكا) كو ل رۆژا شهمبيێ 8/9/2018 ل كۆيه ژلايێ ئيرانێ ڤه هاتينه توپبارنكرن ودئهنجامدا 17 كهسان گيانێ خوه ژدهست دا وزێدهتر ژ 40 كهسان ژى برينداربوون.
نێچيرڤان بارزانى پێشوازيێ ل برێت ماكگۆرك دكهت
ئهڤرۆنيوز:
سهرۆك وهزيرێن ههرێما كوردستانێ، نێچيرڤان بارزانى ئهڤرۆ سێشهمبى 11/9/2018 پێشوازى ل برێت ماكگۆرك نوونهرين سهرۆكێ ئهمريكى بۆ ههڤپهيمانيا نێڤدهولهتى يا شهرێ دژى داعشێ وشاندهكێ دگهلدا كر.
دديدارهكێ دا رهوشا سياسى يا نوكه يا عيراقێ وبزاڤێن پێكئينانا كابينا نوو يا حوكمهتا عيراقێ وروونشتنين پهرلهمانێ نوو يێ عيراقێ وئهگهرێ پێكئينانا مهزنترين ههڤپهيمانيا پهرلهمانى وهكو پێنگاڤا ئێكێ بۆ پێكئينانا حوكمهتا عيراقى يا نوو هاته بهحسكرن.
ديسا رۆلێ ههرێما كوردستانێ وههڤپشكى دپرۆسا سياسى يا عيراقێ دا وپێكئينانا كابينا حوكمهتا نوو ب گرنگ هاته ههلسهنگاندن وههدرو لايهنان هيڤى خواست ل پاشهرۆژهكا نێزيك بزاڤ بگههنه ئهنجامهكى وحوكمهتا نوو يا عيراقێ بهێته پێكئينان كو بهرژهوهندا ههموو پێكهاتين عيراقێ ل بهرچاڤ بگريت ووهلاتى بگههينيته قۆناغهكا نوو.
ههردو لايهنان رهوشا سياسى يا ههرێما كوردستانێ وبهرههڤيێن بۆ ههلبژارتێن پهرلهمانێ كوردستانێ ل 30 ڤێ ههيڤێ بهحسكرن ول دۆر ڤێ چهندێ ماكگۆركى خوهشحاليا خوه دياركر بهرامبهر ئهنجامدانا ههلبژارتنێن ههرێما كوردستانێ ددهمێ خوه يێ دياركرى دا وهيڤى خواست پرۆسا ههلبژارتنان ودهنگدانێ ب سهركهفتيانه ب رێڤه بچيت.
ب ڤیدیۆ – شێلادزێ ههردهم ب رهنگهكێ جودا بانگهشا ههلبژارتنان دكهت
ئهڤرۆ نیوز، نهوزاد هلۆرى:
سپێدهيا زوو يا ئهڤرۆ سێشهمبى11/9/2018 ل سهنتهرێ ناحیا شێلادزێ وهكو ههر دهڤهرهكا دى یا كوردستانێ بانگهشا ههلبژارتنان بۆ پهرلهمانێ كوردستانێ دهستپێكر، وهلاتیان دایه دیاركرن كو ل شێلادزێ د كهش و ههوایهكێ ئازاد دا و ب رهنگهكێ جیاواز بانگهشێ كهت ، و پارتى لیستهكا بێ ههڤركه.
ب گۆرهى ئاخڤتنێن وهلاتیان، شێلادزێ جودا ژ ههر دهڤهرهكا دى یا كوردستانێ ، لیست و قهوارێن سیاسى ب رهنگهك جودا بانگهشێ دكهن و چو سهرپێچیان ژى ناكهن و ههموو لایهنێن سیاسى ژى بو دهستخستنا زوورترین دهنگێن دهڤهرێ پهنابریه بهر بهربژارێن عهشیرهتان ، ئهو دخوازن كو لیستا پارتى ببیته یا ئێكێ ژبهركو پارتى خودان خهبات و دیرۆك و قوربانیدانه و ئهو دشێت زێدهتر خزمهتا خهلكێ شێلادزێ و كوردستانێ بكهت ب تایبهتى د درۆستكرنا خزمهتگوزاریان و باشتركرنا رهوشا گهنجان.
ژلایهكێ دیڤه خودانێ ئێك ژ چاپخانێن دهڤهرێ دایه دیاركرن كو ههتا نوكه ب تنێ دوو بهربژاران قهستا وان كریه بو چێكرنا پێدڤیێن بانگهشێ ،و ئهو دخوازن شوونا لیست و قهوارێن سیاسى و بهربژار قهستا دهرڤه بكهن ئهو دشێن بو پێدڤیێن خوه ههر دناڤ كوردستانێ و دهڤهرێ ب ههمان بها و كوالێتى دروست بكهن.
ب وێنه: كهرنهڤالێ پۆستهرێن بهربژاران د رۆژا ئێكێ يا بانگهشێ دا ل دهۆك
كۆمسيۆنا دهۆكێ بهحسێ رێنمايێن بانگهشا ههلبژارتنان وهژمارا بنگههێن دهنگدانێ دكهت
ئهڤرۆنيوز:
رێڤهبهرێ گشتى يێ ئۆفيسا پارێزگهها دهۆكێ يا كۆمسيۆنا ههلبژارتنان وراپرسيێ ل ههرێما كوردستانێ دداخۆيانيهكێ دا بۆ ئهڤرۆنيوز راگههاند، پرۆسا بانگهشا ههلبژارتنان تاكو دهمژمێر 8 سپێدهيا رۆژا 28/9/2018 بهردهوام بيت ئانكو بهرى ئهنجامدانا ههلبژارتنان ب 48 دهمژمێران، دياركر ژى كو ل پاريزگهها دهۆكێ 257 بنگههێن دهنگدانێ دێ هينه ڤهكرن كو 1482 ويستگههان بخوهڤه دگريت دێ هێنه ڤهكرن و8500 فهرمانبهرێنمه گرێبهست ل گهل گرێداى دێ ل وان ويستگه وبنگههان هێنه بهلاڤكرن,
عهلى بهندى، رێڤهبهرێ گشتى يێ ئۆفيسا پارێزگهها دهۆكێ يا كۆمسيۆنا ههلبژارتنان وراپرسيێ ل ههرێما كوردستانێ بۆ ئهڤرۆ نيوز گۆت” ئهڤرۆ بانگهشا ههلبژارتنان بۆ ههلبژارتنێن كوردستانێ يا دهستپێكرى، بهرى بانگهشه دهست پێ بكهت، ئهم يێ ل گهل ههموو قهوارێن سياسى ل دهۆكێ روونشتين وههر رێنمايهك ههبيت مه يا دايه وان تاكو پێگيريێ پێ بكهن تاكو ئهڤ پرۆسا ديموكراسى ب سهركهفتيانه وئارامى ب رێڤهبچيت”،
دياركر ژى”ههروهسا دوهى ئهم ل گهل جێگرێ پاريزگهرێ دهۆكێ ول گهل باژيرڤانيا دهۆكێ كۆمبووينه بۆ ههمان مهرهمێ وههكه بانگهشا ههلبژارتنان ل جهێن قهدهغه لێ بهێته كرن ، وپشتى كۆمبوونێ ب ريێا كهنالێن راگههاندنێ مه ئاگههداريا قهوارێن سياسى وههموو لايهنان ودهنگدهران كريه ل دۆر جهێن رێ هاتيه دان بانگهشه لێ بهێته كرن وجهێن هاتينه قهدهغهكرن بۆ بانگهشێ. ئهڤ رێنمايه ژى بۆ وێ چهندێ نه دا ئهڤ بانگهشا ههلبژارتنان ب رێكوپێكى وب ئارامى ب رێڤهبچيت”.
ديسا گۆت “يا دياره ژى قهدهغهيه بانگهشا ههلبژارتنان دناڤ دامودهزگههێن حكومهتێ دا ول زانكۆيان ومزگهفت ودێران دا بهێته كرن، ديسا قهدهغهيه بانگهشا ههلبژارتنان ب نڤيسێن ل سهر ديواران بهێته كرن”.
ناڤبرى ئاماژه دا كو بانگهشا ههلبژارتنان ل دهمژمێر 12 سپێدهيا ئهڤرۆ سێشهمبى 11/9/2018 دهستپێكريه ودێ بهردهوامبيت تاكو دهمژمێر 8 سپێدهيا رۆژا 28/9/2018 ئانكو بهرى دهسپێكرنا ههلبژارتنان ب 48 دهمژمێران”.
ل دۆر هژمارا دهنگدهران ل پاريزگهها دهۆكێ عهلى به ندى گۆت” 719 هزار و 375 كهسان ل پارێزگهها دهۆكێ مافێ دهنگدانێ دههلبژارتنێن پهرلهمانێ كوردستانێ دا يێ ههى، كو دهنگدهرين دهنگدانا تايبهت ويا گشتى بخوهڤه دگرن”.
سهبارهت هژمارا بنگههێن دهنگدانێ ل پاريزگهها دهۆكێ گۆت” ن مه 257 بنگههێن دهنگدانێ ل سهرانسهرى پاريزگهها دهۆكێ يێن ههين كو 1482 ويستگههان بخوهڤه دگرن”.
رێڤهبهرێ گشتى يێ ئۆفيسا دهۆكێ يا كۆمسيۆنا ههلبژارتنان وراپرسيێ دياركر كو گۆمسيۆنێ زێدهتر ژ 8500 فهرمانبهران ل پاريزگهها دهۆكێ كو گرێبهست ل گهل هاتيه كرن، ل سهر ويستگه وبنگههێن دهنگدانێ يێن بهلاڤكرين”.
سهرۆك بارزانی: ههكه پارتى نهبا دا پلانا ژناڤبرنا ههرێما كوردستانێ سهرگريت
ئهڤرۆنيوز:
درێ ورهسمێ ناساندنا بهربژارێن پارتى ديموكراتى كوردستان هژمار 183 ل ههولێرێ، سهرۆك بارزانى پهيڤهك پێشكێشكر وراگههاند، دبانگهشا ههلبژارتنان دا، پێدڤيه پارتى بهحسێ ئاسايشا كوردستانێ بكهت ول بيرا خهلكى بينيت كو پارتى داعش شكاند.
ئهڤرۆ سێشهمبى 11/9/2018 ناساندنا بهربژارێن پارتى ديموكراتى كوردستان ب بهرههڤبوونا مهسعود بارزانى سهرۆكێ پارتى ديموكراتى كوردستان ونێچيرڤان بارزانى جێگرێ سهرۆكێ پارتى وب بهرههڤبوونا جهماوهرهكێ مهزن ولايهنگرێن پارتى ب رێڤهچوو وتێدا سهرۆك بارزانى پهيڤهك پێشكێشكر.
سهرۆك بارزانى دپهيڤا خوه دا گۆت” ئهڤرۆ 11 ئهيلوولێ يه وبيرهاتنا شۆرهشا ئهيلوولێ يه كو شۆرهشهك بوو كهس نهشيا خالهكا بچووك ل سهر بگريت كو رۆژهكێ كارهكێ نهمهردانه نهكريه، لهوما ب پێدڤى دزانم سلاڤان بۆ شۆرهشگێران ب هنێرم وئهوا نوكه ههى ههموو بهرههمێ خوينا شههيدانه”.
دپشكهكا دى يا پهيڤا خوه دا، سهرۆك بارزانى ئاماژه ب وێ چهندێ كر كو پارتى ژدامهزراندنا خوه ههتا نوكه ئامرازهك بوويه بۆ بدهستڤهئينانا مافێن رهوا يێن گهلێ مه وبدهستڤهئينانا دهستكهفتان، نوكه كو بهر ب ههلبژارتنهكا گرنگ وچارهنڤيسساز دا دچين ژبۆ ئاڤاكرنا كوردستانهكا ب هێز، پارتى پشكداريێ دوان ههلبژارتنان دا دكهت وب باوهريهكا ب هێز دهست ب بانگهشا ههلبژارتنان دكهين.
سهرۆك بارزانى گۆت ژى” ل ههلبژارتنێن 12 گۆلانێ دا، هندهك لايهنان خهونا وێ چهندێ دديت كو پارتى نهمينيت، بهلێ نهزانى كو پارتى دێ بيته حزبا هژمار ئێك، بۆ وێ چهندێ كوردستان ب هێز بيت، پێدڤيه پارتى ب هێز بيت بۆ ئاڤاكرنا حوكمرانيا باش، لهوما دڤێت ل 30 ئهيلوولێ نههێلين خهونا نهحهزان بهێته دێ وئالايێ بهرخوهدانێ وپارتى وشهرهف وكهرامهتێ بلند رابگرن”.
سهرۆك بارزانى دياركر” ل ههيڤا گۆلانا بۆرى ههلبژارتنهكا دى هاتبوو ئهنجامدان، ب پێدڤى دزانم سوپاسيا خهلكێ كوردستانێ ولايهنگرێن پارتى بكهم كو هيمهتهكا زۆر كر ونههێلا خهونا نهحهزان بدهستڤهبهێت وپارتى بوو حزبا هژمار ئێك، لهوما ب وێ ئومێدێ ل ههلبژارتنا پهرلهمانێ كوردستانێ دهنگ بدهن، چونكى بۆ وێ چهندێ كوردستان ب هێز بيت، پێدڤيه پارتى ب هێز بيت”.
گۆت ژى” داخوازا برايانه ژ ههوه دكهم ههلبژارتنهكا ئارام ئهنجام بدهن، ناڤزراندنێ ب كهسێ نهكهن، بهلكو بهرسڤا كهسهكێ نهدهن وسۆزهكێ نهدهن كو نههێته بجهئينان، بهحسێ سهروهريان وداستانان بكهن، بهحسێ كێماسيێن مه ودهسكهفتێن مه بكهن وبهحسێ خهلكێ دى نهكهن، بهحسێ وێ ئاراميێ وئاسايشێ بكهن كو دڤى وهلاتى دا ههى، بهحسێ وێ چهندێ بكهن كێ داعش شكاند”.
سهرۆك بارزانى راگههاند ژى” بهحسێ وێ چهندێ بكهن ههكه پارتى نهبا، پيلانا ژناڤبرنا ههرێما كوردستانێ دا سهرگريت وخهلكهكێ دى دا حوكمرانيێ ل كوردستانێ كهن، بهلێ پارتى پيلان شكاند وپشت راست بن ژ نوكه ووێڤه ههر پيلانهكا ب وى جۆرى دێ هيته شكاندن”.
دووپاتكر ژى” ئاخڤتنێن بێ كريار گهلهك ب ساناهى هينه، بهلێ نابيت وهكو پارتى سۆزێن بێ كريار بدهين، بيرا خهلكى بينن ل دهمێ سهرهلدانێ، كێ بهحسێ ههلبژارتنان بۆ خهلكى كر وگۆتى دا دهست ژ شهرعيهتا شۆرهشگێرى بهردهين ودستوورى بين”.
سهرۆك بارزانى ل دووماهيا پهيڤا خوه گۆت” ب ئومێدهكا بلند بۆ پێشڤه ههرن وخوه نهچهمينن”.
فازل ميرانى: پارتى روو ب روويێ پيلانان بوو وخوه نهچهماندى يه وناچهمينيت
ئهڤرۆنيوز:
پارتى ديموكراتى كوردستان دهست ب بانگهشا ههلبژارتنێن پهرلهمانێ كوردستانێ كر ونوكه ل هۆلا شههيد سهعد عهبدولا رێ ورهسمهكێ تايبهت ب بهرههڤبوونا سهرۆك بارزانى وئهندامێن مهكتهبا سياسى وجڤاتا سهركردايهتيا پارتى ب رێڤهدچيت.
ل دهستپێكا رێ ورهسمێ، فازل ميرانى سكرتێرێ مهكتهبا سياسى يا پارتى دپهيڤهكێ دا گۆت” پارتى ديموكراتى كوردستان وسهرۆك بارزانى كارى بۆ ئاراميا كوردستانێ وناسنامهكا بهردهوام بۆ خهلكێ كوردستانێ دكهن”.
رۆهنكر ژى” پارتى ب سهركردايهتيهكا ب هێز وئێكگرتى وليستهكا تژى بهربژارێن سهركرده پشكداريێ دوان ههلبژارتنان دا دكهت وداخوازێ دكهين خهلك پشكداريێ دههلبژارتنان دا بكهن”.
فازل ميرانى گۆت ژى” پارتى روو ب روويێ پيلانان بوو وخوه نهچهماندى يه وناچهمينيت وپيلانا خيانهتكارى شكاند وروو ب روويێ شكاندنا دستوورى ژلايێ بهغدا راوهستا وسهركردايهتيا شهرێ پاراستنا كوردستانێ كر”.
سكرتێرێ مهكتهبا سياسى يا پارتى دپشكهكا دى يا پهيڤا خوه دا ئاماژه كر كو بۆ ئێكهم جار دديرۆكێ دا ريفراندۆم بۆ سهربخوهيێ ب سهرۆكاتيا سهرۆك مهسعود بارزانى هاته ئهنجامدان وپشتى سهركهفتنا ريفراندۆمێ ژى مه كوردستان پاراست تا وى دهمێ لهشكركێشى بهر ب كوردستانێ هات، بهلێ پارتى خهونا وان ناڤبر يێن دخواستن ب هاريكاريا ئاخ فرۆشان دووماهيێ ب قهوارێ سياسى يێ كوردستانێ بينن.
نيشاندان
WP Facebook Auto Publish Powered By : XYZScripts.com