ئەڤرۆ نیوز ، تۆڤی:

رۆژنامه‌کا له‌نده‌نى بەلاڤەکریە کو د هەڤرکیا دناڤبەرا ئه‌مریكا و ئیرانێ دا بۆ پێكئینانا حوکمه‌تا عیراقێ، ئه‌مریكا دێ سەرکەفتنێ ئینیت و ژ هندێ نێزیک بوویە کو جارەکا دیتر حه‌یده‌ر عه‌بادى بكەته‌ سه‌رۆك وه‌زیر.

ئه‌ڤرۆ رۆژناما عه‌ره‌بى یا له‌نده‌نى راپۆرتەک ل سه‌ر پێكئیانا حوکمه‌تا نوو یا عیراقێ بەلاڤەکریە و‌ نڤێسیە ئه‌مریكا نێزیك دبیت‌ کو گرێیا پێكئینانا حوکمه‌تا عیراقێ ببەت.

گۆتیه ژی، ئه‌مریكا نێزیكتره‌ کو ئارمانجا خوە ل عیراقێ ب دەستڤە بینیت و جارەکا دیتر حه‌یده‌ر عه‌بادى بكەتەڤە سه‌رۆك وه‌زیر و کو ئەڤەژی‌ بەرۆڤاژی داخوازا ئیرانێ یە.
هۆكارێ ڤێ پێشدیتنێ ژی دیارکریە، کو نوکە مەزنترین هەڤپه‌یمانى ژلایێ حه‌یده‌ر عه‌بادى و موقته‌دا سه‌دری و عه‌ممار حه‌كیم و ئه‌یاد عه‌لاوى هاتیە پێکئینان‌، كو ئەڤە هەموو ژ ئیرانێ د‌ دوورن.

هەروەسا‌ گۆتیە، کو مایك پۆمپیۆ وەزیرێ دەرڤە نڤێسیە، کو ماكگۆرك نوونه‌رێ سه‌رۆكی و نوونه‌رێ منه‌، وی گرنگترین كار ‌سه‌ر روویێ ئەردی ئه‌نجام دایه‌.

ئه‌ڤرۆنيوز:

ژێده‌ره‌كى ژ وه‌زاره‌تا به‌رگريا عيراقێ به‌رسڤا داخۆيانيێن ئه‌ڤيگدۆر ليبرمان وه‌زيرێ به‌رگريا ئيسرائيلێ دده‌ت.

وه‌زيرێ به‌رگريا ئيسرائيلێ، ئه‌فيگدۆر ليبرمان، راگه‌هاندبوو كو دبيت ئيسرائيل پێگه‌هێن له‌شكرى يێن ئيرانى دناڤ ئاخا عيراقێ دا بكه‌ته‌ ئارمانج.

دبه‌رامبه‌ر وان داخۆيانيان دا، فه‌رمانده‌كێ بلند يێ له‌شكرێ عيراقێ ل وه‌زاره‌تا به‌رگريێ بۆ كه‌نالێ (روسيا اليوم) يێ رووسى گۆت”به‌زاندنا سه‌روه‌ريا عيراقێ هێلا سوره‌”.

وى فه‌رماندێ عيراقى گۆت ژى كو وه‌زاره‌تا به‌رگريا عيراقێ چاڤه‌رێ به‌رسڤا فه‌رمى يا فه‌رماندێ گشتى يا هيزێن چه‌كدارێن عيراقێ، حه‌يده‌ر عه‌بادى دكه‌ت.

رۆهنكر ژى” عيراق وه‌لاته‌كێ خودان سه‌روه‌رى يه‌ وله‌شكره‌كێ ب هێز يێ هه‌ى، ئه‌وا ليبرمان به‌حس لێكرى زيانى ب سه‌روه‌ريا عيراقێ دگه‌هينيت وهێلا سوره‌”.