ئه‌ڤرۆنيوز:

ل چه‌ند رۆژێن بۆرى هێزێن ئه‌منى يێن عيراقى ل ده‌رگه‌هێن سنورى ل گه‌ل ئيرانێ ده‌ست ب سه‌ر دراڤێ سه‌خته‌ يێ عيراقى دا گرت.

ليوا روكن عه‌لى ده‌عبول، فه‌رماندێ ئۆپه‌راسيۆنێن رافيده‌ين يێ سه‌ر ب وه‌زاره‌تا به‌رگريا عيراقى ڤه‌ راگه‌هاند” هێزێن وان ده‌ست بجهئينانا پلانه‌كا ئه‌منى هه‌والگيرى يا تايبه‌ت كريه‌ ب ئارمانجا ده‌سته‌سه‌ركرنا وان كه‌سێن بزاڤێ دكه‌ن دراڤێ سه‌خته‌ بينن ناڤ بازاران ل پارێزگه‌هێن ميسان، زيقار، موسه‌نا وواست”.

ناڤبرى ئاشكرا كر ژى كو پلانا ناڤبرى ژلايێ هيزێن فه‌رمانده‌يا ئۆپه‌راسيۆنێن رافيده‌ين وشانێن هه‌والگيرى دهێته‌ بجهئينان.

ل رۆژێن بۆرى، هێزێن ئه‌منى يێن عيراقى ل ده‌رگه‌هێن سنورى ل گه‌ل ئيرانێ، ده‌ست ب سه‌ر دراڤێ سه‌خته‌ يێ عيراقى دا گرتبوو كو چه‌ند كه‌سان بزاڤ دكر وى دراڤى ژئيرانێ بينن دناڤ عيراقێ دا.

ئه‌ڤرۆنيوز:

سه‌ركردێ جڤاتا ئيسلامى يا بلند ووه‌زيرێ ناڤخوه‌ يێ عيراقێ يێ به‌رێ، باقر جه‌بر زوبێدى، ئه‌ڤرۆ پێنجشه‌مبى هوشداريێ ل دۆر هێرشه‌كا تيرۆرستى ل سه‌ر مه‌زارێن شيعان ل كه‌ربه‌لا ونه‌جه‌ف دده‌ت.

باقر جه‌بر زوبێدى ل به‌رپه‌رێ خوه‌ ل سه‌ر تۆرا فه‌يسبووكى به‌لاڤكر” فرۆكێن كونترۆلكرى عه‌مبارێن چه‌كى وته‌قه‌مه‌نيێ يێن هه‌ردو فرقێن عه‌باس وعه‌لى يێن حه‌شدا شه‌عبى ژناڤبرن”.

گۆت ژى” دبيت ئه‌و فرۆكه‌ ژگه‌ليێ (قه‌دف) دناڤبه‌را كه‌ربه‌لا وعه‌رعه‌ر هاتبن”.

ناڤبرى هوشدارى دا خه‌لكێ كه‌ربه‌لا وده‌زگه‌هێن ئه‌منى وفه‌رمانده‌يا ئۆپه‌راسيۆنێن فوراتا ناڤين يا له‌شكرێ عيراقێ كو دبه‌رهه‌ڤ بن ودئاماده‌باشيێ دابن.

ئه‌ڤرۆ نيوز:

ب گۆره‌يى رويته‌رز ئه‌بۆ به‌كر به‌غدادى ده‌ركه‌فته‌ڤه‌ پشتى بۆرينا ساله‌كێ ژ ديارنه‌مانا و د پشت راست ژى نينن كا ئه‌و تۆمارا ده‌نگى يا وى يه‌ يان نه‌ و كه‌نگى هاتيه‌ تۆماركرن.

ب گۆره‌يى ئاژانسا ناڤبرى ئه‌بۆ به‌كر به‌غدادى رێبه‌رێ داعش داخوازا خوه‌راگريێ ل چه‌كدار و لايه‌نگرێن خوه‌ كريه‌ و دانپێدان ب ژ ده‌ستدانا وى رووبه‌رى كريه‌ يێ ژ ئه‌گه‌رێ گورزێن ئه‌سمانى ل ڤێ دووماهيێ ژ ده‌ست دايى و تووشى وێ زيانا مه‌زن بووين.

ئه‌ڤ گۆتارا ئه‌بۆ به‌كر به‌غدادى يا دوهى ل دامه‌زراوا ميديايى يا فرقان به‌لاڤبووى پشتى بۆرينا ساله‌كێ يه‌ ل سه‌ر ديارنه‌مانا رێبه‌رێ وێ رێكخراوا تيرۆرستى.

ئه‌و د ڤێ تۆمارێ دا، ته‌كستى ل سه‌ر وێ چه‌ندێ دكه‌ت كو سه‌ركه‌فتن و شكه‌ستن گرێدايى باژێره‌كى يان باژێركه‌كى نينه‌، يا گرێدايى وێ چه‌ندێ ژى نينه‌ كا كى ل ئه‌سمانى ب هێزتره‌ و مووشه‌كێن كيشوه‌ران دبڕن هه‌نه‌ و بۆمبێن زێره‌ك زێده‌تر هه‌نه‌.

رويته‌رز دايه‌ زانين ژى كو هێشتا چو جهێن شاره‌زايێن وارێ ته‌كنۆلۆژيايێ ئاماژه‌ ب وێ چه‌ندێ نه‌كريه‌ كا ئه‌و تۆمارا ده‌نگى به‌غدادى بوويه‌ يان نه‌ و كا ب دروستى كه‌نگى هاتيه‌ تۆماركرن و ل كيرێ هاتيه‌ تۆماركرن.