ئهڤرۆنيوز:
كۆمسيۆنا بلند يا سهربخوه يا ههلبژارتن وراپرسيان ل ههرێما كوردستانێ دهمێ نووكرنا تۆمارا دهنگدهران بۆ ههلبژارتنێن خۆلا پێنجێ يا پهرلهمانێ كوردستانێ كو برياره ل 30 ئيلۆنا 2018 بهێنه ئهنجامدان درێژكر.
دراگههاندنهكێ دا، كۆمسيۆنا ههلبژارتن وراپرسيان ل ههرێمێ بهلاڤكر، دكۆمبوونا ئهڤرۆ يا كۆمسيۆنێ بريار هاته دان ب درێژكرنا دهمێ نووكرنا تۆمارا دهنگدهران تا دهمژمێر 3:30 پشتى نيڤرۆيا رۆژا شهمبيا داهاتى 18/8/2018″.
كۆمسيۆنێ دياركر ژى كو ل ههردو رۆژێن ئهينى وشهمبيێ بنگههێن تۆماركرنا دهنگدهران ل بهردهم وهلاتيان دێ دڤهكرى بن .
ئهڤرۆنيوز:
سهرۆكايهتيا توركيا ئهڤرۆ پێنجشهمبى 16/8/2018 راگههاند، ئهنقهره ل گهل بهغدا بهحسێ زێدهكرنا پرۆسێن لهشكرى يێن توركى دژى پهكهكێ كريه.
ئيبراهيم كالين، پهيڤدارێ سهرۆكاتيا كۆمارا توركيا دكۆنگرهكێ رۆژنامهڤانى دا گۆت” دێ بهردهوام بين ل سهر ئهنجامدانا پرۆسێن لهشكرى دژى پهكهكێ، ب تايبهت پشتى سهرهدانا سهرۆك وهزيرێن عيراقێ حهيدهر عهبادى بۆ توركيا”.
ئاشكراكر ژى” ل گهل حهيدهر عهبادى بهحسێ پرۆسێن لهشكرى يێن بهرفرههتر هاته كرن، كو ژ بلى شنگالێ، مهخموور وقهنديل ژى بخوهڤه بگريت وئهو هێرشا دوهى ل شنگالێ هاتيه ئهنجامدان دوى چارچۆڤهى دابوو”.
دياركر” ل رۆژێن داهاتى دێ پرۆسێن لهشكرى دژى پهكهكێ بهرفرههتر لێ كهين، ب تايبهتى وهكو شێوێ ل شنگالێ هاتيه ئهنجامدان”.
ئهڤرۆ نیۆز،عهزیز ههورامی
زێدهتره ژ سێ سالان ههلهبجه بوويه پارێزگه ژلايێ حوكمهت وپهرلهمان وسهرۆكاتيا ههرێما كوردستانێ ڤه، بهلێ حوكمهتا عيراقێ ژ ههموو وان سۆزێن ل سهر پارێزگههبوونا ههلهبجه داين پهشێمان بوويه.
ل چهند رۆژێن بۆرى شاندهكێ پارێزگهها ههلهبجه سهرهدانا بهغدا كر وچهندين كۆمبوون ل گهل مهزنه بهرپرسێن حوكمهتا عيراقێ ئهنجامدان، نوكه پاريزگهرێ ههلهبجه ب وهكالهت وئامانج رهحيم سكرتێرێ جڤاتا وهزيرێن ههرێمێ رادگههينن كو حوكمهتا عيراقێ رازيبوونا خوه دياركريه ل سهر ڤهكرنا شهش رێڤهبهرى وفهرمانگههان ل ههلهبجه كو ل دهستههلاتا حوكمهتا عيراقێ دانه.
ئامانج رهحيم، سكرتێرێ جڤاتا وهزيرێن ههرێما كوردستانێ دبهرپهرێ خوه دا ل سهر تۆرا جڤاكى يا فهيسبووكى بهلاڤكر” ل ههلهبجه ل رۆژا 9/8/2018 ب فهرمى رێڤهبهريێن كارتا نيشتمانى ورهگهزنامه وپاسپۆرت، تابلۆيێن ترومبێلان دێ ب ناڤێ ( پارێزگهها ههلهبجه) كو دبيته پارێزگهها 19ێ يا عيراقێ وپارێزگهها چارێ ل ههرێما كوردستانێ”.
عهلى عوسمان، پارێزگهرێ ههلهبجه ژى ب وهكالهت ل فهيسبووكى خوه بهلاڤكر” ب پشتهڤانيا دۆستێن مه، حوكمهتا ههرێمێ ل وێ سهرهدانا بۆ بهغدا ئهنجامداى، مه شيا فهرمانا ڤهگرنا رێڤهبهريێن فيدرالى يێن حوكمهتا عيراقێ بۆ پارێزگهها ههلهبجه بدهستڤهبينين كو ئهڤهژى دهستكهفتهكێ مهزنه”.
ئهو رێڤهبهرى وفهرمانگههێن دێ ل ههلهبجه هێنه ڤهكرن ئهڤهنه: رێڤهبهريا رهگهزنامێ، تابلۆيا ترومبێلان، رێڤهبهريا كاروبارێن شارستانى، رێڤهبهريا هاتنوچوونێ، رێڤهبهريا پۆليسێن گۆمرگێ، رێڤهبهريا نشينگههێ.
ئهڤرو 16-8-2018 ل ئوتێلا ریكسوس وب ئامادهبونا فهرهاد ئهمین ئهتروشی پارێزگهرێ دهوكێ وقایمقام ورێڤهبهرێن گشتی یێن چهند فهرمانگهها وچهند رێڤهبهرێن ناحیا ، خولا تایبهت ئهوا ل دور هاوسهنگیا جیندهری وپهرپێدانا شیانا ئهوا ژلایێ ئهنجومهنێ بلند یێ خانمان ب هاریكاریا رێكخراوا (UN-WOMEN) هاتیه رێكخستن بهردهوامی دا بهرنامێن خو وراهێنهر عبدالسلام مهدهنی سمینارهك ل دور بابهتێ هاوسهنگیا جیندهری وپهرپێدانا شیانان پێشكێش كر ودان وستاندن ژلایێ بهرههڤبویا ل سهر بابهتێن سمینارێ هاتنه ئالوگوركرن .
ل دوماهیا خولێ چهند بریار وراسپارده هاتنه دهركرن وب شێوهكێ نڤێسكی بو لایهنێن پهیوهندیدار وحكومهتا ههرێما كوردستانێ دێ هێنه بلندكرن بو وێ یهكێ پشتهڤانیا پروژێ هاوسهنگیا جیندهری وپهرپێدانا شیانان ل دهڤ ئافهرهتان بهێته كرن .
پاش هونهرمهندان( محمود بامهرنی وئعتیدال) چهند سترانێن گهلهری پێشكێشكرن ولدوماهیا خولێ باوهرنامه ل سهر پشكدارێن خولێ هاتنه بهلافكرن.
ههر دناڤا بهرنامێن خهلاتكرنێ دا هاته راگههاندن كول دویڤ بریارا پارێزگهرێ دهوكێ لیژنێن تایبهت ب هاوسهنگیا جیندهری وپهرپێدانا شیانان ل ههموو قهزایان دێ هێنه ڤهكرن.
ههژی گوتنێ یه ل روژێن 15و16/8/2018 ئهنجومهنێ بلند یێ خانمان ب هاریكاریا رێكخراوا (UN-WOMEN) خولهكا تایبهت ل دور هاوسهنگیا جیندهری وپهرپێدانا شیانان سازكر وچهندین سمینار ژلایێ راهینهرێن بسپور دبوارێ ناڤبری دا پێشكێشكربون.
ئهڤرۆنيوز:
ب بهرههڤبوونا سهرۆك بارزانى، ئهڤرۆ پێنجشهمبى 16/8/2018 ئاههنگا دهرچوونا خۆلا ئێكێ يا پێشمهرگێ زێرهڤانى هاتيه گێران.
درێ ورهسمێن وێ خۆلێ دا، كهريم شنگالى وهزيرێ ناڤخوه ل ههرێما كوردستانێ راگههاند”پێدڤيه هێزێن پێشمهرگهى بۆ ههموو ئهگهرهكى دئاماده بن ” .
وهزيرێ ناڤخوه دووپاتى ل پێدڤيا بهردهواميا پشتهڤانيا هێزێن ههڤپهيمانان بۆ پێشمهرگهى كر.
كهريم شنگالى كو ههڤدهم وهزيرێ پێشمهرگهيه ب وهكالهت گۆت ژى” مه بهرنامهكێ ب هيز يێ داناى وبۆ بجهئينانا وێ پلانێ ژى، هاريكاريا ههموو لايهنان يا پێدڤيه”,
رۆهنكر ژى” دهركرنا داعشێ رامانا ب دووماهى هاتنا هزرا توندرهويێ نينه، بهلكو نوكه داعش ب شێوهكێ نوو خوه رێك دئێخيت ودووباره بوويه گهف ل سهر ئاسايشا وهلاتيێن دهڤهرێن رزگاركرى، لهوما پێدڤيه بۆ ههموو ئهگهرهكێ نهخوازراو دئامادهبين”.
شنگالي دياركر” بۆ وێ چهندێ پێشمهرگه ۆ ههموو روو ب رووبوونهكێ يێ ئامادهبيت، پێدڤى ب پشتهڤانيا بهردهوم يا هێزێن ههڤپهيمانان يا ههى دمهشق وپێدانا چهكى وراوێژى ب پێشمهرگهى”.
ئهڤرۆ نیوز، نهوزاد هلۆرى:
سالانه دناڤبهرا كومهلگهها سیریێ و شێلادزێ بۆ چهند روژان بازارێ كرین و فروتنا تهرش و كهوالى دهێتهڤهكرن ، و بكل دهڤهرا بارزان و دینارته و ئامێدیێ و سهرسنك و چهند دهڤهرێن دن قهستا وى بازارى دكهن بو كرینا ئێك ژ جورێن تهرش و كهوالى داكو ل رۆژا جهژنا قوربانێ بكهن قوربانى.
فروشیارێن وى بازارى بو ئهڤرۆ نیوز ددهن دیاركرن كو جوداهیهكا مهزن دناڤبهرا بازارێن شێلادزێ ل گهل بازارێن دن ههیه ئهو ژى ئهوه كو ژبلى فروتنا تهرش و كهوالێن قوربانێ دههمان دهم دا ئهو تهرش و كهوالى بو بكران ههتا روژا جهژن ب خودان دكهن و دبێژن: (خهلكێ دهڤهرا بارزان و دینارته و ههتا سهرسنكێ قهستا بازارێ كرین و فروتنا تهرش و كهوالێ قوربانان ل شێلادزێ دكهن ، و ئهو گهلهك هاریكاریا خهلكى دكهن)
بكرێن تهرش و كهوالى بو ئهڤرۆ نیوز ددهن دیاركرن كو بازارێ كرین و فروتنا تهرش و كهوالى ل شێلادزێ بازارهك گونجایه و دبێژن: (سهرهراى كو موچه نینن و قهیرانا دارایى یه بهلێ بهشهك ژ وهلاتیان قهستا بازارى دكهن بو دهستنیشانكرن و كرینا تهرش و كهوالى بو رۆژا جهژن چونكى قوربانى خێرهكا مهزنه).
ئهڤرۆ نيوز:
ژێدهرهكێ ئاگههدار راگههاند كو رێ ب وهزيرێ كارهبێ قاسم فههداوى نههاته دان بۆ گهشتا ژ دهرڤهيى وهلاتى.
ئهوى ژێدهرى گۆت: “دهستهلاتێن فرۆكخانا بهغدا رێگرى ل وهزيرێ كارهبێ قاسم فههداوى ژ گهشتا بۆ ژ دهرڤهيى وهلاتى كر”.
ئهوى ژێدهرێ نهڤيايى ناڤێ خوه ژى ئاشكهرا كهت بۆ سومهريه نيوز دايه زانين كو ئهڤ بڕياره ژ ئهگهرێ بڕيارهكێ هات كو رێ ب گهشتكرنا وهزيرێ كارهبا عيراقێ نادهت.
دهێته زانين كو سهرۆك وهزيرێن عيراقێ حهيدهر عهبادى ل 29ى تيرمهها 2018ێ دهست ژ وهزيرێ كارهبێ ڤهكێشا ژ ئهگهرێ چهند كێشێن گرێدايى كارهبێ.
ئهڤرۆ نيوز:
وهزارهتا دارايى و ئابوورى ل حوكمهتا ههرێما كوردستانێ رادگههينيت كو سهرهرايى وێ چهندێ كو رۆژێن شهمبى و ئێكشهمبى 18و19ى تهباخا 2018ێ بهێنڤهدانا فهرمى يه، بهلێ بهنكێن وهزارهتا دارايى و ئابوورى دێ دهواما ئاسايى يا خوه كهن دا كو خانهنشين بهرى جهژنا پيرۆزا قوربانى مووچهيێ خوه وهربگرن و ب ڤێ چهندێ ژى دێ دووماهى ب بهلاڤكرنا مووچهيى هێت.
ئهڤرۆ نيوز، نيوار:
بهرپرسێ پشكا راگههاندنێ ل هاتنوچوونا قهزا مهركهزى يا دهۆكێ راگههاند كو ب دهمهكێ نێزيك دێ رادارهكا بنهجهـ يا 24 دهمژمێرێ ل زاويته هێته دانان.
سالح جهميل، بهرپرسێ پشكا راگههاندنێ ل هاتنوچوونا قهزا مهركهزى يا دهۆكێ بۆ ئهڤرۆ نيوز گۆت: “ههموو شوفێران ئاگههدار دكهين كو ل ڤان نێزيكان دێ رادارهكا دى يا جێگر يا 24 دهمژمێرى ل سهر جاددا گشتى يا ناحيا زاويته بۆ پارێزگهها دهۆكێ بهرامبهر گۆندێ بێسرێ ئێخينه كارى و ئهڤه دێ بيته رادارا سيێ يا جێگر ل سنورێ زاويته”.
دا زانين ژى كو دهێته پێشبينيكرن ئهڤ رادارا سيێ ل پشتى جهژنێ بهێته كارا كرن و گۆت: “هيڤيى ژ شوفێران دكهين كو پێگريێ ب رێنمايێن هاتنوچوونێ بكهن دا تووش سزايێن قانوونى نهبن”.
بهرپرسێ پشكا راگههاندنێ ل هاتنوچوونا قهزا مهركهزى يا دهۆكێ ل دووماهيێ ژى گۆت: “لهزاتيا ڤێ جاددێ ل جهێ رادار لێ هاتيه دانان 80كم د دهمژمێرهكێ دا”.
نيشاندان