ئه‌ڤرۆ نيوز:

دکتور کەمال کەرکوکی ئەندامێ سەرکرداتیا پارتی دیموکراتی کوردستان بۆ روژناما ئەڤرۆ دیارکر، کو بۆ مە کوردا ھندەک دەلیڤە ھاتینە پێش و گوھۆرینێت مەزن چێبووینە، بەلێ دگەل ھندێ ژی ھێشتا زور یا مای و کێماسی ژی ماینە، لەوما گرنگە کاربکەین ل سەر وان کێماسیا داکو پتر ئامادەبین بۆ وێ ئارمانجا مە دڤێت، ھەروەسا گۆت: نوکە دا کار ل سەر ھندێ ھێتەکرن کا کەنگی دەولەتا کوردستانێ رابگەھینین، بەلێ لایەنێن سیاسیێن خیانەتکار ھاروکاربوون ل گەل دوژمنی و ئارمانجا ریفراندومێ گیروکر و پشت راست بن ئەو ئارمانج ناھێتە ژبیرکرن، بەلکو بتنێ یا ھاتی یە گیروکرن مافێ مللەتێ کورد ناھێتە خوارن ژی دێ ریفراندوم ھەردەم یا ساخ بیت و چو جارا ناھێتە ژبیرکرن.

ئەندامێ سەرکراتیا پارتی گۆت: ریفراندومێ شکەستن نەئینایە، ئێکەم جاربوو د مێژویا کورداتیێ دا گەلێ کوردستانێ ل پارچەکا کوردستانێ ب ئازادی و ئاشتی بڕیار بدەت کا چ دڤێت، مە ل ئەمریکا ل گەل مەزنە بەرپرسێن ئەمریکا بەحسێ ریفراندومێ و دکرو گەنگەشە ل سەر دکر لێ مخابن، وان گۆت ھندەک لایەنێن سیاسی ل ھەرێمێ ل سەر ھەمان بابەتێ نوکە ھین بەحس رێفراندومێ دکەن، دبێژن ب ئێکرێزیا عێراقێ ئەم د ئارامینن و مە دڤێت دگەل عێراقێ بمینین و جودا نەبین.

کەمال کەرکوکی ئاماژە دا وێ چەندێ کو ئەو حیزبێن دەستێ خۆ بۆ ناڤ دەستێ دوژمنی درێژ دکەن و ھەولدەن کورد نەگەھنە ئارمانجا خوە و دژایەتیا سەربەخۆبوونێ دکەن و خیانەتێ دکەن پشت راست بن ئەو حیزب گەلەک دھێنە کێمرکرن و سەنگا خوە نامینیت چونکی مللەتێ کورد وان قەبیل ناکەت یێ کو دژی سەربەخۆیا کوردی کاربکەت و نەڤێت کورد بگەھنە ئارمانجا خوە.

ناڤبری دیارکر کو بۆ ھەمو جیھانێ و نافخۆ دیاربوو کو بریارا دەستڤەئینا ئارمانجا مللەتێ کورد یا دەستێ پارتی دا و چو لایەنەک نەشێت وێ بکەت یا کو پارتی بۆ مللەتێ کورد کری و خەلک ھاندای کومکری بۆ ئەنجامدانا ریفراندومێ، بەرھندێ پارتی تاکە ھێزا سیاسی یە کو دشێت بریارێت بھێز بدەت و بەرەڤانیێ ل دەست کەفت و ئارمانجێن مللەتێ کورد بکەت.

ئه‌ڤرۆنيوز:

سه‌رۆك بارزانى ل پيرمام ئه‌ڤرۆ چارشه‌مبى 2/5/2018 ل گه‌ل باليۆزێ كۆمارا ئيسلامى يا ئيرانى ل عيراقێ كۆمبوو.

سه‌رۆك بارزانى ئه‌ڤرۆ پێشوازى ل ئيره‌ج مه‌سجدى بالپۆزێ كۆمارا ئيسلامى يا ئيرانى ل عيراقێ كۆمبوو وبه‌حس ل په‌يوه‌نديێن دو قۆلى دناڤبه‌را هه‌رێما كوردستانێ وئيرانێ هاته‌ كرن.

هه‌ر د وێ كۆمبوونێ دا به‌حس ل چاره‌مين كۆنفرانسێ پێشڤه‌چوونا په‌يوه‌نديێن ئابوورى دناڤبه‌را هه‌رێما كوردستانێ وئيرانێ كو ل هه‌ولێرێ هاتيه‌ ئه‌نجامدان هاته‌ كرن وب پێنگاڤه‌كێ گرنگ وسه‌ركه‌فتى هژمارت كو دێ بيته‌ ئه‌گه‌رێ ب هێزبوونا په‌يوه‌نديێن ئابوورى دناڤبه‌را هه‌رێمێ وئيرانێ.

ئه‌ڤرۆنيوز:

وه‌زاره‌تا پێشمه‌رگه‌ ل دۆر داخوازه‌كا عيراقێ بۆ راده‌ستكرنا وان چه‌ك وپێدڤيێن له‌شكرى كو پشتى كونترۆلكرنا مووسلێ وده‌وروبه‌رێن وێ ژلايێ داعشێ ڤ كه‌فتبوونه‌ ده‌ستێ پێشمه‌رگه‌ى هاته‌ ده‌نگ وئه‌ميندارێ گشتيێ وێ وه‌زاره‌تێ راگه‌هاند، چو نڤيساره‌كا فه‌رمى نه‌گه‌هشتيه‌ مه‌، ب فه‌رمى ژى دێ مه‌ هه‌لويستێ خوه‌ هه‌بيت”.
فه‌ريق (جه‌بار ياوه‌ر) ئه‌ميندارێ گشتيێ وه‌زاره‌تا پێشمه‌رگه‌ بۆ SNN گۆت” ئه‌و نڤيسارا حوكمه‌تا عيراقێ كو ل هنده‌ك ژ ده‌زگه‌هێن راگه‌هاندنێ به‌لاڤبووى كو عيراق داخوازا وان چه‌كان دكه‌ت، چو نڤيساره‌كا فه‌رمى نه‌ گه‌هشتيه‌ ده‌ستێ مه‌”.

گۆت ژى” من ژى ل ده‌زگه‌هێن راگه‌هاندنێ ئه‌و نڤيساره‌ يا ديتى، به‌لێ ب فه‌رمى بۆ وه‌زاره‌تا پێشمه‌رگه‌ نه‌هاتيه‌ هنارتن، هه‌ر ده‌مێ بۆ مه‌ بهێت وێ ب فه‌رمى مه‌ هه‌لويستێ خوه‌ هه‌بيت”.

دهژماره‌كا ده‌زگه‌هێن راگه‌هاندنێ يێن عيراقى دا نڤيساره‌كا دادگه‌ها له‌شكرى يا عيراقى هاتيه‌ به‌لاڤكرن ول پشكه‌كا وێ نڤيسارێ دادگه‌ها له‌شكرى يا عيراقى ماف دايه‌ وه‌زاره‌تا به‌رگريا عيراقێ كو سكالا قانوونى دژى هێزێن پێشمه‌رگه‌ى تۆمار بكه‌ت بۆ قه‌ره‌بووكرن وڤه‌گه‌راندنا وان چه‌ك وپێدڤيێن له‌شكرى كو مولكێ فه‌رمانده‌يا ئۆپه‌راسيۆنێن نه‌ينه‌وا بوون وپشتى كه‌فتنا مووسلێ دده‌ستێ داعشێ دا، كه‌فتبوونه‌ ده‌ستێ پێشمه‌رگه‌ى.

ئه‌ڤرۆنيوز:

ئه‌ندامه‌كێ مه‌كته‌با سياسى يا پارتى ديموكراتى كوردستان راگه‌هاند، پارتى ب كريار بۆ گه‌لێ كوردستانێ وعيراقێ ووه‌لاتێن هه‌رێمى وهه‌موو جيهانێ يا سه‌لماندى كو تنێ ئه‌و لايه‌نێ سياسى يه‌ ل ناڤ هه‌رێما كوردستانێ كو كارى بۆ سه‌ربخوه‌يا كوردستانێ دكه‌ت.

كه‌مال كه‌ركووكێ، ئه‌ندامێ مه‌كته‌با سياسى يا پارتى، ئه‌ڤرۆ چارشه‌مبى 2/5/2018 دكه‌رنه‌ڤاله‌كێ ليستا پارتى يا هژمار 184 ل باژێرێ به‌رده‌ره‌ش گۆت” دێ پشكداريێ دڤان هه‌لبژارتنان دا كه‌ين، چونكى چاره‌نڤيسێ سياسى ل عيراقێ وه‌رچه‌رخانه‌كا گه‌له‌ك گرنگ ومه‌ترسيدار يا ل پێش، بۆ وێ چه‌ندێ خودان هزرا ديموكراسى سه‌ركه‌فتنێ بده‌ستڤه‌ بينيت ونه‌هێلين عيراق به‌ر ب ديكتاتوريه‌تێ بچيت.

كه‌ركووكێ رۆهنكر ژى” پارتى ب كريار يا سه‌لماندى بۆ گه‌لێ كوردستانێ وعيراقێ ولاتين هه‌رێمى وهه‌موو جيهانى كو ئه‌و لايه‌نێ سياسى يێ ئێكانه‌يه‌ ل ناڤ كوردستانێ كارى بۆ سه‌ربخوه‌يا كوردستانێ دكه‌ت”.

خوياكر ژى كو پارتى سه‌ركردايه‌تيه‌كا ب هيز ورابردويه‌كێ پاقژ يێ هه‌ى وده‌ستكه‌فت بۆ كوردستانێ يێن ئيناين .