ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو ژ ئهنجامێ هاتنا پێلا گهرما هاڤينێ ژ سوبههى و بۆ ماوهكى دێ پلێن گهرمێ بلند بنن.
پشكا پێشبينيان ل رێڤهبهرياگشتى يا سهقاناسى و بيڤهلهرزێ ل ههرێما كوردستانێ د نڤيسارهكێ دا كو دانهك ب دهست ئهڤرۆ نيوز كهفتيه ئاماژه ب وێ چهندێ دكهت كو شهپۆلا ئێكێ يا گهرما هاڤينێ سوبههى رۆژا چارشهمبى دێ كار كهته سهر ههرێما كوردستانێ و ماوێ وێ دێ چهند رۆژان ڤهكێشيت.
ئاشكهرا ژى كر كو فشارێن نزمێن وهزيرێ هاڤين هند درێژبووينه بۆ سهر دهڤهرێ، ژ سوبههى رۆژا چارهشهمبى رێكهفتى 27ى خزيرانا 2018ێ پێشبينيا بلندبوونا پلێن گهرمێ دهێته كرن.
پشكا پشبينيان دايه زانين ژى كو ئهڤ پلندبوونا پلێن گهرمێ ههتا رۆژا ئهينى دێ د بهردهوام بن و ل دهڤهرێن باشوورێ ههرێمێ ههتا 45 پلێن سليزى دێ بلند بن.
دايه زانين ژى كو ئهڤ پله بلندبوونه دێ ل پارێزگههێن ههولێر و سلێمانى و دهۆك و ههلهبچه بلندترين پلێن گهرمێ يێن پێشبينيكرى تۆمار كهت كو د ناڤبهرا 42 ههتا 45 پلێن سليزى دايه.
رێڤهبهريا گشتى يا سهقاناسى و بيڤهلهرزێ ل ههرێما كوردستانێ ددهته دياركرن كو ل رۆژا پێنجشهمبى پلێن گهرمێ دێ بهر ب نزمبوونێ ڤه هێن و دێ گههنه بن 42 پلێن سليزى.
نيشاندان