ئهڤرۆنيوز:
ژئهگهرێ بلندبوونا دوكێلا سۆپا غازێ سێ كهسان ژ خێزانهكێ گيانێ خوه ژدهستدا.
رێڤهبهريا پۆليسێن پارێزگهها ههولێرێ بهلاڤكر” ل شهڤا 2/1/2018، پۆليس هاتن ئاگههداركرن ب روودانهكێ ل كهلهكا كهڤن ل قهزا خهبات، پشتى گههشتنا پۆليسان بۆ جهێ روودانێ دياربوو كو سێ وهلاتيان ژ ئێك خێزان دژيێن 38 ساليێ و56 ساليێ و2 ساليێ دا گيانێ خوه يێ ژدهستداى”.
دياركرژى” ئهو ههر سێ كهس ژئهگهرێ بلندبوونا دوكێلا سۆپا غازێ خهندقى بوون”.
ئهڤرۆ نيوز:
ل سهر داخوازا وهزارهتا ساخلهميێ يا حوكمهتا ههرێمێ، نێچيرڤان بارزانى سهرۆك وهزيرێن ههرێمێ رازيبوونا خوه نيشادا ل سهر دامهزراندنا دهرچوويێن خولا ئێكێ يا سالا 2016 – 2017 يا كوليژێن نوشدارى.
ل دووڤ وێ نڤيسارا سهرۆكاتيا جڤاتا وهزيران، 129 دهرچوونێن زانكۆيا ههولێر يا نوشدارى و11 دهرچوويێن كوليژا نوشدارى يا زانكۆيا سلێمانيێ و49 دهرچوويێن كوليژا نوشدارى يا زانكۆيا دهۆك دێ هێنه دامهزراندن.
ئهڤرۆ نيوز:
كومبوونا ئهڤرۆ يا پهرلهمانێ عيراقێ كو بريار بوو خواندنا ئێكێ بۆ پرۆژه قانوونا بودجا 2018 يا عيراقێ بهێته كرن، ژبهر بايكوتا پهرلهمانتارێن كورد و سوننه بۆ سوبه هاته پاشخستن.
مهسعود حهيدهر ئهندامێ لژنا دارايى ل پهرلهمانێ عيراقێ دياركر كو كوردان 9 تێبينى ل سهر بودجهى ههنه كو ئێك ژ وان پشكا ههرێمێ ژ 12% بهێته زێدهكرن بۆ 17% ێ.
ئەڤرۆ نیۆز،تۆڤی:
مێژوویا سهرۆكێن ئهمریكا دیار دکەن،کو گەلەک کێم ژ سهرۆكێن وی وەلاتی بێ ئهنجامدانا شەرەکێ د ماوێ دهستهەلاتا خۆدا تەمام كریه،پتریا وان د ماوێ دهستهەلاتا خۆدا شەرەک هەلگیرساندیە،لەورا نوکە پرسیار ئهوه ئەرێ دۆنالد ترهمپ سهرۆكێ نوو دێ چ شەر کەت؟.
سهرۆك بۆشێ باب شەرەکێ مەزن ب هەڤکاریا هەڤپەیمانێن خۆ ل دژى عێراقێ ئهنجام دا،کو ب شەرێ دویێ یێ كهنداڤی یێ ناسیاره،پشتی جۆرج بوشی بیل كلنتن بوو سهرۆكى ئهمریكا، وی ژی دەستپێکا هێرشا خۆ بۆ سهر ئهفغانستان ههلگیرساند، رهنگه راستهوخۆ كلینتنی جهنگ ل دژى ئهفغانستانێ بەرپانەکربیت، بهلێ ئالۆزی ل سهردهمێ ویدا ل دژى عێراقێ و ئهفغانستانێ گەهشتنە وی رادەی،پشتی كلینتنی دهبلیو بۆش هات،وی ژی ب هێجەتا 11 سێپتێمبهرێ جهنگ ل دژى ئهفغانستانێ راگههاند و پاشی ل سالا 2003 ل دژى عێراقێ، باراك ئۆمابامای ژی ب ههمان شێوه.
جهنگ د مێژوویا سهرۆكێن ئهمریكا دا بابهتەکێ ئێلاكهره،زۆر جارا جهنگ سهرۆكی دکەتە قارەمانەکێ نهتهوهیى و جار ژی سهرۆك هەیە دڤێ تاقیكرنا سهختدا دهرناچیت،ویلسۆنی جهنگێ ئێکێ یێ جیهانی،روزفلت جهنگێ دویێ یێ جیهانى دیتی، لینكۆلنی جهنگێ نافخۆ،نیكسۆنی جهنگێ ڤیەتنامێ.
ئەرێ ترهمپ دێ چ شەری کەت و ووێ ل دژى كێ بیت؟، لێ ترەمپ كهسەک نینه،کو باوەی ب بکارئینانا هێزێ ههبیت،بەلکی ئاشتیێ ب چارهسهر دزانیت بۆ ئێكلاكرنا هندەک بابهتان،ژ بلی ڤێ ژی وی مەزنترین بودجه بۆ وەزارەتا بەرەڤانیێ تهرخان كریه،هەکە وەسا بریاربیت کو ترهمپی ب بودجهی و چهکێ زهبهلاح ل بەربیت جهنگەکێ چێکەت؟،هوون چ خەیال دکەن،ئەرێ ئەو جەنگە دێ ل كۆریاى باكور، پاكستان،وەلاتێن داكۆكیكار ل قودسێ، یان ئیران بیت؟.
ئێک:هەکە ژ ئاسیا دهست پێ بكهین:كۆریا باكۆر،وەلاتەکە ئەڤە 70 سالە ململانێ ل گهل ئهمریكا ههیه،ل سهردهمێ دۆناڵد ترهمپی،ڤی وەلاتی مووشهكا بالیستى تاقیكریه و هێرشێن توند ل ئهمریكا دکەت. ئهمریكا ژی هێزا خۆ ل هەمبەری ڤی وەلاتی نمایش دکەت،چهكێن خۆژی ل بهرامبهر وی وەلاتی نمایش دکەت،چەندین سزا ژی خستینە سهر وی وەلاتی،مانۆرێن سهربازى لگهل (كۆریا باشۆر) ئهنجام ددەت.
دو:بابهتێ قودسێ:ل سالا بوری دۆنالد ترهمپی بریار دا قودسێ وهك پایتهختێ ئیسرائیلێ بهێتە ناساندن،هەر چەندە چاڤەرێ شەرەکێ دهاتەکرن،بهلێ ئهگهرێ تێوهگلانا ئهمریكا د جهنگەکێ مەزندا ب دووری دهێتە زانین،ژبەر ڤان خالان.
. داكۆكیكارێن قودسێ (توركیا، مسر، سعوودیه) دوورن،ژ ئەگەرێ پهنابرنێ بۆ هێزا سهربازی،ژ پێخەمەت داكۆكیكرنێ ل قودسێ و فلستینیان.
.ئەڤ كێشه بهرهف رێكخراوێن كۆمهلگەهێ نێڤدهولهتى ڤەچوو،جڤاتا ئاسایشێ و كۆمهلا گشتی یا نهتهوەیان.
.ههرسێ وەلاتێن مەزن یێن ڤێ دەڤەرێ (توركیا و مسر و سعوودیه)،ز رەنگەکێ ژ رەنگان نێزیکی ئهمریکانە: توركیا ئهنداما ناتۆیه، مسر و توركیا ههردو هاریكاریێن سهربازى ژ ئهمریكا وهردگرن، سعوودیێ ژی پەیوەندیەکا بهێز ل گهل ئهمریكادا ههیه.
پاكستان:ماوێ چهند هەیڤانه بهرپرسێن ئهمریكا هێرش بۆ سهر پاكستانێ راگەهاندینە، پاكستانێ ب هندێ تۆمهتبار دكهن،کو هاریکاریا گرووپێن تیرۆریستی یێن ناڤ ئهفغانستانێ دکەت،لێ پاكستان خودان سوپایهکێ مەزنە، چاڤدێرێن ئهمریكى دبێژن هەکە پاكستان ب ڤی شێوازی رەفتارا سیاسى بكەت، سهقامگیرى ل ئهفغانستانێ بهرپا نابیت،لگهل كهفتنا داعشێ ل سووریێ و عێراق گرووپێن تیرۆریستی یێ داعش چووینە ئهفغانستانێ و بزاڤان ل وێرێ دکەن، ئهڤەژی وە دکەت دووباره ئهفغانستان بكهڤیتە ستۆیێ ئهمریكا و ئهمریكا ژی ههموو دەما ژ كێشێن ئهفغانستانێ دۆستێ كەڤنێ خۆ پاکستانێ تۆمهتبار دکەت.
ئیران:ئیران ئێکە ژ وان وەلاتان کو ئهمریكا ل سهردهمێ ترهمپێ بهرئێككهفتن و جهنگەکی ل گهل ئهنجام بدەت. ئیران دوژمنەکێ 30 سالا یێ ئهمریكایه،نوکە ب دیتنا ئهمریكا ئیران ژێدەرێ ئالۆزیێن هەموو رۆژههلاتا ناڤینە، ئیرانێ ملیشیات ل لوبنانێ و عێراقێ و سووریێ و یهمهنێ ههنە،دۆنالد ترهمپ دانێ ب رێككهفتنا ئهتۆمى ل گهل ئیرانێ ناکەت،گۆرهپانا بهرئێکكهفتنێ ل عێراقێ یا نزیكه،ئەڤ هوکارە هەموو وە دکەن ب ئاسانى ترهمپ هزرێ ل لێدانا ئیرانێ بكەت.
ئەڤرۆ نیوز، نەوزاد ھلۆری:
بکارئینانا ھەموو جوێن تورا و بومبە و ماددێن ژەھراوی و کارەب بوویە سەدەم کو ماسی ژ رووبارێن سنوورێ دەڤەرا ئامێدیێ و بارزان کێم بن و ماسیگرەک ددەتن دیارکرن کو ئەو بەرامبەر سالێن بوری گهلهك كێم ماسيان دگرن.
سەمیع سەدیق ماسیگرەکێ دەڤەرێ یە ددەتن دیارکرن کو بەری نھا ئەوان ھەتا 30 کیلویێن ماسیان دگرتن بەلێ نھا ئەو ھەتا پێنج کیلویێن ماسیان دگرن و بو ئەڤرۆ نیوز گۆت: (ئەم رۆژانە ب تورا دچینە ماسیان ل رووبارێن شین و رووبارێ زێ، بەلێ ماسی گەلەک کێم بوینە، ئەگەر ژی دزڤریت بۆ بکارئینانا ھەموو جورێن تورا و بکارئینانا بومبە و ماددێن ژەھراوی ژ بۆ گرتنا ماسیان).
زێدەتر گۆت: (ئەم ب دو شێوازان تورا بو گرتنا ماسیان بکاردئینین وەکو دانانا تورا و د رووباری بەردانا تورا و قەیرانا دارایی بوویە ئەگەر کو بھایێ ماسیان گەلەک کێم بیت و نھا کیلو د ناڤبەرا چوار بۆ ھەشت ھزار دیناران دھێتە فروتن).
ژ لایەکێ دن ڤە بکرەکێ ماسیان ل بازارێن شێلادزێ ب ناڤێ دلوڤان سیتەیی بۆ ئەڤرۆ نیوز گۆت: (ماسیگرێن دەڤەرێن بارزان و سنوورێ ئامێدیێ دچنە ھەردو رووبارێن زێ مەزن و رووبارێ شین و ئەم ژی ڤێرە ل وان دکرین و دفروشین، کیلویا ماسیان د ناڤبەرا پێنج بۆ 12 ھزار دیناران دھێتە فروتن).
ئەڤرۆ نیوز، نەوزاد ھلۆری:
دەما چەند رۆژایە ل چەند باژێرێن ئیرانێ و رۆژھەلاتێ کوردستانێ، دژی رژێما ئیرانێ وەلاتیان دەست ب خوهنیشاندانان کری و حوکمەتا ئیرانێ ژی ب تۆندرین رهنگ بەرساڤا خوهنیشاندانان ب کوشتن و بریندارکرن و گرتنێ ددەت. چاڤدێرەکێ سیاسی ددەته دیارکرن کو ئەڤ یەک ھەموو بۆ نەدادپەروەریا ئیرانێ دزڤریت و شکەستنا ئیرانێ ل گەل خوهنیشاندانان دێ بیتە سەدەم کو دەستێوەردانێن ئیرانێ ل عیراق و ھەرێما کوردستانێ دووماھی بھێن.
چاڤدێرێ سیاسی، عەبدوللا خالد، دیارکر کو شکاندنا ئیرانێ گەلەک گرنگە بۆ رۆژھەلاتا ناڤەراست ب گشتی و دەڤەرێ ب تایبەتی و بۆ ئەڤرۆ نیوز گۆت: (رەنگە شکەستنا ئیرانێ زیانێ ب چەند وەلات و کەس و لایەنان بگەھینیت، بەلێ ل گەل ڤێ یەکێ ژی بۆ کوردان گەلەک گرنگە ب تایبەتی د وارێ مافێ مرۆڤی و ئازادیێن رادەربرین و ھزری دا کو دەمەکێ زورە ب ھندەک ھزر و بیرێن بەرتەنگ پەردەکرینە، ئیران ھەتا سەر ھەستیا دەستڤەدانێن خوە کرینە سەر کاروبارێن ھەرێما کوردستانێ و عیراقێ، دووماھی جار ژی سیناریویا 16ێ ئوکپوتەرا سالا بوری بوو، کو رولەکێ زۆر نەرێنی ھەبوویە بۆ کەفتنا کەرکووک و دەڤەرێن سەر ب وێ ڤە و ھەموو ئەوان سزایێن ئابووریێن کو نھا ھەرێم تێدا دنالیت ئیران ژێ بەرپرسیارە، د کەڤکێشا ھەولێر بۆ بەغدایێ ژی دا ئیرانێ رولەکێ خراپ ھەیە و بێلایەن نەبوویە).
زێدەتر گۆت: (ھەر ژ دەستپێکا شورەشا گەلێن ئیرانی و دامەزراندنا کومارا ئیسلامیا ئیرانێ، ئیرانێ سل نەبوویە ژ شکادنا کەرامەت و پێگەھێ کوردان ل ھەموو پارچێن کوردستانێ ب تایبەتی روژھەلاتا کوردستانێ ئەو ژی ب رێیا ئاگر و ئاسن و کوشتن و گرتن و سێدارەدانێ ھەتا خوە سەرکردەیێن کوردان ل ئوروپا و جیھانێ ژی تیرور دکەت، ئیرانێ سالا 1979 دەست ب بنپێکرنان بەرامبەر مافێن کوردان و ئازادیێن وان يێن ھزری و نەتەوەی و ھەتا خوە ئاینی ژی کریە، نھا ژی ئیران ئێکە ژ مەترسیدارترین وان وەلاتێن کو مافێ مرۆڤی تێدا دھێتە بنپێکرن و ب ئاشکرا خەلکەکێ بی َتاوان و ل سەر کێمترین تشت سێدارە ددەن و زیندانێن وان پربوینە ژ خەکێ بێ گونەهـ و برسی، پرانیا وان ژی ل سەر ئازادیێن رادەربرین و ھزری ھاتینەگرتن).
چاڤدێرێ سیاسی د درێژاھیا ئاخفتنێن خودا دیارکر ژی کو ئیرانێ روەکێ کارا ھەیە د دروستکرنا عەبایێن رەش و تیرور ل دەڤەر و ئاسایشا نەتەوەی ھەموو جیھانێ و گۆت ژی: (ئەگەرێ سەرەکی یا دروست بوونا شەر و ئالوزیێن پرانیا وەلاتێن جیھانی ب تایبەتی عەرەبی دزڤریت بۆ ئیرانێ مینا وەلاتێن سوریا، یەمەن، بەحرین، سعودى، کوێت و عیراق و چەندان وەلات و جھێن دن، ئانکو ئیران خەکێ خوە برسی دکەت و ئالوزی و شەرا بو خەکێ دن دروست دکەت، دیسان پەنابرن بۆ بکارئینان و دروستکرنا چەکێ ئەتومی و دەستوەردان کاروبارێن جیھانی ئێکا دنە ژ مەترسیێن سەر ئاسایشا نەتەوەی و مرۆڤایەتی ل جیھانێ ئیران بەرامبەر خەلکی دکەت ژ بەر ڤێ دروستکرنا ھەڤپەیمانی و بەرەیەکێ ب ھێز دژی شکاندنا ئیرانێ ئەگەر کارەک ب زەحمەت ژی بیت ئێکە ژ پێدڤیێن گرنگ دا کو جارەک دن ئازادی و ئەرک و ماف بۆ خەلکی بزڤرنه ڤە).
ئەڤرۆ نيوز:
رێڤەبەرێ سەخبێریا رێک و پرا ل پارێزگەھا دھۆکێ بۆ رۆژناما ئەڤرۆ ئاشکرا کر کو مەترسیا بارانا سالا بۆری ل رێیا سەرەکیا دناڤبەرا دھۆک بۆ ھەولێرێ دا ئەوا دکەڤیتە ناحیا رۆڤیا و د رووبارێ چەمەی دا دبۆریت یا ھەی ژ بەر ڤێ چەندێ بەری حەفتیەکێ کار د پاقژکرنا رووبارێ چەمەی دا ھاتەکرن داکو پرا چەمەی ژ ھەر مەترسیەکێ یا پاراستی بیت.
ئەندازیا دێوالی حەمێ بریندار، رێڤەبەرێ سەخبێریکرنا رێک و پرا ل پارێزگەھا دھۆکێ ئاشکرا کر کو سەرەرایی کارێ پاقژکرنا رووبارێ چەمەی د ھەمان دەم دا وان ڤەدیتنەک بۆ خوەشکرنا رێکا ئاڤا رووبارێ چەمەی دروست کریە و بۆ جھێن پەیوەندیدار بلندکریە داکو وەکو پرۆژەکێ مەزن بھێتە چێکرن و گۆت: “بارانێن سالا بۆری گەلەک بھێزبوون و زیان گەھاندبوونە پرا چەمەی ژ بەر ڤێ چەندێ ھەکە ئەڤ پرۆژە نەھێتە چێکرن دێ روودانا سالا بۆری ل پرا ناڤھاتی دووبارەبیت”.
سەرۆکێ جڤاتا قەزا شنگال دیارکر کو حەشدا شەعبی بزاڤێ دکەت ئێزدیێن ماینە ل شنگال ھەموو ژ شنگال دەرکەڤن و شنگال چوول بکەن و جارەکا دی ئاوارە ببن.
وەیسی نایف، سەرۆکێ جڤاتا قەزا شنگال دیارکر کو حەشدا شەعبی یا بەردەوامە ل سەر ڤەگەراندنا عەرەبان بۆ شنگال و رێ بۆ ئێزدیان خوەش ناکەت و گۆت: “ئەو عەرەبین ل بەعاج و بلێج و دەڤەرێن دی یێن سەر ب شنگال ڤە ھەموو ب پشتەڤانیا حەشدا شەعبی زڤرینە سەر مالێن خوە، ھەکە نەتەوێن ئێکگرتی و ئەمریکا ب لەز پلانا تەعریبکرنا شنگال رانەوەستینن، دێ پاشەرۆژی ئاریشێن مەزن د ناڤبەرا پێکھاتێن دەڤەرێ دا روودەن”.
ئاماژە دا وی چەندی ژی کو نوکە ئەو خێزانیێن ئێزدی یێن ماینە ل شنگال یێ بزاڤێ دکەن شنگال بھێلن و گەلەک خێزان ژ شنگال یێ بەر ب مووسل دچن، یێ خوە دگەھیننە دھۆکێ ژ بەر مەترسیا حەشدا شەعبی.
شێخ مزاحم ئەلحوێت ئاخڤتنکەرێ ب ناڤێ عەرەبێن سونە ل دەشتا نەینەوا دیارکر کو وان داخواز ژ نەتەوێن ئیکگرتی و ھەڤپەیمانان و حوکمەتا ئەمریکا و رێکخراوێن نێڤدەولەتی کریە کو ب لەز مایتیکرنێ د نەھێلانا تەعریبکرنێ ل ھەموو دەڤەرێن کوردستانێ یێن دەرڤەی ئیدارا ھەرێما کوردستانێ دا بکەن.
ئاخفتنکەرێ ب ناڤێ عەرەبێن سونە ل دەشتا نەینەوا دیارکر کو حوکمەتا عیراقی فتنێ ب رێیا تەعریبکرنا دەڤەرێن کوردستانێ یێن دەرڤەی ئیدارا ھەرێما کوردستانێ د ناڤبەرا پێکھاتێن وان دەڤەران دا دروست دکەت و جارەکا دی سیاسەتا حوکمەتا ژناڤچوویا بەعس یا دھێتە بجە ئینان و گۆت: ”عەبادی بەرامبەر ھەر گوھۆڕینەکا ل دەڤەرێ دھێتە کرن یێ بەرپرسیارە”.
ئاخفتنکەرێ ب ناڤێ عەرەبێن سونە ل دەشتا نەینەوا گۆتژی: “میلیشیاتێن حەشدا شەعبی عەرەب و تورکمانان ل ھندەک دەڤەران ئاکنجی دکەن وەکو حوکمەتا بەعس یا ژناڤچوویی، پێدڤیە ب زووترین دەم پرۆسێسا تەعریبکرنێ بھێتە راوەستاندن چونکو دێ بیتە ئەگەرێن ئاریشن مەزن ل دەڤەرێ.
ئەڤرۆ نیوز:
زنجیرا چاکسازیێن حوکمەتا ھەرێما کوردستانێ ل کەرتێ گشتی د بیاڤێن دارایی دا ، کو ژلایێ جڤاتا حوکمەتا ھەرێما کوردستانێ رەوانەی پەرلەمانی کریە و ئیمزایا نێچیرڤان بارزانی ل سەرە و مەبەستا وی پرۆژەی نەھێلانا موچە خوورێن بن دیوارا یە و حوکمەت د خوازیت پاداشتێن بۆ فەرمانبەران دھێنە دان یێن ھەمویان وەک ئێک بن، ھەروسا دبێژیت، ئەڤ پرۆژەیە ژ (16) بەندان پێک ھاتیە و دەربرینێ ژ چەندێ ژی کریە کو ئەڤ قانوونە ل سەر کیش فەرمانبەران پەسەند بیت .
شیرەتکاری قانوونی ل پەرلەمانێ کوردستانێ گوت: ھەر کەسەک و فەرمانبەرەکێ مووچەی ژ حکومەتێ وەربگریت چ ل ناڤ ھەرێمێ بیت یان ژ دەرڤە بیت یان کەسەک ل بەر دلوڤانیا خودێ شاد ب بیت دێ ئەڤ یاسایە ل سەر وان پەیرەو بن و رەوشا وان دێ ھێتە گوھۆڕین و خالەکا دی یا گرنگ ل پرۆژەی بەحسێ موچێ خانەنشینکریان کریە و ئەڤ پرۆژە دخوازیت موچێ کەسێن بلند مینا (وەزیر و جێگرێ وەزیری و شیرەتکاران) موچێ وان یەکسان بکەت و ئەو کەسێن ھاتینە خانەنشینکرن دێ موچێن وان وەک موچێن خانەنشینێن حکومەتا عیراقێ ھێنە بەلاڤکرن، دیسان پرۆژێ ناڤبری بەحسێ وان پێشمەرگان دکەت ئەوێن ھاتینە خانەنشینکرن ب پلا (وەزیر و جێگرێ وەزیری و شیرەتکار یان رێڤەبەرێ گشتی یان ھەر پلەیەکا تایبەت) کو ژ سالا (1991) ھاتبیتە خانەنشینکرن دێ ھێنە ھەلوەشاندن و ئەو پلەیە نامینیت بەلکو دێ ل دیڤ کارێ وان یێ رابردوی دا ل دیڤ قانوونا ژمارە (33) ل سالا (2007) دێ ھێنە رێزلێنان و پلا وان نامینیت.
د. وەعدی مزووری ئاماژە دا و گوت: ئەم وەکو پەرلەمان دێ باشترین دیڤچوون بو ئەڤی پرۆژەی ئەنجام دەین و ئەم ئەڤی پرۆژەی ب دەلیڤەکا باش دزانین کو وان ھەموو دامەزراندنێن ھاتینە دامەزراندن ب رەنگەکێ نە قانوونی بھێنە ھەلوەشاندن و ھەموو موچێن فەرمانبەران ئەوێن پاشکەوت و نەھاتینە دان ب چنە د ناڤ خەزینا حوکمەتێ دا و حوکمەت رۆژەکێ بۆ خەرج بکەت، ھەروەسا وگوت: نھا ل ھەرێما کوردستانێ (67) ھزار کەسێن نەیاسای موچەی وەردگرن و ھەموو دێ ھێنە ھەلوەشاندن و ب ڤی رەنگی دێ (100) ملیار دینار ھەیڤانە بۆ حوکمەتێ مینن.
ناڤبری نەڤەشارت و گۆت: ھەموو قانوون و رێنما دێ ھێنە ژ ناڤبرن ئەوێن د کەرتێ مەدەنی و لەشکری دا و ل وەزارەتا کاروبارێن جڤاکی رێک بو وێ چەندێ د دا فەرمانبەر زێدەتر ژ دوو پاداشتان وەربگریت و دڤێت سەر ژ نوی بتنێ پاداشتەکێ قانوونی وەربگریت و ئەڤ پرۆژەیە دێ ھەر ژ (1/1/2018) ھێتە پەیرەو کرن و ھەر کەسەکێ ژ دوو مووچان زێدەتر وەرگرتن بن و ئامادە نەبیت رادەست بکەت دێ ھێتە ھژمارتن ئێک ژ تاوانێن گەندەلیێ و دێ ل دویڤ پێرابونێن قانوونی دێ ھێتە سزادان.
شیرەتکارێ قانوونی ل پەرلەمانێ کوردستانێ خوەیا کر، بەری نھا ل حکومەتێ قانوون و رێنما ھەبوون دەما ژیێ فەرمانبەری دگەھیتە (63) سالیێ دڤێت بھێتە خانەنشینکرن، لێ ھندەک قانوون بەری نھا ھەبون ژیێ وی درێژ د کر و خانەنشین نە دکر، ئەو ھەموو رێنما و قانوون دێ ھێنە ھەلوەشاندن، و ھەر کەسەکێ ژیێ وی گەھشتە (63) سالیێ دێ ب ئوتوماتیکی ھێتە خانەنشینکرن، و یا ژ ھەمیێ مەزنتر و باشتر و مفا تر د بەندێ (10) یێ ئەڤی پرۆژەی دا بەحسێ یەکێن (70، 80) یێن پێشمەرگەی کریە کو ھەردوو یەکەیان جودا جودا بەشێن تایبەت یێن ژمێریاری ل وەزارەتا پێشمەرگەی ھەبوون و وەسان بڕیارە ژمێریاریا وان ھەردوو یەکەیان دێ بیتە ئێک و ب ڤی رەنگی دێ چاکسازیەکا مەزن د وەزارەتا پێشمەرگەی دا ھێتە کرن.
د. وەعدی مزووری ئاشکرکر، دوی پرۆژەی دا دیارکریە کو ئەو کەسێن پلە مەزن مینا سەرۆکێ حوکمەتێ و سەرۆکێ پەرلەمانی کو ھژمارەکا مەزن یا زێرەڤان و پاسەوانان ھەنە و نە د چارچوڤێ قانوونی لەورا دێ ئەو پاسەوانێن زێدە و نە قانوونی ھێنە ھەلوەشاندن و بو کارێ وی یێ بەری نھا ل وەزارەتا ناڤخوە ھێتە رەوانەکرن.
نيشاندان