ئامێدیێ، مەحمود نهێلی
د بوردمانا ئەڤرۆیا فروکەیێن تورکیادا بو سەر دەڤەرا ئامێدیێ زێدەباری سوتنا ترومبێلەکی موحمەد موحسن ئامێدی کەساتیێ دەڤەرا ئامێدیێ ب سڤکی بریندار دبیت و دهێتە رەوانەکرن بۆ نەخوشخانا ئامێدیێ.
د پەیوەندیەکا تەلەفونی دا ناڤبری بۆ ئەڤرۆنیوز دیار کر کو برینا وی یا سڤکە و ساجمەک ب دەستی وی کەفتیە و یێ دهێتە چارەسەرکرن و سوپاس بۆ خودێ .
هەر دڤی دەربارێ دا ابراهیم دێرەشی هەلبژیری گوندێ دێرەش دیارکر کو ژ ئەنجامی بوردومانی ترومبێلەک هاتیە سوتن و چێدبیت یا گەریلایێن پەکەکی بیت و ئاشکرا کر کو چ زیانین گیانی نە بووینە.
ئهڤرۆ نيوز:
شاندهكێ تهڤگهرا سهدر چهندهكێ بهرى نوكه گههشته ههولێر و بڕياره ل گهل بهرپرسێن ههرێما كوردستانێ كۆم ببيت.
شاند يێ پێكهاتيه ژ سهباح سهعدى و زيا ئهسهدى و محهمهد موسلى و نهسار روبهيعى و ژ لايێ فوئاد حسێن سهرۆكێ ديوانا سهرۆكاتيا ههرێمێ ڤه هاتنه پێشوازيكرن.
دهستهيا سياسى يا تهڤگهرا سهدر د راگههاندنهكێ دا راگههاند ئامانج ژ سهرهدانا شاندى بۆ ههرێمێ كوردستانێ دانوستاندنه ل سهر كاودانێن سياسى يێن عيراقێ.
ئەڤرۆ نیوز، کاروان باعەدری:
د جەژنا چارشەمبوويا سۆرا یا کوردێن ئێزدی دا ژمارەکا زۆر یا کوردێن ئێزدی قەستا پەرستگەھا لالش کرن.
لوقمان سلێمان، بەرپرسێ راگەھاندنا بنگەھێ لالش ل پەرستگەھا لالش بۆ ئەڤرۆ نیوز گۆت: “د جەژنا چارشەمبوويا سۆر یا کوردێن ئێزدیدا نێزکی 60 گەشتیاران سەرەدانا پەرستگەھا لالش کرن کو ژ ھەموو ئاین و پێکھاتێن جودایێن جیھانێ بوون”.
گوتژی: “سەرەرای کارەساتا شنگالێ لێ ھێشتا خەلک قەستا پەرستگەھا لالش دکەن”، دا زانين ژى كو “ھەرچەندە جەژن ب شیووەیەکی فەرمی نەھاتە گێران ب تنێ رێورسمێن جەژنێ ھاتنە گێران و 365 چرا ھاتنە ھەلکرن ل پەرسگەھێ کو رامانا 365 رۆژێن ساڵی دکەت و چەندین و رێورسمێن دى ھاتنە گێران”.
جەژنا چارشەمبوويا سۆر کەڤنترین و پیرۆزترین جەژنا کوردێن ئێزدی یە کو دکەڤیتە د چارشەمبوويا ئێکی ژ ھەیڤا نیسانا رۆژھەلاتی.
ئەڤرۆ نیوز، مەحمود نهێلی
ژئەگەرێ بەربوونا ئاگری ب لێنانگەها بەشەکی نافخوی ل ئاکرێ ئەڤرۆ 21/4/2017 دوو قوتابی بریندار بن و دهێنە رەوانە کرن بۆ نەخوشخانا سوتنێ ل دهوکێ.
ماموستا رێکار رەشەڤەی برایێ ئێک ژ قوتابیێن بریندار بو ئەڤرۆ نیوز دیارکر، کو ئەڤ روودانە ددەمەکی دا چێبوویە کو برایێ وی ل گەل هەڤالێ خوە دمێ دا خوارنێ دروست کەن ئاگر دروست بوویە و گۆت؛ دیارە دەمێ دا تەباخێ هەلکەن غاز یا ڤەکری بوویە و ئاگری خوە ل ژورێ هەمیێ دایە و هەر دوو قوتابی بریندار دبن و دهێنە رەوانە کرن بو نەخوشخانا سوتنێ ل دهوکێ.
دهێتە زانین هەر دوو قوتابیێن بڕیندار خەلکێ ناحیا دێرەلۆکی نە و قوتابی نە ل پەیمانگەها تەکنیکی ل ئاکرێ و رێژا سوتنا وان 10 بۆ 15 ژ سەدێ و نکە رەوشا ساخلەمیا وان یا جیگیرە .
ئهڤرۆ نيوز:
بڕیارە حەفتیا داھاتی باج ژ فەرمانبەرێن حوکمەتێ بھێتە وەرگرتن و رێڤەبەرێ گشتیێ باجێ ژی ل ھەرێما کوردستانێ دبێژیت ھەر فەرمانبەرەکێ کەرتێ تایبەت و گشتی د دەمێ 21 رۆژان دا باجێ نەدەت دێ ھێتە سزاکرن و ھەر فەرمانبەرەکێ مووچێ وی پتری ملیۆن دیناران بیت بڕیار ژێ دگریت.
کەمال تەیب، رێڤەبەرێ گشتیێ باجێ ل ھەرێما کوردستانێ د داخویانیەکێ دا بۆ رۆژناما ئەڤرۆ راگەھاند، ل گۆر قانوونا باجا کەسایەتی ل ھەرێما کوردستانێ ھەر فەرمانبەرەکێ ل کەرتێ گشتی و کەرتێ تایبەت کار بکەت و مووچێ وی یێ ھەیڤانە پتری ئێک ملیۆن دینار بیت پێدڤیە باجێ بدەتە حوکمەتێ و حەفتیا داھاتی ژی ئەڤ بڕیار دێ چیتە د بیاڤێ بجھئینانێ دا، دانا باجێ ژی راستەوخۆ دێ ژ مووچێ فەرمانبەران راستەوخۆ ھێتە وەرگرتن، کو ئەو فەرمانبەرێن مووچێ وی ژ ئێک ملیۆن دینار دەرباز بیت، پارێ ژ ملیۆنەکێ پتر 5%ێ دێ باجێ دەت، ژبەرکو مووچێ فەرمانبەرێن کەرتێ گشتی ل حوکمەتێ دھێتەدان وەرگرتن باج ژی زۆر یا ب زەحمەت نینە بھێتە وەرگرتن، بەرۆڤاژی وەرگرتنا باجێ ژ فەرمانبەرێن کەرتێ تایبەت زۆر دێ یا ب زەحمەت بیت، چونکی ئەو مووچێ خوە ئەشکرا ناکەن، دگەل ڤێ چەندێ ژی دێ ھەموو بزاڤەک ھێتەکرن بۆ وەرگرتنا باجێ ژ فەرمانبەرێن کەرتێ تایبەت.
کەمال تەیب گۆت ژی: ژبەرکو بڕیار نوکە دەرکەفتیە سزایێ نەدانا باجێ د قووناغا ئێکێ دا ناھێتە بجھئینان، لەوڕا وەرگرتنا سزای نەبوویە بڕیار ژلایێ حوکمەتێ ڤە، چونکە ل گۆر قانوونێ ھەر فەرمانبەرەکێ د دەمێ 21 رۆژان دا باجێ نەدەت، ژبلی باجێ 5%ێ وەک سزا دێ ژ پارێ وی ھێتە بڕین، ئەڤ بڕیارا وەرگرتنا باجێ ل پتریا وەلاتێن جیھانێ ھەیە و ل چەندین وەلاتێن جیھانێ وەرگرتنا باجێ زۆر پترە ل ھەرێما کوردستانێ، لەوڕا بڕیارەکا د جھێ خوەدایە ل دۆر وەرگرتنا باجا مووچێ فەرمانبەران و پێنگاڤەکە بۆ زێدەکرنا داھاتی و ئەڤ پلانێن حوکمەتێ داناین بۆ بەرھنگاربوونا قەیرانا ئابوورینە.
ئهڤرۆ نيوز:
سيروان بارزانى، ئهندامێ سهركرداتيا پارتى ديموكراتى كوردستان و فهرماندێ ميحوهرێ گوێر-مهخمۆر بۆ رووداو گۆت: “بڕياره ههر ئێك ژ سهربهست لهزگين و نهجات عهلى ئهندامێن سهركرداتيێن پارتى ديموكراتى كوردستان دو پۆستێن لهشكرى يێن نوو وهربگرن”.
دهربارهى پۆستێن وان ژى گۆت: “بڕياره سهربهست لهزگين ببيته بريكارێ وهزارهتا پێشمهرگهى و نهجات عهلى ببيته فهرماندێ يهكا 80ێ يا پێشمهرگهى”.
دا زانين ژى كو سهرهراى وێ چهندێ كو ههتا نوكه بڕيارا دووماهيێ نههاتيه دان، بهلێ ئهڤ ههردو كهسه ب هێزترين بهربژێرن بۆ ڤێ چهندێ.
ئەڤرۆ نیوز، سەباح زھێر زێباری:
سنێلەكى ب ناڤێ ئيبراھیم جهعفهر شوکری كو خەلکێ گوندێ گربیشێ يه ل ناحیا دینارتێ ئەڤرۆ رۆژا چارشهمبى رێكهفتى 19ى نيسانا 2017ێ قەستا چیايی کریە ب مهرهما ب دهستڤهئينانا گیایێن بھارێ، بهلێ ب ب مخابنی ڤە ژ بەر ئاسێبوونا چیايی ئەو د بەرەکى دا کەفتیە و گیانێ خوە ژ دەست دایە.
ل دووڤ گۆتنا ھندەک کەسێن گوندی ھژمارەکا وهلاتیێن گوندی و خێزانا وی چووینە چیايی ژ بوو ڤەگەراندنا کەلەخێ وی، ھەتا گەھشتینە وێرێ ژی گیانێ خوە ژ دەست دابوو.
نيشاندان