ئهڤرۆ نيوز:
رێڤەبەرێ پەیوەندی و ڕاگەھاندنێ ل رێڤەبەریا گشتی یا پەروەردێ ل پارێزگەھا دھۆکێ بۆ رۆژناما ئەڤرۆ ئاشکرا کر کو بڕیارە ئەزموونێن گشتی یێن قووناغا 12 ئامادەیی ل 2/6/2016 و یێن قووناغا نەھێ بنەرەت ل 8/6/2016 ل سەرانسەری ھەرێما کوردستانێ بھێنە کرن و ل پارێزگەھا دھۆکێ 82 ھزار و 934 قوتابی دێ پشکداریێ تێدا کەن.
ئەحمەد عەبدوللا زوبێر، رێڤەبەرێ پەیوەندی و ڕاگەھاندنێ ل رێڤەبەریا گشتی یا پەروەردێ ل پارێزگەھا دھۆکێ خویا کر، ئەزموون دێ ل دەمژمێر 8 و 30 ل سەرانسەری ھەرێما کوردستانێ دەست پێ کەن و گۆت: “مە وەکو رێڤەبەریا گشتی یا پەروەردا پارێزگەھا دھۆکێ ھەموو بەرھەڤی بۆ ئەنجامدانا ئەزموونا ب سەرکەفتیانە کرینە، بۆ ئەڤ سالە رێنمایێن تایبەت بۆ ئەزموونان ژ وەزارەتێ دەرکەفتینە سەبارەت چاوانیا ئەنجامدانا ئەزموونان ل بنگەھێن ئەزموونان”.
گۆتژی: “ل قووناغا ئامادەیی ب پشکێن (زانستی، وێژەیی، پیشەیی، خواندنا ئیسلامی ڤە) 41 ھزار و 955 قوتابی ل 664 بنگەھان ل سەرانسەری پارێزگەھا دھۆکێ دێ پشکداریێ د ئەزموونێن گشتیێن ئەڤ سالە دا کەن، ژ وانا 23 ھزار و 505 قوتابی یێن پشکا زانستی، 17 ھزار و 925 قوتابی ێن پشکا وێژەیی، 370 خواندنا ئیسلامی و 155 پشکێن پیشەیی نە”.
دەربارەی ئەزموونێن نشتیمانی یێن پۆلا نەھێ بنەرەت ژی ئەحمەدی گۆت: “ژڤانە ل 8/6/2016 ئەزموونێن نشتیمانی بۆ ئەڤ سالە ل سەرانسەری ھەرێما کوردستانێ دەست پێ بکەن، 40 ھزار و 979 قوتابی دێ پشکداریێ تێدا کەن و ل 568 بنگەھێن ئەزموونان ل سەرانسەری پارێزگەھا دھۆکێ ھاتینە بەلاڤەکرن”.
ئهڤرۆ نيوز:
رێڤەبەرێ نڤێسینگەھا کاروبارێن رەڤاندیان ل دھۆکێ دیار کر کو دۆرێن 150 ھەتا 200 کچ، ژن و زارۆیێن ئێزدی یێن ل دەمێ کارەساتا شنگالێ ژ لایێ تیرۆرستێن داعشێ ڤە ھاتینە رەڤاندن، د ناڤ فەللوجە دا ئاسیێ ماینە و د دەستێن داعش دانە و گۆت: “ئەم داخوازێ ژ ھێزێن ئێمناھیێ یێن ئوپەراسیۆنا رزگارکرنا فەللوجە دکەین پاراستنا ژیانا وان ب ستوویێ خوە ڤە بگریت”.
حسێن کورۆ، رێڤەبەرێ نڤێسینگەھا کاروبارێن رەڤاندیان ل دھۆکێ بۆ ئەڤرۆ ئاشکرا کر، وان ب رێیا پەیوەندیێن تێلەفۆنی داخواز ژ فەرماندێن لەشکری یێن عیراقێ و حەشدا شەعبی کریە کو ژیانا وان کچ، ژن و زارۆیێن ئێزدی یێن رەڤاندی یێن نوکە د ناڤ دەستێن تیرۆرستێن داعشێ دا ل فەللوجە بپارێزن و گۆت: “ئەو کچ، ژن و زارۆیێن ئێزدی ب راستی ژی د مەترسیەکا مەزن دانە، چونکو شەرێ رزگارکرنا فەللوجە دەستپێکریە و گەلەک ئێزدی یێن رەڤاندی دناڤ فەللوجە دا گرتی ماینە”.
ناڤبری ئاماژە ب وێ چەندێ ژی کر، گەلەک وەلاتیێن رەڤاندی دناڤ زیندانێن فەللوجە دا ھەنە و گۆت: “ئەم داخواز دکەین ھەر رەڤاندیەکێ ئێزدی بھێتە گرتن بھێتە رەوانەکرن بۆ ھەرێما کوردستانێ، ئەم د وێ باوەریێ داینە ل ھەر جھەکێ تێرۆرستێن داعش لێ ھەبن کوردێن ئێزدی یێن رەڤاندی نوکە ل وێ جھی ھەنە، چونکو تیرۆرستێن داعش ھژمارەکا گەلەکا زۆر یا کوردێن ئێزدی رەڤاندینە و ھەتا نوکە چارەنڤیسێ گەلەک ژ وان یێ دیار نینە”.
ئهڤرۆ نيوز:
ئهڤرۆ وهزيرێ خواندنا بلند، رێنمايێن خواندنا بلند، ماستهر و دكتورايێ ئيمزاكرن
پشتى كومبوونا ژماره 3 يا جڤاتا وهزارهتا خواندنا بلند ل رێكهفتى (9/5/2016) هاتيه ئهنجامدان و رێنمايێن خواندنا بلند، ماستهر و دكتورايێ بۆ سالا خواندنێ (٢٠١٦-٢٠١٧) هاتيه دهرێخستن، ئهڤرۆ وهزيرێ خواندنا بلند دهقێ وان رێنماييان ئيمزاكر.
بۆ پتر پێزانينان سهرهدانا ڤى لينكێ وهزارهتێ بكهن
بۆ خواندنا رێنمايێن هاتينه پهسهندكرن، ڤى لينكى ڤهكه
ئهڤرۆ نيوز:
قایمقامێ قەزا ئامێدیێ ئاشکرا کر کو ب مەرەما چارەکرنا ئاریشا ڕاکرنا گلێشێ ل سنوورێ قەزا ئامێدیێ کارگەھەکا ڤاڤارتنا گلێشی دێ ل قەزا ئامێدیێ ھێتە دانان.
ئسماعیل مستەفا، قایمقامێ قەزا ئامێدیێ بۆ ئەڤرۆ دیارکر کو ئاریشا ڕاکرنا گلێشی ل سنوورێ قەزا ئامێدیێ ئێک ژ ئاریشێن سەرەکی یێن دەڤەرێ بوو و رۆژانە گازندێن وەلاتیان ل سەر ڤێ چەندێ دگەھشتنە وان ب تایبەت ل وەرزێ ھاڤینێ ژ بەر ڤێ چەندێ ئەو ل گەل جھێن پەیوەندیدارێن پارێزگەھا دھۆکێ کۆمبووینە و ھەتا رادەکی گەھشتینە رێککەفتنەکێ کو ئەڤ ئاریشە ب ئێکجاری بھێتە چارەکرن.
ناڤھاتی ئاماژە دا وێ چەندێ کو گلێشێ سەنتەرێ قەزا ئامێدیێ و رۆژھەلاتێ وێ د گەل یێ کومەلگەھا قەدشێ دێ ل کومەلگەھا ناڤھاتی ھێتە کۆمکرن و گلێشێ ئێنیشکێ و سەرسنکی و د گەل یێ مانگێشکێ دێ ل مانگێشکێ ھێتە بن ئاخ کرن و گۆت: “پرۆژێ دانانا کارگەھا ڤاڤارتنا گلێشی ل قەزا ئامێدیێ بۆ کۆمپانیا ھیزل دەرکەفتیە و ژ بەر ئاریشا نەبوونا جھی دەست ب کاری نەدکر، بەلێ نوکە ئەو ئاریشە ژی ھاتیە چارەکرن و ل دەمەکێ نێزیک دێ دەست ب کارێ چێکرنا ڤێ کارگەھێ ھێتەکرن”.
ئهڤرۆ نيوز:
رێڤەبەریا گشتی یا رەوشەنبیری و ھونەری ل دھۆکێ ب ھەڤکاری د گەل سەرۆکاتیا باژێرڤانیا دھۆکێ کەرنەڤالێ چارێ یێ پارێزگەھبوونا دھۆکێ دێ ل رۆژێن 27 و 28/5/2016ێ ل پارێزگەھا دھۆکێ گێریت.
حەسەن ئەحمەد، بەرپرسێ پشکا راگەھاندنێ ل رێڤەبەریا گشتی یا رەوشەنبیری و ھونەری ل دھۆکێ بۆ رۆژناما ئەڤرۆ ئاشکرا کر کو کەرنەڤالێ چارێ یێ پارێزگەھبوونا دھۆکێ دێ ب چەندین چالاکیان ھێتە گێران و بۆ ڤێ مەرەمێ ژی ھەموو بەرھەڤی ھاتینەکرن و گۆت: ” ل رۆژا 27/5/2016 کو رۆژا ئێکێ یا کەرنەڤالێ پارێزگەھبوونا دھۆکێ یە ل دەمژمێر 5:30 ئێڤاری کوردوسێ ترۆمبێلان دێ ژ جادا قازی محەمەد (زرکا) بۆ پارکێن مازی مۆل ب رێ کەڤیت و رێورەسمێن پێشۆازیێ دێ ل پارکێن ناڤھاتی ھێنە ئەنجامدان و نامیلکەکا 12 لاپەری ل دۆر دیرۆک و جھێن گرنگێن پارێزگەھا دھۆکێ دێ ھێتە بەلاڤکرن و دووڤ دا ل دەمژمێر 7:30 ئێڤاری کۆنسێرتەک ب پشکداریا ھونەرمەندان (بلند ئیبراھیم، کاروان کامل، ماھر ئەمین، ئیسماعیل جومعە) و ھەلبەستڤان (برھان زێباری) دێ ل ھەمان جە ھێتە گێران”.
ناڤبری ئاماژە دا وێ چەندێ کو رۆژا 28/5/2016 کو دبیتە رۆژا دویێ یا کەرنەڤالێ پارێزگەھبوونا دھۆکێ ل دەمژمێر 10:30 ی سپێدێ پێشانگەھەکا ھەمەجۆر کو یا پێکھاتیە ژ داھێنانێن زانستی و فوتۆ یێن دھۆکا کەڤن و نوو دێ ل ھۆلا کۆنگران ل زانکۆیا دھۆکێ ھێتە ڤەکرن و سەرەرایی ڤێ چەندێ چەندین کەڤالێن ھەلبژارتی یێن قوتابیێن پەیمانگەھا ھونەرێن جوان ل دھۆکێ و قوتابیێن پشکا درامایێ ل کۆلیژا ئادابێ یا زانکۆیا دھۆک دێ ھێنە نیشادان و دووڤ دا فەرھاد ئەمین ئەترووشی، پارێزگەرێ دھۆکێ دێ بەحسێ پلانا ستراتیژی یا سێ سالێن داھاتی یا پارێزگەھا دھۆکێ ل ھەمان جە کەت و گۆت: ” موسەدەق تۆڤی ل ھەمان دەم و جە دێ بەحسێ ئنسکلۆپیدیا پارێزگەھا دھۆکێ کەت کو پرۆژەکە بۆ دەمێ سێ سالانە کار تێدا دھێتە کرن و نوکە د قووناغێن دووماھیێ دایە و دووڤ دا فلمەکێ دیکیۆمێنتاری ل دۆر پارێزگەھبوونا دھۆکێ دێ ھێتە نیشادان و چەندین پارچە مۆزیک دێ ژ لایێ تیپا دھۆک یامۆزیکێ ڤە ھێنە ژەنین”.
ل دووماھیێ حەسەن ئەحمەدی دیار کر کو ھەر ل رۆژا 28/5/2016ێ ل دەمژمێر 3:00 ی ئێڤاری بۆ جارا ئێکێ فیستەڤالەکا فراندنا فرۆکێن کاغەزی دێ ل سەرێ چیایێ زاوا ھێتە گێران و ب ڤێ چەندێ دێ دووماھی ب کەرنەڤالێ پارێزگەھبوونا دھۆکێ ھێت.
ئهڤرۆ نیوز:
ئێكهتیا قوتابیێن كوردستانێ لقێ دهوك رێ ورهسمهكێ تایبهت بو ساخكرنا 42 سالیا شههید بونا لهیلا قسم ل ئامادهیا لهیلا قاسم ل باژیرێ دهوكێ ساخكرهڤه .
ئهڤرورێكهفتى 25/5/2016 بهرى نیڤرو وب ئامادهبونا قادر قاچاخ ئهندامێ سهركردایهتیا پارتى دیموكراتى كوردستان و عبد یوسف احمد رێڤهبهرێ گشتى یێ پهروهردا پارێزگهها دهوكێ رێ ورهسمهكێ ژههژى ب ههلكهفتا 42 سالیا شههید بونا لهیلا قاسم ل ئامهدیا لهیلا قاسم یا كچان گێرا .
دڤان رێ ورهسمان دا چهندین پهیڤ هاتنه خاندن و تیدا بهحسێ قوناغێن خهبات وقوربانیدا ئافرهتا كورد مل ب ملێ برایێ خو یێ پێشمهرگه وئاماژه ب رولی ئافرهتا سهركرده وقارهمان شههید لهیلا قاسم دا كو بهرى 42 سالان لسهر دهستێ رژێما بهعسا گور بگور ڤه هاتیه سێدارهدان .
ههر دڤان رێ ورهسمان دا چهندین چالاكیین جودا جودا ژلایێ قوتابیێن ئامادهیا لهیلا قاسم هاتنه كرن .
ههژى گوتنێ یه ههر سال ئامادهیا لهیلا قاسم یا كچان سهر ب رێڤهبهریا پهروهردا قهزا دهوك روژههلات ڤه ئهڤێ بیرهوهریێ ساخ دكهتهڤه .
ئهڤرۆ نيوز:
بڕیاره ئێكشهمبیا بهێت، روونشتنا پهرلهمانێ عیراقێ بهێته سازكرن، موسهنا ئهمین سهرۆكێ فراكسیۆنا یهكگرتوویا ئیسلامیا كوردستانێ ل پهرلهمانێ عیراقێ دیاركر كورد پشكداریێ د وێ روونشتنێ دا ناكهن.
موسهنا ئهمین دیاركر كو عهبادى بهرههڤیا خوه یا دیاركرى كو ل گهل فراكسیونێن كوردى روونیت، لێ هێشتا ل سهر ژڤانێ كۆمبوونێ رێكنهكهفتینه.
موسهنا ئهمین ئاماژه ب وێ یهكێ كر ههتا پشتراستیا ئهمنى ب وان نههێته دان و نهزانن مهرجێن وان دێ بجه هێن، نا ڤهگهرنه پهرلهمانى.
ئهڤرۆ نیوز:
مهسعود بارزانى سهرۆكێ ههرێما كوردستانێ د پهیامهكێ دا ب ههلكهفتا چل سالیا شۆرهشا گولانێ، دوپاتیێ ل پێكڤهژیان و ئاشتیخوازیا گهلێ كوردستانێ دكهت و خهلكێ كوردستانێ پشتراستكریه كو شورهش و خوهراگریا وان ب ههروه ناچیت و چو ئاستهنگ نابــنه ئهگهرێ دهستبهرداربوونێ ژ مافێن رهوایـــێن گهلێ كورد.
د پشكهكا دى یا پهیاما سهرۆك بارزانی دا هاتیه، شورهشا گولانێ بهردهوامیا خهبات و قوربانیدانا گهلێ كوردستانێ بوو ل ههمبهر ستهم و داگیركاریێ و ههلگرا پهیام و ئارمانجێن شورهشا ئیلونا مهزن بوو و ههكه د قوناغهكێ دا خهباتا گهلێ كورد تووشی راوهستیان و نــسكۆیێ بــبیت، ئیرادا بهرخوهدان و خهباتا گهلێ كوردستانێ چو جاران نهشكهستیه و ب ههناسه و تێهنهكا نوو بهردهوام دبیت بۆ گههشتنا رزگارى و ئازادیێ.
راگههاند، نوكه د دهمهكى دا ڤێ ههلكهفتێ ساخ دكهین كو پتر ژ ههر دهمهكی كورد نزیكی ئارمانجێن خوه بووینه و جیهان رێزگرتن بهرێخوه ددهته خۆراگرى و قوربانیدان و دهستكهفتێن گهلى كوردستانێ و كێمترین وهفا بۆ قوربانیدان و نههامهتیێن گهلێ مه و خوینا شههیدان، دیاركرنا مافێ چارهنڤیسی یێ گهلێ كورد، ئهرك و بهرپرسیاریهكا دیرۆكی یه ل سهر ملێن ههموو هێز و ئالیێن سیاسی دوور ژ بهرژهوهندیێن حزبی.
ئهڤرۆ نیوز:
نورى ئوسمان سهرۆكێ فهرمانگهها ههماههنگى و ل دووڤچوونا حكومهتا ههرێما كوردستانێ بۆ دوارۆژ دیاركریه كو كێشا بهلاڤكرنا مووچێن ههیڤا نیسانێ، كێشهكا تهكنیكى یه و پهیوهندى ب ڤهگوهاستنا پاران ڤه ههیه ل دهرڤهى ههرێمێ بۆ ناڤ ههرێمێ، نهوهكو پارتى رێگره ل بهلاڤكرنا مووچان.
نيشاندان