ئه‌ڤرۆ نيوز:
قونسلخانێ بەرێ یێ فەرەنسی ل ھەرێما کوردستانێ گۆت: نابیت کورد چاڤەرێ ھندەک وەلاتێن دی بکەن بۆ ھندێ دەولەتا وان بھێتە راگەھاندن، بەلکی پێدڤیە ئەو بخوە بڕیارا سەربخوەیا وەلاتێ خوە بدەن.
قونسلخانێ بەرێ یێ فرەنسی (د.فریدیک تیسوت) دھەڤدیتنەکێ دا بۆ کەنالێ ئەسمانیێ (K24) راگەھاند، ھەکە کوردان سەربخوەیی بڤێت، نابیت ئەو چاڤەرێ چو دەولەتان بن کو دەولەتا وانا پێشکێشکی کوردان بکەت، یان وی مافی بدەتێ، بەلکو پێدڤیە ئەو بخوە بڕیارا سەربخوەیا خوە راگەھینن.
سەبارەت وان مەترسیێن کو دبیت ھەرێما کوردستانێ پشتی دەولەتبوونێ تووش ببیتن، د. فریدیک تیسوتی گۆت: دەمەکێ درێژە مللەتێ کوردستانێ رەوشێن نالەبار و رەنجێن گران کێشاینە و بەرھنگاریا ھەموو کێشێن مەزن و قووناغێن مەترسیدار بووینە، نوکە کوردستان گەلەکا ب ھێزە، ئەز ب باوەرم نوکە دەم یێ گونجایە بۆ راگەھاندنا دەولەتا سەربخوە.
ھەر دوێ ھەڤدیتنێ دا قونسلخانێ بەرێ یێ فرەنسی رەخنەیا حکومەتا وەلاتێ خوە کر، چونکە ھاریکاریێن پێدڤی و گونجایی بۆ ھێزێن پێشمەرگەی د شەرێ دژی داعشێ دا ناھنێریت، ھەڤدەم رەخنەیا حزب و ئالیێن سیاسی ل ھەرێما کوردستانێ گرتن کو ئێکگرتن و ئیک رێزیا خوە نا پارێزن و ئێک ھەلویست نینن.
نيشاندان