ئهڤرۆ نیوز:
نووترين نووچه
- مالپەڕەكێ سووری: ئەزموونا كوردستانێ دبیتە بنەمایێ دوبارە ئاڤەدانكرنا سووریێ
- پەككەفتنا پەرلەمانی شاشییەكا دیرۆكییە و هەر ئالییەكێ ڕێگر بیت ل بەر چاڤێن خەلكی تاوانبارە
- پێشمەرگە هێزەكا دەستووری و فەرمییە ل ئیراقێ
- سەرۆك بارزانی نیشانا ئاستبلندا رێزلێنانێ یا پاپایێ فاتیكانێ وەرگرت
- سەرۆك بارزانی و رادۆ بۆتۆم مەترسی و دەلیڤەیێن ل هەمبەر ئیراقێ و دەڤەرێ گەنگەشە كرن
- سەرۆك بارزانی و سكرتێرێ كۆنگرەیێ نیشتمانیێ ئیراقێ ڕەوشا سیاسی یا دەڤەرێ گەنگەشە كر
- نێچیرڤان بارزانی: رێزلێنانا ڤاتیكانێ بۆ سەرۆك بارزانی جهێ شانازییا مە هەموویانە
- مەسرور بارزانی: سەرۆك بارزانی سیمبۆلێ ئاشتیێ و پارێزەرێ ڕاستەقینە یێ پێكڤەژیانێ یە
- هێرشێن درۆنی گەفێن راستەوخوەنە بۆ سەر ئاساییشا هەرێمێ
- پشتەڤانیێ ل پاراستنا ئاسایش و ئارامییا كوردستانێ دكەین
سهرهكى نوچێن گرنگ
بۆچی شهڕێ ئازادكرنا پایتهختێ داعش گیرۆبوو؟
ئهڤرۆنیۆز، ئهیاد بهرواری
پێكئینانا (هێزێن سووریا دیموكراتی) ل 10 مهها بۆری د چارچۆڤێ پلانهكا ئهمریكیبوو بۆ پێكئینانا هێزهكا عهرهبی- كوردی یا ههڤپشك كو ببیته دهستپێكهك بۆ ئازادكرنا پارێزگهها رهقه ژ دهستێ داعشێ.
سایتێ (روسیا الیوم) د راپۆرتهكا خوهدا بهلاڤكر كو دهزگههێن راگههاندنێ ل ئهمریكا بهحسێ شهڕێ بهێته یێ رهقه دكر د چارچۆڤێ پلانهكا ئهمریكی بۆ قوتكرنا وێ پارێزگههێ ژ هێلێن هاریكاریان ل باكوورێ ل گهل توركیا و ل رۆژههلاتی ل گهل عیراقێ، بهلێ ئهو پلان زوو هاته گوهۆرین و هێزێن سووریا دیموكراتی بهر ب باكوورێ رۆژههلاتا سووریێ ل پارێزگهها حهسهكه ڤه چوون بۆ شهڕێ داعشێ ل وێرێ.
ل دووڤ (روسیا الیوم)، روودانێن پاریس، دوباره رۆناهی خسته سهر رهقه كو (پایتهختا دهولهتا ئیسلامی – داعشێ- یه) و ل گهل بزاڤێن جڤاكێ نێڤدهولهتی بۆ ژناڤبرنا داعشێ، ڤان رۆژێن دووماهیێ پرۆسێن توپبارانكرنا ئهسمانی ژلایێ ههڤپهیمانیا نێڤدهولهتی و روسیا و فرهنسا پێكڤه.
لێ شهڕێ وێ رێكخستیا تیرۆرستی ل رهقه هندهك دیتنێن دی بۆ دڤێن و هێرشێن ئهسمانی ب تنێ بهس نینن و كورد ب تنێ ژی نهشێن وی شهڕی بكهن ههچهنده خوه نێزیكی رهقه ژی ببن.
ئهمریكا ژلایێ خوهڤه بزاڤا بهرفرههكرنا بازنێ شهڕكهرێن عهرهب دكهت كو هندهك گرۆپێن دی ژی بهێن شهڕێ داعشێ بكهن وهكو ( لهشكرێ شورشگێر ل رهقه) و هندهك عهشیرهتێن عهرهب، زێدهباری هندهك هێزێن كوردی یێ ژ دهرڤهی ( یهكینهیێن پاراستنا گهلێ كورد – یهپهكه) وهكو پێشمهرگێن رۆژئاڤا یێن كو ل ههرێما كوردستانێ هاتینه مهشقدان.
ئارمانجا واشنتۆن و ئهنقهرێ ژ ڤێ پێنگاڤێ ئهوه كو نه تنێ (یهكینهیێن پاراستنا گهلێ كورد یهپهكه) كو بالێ لهشكریێ حزبا ئێكهتیا دیموكراتی یه ( پهیهده)، ههبوونا لهشكری ههبیت، بهلكو ئهو دخوازن كونترۆل ل باكووری و باكوورێ رۆژههلاتا سووریێ ب دهستێن گهلهك لایهنان دا بیت كو ژ عهرهب و مهرهم ژ وێ چهندێ ژی دێ ئهو بیت كو كورد ل بن دهستههلاتا ئێك هێز دا نهبن كو كونترۆلا بریارا كوردی بكهت و سیاسهتا خوه یا بهرتهنگ بكاربینیت، دیسا ههتاكو هێزێن كوردی ب تنێ ل مهیدانێ نهبن، ب ڤێ چهندێ ژی هێزێن كوردی دێ شێن رێگریێ ل هێزێن عهرهبی كهن ههكه هات و ژ هێلا ئارمانجا ئهمریكی دهركهفتن.
بهری چهند رۆژان وهزیرێ بهرگریێ فرهنسی (جان ئیف لودریان) ژ سهرۆكێ ههرێما كوردستانێ (مهسعود بارزانی) ڤهگوهاستبوو كو ئهو یێ بهرههڤه شهڕێ ل رهقه بكهت، ژلایێ خوهڤه (كیفاح مهحموود) شیرهتكارێ راگههاندنێ یێ سهرۆكێ ههرێمێ دیاركربوو كو دانوستاندن د ناڤبهرا ئهمریكا و ههرێما كوردستانێ دا یێن ههین ژبۆ پشكداریكرنا هێزێن پێشمهرگهی د شهڕێ ئازادكرنا رهقه دا.
ل دووڤ (روسیا الیوم) ئهڤ پێنگاڤه دێ بیته ئاریشێ د ناڤبهرا پێكهاتێن كوردی دا دروست كهت، چونكی پێشمهرگێن رۆژئاڤا ب سهر جڤاتا نیشتمانی یا كوردی ڤهنه كو ژلایێ ههرێما كوردستانێ ڤه دهێنه پشتهڤانیكرن و پهیوهندیێن باش ل گهل توركیا یێن ههین، یهكینهیێن پاراستنا گهلێ كورد و بزاڤا جڤاكی دیموكراتیێ كوردی بهری نوكه گهف كربوون كو ههكه پێشمهرگێن رۆژئاڤا هاتنه دناڤ سووریێ دا، ئهو دێ دهستهسهركهن، یهكینهیێن پاراستنا گهل ژی ههبوونا ههر هێزهكا كوردی كو دووری دهستههلاتا وان بیت، رهت دكهن.
ڤان ههموو كێشان، شهڕێ ئازادكرنا رهقه ل مهها بۆری گیرۆكربوو و ههر ئهو ب خوه ژی دێ بنه ئهگهرێ گوهۆرینان د ههڤپهیمانیێن كوردی ل گهل هێزێن ههرێمایهتی و نێڤدهولهتی، ژ بهر كو رهقه كو دكهڤیته د ناڤبهرا حهسهكه ل رۆژههلاتی و حهلهب ل رۆژئاڤای، دهێته هژمارتن كاگلكا دهڤهرا باكووری و ڕێیا سهرهكی بۆ گههاندنێ كوردی ل سووریێ.
پهرلهمانتارهكێ كورد بهحسێ وێرانكاریا داعش دكهت
ئهڤرو نیوز،بارزان مزوورى
ل دهست پێكا هاتنا چهكدارێن تیرورستێن داعش بو دهڤهرێن دهرڤهى ههرێما كوردستانێ نها ئهو دهڤهر پتریا وان هاتینه رزگاركرن و كهفتینه ل بن كونترولا پێشمهرگهى لدوڤ ئامارهكا فهرمى كو ل وان دهڤهرا 70 بنگههێن ساخلهمى هاتینه تێك دان و خرابكرن داخاز هاتیه كرن كو بودجهیهكا تایبهت بو بێته دابین كرن بو دوباره ئاڤاكرنا وان بنگههێن ساخلهمى .
د فارس بریفكانى، سهروكێ لژنا تهندروستى حكومهتا عێراقێ بو مالپهرێ ئهڤرو نیوز ئاشكرا كر كو ل دهڤهرێن كوردستانى ئهوێن هاتینه رزگاركرن نها ل بن كونترولا پێشمهرگهى زومار و شهنگال و ئاسكى مووسل و كهسكێ و ل دوڤ ئامارهكا فهرمى ل وان دهڤهرا 70 بنگههێن ساخلهمیێ هاتینه خراب كرن و تێك دان و پێتڤى ب دوباره ئاڤاكرنا وانن ،
ناڤبرى دیار كر كو هندهك ژوان ئاڤاهى گههشتیه وى رادهى كو ب كێر نوێژهنكرنێ ژى ناهێن و پێدڤى ب دوباره ب ئاڤاكرنێ یه.
ناڤبرى گوت كو د كومبونا پهرلهمانێ عێراقێ دا ئێك ژ برگێن كومبونێ ئهو بو كو بودجهیهك بهێته دابین كرن ژبو دوباره ئاڤاكرنا وان بنگههێن تهندروستى .
نێچیرڤان بارزانی نووچەکی رەتدکەت
ئەڤرۆ نیوز ، نەوزاد زادە ھلوری:
نێچیرڤان بارزانی سەروکی َحکومەتا ھەرێما کوردستانێ د بەرسڤا پەرسیارەکا تورا میدیایی یا روداوێ دیارکر کو ئەوان بەرامبەر کومپانیا دانەگاز شکەستنە نەئینایە.
نێچیرڤان بارزانی سەروکی َحکومەتا ھەرێما کوردستانێ ئەڤرو روژا پێنجشەمبی 26/11/2015 پشکداری د رێورسمێن ھەوا نەھێلانا توندوتیژیێ بەرامبەر ئافرەتان ل ھەولێرێ کر.
پشتی دوماھی ھاتنا ئەوێ رێورسمێ سەروکی َحکومەتێ بوو رۆژنامەڤانان ئاخفت و د بەرسڤا پرسیارەکا پەیامنێرێ روداودا کا ئەرێ راستە حکومەتا ھەرێما کوردستانێ بەرامبەر کومپانیا دانەگاز شکەستنئینایە ؟ ناڤبری گۆت : ( ئەڤ یەک راست نینە )
چەند روژەکان بەری نھا کومپانیا دانەگاز کو ل ھەرێما کوردستانێ گازا سروشتی بەرھەمدئینیت دیارکر کو دادگەھا بلندا بەریتانیا بریارەک دایەک حکومەتا ھەرێما کوردستانێ کو ب 100 ملیون دۆلارا سزایی بدەتە کونسیرتیوما دانەگاز د ماوەیێ 14 روژان دا.
کونیسرتیوما دانەگاز کو ئێکە ژ ھەر ئێک ژ کومپانیێن کرستێنت یا ئیماراتی و ئو ئێم ڤی یا نەمساوی و مولا ھەنکاری بخوڤە گریت د مەھا 12ێ یا 2013 دا سکالایەک دژی حکومەتا ھەرێما کوردستانێ توومارکر بوو.
کومپانیا دانەگاز ھەروەسا دیارکریە ژی کو ئەوان پارە ژ حکومەتا ھەرێما کوردستانی َوەنەگرتیە و نەچاربوویە سکالایەکا دن ل دادگەھا بلندا بریتانی تومار بکەت.
نێچیرڤان بارزانی د بارا چارەسەرکرنا ئاریشەیێن سیاسی دا دیارکر کو کومبوونا ئێکشەمبیا بووری دگەل ئێکەتی یا باش بوو و گوت ژی : ( دگەل ئێکەتی و لایەنێن دن ژی دێ بەردەوام بین و بو ئومێدا وێ یەکێ کو بگھینە ئەنجامەکێ باش )
نێچیرڤان بارزانی بەحس ل سەرەدانا شاندێ خالد عوبەیدی وەزیرێ بەرگریا عیراقێ بوو ھەولێرێ کر و گۆت : ( سەرەدان و پەیوەندیێن مە دگەل بەغدا د وارێ سەربازی و ئابووری و سیاسی پێدڤی نە و دێ ھاریکاربن کو زێدەتر ل ھەڤ نێزیک بین )
نھا ەزیرێ بەرگریا عیراقێ ل ھەولێرێ یە ، و سپێدە زویا ئەڤرو دگەل مەسعود بارزانی سەروکێ ھەرێما کوردستانێ کومبوویە و بارە دگەل سەروکی َحکومەتێ ژی کومببیت.
بارزانى ل گهل وهزيرێ بهرهڤانيێ و فهرماندێ هێزێن ئهسمانى يێن عيراقى كۆمبوو
ئهڤرۆ نيوز:
ئهڤرۆ رۆژا پێنجشهمبى رێكهفتى 26ى چريا دويێ 2015 مهسعود بارزانى سهرۆكێ ههرێما كوردستانێ ل گهل خالد عوبێدى، وهزيرێ بهرهڤانيا عيراقێ و فهرماندێ هێزێن ئهسمانى يێ عيراقى كۆمبوو.
ب گۆرهى پێزانينێن مالپهرێ فهرمى يێ سهرۆكاتيا ههرێما كوردستانێ، بهحس ل چاوانيا ئازادكرنا مووسل و ههڤكارى و ههمانگههيا زێدهتر د ناڤبهرا هێزێن ئهمنى يێن عيراقى و وهزارهتا پێشمهرگهى د وێ روو ب رووبوونا دژى داعش دا هاتيه كرن.
د پهيڤهكێ دا، وهزيرێ بهرهڤانيا عيراقى، خالد عوبێدى راگههاند: ئهز يێ هاتيم دا پيرۆزباهيا گهلێ كورد و سهرۆك بارزانى بكهم ب ههلكهفتا سهركهفتن و ئازادكرنا شنگالێ كو كارتێكرنهكا مهزن ل سهر پرۆسا ئازادكرنا مووسل ههيه.
ژ ئەگەرێ قەیرانێ قەرێن بچووک ھاتينە راوەستاندن
ئەڤرۆ نيوز:
پرۆژێ پێدانا قەرێن بچوک ب وەلاتیان ل سالا 2011 چویە بیاڤێ بجھکرنێ کو ژلایێ کابینا شەشێ یا حوکمەتا ھەرێمێ بریار ل سەر ھاتیە دا و پەرلەمانێ کوردستانێ پەسەندکربوو، ژ وی دەمی وەرە وەزارەتا کارۆبارێن جڤاکی ل ھەرسێ پارێزگەھان قەر داینە وەلاتیان، لگۆری ئاماران ل چوار سالێن رابوری 7 ھەزار و 800 کەس ژ وی قەری مفادار بوینە نێزیکی 20 ھەزار دەلیڤەیێن کاری بۆ وەلاتیان درۆست بوون بتنێ ئیسال 500 کەسان ئەو قەر وەرگرتینە .
ب ئەگەرێ قەیرانا دارایی ھاتینە راوەستاندن و چەندین پرۆژێن قەرێن بچوک شکەستن ئینایە ، لگۆری رێنمایان پێدانا قەرێن بچوک بو وەلاتیان ژ ئێک ملیۆن تا 15 ملیۆن دیناران دەست پێ دکەت لگۆری ھەلسەنگاندنا مەزاختیێن پرۆژەی، پێدڤیە ئەو کەسێن قەران وەردگرن خەلکێ کوردستانێ بن و ژیێ وان ژ 16 بۆ 35 سالیێ دا و کارمەندێ چ سازیێن حوکمی و نە حوکمی نەبیت و پرۆژە ژی بەردەوام بیت .
دو کۆمپانی دێ گرێبەستێن غازی ل گەل ھەرێمێ ئيمزا کەن
ئەڤرۆ نیوز:
پەرلەمانتارێ لژنا نەزاھە ل پەرلەمانێ کوردستانێ راگەھاند:نھا ل ھەرێما کوردستانێ رۆژانە 330 ملیۆن مەتر سێجا غازا سرۆشتی بەرھەم دئینیت.
گۆران ئازاد ئەندامێ لژنا نەزاھێ دیارکر کۆمپانیا دانە غاز بەرھەمئینانا غازا سرۆشتی دکەت، لێ نھا حوکمەتا ھەرێما کوردستانێ ل گەل کۆمپانیا دانە غازێ ئاریشەیە ھەیە و پشتی دووڤچونێ رێکەتنا ناڤبەرا حوکمەتا ھەرێمێ و دانەغازێ ل چارچوڤێ چەند بنەمایەکێن رێکەتنی بوو لێ نەھاتیەکرن و ب گرێبەستەکا تەمام وەکو گرێبەستێن ل گەل کۆمپانیێن نێڤ دەولەتی یێن پترۆلی ل ھەرێمێ ھاتیەکرن .
ناڤبری گوت ژی حوکمەتا ھەرێمێ ل دەمەکێ نێزک دو گرێبەست بۆ وەبەرئینانا غازێ گرێ دەت کو ئێک کۆمپانی رۆژانە 450 ملیۆن مەتر سێجا و یا دی 50 ملیۆن مەتر سێجا رۆژانە بەرھەم ئینیت.
گۆران ئازادی ئەو چەندە ژی دیارکر ھەر دو کۆمپانی تاکو سالا 2017 غازا سرۆشتی یا کوردستانێ رەوانەی دەرڤە کەن، دبیتە دەستپێکەک کۆمپانی 200 ملیۆن مەتر سێجا رۆژانە بۆ کارەبێ بەرھەم بینیت و ل ھەولێرێ بزاڤا ئەوێ چەندێ دەست پێکریە .
پەرلەمانتارێ کوردستانێ گۆت:ژبلی ھەرێما کوردستانێ دشیێن ل دەمەکێ نێزیک غازا سرۆشتی رەوانەی دەرڤە بکەین و ھەتا ئاستەکی ئاریشەیا کارەبێ و کێمکرنا مەزاختیان بھێتەکرن.
دلشاد شەعبان جێگرێ سەرۆکێ لژنا سامانێن سرۆشتی ل پەرلەمانێ کوردستانێ راگەھاند:ل گۆری پلانێ ل چەند سالێن بھێت دشیاندایە غازا ھەرێما کوردستانێ رەوانەی دەرڤە بھێتەکرن و ل سالا 2017 بۆ 2018 ھند غاز بھێتە بەرھەم ئینان کو فرێکەنە دەرڤە و فرۆشنە ئەورۆپا.
دلشاد شەعبان ئەو چەندە ژی دیارکر تا کو نھا بوریا غازێ دناڤبەرا تورکیا و ھەرێما کوردستانێ نەھاتیە دانان لێ پلان ھەیە بۆ ھنارتنا غازا ھەرێمێ ل سالا 2017 بۆ 2018 و ھەرێم ژی دێ مفایی ژێ بینیت بۆ بکارئینانا بەرھەمئینانا کارەبێ ل شوونا پترۆلێ مفایی ژ غازێ وەربگرن.
ڤيديۆ: ئێكگرتوو ناڤێن كانديدێن خوه بۆ پۆستێن پارێزگهها دهۆكێ ئاشكهرا كرن
نووترين دهنگوباسێن ناڤ باژێرێ مووسل
ئەڤرۆ نیوز، بارزان مزووری:
عصمهت رەجەب، بەرپرسێ لقا 14 ل مووسل بۆ ئەڤرۆ نیوز ئاشکرا کر کو دوھی مەغرب 25ى چريا دويێ 2015 فروکەیێن لەشکەری چەند بەلاڤوکهك بەرداینە د ناڤ باژێرێ مووسل دا و ل سەر وان بەلاڤوکا نڤیسیە کو ب شەڤ نەدەرکەڤن چونکو فروکە دێ دەست ب پروسەیا بوردومانێ کەت د ناڤ باژێرێ مووسل دا، د دووڤ دا شڤێدی دەمژمێر 11 شەڤ بۆ جارا ئێكێ بوردومانا فروکەیا دهسپێكر و بەردەوام بوون ل سەر بوردومانێ بو سەر دەڤەرا حهدبا و دەڤەرا 17 تەمموزێ و دهرگههێ شنگال(باب سنجار) و فیێلیێ دەڤەرا کشتوکالی و دەڤەرا دومیز و سومەر هەتا بەربەری سپێدێ پروسەیا بوردومان کرنێ یا بەردەوام بوو و زیانێن مەزن گەھاندینە چەکدارێن تیرورستێن داعش.
ناڤبری دیار کر کو د ھەمان رۆژ دا چەکدارێن تیرورستێن داعش 25 چەکدارێن خوه گولەباران کرن ژ بەر نەرازیبوونا وان ژ بلندكرنا پلێن ھندەک چەکدارێن خوه یێن د ناڤ رێکخستیا داعش ل دەڤەرا بادوش.
گۆتژى: “د ھەمان رۆژ دا دانێ نیڤرۆ فرۆکەیێن ھەڤپەیمانان زانکۆیا تلەعفەر بوردومان کریە د ناڤ دا جەندین چەکدار ھاتینە کوشتن و ئێک ژ سەرکردەیێن سەربازی د ناڤ دا بوو ب ناڤێ “ئیبراھیم العفری” تێدا ھاتیە کوشتن”.
بهرپرسێ لقا 14 دا زانين ژى كو ھەر د ھەمان رۆژ دا داعش رابوویە ب دەستەسەرکرنا کارمەندێن ناڤخۆ یێن ل سەر دەستێن وان توبە کری بۆ جھەکێ نەدیار ڤەگوھاستینە هەتا نھا چارە نڤیسێ وان بەرزەیە.
شەبەک دخوازن پێشمەرگە دەڤەرێن وان رزگار بکەن
ئەڤرۆ نیوز:
نوونەرێ کوردێن شەبەک ل جڤاتا نوونەرێن عیراقێ (سالم جومعە) بۆ رۆژناما ئەڤرۆ دیارکرکو کوردێن شەبەک یێن بەرھەڤیان دکەن بۆ ناڤ نڤیسنێ بۆ دروستکرنا فەوجەکا خوەبەخش و ھەتا نوکە دو ھزار وەلاتیان ژ کوردێن شەبەک ناڤێن خوە تۆمارکرینە وەکو خوەبەخش مل ب ملێ پێشمەرگێ کوردستانێ بۆ وێ چەندێ کو شەڕێ ئازادکرنا دەڤەرێن خوە بکەن و ژ تیرۆرستان پاقژ بکەن و دێ ھەتا چار ھزار خوەبەخش ھێنە تۆمارکرن و ناڤێن ھەموویان ژی بۆ وەزارەتا پێشمەرگەی دێ ھێنە ھنارتن کو دێ ل بن چاڤدێری و رێنمایێن وەزارەتا پێشمەرگەی ئەرکێ خوە ئەنجام دەن.
سالم جومعە نوونەرێ کوردێن شەبەک ل جڤاتا نوونەرێن عێراقی گوت” داخوازێ ژ سەرۆک بارزانی دکەین راستەوخوە سەرپەرشتیا شەڕی ئازادکرنا دەڤەرێن کوردێن شەبەک بکەت وەکو شنگالێ و ھەموو دەڤەرێن کوردێن شەبەک ژی ژ تیرۆرستان بھێنە پاقژکرن و ئازادکرنا شنگالێ نە ب تنێ کوردێن شەبەک، بەلکو ھەموو ئاوارێن دەشتا نەینەوا دلخوەش کرینە وھیڤیەکا مەزن ددلێ خەلکێ دا دروستکر بۆ ئازادکرنا ھەموو دەڤەران ونەھێلانا تیرۆرستان”.
سالمی دیارکرکو ب پشتەڤانیا حوکمەتا ھەرێما کوردستانێ و سەرۆک بارزانی فەوجەکا تایبەت بۆ کوردێن شەبەک یا ھاتیە پێکئینان و ژ 655 پێشمەرگان پێک دھیت و نوکە ل میحورێ خازری فەوجا کوردێن شەبەک شەڕێ ژناڤبرنا تیرۆرستان دکەت وگۆت ژی” فەوجەکا دی ژی یا ب رێڤەیە و ناڤ یێن ھاتینە بلندکرن بۆ وەزارەتا پێشمەرگەی و پشتی ئەوژی دھێنە مەشقدان، دێ پشکداریێ د شەڕێ تیرۆرستان دا کەن”.
سالم جومعە ئەوژی دیارکرکو رێژا 80% کوردێن شەبەک ئاوارەی ھەرێما کوردستانێ بووینە و ئەم داخوازێ دکەین ھیزێن پێشمەرگەی ب سەرپەرشتیا راستەوخوە یا سەرۆک بارزانی وەکو شنگالێ دەڤەرێن کوردێن شەبەک ژی ئازاد بکەن و ئێدی کوردێن شەبەک خوە ل ھیڤیا بجھئینانا مادێ 140 ناگرن، چونکی حوکمەتا عیراقێ نەڤێت مادێ 140 بجە بینیت، لەوما ژی ئەم وەکو کوردێن شەبەک ئێدی ب چو شیوەیەکێ بیت ناڤەگەرینە سەر ب پارێزگەھا نەینەوا ڤە و دێ سەر ب ھەرێما کوردستانی ڤە بین ژبەر کو ب راستی ژی ژبلی خیانەتێ ومال وێرانیێ، عیراقێ چو بۆ دەڤەرێن کوردێن شەبەک نەکریە”.
نيشاندان
WP Facebook Auto Publish Powered By : XYZScripts.com