ئه‌ڤرۆ نیوز:
كورته فلمێ بێ ده‌نگ..زه‌لام و دز
نووترين نووچه
- سەرۆك بارزانی و پارێزگارێ سەلاحەدین ڕەوشا سیاسی یا ئیراقێ گەنگەشە كر
- مەسرور بارزانی و بالیۆزێ ئەلمانیایێ دوپاتیێ ل سەر پێشڤەبرنا پەیوەندییان دكەن
- مەسرور بارزانی: دەستێ دۆستینیێ بۆ پێكهینانا حوكمەتێ مە بۆ هەموو ئالییان درێژ كریە
- سەرۆك بارزانی: هەكە ئەم ب خوە نەبین كەس مە ناپارێزیت
- د دژوارترین قووناغان دا مام جەلال دەنگێ تێكگەهشتن و پێكڤەكاركرنێ بوو
- سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
- سیروان بارزانی: مووچەیێ پێشمەرگەی ناگەهیتە نیڤا مووچەیێ لەشكەرێ ئیراقێ
- ئیراق ئەگەرێ بجهنەئینانا سیستەمێ ئاسیكۆدایە
- سەرۆك بارزانی: هێزا پێشمەرگەیێ كوردستانێ هەر دێ مینیت و هەرێمێ پارێزت
- سەرۆك بارزانی و خەمیس خەنجەر دوپاتیێ ل هەماهەنگییا د ناڤبەرا هێز و ئالییێن سیاسی دا دكەن
سه‌ره‌كى نوچێن گرنگ
سوبه و دوسبه ئه‌ڤ وه‌زاره‌ته دێ مووچه‌ى وه‌رگریت
ئه‌ڤرۆ نیوز:
ئومێد ئەمین ساڵح كارگێرێ لقێ سلێمانیێ یێ ئێكه‌تیا ماموستایێن كوردستانێ راگه‌هاند كو ئه‌و ژ ئالیێ وه‌زاره‌تا دارایى ڤه هاتینه ئاگه‌هداركرن كو سوبه و دوسبه دێ مووچێ وه‌زاره‌تا په‌روه‌ردێ ب دو رۆژان هێته به‌لاڤكرن.
ئومێد ئەمین ساڵح ئاشكرا كرو كو سوبه رۆژا چار شه‌مبى دێ مووچێ فه‌رمانبه‌ران و ماموستایێن ده‌رڤه‌ى باژێرێ و رۆژا 5 شه‌مبى ژى مووچێ فه‌رمانبه‌ر و ماموستایێن ناڤ باژێران هێنه به‌لاڤكرن.
بڕیاره‌كا شاشبوو حكومه‌تێ داى
ئه‌ڤرۆ نیۆز، رێوار مزیرى:
ب مه‌ره‌ما ژ نێزیك ئاگه‌هداربوون ل سه‌ر ره‌وشا سه‌نته‌رێن ره‌وشه‌نبیرى ل پارێزگه‌ها دهۆكێ ئه‌ڤرۆ رۆژا سێشه‌مبى 17/11/2015 ل ده‌مژمێر 10 ى سپێدێ، (ئه‌یوب ره‌مه‌زان) رێڤه‌به‌رێ گشتى یێ ره‌وشه‌نبیرى و هونه‌رى ل گه‌ل به‌رپرسێن هه‌موو سه‌نته‌رێن ره‌وشه‌نبیرى ل سنوورێ پارێزگه‌ها دهۆكێ ل هولا كۆمبوونان ل رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ كۆمبوو.
ئه‌یوب ره‌مه‌زان، رێڤه‌به‌رێ گشتى یێ رێڤه‌به‌ریا ره‌وشه‌نبیرى و هونه‌رى ل دهۆكێ پشتى ده‌ستخوه‌شى ل كارێ ئه‌و كه‌سێن د ناڤ سه‌نته‌رێن ره‌وشه‌نبیرى دا كاردكه‌ن كرى ئاماژه دا وێ چه‌ندێ كو ئه‌و بڕیارا وه‌زاره‌تا دارایى و ئابوورى یا حوكمه‌تا هه‌رێما كوردستانێ ل سه‌ر بڕینا به‌خشینا هه‌یڤانه یا سه‌نته‌ران داى یا شاشبوو، و گۆت: “راسته نوكه سه‌نته‌ر به‌خشینێن خوه یێن هه‌یڤانه ناوه‌رگرن و به‌هراپتریا وان د بێ ئاڤاهى نه، به‌لێ ئه‌ڤه نابیته ئه‌گه‌رێ وێ چه‌ندێ كو ئه‌و كه‌سێن چالاك و خوه‌به‌خشێن د ناڤ ڤان سه‌نته‌ران دا كاردكه‌ن چو چالاكییان ئه‌نجام نه‌ده‌ن، چونكى ده‌مێ سه‌نته‌ران ئاڤاهى ژى هه‌ین بتنێ چه‌ند ژوره‌كێن كارگێرى هه‌بوون و چالاكیێن خوه ژ ده‌رڤه‌ى ئاڤاهیێن سه‌نته‌رێن خوه ئه‌نجامدان ژ به‌ر ڤێ چه‌ندێ نوكه ژى د شێن هه‌مان چالاكییان بێ ئاڤاهى ئه‌نجام بده‌ن”.
فه‌رمانده‌ك به‌حسێ ڤه‌لڤینێن داعش پشتى ل شنگال شكه‌ستى دكه‌ت
ئه‌ڤرۆ نیۆز، قائید میرۆ
فه‌رمانده‌یه‌كێ هێزا پێشمه‌رگه‌ی دیاركر، داعش ده‌ست ب زنجیره‌كا هێرشان بۆسه‌ر هێزێن پێشمه‌رگه‌یكریه و هه‌موو هێرش هاتینه شكاندن.
به‌هرام عه‌ریف یاسین، فه‌رماندێ پێشمه‌رگه‌ی ل میحوه‌رێ باشیك ب ئه‌ڤرۆ نیۆز راگه‌هاند” پشتی شكه‌ستنا گروپا داعش ل شنگالێ، وره‌یا چه‌كدارێن وان وه‌ك به‌رێ نه‌مایه و زۆر لاوازبووینه، له‌وڕا بۆ بلندكرنا مۆڕالا چه‌كدارێن خوه داعش چه‌ند رۆژه‌كه ده‌ست ب زنجیره‌كا هێرشان بۆسه‌ر هێزێن پێشمه‌رگه‌ی كریه.
به‌هرامی گۆت ژی” ئه‌ڤ هێرشێن داعش چو كاریگه‌ری ل سه‌ر پێشمه‌رگه‌ی نینه و هه‌موو هێرشێن وان هاتینه شكاندن و سه‌دان چه‌كدارێن تیرۆرست هاتینه كوشتن، پشتی ئۆپه‌ڕاسیۆنا شنگالێ مه پێشبینیا ڤان هێرشان دكر.
ئه‌ڤرۆ نیوز وینێ ئێكه‌م دوكانا ل شنگال هاتیه ڤه‌كرن به‌لاڤ دكه‌ت
ئه‌ڤرۆ نیوز:
رۆژنامه‌ڤان مراد هه‌سكانى، وێنه‌ك بۆ ئه‌ڤرۆ نیوز هنارتیه و دیاركریه كو ئێكه‌م دوكان ل شنگال هاته ڤه‌كرن.
داعش ل 8 ته‌باخا سالا 2014 شنگال كونترولكربوو، و پتر ژ ساله‌ك و سێ هه‌یڤان مانه تێدا، به‌لێ پێشمه‌رگێن قاره‌مان به‌رى چه‌ند رۆژان شنگال رزگاركر و داعش تووشى شكه‌ستنه‌كا ئێكجار مه‌زن كر و ب سه‌دان داعش كوشتن و یێن ماین هه‌مى بۆ مووسل ره‌ڤین.
سێ کادرێن پارتی ژ لایێ حەشد شەعبی ھاتنە دەستەسەرکرن
ئەڤرۆ نیوز، قائید میرۆ:
بەرپرسەکێ بلندێ پارتی دیموکراتی کوردستان دیارکر سێ کادرێن پارتی ژ لایێ میلیشیاتێن شیعە ھاتینە رەڤاندن.
جەعفەر شێخ مستەفا، بەرپرسێ لقا خانەقین یا پارتی دیموکراتی کوردستان بۆ ئەڤرۆ نیوز راگەھاند: “بەری چەند رۆژان سێ کادرێن پارتی دیموکراتی کوردستانێ سەر ب لقێ بەغدا دخواست ڤەگەڕیێنە مالێن خوە، بەلێ ژ لایێ خالەکا پشکنینێ یا حەشد شەعبی ل دیالا ھاتینە دەستەسەرکرن و د بەرھەڤ نینن ئازاد بکەن”.
جەعفەر گۆتژی: “مە پەیوەندی ب حەشد شەعبی کریە، بەلێ د بەرھەڤ نینن ئەڤان سێ کادرێن مە ئازاد بکەن، د دەمەکی دا ئەف سێ کادرێن پارتی ب مەزھەب شیعەنە، لێ ژ بەر کو کادرێن پارتی نە ھاتینە گرتن و بزاڤێن مە بۆ ئازادکرنا کادرێن مە یا بەردەوامە”.
کوێت دێ ڤان پرۆژان ل ھەرێمێ ئەنجام دەت
ئەڤرۆنیۆز ،سالار دۆسکی::
پەیڤدارێ دەشتیا گەشتوگوزارێ ل حوکمەتا ھەرێما کوردستانێ دیارکر کر كو وەلاتێ کوێتێ بەرھەڤیا خوە دیارکریە کو چەند کارێن وه‌بەرھێنانێ ل ھەرێما کوردستانێ ئەنجام بدەت.
نادر روستی، پەیڤدارێ دەستەیا گەشتوگوزارێ ل حوکمەتا ھەرێما کوردستانێ بۆ ئەڤرۆ نیۆز گۆت: “سپێده‌هيا ئه‌ڤرۆ رۆژا سێشه‌مبى رێكه‌فتى 17ى چريا دويێ سەرۆکێ دەستەیا گەشتوگوزارێ ل حوکمەتا ھەرێما کوردستانێ پێشوازی ل قونسلێ گشتیێ وەلاتێ کوێتێ ل ھەرێما کوردستانێ کر و د کۆمبوونەکێ دا بەحسێ ھەڤکاری و پتر خورتکرنا پەیوەندیان ھاتەکرن”.
دا زانين ژى كو قونسلێ کوێت ژى بەحسێ ھەفکاری و گوھۆڕینا گەشتیاران د ناڤبەرا کوێت و ھەرێما کوردستانێ دا ھاتەکرن.
رۆستى دا زانين ژى كو قونسلێ گشتیێ کوێتێ سۆز دا کو پتر ھاریکار بن بۆ ئەنجامدانا پرۆژێن وه‌بەرھێنانێ و گەشتیاری ل کوردستانێ.
داعش ھێزەکا مه‌زن دژى كوردان خر ڤه‌كر و ده‌ست ب هێرشێ كر
ئەڤرۆ نیوز، قائید میرۆ:
بەرپرسەکێ پارتی دیموکراتی کوردستان ئاشکرا کر، پشتی شکەستنا بێجی نوکە داعش ھێزەکا زۆر ئینایە قەزا حەوێجە یا سەر ب پارێزگەھا کەرکووکێ.
ئیسماعیل حەمەد، بەرپرسێ لیژنا ناوچا قەراج یا پارتی دیموکراتی کوردستان بۆ ئەڤرۆ نیوز گۆت: “پشتی شکەستنا چەکدارێن تیرۆرستێن داعش ل دەڤەرا بێجی، نوکە داعش ھێزێن خوە ڤەگوھاستینە بۆ دەڤەرێن سەرب قەزا حەوێجە یا سەر ب پارێزگەھا کەرکووکێ و ھێزەکا زۆرا داعش ل ڤێ دەڤەرێ ھاتیە کۆمکرن، بەلێ نیەتا وان ناھێتە زانین”.
ئیسماعیل گۆتژی: “پشتی ھاتنا ئەڤێ ھێزا زۆرا داعش بۆ حەوێجە، نوکە دەست بلڤینان کریە و د پیلانا ئێكێ دا ل شەڤا بۆری ھێرشی سەر ھێزێن پێشمەرگەی کربوو، بەلێ چو زیان نەبوون، لەوڕا پێشبینی دکەین پتر چالاکیێن خوە ڤەگوھێزێن بۆ سنورێ قەزا حەوێجە.
پەرلەمانتارێن کورد ژ ترسا میلیشیاتێن شیعی دەرناکەڤن
ئەڤرۆ نیوز، قائید میرۆ:
پشتی تێکچوونا پەیوەندیێن د ناڤبەرا کورد و میلیشیاتێن شیعی دا، پەرلەمانتارێن کورد ل بەغدا نەشێن بچنە دەرڤەی دەڤەرا کەسک.
خۆشەڤی خەلیل، پەرلەمانتارێ پارتی دیموکراتی کوردستان ل جڤاتا نوونه‌رێن عيراقێ بۆ ئەڤرۆ نیوز گۆت: “پشتی تێکچوونا رەوشا قەزا دوزخورماتوو ئەف گەفێن ژ لایێ ھندەک لایەنێن شیعی ل کوردان دھێنەکرن، نوکە پەرلەمانتارێن کورد ل بەغدا ژ ترسا ئەڤان میلیشیاتێن شیعی نەشێن بچنە دەرڤە، ئەڤە ژی وەکو خوەپاراستنێ ل ھەمبه‌ر هه‌ر ھێرشەکێ”.
خەلیل گۆتژی: “ھەتا نوکە چو گەفێن راستەوخۆ ل سەر پەرلەمانتار و نوونەرێن کورد ل بەغدا نەبووینە و حوکمەتێ و دەزگەھێن ئەمنی ژی چو ھوشداری نەداینە مە، بەلێ ئەم زانین حەساسیەتەک پەیدابوویە و ئەم خوە دپارێزین”.
ئێكه‌تى دێ كه‌سه‌كێ عه‌ره‌ب كه‌ته رێڤه‌به‌رێ ناحيێ
ئه‌ڤرۆ نيوز:
پشتى ل سه‌ر داخوازا خوه رێڤه‌به‌رێ ناحيا جه‌له‌ولا داخوازا ده‌ست ژ كاركێشانا خوه ره‌وانه‌يى پارێزگارێ ديالاكرى و داخوازا وى هاتيه په‌سه‌ندكرن، ئێكه‌تيێ به‌ربژێره‌كێ عه‌ره‌ب بۆ وى پۆستى ده‌ستنيشان كر ل جهێ ئه‌و كه‌سێ ده‌ست ژ كار كێشاى.
ئه‌نوه‌ر حسێن، رێڤه‌به‌رێ ده‌ست ژ كاركێشاى يێ ناحيا جه‌له‌ولا راگه‌هاند كو پشتى چه‌ندين جاران وى داخواز ژ پارێزگارێ ديالا كرى، داخوازيا وى هاته په‌سه‌ندكرن و گۆت: “ئه‌ز دێ بۆ خواندنێ چمه وه‌لاتێ مسرێ و پشتى 13 سالێن خزمه‌تێ هاتمه خانه‌نشين كرن و من ل به‌ر نينه چو كارێن دى يێن حكومى بكه‌م”.
ئاماژه ب وێ چه‌ندێ ژى كريه كو پارێزگارێ ديالا داخواز ژ جڤاتا باژێرڤانيا جه‌له‌ولا كريه كو كه‌سه‌كێ نوو بۆ رێڤه‌به‌ريا ناحيا خوه ب هه‌لبژێرن.
ئه‌ڤ پۆسته مولكێ ئێكه‌تى نشتيمانى كوردستانه و پێشتر يه‌عقوب لهێبى به‌رنياس ب ئه‌بۆ ئه‌حمه‌د كو خه‌لكێ ناحيا جه‌له‌ولايه و عه‌ره‌به راگه‌هاند بوو كو ئێكه‌تى نشتيمانى كوردستان بۆ وه‌رگرتنا وى پۆستى كانديد كريه.
ژێده‌ر: خه‌لك
نيشاندان
WP Facebook Auto Publish Powered By : XYZScripts.com