ئه‌ڤرۆ نیۆز، قائید میرۆ
فه‌رمانده‌كێ فه‌رمانده‌یا زێره‌ڤانی دیاركر، ئێڤاریا ئه‌ڤرۆ ل دۆریانا كه‌سكێ، پیلانه‌كا داعش هاتیه ژناڤبرن و د ئه‌نجامدا هژماره‌كا به‌رچاڤ یا تیرۆرستان هاتینه كوشتن.
موقه‌ده‌م دلشاد مه‌ولود، به‌رپرسێ هۆبا راگه‌هاندنا فه‌رمانده‌یا زێره‌ڤانی ب ئه‌ڤرۆ نیۆز راگه‌هاند” ده‌مژمێر حه‌فتی ئێڤاریا ئه‌ڤرۆ، ل گوندێ عاشق یێ نێزیك دۆڕیانا كه‌سكێ داعش مژۆلی بجه ئینانا پیلانه‌كێ بوون دژی هێزێن پێشمه‌رگه‌ی، به‌لێ ژلایێ فڕۆكه‌یێن هه‌ڤپه‌یمانان ب هه‌ماهه‌نگیا فه‌رمانده‌یا زێره‌ڤانی، بنگه‌هێن داعش لڤی گوندی هاتنه بوردۆمانكرن.
موقه‌ده‌م دلشادی گۆتژی” گوره‌ی زانیاریێن گه‌هشتینه ده‌ستێ مه، هژماره‌كا زۆرا چه‌كدارێن داعش ل گوندێ عاشق بووینه و ب ئه‌گه‌رێ ئه‌ڤێ دڕبا ژلایێ هه‌ڤپه‌یمان و فه‌رماندا زێره‌ڤانی هه‌موو داعش هاتینه كوشتن، به‌لێ هژمارا نه‌هاتیه زانین “.
ئه‌ڤرۆ نیوز:
سه‌رۆكێ هه‌رێما كوردستانێ ل گه‌ل وه‌زیرێ نه‌فتا عیراقێ كومبوو و به‌حسێ په‌یوه‌ندیێن د ناڤبه‌را هه‌ولێر و به‌غدا هاتنه كرن.
وه‌زیرێ نه‌فتا عیراقێ عادل عه‌بدولمه‌هدى به‌حسێ كێشێن د ناڤبه‌را هه‌ولێر و به‌غدا كرن ب تایبه‌ت پرسا نه‌فتێ و ژ ئالیێ خوه‌ڤه سه‌رۆك بارزانى سوپاسیا وه‌زیرێ نه‌فتا عیراقێ كر و هیڤى خواست دانوستاندنێن د ناڤبه‌را حكومه‌تا هه‌رێم و به‌غدا ئه‌نجامێن باش هه‌بن.
رۆژنامەڤانەکێ کورد ل ستەمبولێ سەبارەت ھەلبژارتنێن پەرلەمانێ تورکیا ل 7 خزیرانا 2015 تایبەت بۆ ئەڤرۆ نیوز راگەھاند کو دڤان ھەلبژارتنان دا چار پارتێن سەرەکی ل تورکیا دێ ھەڤرکیێ ل سەر کورسیێن پەرلەمانی کەن و ئەو ژی پارتێن (ئاکەپە، جەھەپە، مەھەپە، ھەدەپە) نە و ل دووڤ پێشبینی یێن سازیێن راگەھاندنێ و دەزگەھێن ھەلبژارتنا ل وی وەلاتی وەسا دھێتە پیشبینی کرن کو دڤان ھەلبژارتنان دا ئاکەپە دێ پتریا کورسیێن پەرلەمانێ تورکیا ب دەست ڤە ئینیت.
جەسیم ئیلھامی ئەو روژنامەڤانێ کوردە دبێژیت: “ھەدەپە دڤان ھەلبژارتنان دا دێ رێژەیا (11 بۆ 12%) یا دەنگان ب دەستڤە ئینیت، لێ دەولەتا تورک ھەموو جاران دەنگێن ھەدەپێ ددزیت و ب تنێ رێژەیا (10.5%) بۆ دھێلیت وەک بەشداریا وان د پەرلەمانی دا و گڤاشتنان ل سەر دکەت و ھەروەسا ئاکەپە دێ رێژەیا (43.44%) ب دەست ڤە ئینیت و (جەھەپە) دێ رێژەیا (25 بۆ 26%) یا دەنگان ب دەست ڤە ئینیتن، ھەروەسا دھێتە پێشبینی کرن کو (مەھەپە) رێژەیا (16-17%) یا دەنگان ب دەست ڤە بینیت، لێ ئاکەپە ھەر جار دەنگان ددزیت و دشێت رێژەیا پێدڤی ب دەست خوه ڤە بینیت”.
ناڤھاتی گوتژی : “د دستوورێ وەلاتێ تورکیا دا ھەر پارتەکا رێژەیا (10%) یا دەنگان نەبەت ناچینە د ناڤا پەرلەمانێ تورکیا دا. لێ ئاریشە ئەوە کو کورد دەنگێ خوە نادەنە ھەدەپێ چونکی ھەدەپە ژبلی پەکەکێ کەسێ دی ژ خوە ناھەژمێرن و ھەروەسا ئەو ل سەر رێبازا مارکسیەتێ دچن و کوردێن باکوور موسلمانن و لەورا دەنگێ خوە نادەنێ، دیسان ھەدەپە د ھەلبژارتنان دا نابێژن ئەم پارتیا کوردانە و ب ناڤێ ھەمی گەلێن تورکیا د ئاخڤن لەورا خەلک دەنگان وەکو پێدڤی نادەنێ و حەز ژێ ناکەن”.
ئەو روژنامەڤانە زێدەتر دبێژیت: “ل باکوور گەلەک شارەداری د دەستێ ھەدەپێ دا ھەنە، لێ مخابن خزمەتا گەلێ کورد وەکو داخوازیێن وان ناکەن، لەورا ھەدەپە نەشیایە خزمەتا کوردێن باکوور بکەت و نەشیایە سەرنجا کوردان بۆ لایێ خوە ب دورستی رابکێشیت”.
ئه‌ڤرو نیو، بارزان مزوورى
عصمت ره‌جه‌ب ، به‌رپرسێ لقا 14 مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو 14/5/2015 داعش ئه‌و خانیێن ژ وه‌لاتیێن مووسل ستاندین خێزانێن چه‌كدارێن تیرورستێن داعش یێن سورى تێدا ئاكنجیى كریه.
ناڤبرى دیار كر كو هه‌ر ئێك ژ وان خێزانا دێ 100 هزار دینارا بو ده‌وله‌تێ زڤرینن بو
داعش .
ژلایه‌كێ دى ڤه ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو چه‌كدارێن تیرورستێن داعش هه‌مى رێڤه‌به‌رێن قوتابخانێن سه‌ره‌تایى و ناوه‌ندى ئاگه‌هداركرینه كو هه‌ر ئێك ژوان قوتابخانا هنده‌ك قوتابیێن خو به‌رهه‌ڤ بكه‌ن چونكو زیانێن مه‌زن ب چه‌كدارێن وان كه‌فتینه گه‌له‌ك لێ هاتینه كوشتن و گوتیه رێڤه‌به‌رێن قوتابخانا دێ ڤان قوتابیا په‌روه‌رده‌كه‌ین بو رێكخراوا تیرورستێن داعش دا وان قوتابیا بو ناڤ رێزێن خو ببه‌ن و هه‌ر ئه‌ڤرودا ده‌ست ب ڤه‌گوهاستنا وان قوتابیا كرن بو جهێن مه‌شق و راهێنانێ .
ژێده‌رى گوت : ترس بو ده‌یكو بابێن وان په‌یدا بویه و بله‌ز قوتابیێن خو ل قوتابخانێ د ئینه ده‌رێو بو ده‌رڤه‌ى مووسل د ره‌ڤن و داعش ژى رێكێ ل وان دگریت .
مالپەرێ (المسلە) یێ عیراقی کو دھێتە ھژمارتن مالپەرەکێ نێزیک ژ سەرۆک وەزیرێن عیراقی یێ بەرێ و جێگرێ سەرۆک کۆمارێ نوکە نوری مالکی، راپرسیەک ل دۆر سەربخوەیا ھەرێما کوردستانێ ئەنجامدایە و تێدا ٨٧% ل گەل جودابوونا ھەرێمێ نە ژ عیراقێ.
پرسیارا د وێ راپرسیێ دا ھاتی دبێژیت ( تو پشتەڤانیێ ل بزاڤێن بارزانی یێن جودابوونا ھەرێمێ ژ عیراقێ دکەی؟) و ھەتا نوکە 1425 کەسان پشکداری یا د وێ راپرسیێ دا کری کو ھەتا نوکە یا بەردەوامە و 87% ژ پشکداران دبێژن (بەلێ .. بلا ھەرێم جودا ببیت) و 13% دبێژن (نەخێر… کوردستان پشکەکە ژ عیراقێ)
بۆ دیتنا وێ راپرسیێ و پشکداریێ تێدا: ڤێره كليك بكه
ئه‌ڤرۆ نيوز:
پشتى به‌لاڤبوونا گازيا كۆمه‌كا چالاكڤانێن سياسى و مه‌ده‌نى و رێكخراوێن كۆمه‌لگه‌ها مه‌ده‌نى بۆ مانگرتنا گشتى ل رۆژهه‌لاتێ كوردستانێ، هه‌ر سپێده‌هيا ئه‌ڤرۆ رۆژا پێنجشه‌مبى رێكه‌فتى 14ى گۆلانا 2015ێ ل باژێرێن مهاباد و سنه و مه‌ريوان مانگرتن ده‌سپێكريه و پشكه‌ك ژ خودانێن دكانان، دوكانێن خوه گرتن.
ب گۆره‌يى ئه‌ڤ زانيناريێن ل به‌ر ده‌ست ل هنده‌ك باژێرێن دژى يێن كوردان دوكان هاتينه گرتن به‌لێ ب ره‌نگه‌كێ گه‌له‌ك كێم ژ ترسا ئه‌و هه‌موو چه‌كدارێن ل سه‌ر جادێن باژێرێن كوردان به‌لاڤكرين كو وه‌كو ئه‌و دده‌نه زانين خه‌لكێ لوبنانێ نه.
د پرێس کونفرانسەکی دا پلانا بەرسینگگرتنا نەخۆشیا ئەنفلونزا بالندا ل پارێزگەھا دھۆکێ ژ لایێ ڤیتەرنەری و ساخلەمیێ ڤە ھاتە راگەھاندن، ژبلی قەدەغەکرنا کرین و فروتنا مریشکێن ب ساخی، ئینانا ھیگک و مریشکان ژی ژ تورکیا ھاتە قەدەغەکرن.
د. سیروان محەمەد ئەسود رێڤەبەرێ کاروبارێن خوەپاراستنا ساخلەمیێ ل دھۆکێ دیارکر کو ئەنفلونزا بالندا ل وەلاتی تورکیا و ل فەلەستین و ئیسرائیل و چەند وەلاتێن دی یا سەرھلدایی، ل ھەرێما کوردستانێ ژی ھندەک حالەت پەیدا بووینە و ل دھۆکژی: “پلان بۆ بەرسینگگرتنا نەخۆشیێ ھاتینە دانان”.
زێدەتر گۆت: “چەندین خال د گەل رێڤەبەریا ڤیتەرنەری ھاتینە گەنگشەکرن و ھەموو ئەو خال ھاتنە پەسەندکرن”.
د. دیار تەیب رێڤەبەرێ ڤیتەرنەری ل پارێزگەھا دھۆکێ دیارکر کو نەخۆشیا ئەنفلونزا بالندا ئێکە ژ نەخۆشیێن ھەڤپێشک و یا مەترسیدارە ل سەر ئاستێ ھەموو جیھانێ، ل سەر ئاستی پەلاوەری زیانێن خوە یێن مەزن ھەنە و رێژەکا بلندا مرنێ د ناڤ ئاژەلی دا پەیدا دکەت و گۆت: “ل سەر ئاستی ساخلەمیا گشتی ژی ئێکە ژ وان نەخۆشیان کو دبیتە ئەگەرێ مرنێ ژ بەر ڤێ چەندی ئەم دێ ل سەر پاراستنا پەلاوەری خوە ژ مەترسیا ڤێ نەخۆشیێ کارکەین و پاراستنا ساخلەمیا وەلاتێن خوە”.
زێدەتر گۆت: “ل دووڤ پلانا نشتیمانی یا ئەنفلونزا بالندا و ل دووڤ ئاموژگاریێن لیژنا بلند یا ھەرێمێ ھاتیە دانان، دێ ل سەر سنۆران کار پێ ھێتە کرن ل سنۆران ژێ لڤین و ھاتنوچوون و ئینانا بەرھەمێ مریشک و ھێکان ژ وەلاتێ تورکیا یا ھاتیە قەدەغەکرن”.
د. دیار تەیب گۆتژی: “ئەو جھێن گرەنتیێن ڤیتەرنەری لێ ھەین ب تایبەتی ل ئیبراھیم خەلیل دێ تافیلکرن د ناڤ ترۆمبێلان دا ھێتە کرن، ئەو ترۆمبێلێن دھێنە ناڤ ھەرێمێ دا و کرین و فرۆتن و سەرژێکرنا بالندان ل سەر جادە و جھێن گشتی دێ ھێتە قەدەغەکرن”.
دا زانین ژی کو ئەو دێ لژنێن ھەڤپَشک پێکئینن بۆ کونترولکرنێ ب تنی ئەو مریشکێن ل سەربرخانەیان دھێنە ڤەکوشتن و ئامادەکرن دێ رێ پێ ھێتە دان د گەل ڤێ چەندێ دا دێ ل گۆندان ژی بەردەوام دووڤچوونا مریشکان ھێتە کرن ل پرۆژەیێن پەلاوەر و مریشکا دێ دووڤچوونەکا رژد ھەبیت ھەموو لایەن پێکڤە دێ کارکەن.
رێڤەبەرێ ڤیتەرنەری ل پارێزگەھا دھۆکێ ئەو ژی دیارکر کو ھەر حالەتەکێ گومانێ د ناڤ پەلاوەران دا ئاشکرا ببیت دێ ئیکسەر ساخلەمیێ پێ ھایدار کەن دا کو دووڤچوون ل سەر بھێتە کرن، ئیدارێن کەمپا ژی دێ رێنمایان بجە ئینن ئەو مریشکێن ب ساخی ل کەمپا دھێنە فرۆتن دێ ھێنە قەدەغەکرن.
د. سیروان محەمەد ئەسود رێڤەبەرێ کاروبارێن خوەپاراستنا ساخلەمیێ ل پارێزگەھا دھۆکێ دیارکر کو ساخلەمیێ ژی حازریێن خوە کرینە ل نەخۆشخانەیان قایش ھاتینە دروستکرن و دەرمان ژی دابین کرینە ب تنی کەسێن سەرەدەریێ د گەل پەلاوەران دکەن و بکارئینانا مریشکان ل مالژی پێدڤیە ب رێیێن دروست بیت وەکو بکارئینانا دەستگۆرک و ماسکێ و گۆت: “دێ ھەوەکا رەوشەنبیریێ ژی دەست پێ کەین بۆ ھندی خەلکێ مە پتر د بواری بکارئینانا مریشکام دا شارەزایی رێنمایێن خوەپاراستنی و ساخلەمیێ ببیت”.
د. سیروان گۆتژی: “ل پارێزگەھا دھۆکێ دۆرین پێنج ھەتا حەفت حالەتێن گومانلیکری ب نەۆشیاH١N١ ھەبووینە، مە نموونە یێن وەرگرتین و رەوانەیی تاقیگەھا ساخلەمیێ ل بەغدا کرین، پشکنین ھاتینە کرن و پشتی ئەنجام ژ بەغدا گەھشتین دو حالەت پشت راست بوون کو تووشی ئەنفلونزایێ بووینە ژ جۆری H١N١ نە ئەنفلونزا نوکە یا دبێژنیH٥N١ ، ھەتا نوکە ئەڤ حالەتە پشت راست نەبوویە کو دێ ژ مروڤەکێ بۆ ئێکی دێ ھێتە ڤەگوھاستن”.
ئه‌ڤرۆ نيوز:
د چارچۆڤێ كۆنگرێ رۆژنامه‌ڤانى يێ هه‌ڤپشكێ ناڤبه‌را نێچيرڤان بارزانى، سه‌رۆكێ حوكمه‌تا هه‌رێما كوردستانێ و يوسف محه‌مه‌د، سه‌رۆكێ په‌رله‌مانێ كوردستانێ، ل سه‌ر كێچا بودجێ، نێچيرڤان بارزانى راگه‌هاند كو هه‌كه به‌غدا ئاماده‌يى چاره‌سه‌ريا نه‌بيت هه‌لبژارتيێن دى يێن هه‌ين.
سه‌رۆكێ په‌رله‌مانێ كوردستانێ ژى ب هه‌مان ره‌نگ ته‌كست ل سه‌ر وێ چه‌ندێ كر كو ب گۆره‌يى قانوونا بودجێ هه‌ر لايه‌نه‌كێ پابه‌ند نه‌بيت ب رێكه‌فتنێ، دشيان دايه لايه‌نێ دژى پابه‌ند نه‌بيت و گۆت: “هه‌كه به‌غدا پابه‌ند نه‌بيت ب هنارتنا پودجه‌يى، هه‌رێما كوردستانێ ژى مافێ خوه يێ هه‌يى داهاتێ ژيارا خه‌لكى ژ ژێده‌رێن دى دابين بكه‌ت”.
نێچيرڤان بارزانى گۆت: مه ئه‌مريكا ئاگه‌هدار كريه كو به‌غدا يا پابه‌ند نينه ب رێكه‌فتنا قانوونا بودجێ”، ئاماژه ب وێ چه‌ندێ ژى كر كو هنده‌ك داخۆيانى ل به‌غدا دهێنه دان خزمه‌تا چو لايه‌نان ناكه‌ن.
نێچيرڤان بارزانى چه‌ند جاره‌كان ته‌كست ل سه‌ر وێ چه‌ندێ كر كو ئه‌و ب ته‌مامى ل گه‌ل هندێ نه به‌غدا كێشان چاره بكه‌ت، به‌لێ هه‌كه ئاماده نه‌بوون، دێ چاره‌يێن دى هه‌بن.
ده‌رباره‌يى بابه‌تێ سه‌ربه‌خۆيا كوردستانێ ژى سه‌رۆكێ حوكمه‌تا هه‌رێما كوردستانێ گۆت: “سه‌رۆك بارزانى د سه‌ره‌دانا خوه دا به‌حسێ سه‌ربه‌خۆيا كوردستانێ يا كرى”.
سه‌رۆكێ حوكمه‌تا هه‌رێما كوردستانێ دا زانين ژى كو د هاتنه خوارا بهايێ په‌ترۆلێ دا، زيانه‌كا مه‌زن ب هه‌رێما كوردستانێ كه‌فت و گۆت: “نوكه چو په‌ترۆل ناچيته ژ ده‌رڤه ژبلى ئه‌وا ب رێيا سۆمۆ دچيته ژ ده‌رڤه”.
ئه‌ڤرۆ نيوز:
ماوه‌كه ل به‌غدا هێرشێ دكه‌نه سه‌ر سونان و شه‌ڤا بۆرى ئاگر به‌ردايه وه‌قفا سونى و پێنج مال و هژماره‌كا ترۆمبێلێن سونان هاتينه سوتن، به‌رپرسه‌كێ پارتى ديموكراتى كوردستان ژى ل به‌غدا دبێژيت: “كاودانێن به‌غدا گه‌له‌ك د خرابن و نه ب تنێ سونه، به‌لكو سڤكاتى ژى ب كوردان دهێته كرن.
كارگێرێ لقێ 5 يێ پارتى ديموكراتى كوردستان ل به‌غدا دكتور سه‌باح برايه‌تى بۆ مالپه‌رێ فه‌رميێ پارتى ديموكراتى كوردستان راگه‌هاند: “نوكه رێيا كه‌ركووك بۆ به‌غدا هاتيه داخستن و هاتنوچوونێ ب فرۆكێ دكه‌ن و ل فرۆكخانێ ژى قه‌ره‌بالغه‌كا زێده‌يه و د ناڤ ترۆمبێلان ژى دا سڤكاتى ب كوردان دهێته كرن و پرسيار ژێ دهێنه كرن كو سه‌ر ب ژ لايه‌نێن سياسى نه ل هه‌رێما كوردستانێ و كاودان گه‌له‌ك يێن خراب بووين و خه‌لك يێ ئارام نينه”.
برايه‌تى گۆتژى: “نوكه ديارده‌ك يا ل به‌غدا په‌يدا بوويى و هێرشێ دكه‌نه سه‌ر سونێن به‌غدا، ئه‌و ژى شيعان تۆمه‌تبار دكه‌ن و شيعه ژى وێ چه‌ندێ ره‌ت دكه‌ن كو به‌حس ل وێ چه‌ندێ دكه‌ن سونه ب خوه هێرشێ دكه‌نه سه‌ر ئێكدو دا كو هه‌يبه‌تا شيعان بشكێنن”.
كارگێرێ لقا 5 يا پارتى ديموكراتى كوردستان دا زانين ژى هه‌ر كورده‌كێ ل به‌غدا بيت و ناڤێ وى عومه‌ر بيت، ژ لايێ شيعان گه‌له‌ك كێشه بۆ دهێنه دروستكرن و هه‌ر ژ به‌ر هندێ ژى كێشێن تايفى كاودانێن به‌غدا گه‌له‌ك خراب كرينه.
نيشاندان