ئهڤرۆ نيوز، عهزيز ههورامى:
وهلاتيێن پارێزگهها ههلهبچه ژ بوو پشتهڤانيكرن ل عهفرينێ رژيانه سهر جاددا و كريارێن لهشكرێ توركيا بۆ داگيركرنا ئاخا كوردستانێ شهرمزار كرن:
د ڤێ خرڤهبوونێ دا بهياننامهك ژى بۆ رايا گشتى هاته خواندن:
چهند ديمهنهكێن وێنهى ژ خوهنيشاندانا خهلكێ ههلهبچه دژى دهستدرێژيێن لهشكرێ توركيا:
ئهڤرۆ نيوز:
پشتى كو ئهڤرۆ نيوز بابهتهك ل بن ناڤێ “پارێ ژمارهكا مامۆستايێن وانهبێژ هاته دزين” بهلاڤكرى، ژ پەروەردا ئامێدیێ روونكرنهك ل سهر وى بابهتى بهلاڤكر كو ئهڤه ژى دهقێ وێ يه:
رونکرنەک ژ پەروەردا ئامێدیێ
ئەم وەکو رێڤەبەریا پەروەردا قەزا ئامێدیێ بو ھەموو ماموستا و جھێن پەیوەندیدار رون دکەین کو ئەو ژێدەرێن زانیاری بو ئەڤرو نیوز لسەر دابەشکرنا پارێ ماموستایێن وانەبێژ دایی، زانیاریێن شاش داینە، بو رایا گشتی رون دکەین کو پارە درۆست ھاتیە دابەشکرن و مافێ کەسێ نەھاتیە خوارن، و ژ ئەگەرا کێشەکا تەکنیکی پارە زێدە ھاتينە مەزاختن و لژنەیاک بو دوڤچون لسەر کێشێ ھاتیە پێکئینان و ھەموو ئەو پارێ زێدە ھاتیە مەزاختن دێ ھێتە کومکرن و زڤراندن بو گەنجینەیا حوکمەتێ.
پهروەردا قەزا ئامێدیێ
31.1.2018
ئهڤرۆ نيوز، ئەیاد بەرواری:
رۆژناما گاردیان یا بریتانی د ھژمارا خوە یا دوھی دا بەحسێ ھێرشا لەشکرێ تورکی ل سەر عەفرینێ دکەت و دبێژیت، دبیت ئەو شەرە سنورێن نوو ل تورکیا و ئیرانێ و عیراقێ و سووریێ پەیدا کەت.
رۆژناما ناڤبری ئاماژێ ددەت کو کورد تووشی پێرابوونێن دژ دبن ل ئیرانێ و ل عیراقێ و ئیران، عیراق و تورکیا دژی کوردێن عیراقێ راوەستیان ژ بەر کو داخوازا سەربخوەیێ کر، دیارکر ژی ئەڤ سیاسەتە نوکە ل باکورێ سووریێ ژی یا دھێتە پەیرەوکرن ب تایبەتی ل باژێرێ عەفرینێ کو ھێزێن پاراستنا گەل یێن کوردی و ھەڤپشکێ وان یێ سیاسی حزبا ئێکەتیا دیموکرات (پەیەدە) ل وی باژێرێ د بالادەستن و تورکیا وان ب سەر پەکەکێ ڤە دھەژمێریت، د دەمەکی دا ئەو گرۆپە خوە ب سووری و پێگیر ب سنورێن دەڤەرێن خوە دیار دکەن و دبێژین ئەو دسەربخوە نە دناڤ سووریا ئێکگرتی ل پاشەرۆژێ.
رۆژناما گاردیان دبێژیت” کورد ل سووریێ شارەزایی وەرگرت کو ئەو چەندە دێ ھەلویستێ وان ب ھێز ئێخیت وەکو ھێزەک کو نەھێتە پاش گوە ھاڤێتن، ژ بەر ھاریکاریا وان ل گەل ھێزێن لەشکری یێن ئەمریکی و رۆژئاڤای”. زێدەتر دبێژیت” ل دووڤ بۆچوونێن رۆژئاڤای، کا چاوان تورکیا ئەندامە د ھەڤپەیمانیا باکوورێ ئەتلەسی ( ناتۆ) ی دا، کورد ژی ھەڤپەیمان بوون د شەرێ دژی داعشێ دا، ئەڤ چەندە ژی حوکمەتێن وەلاتێن رۆژئاڤای دئێخن بەرامبەر بژاردێن ب زەحمەت ل دۆر شەرێ عەفرینێ”.
بەلاڤکر ژی” دبیت کوردێن تورکیا ڤێ بەھنگاریا کوردی ل وی شەری ب دەلیڤە بزانن و ئەڤ ھەژموونا بەردەوام بۆ نەتەوا کوردی دێ ل عیراقێ و ئیرانێ ژی رۆھن بیت و یاخیبوونا کوردی یا مەزنتر دژی وەلاتێن ئەو تێدا نە ل دەرڤەی چارچۆڤێ شیانایە و لڤینا کوردی یا پێشبینی کری د ناڤ ھەر چار وەلاتان دا ئەنجامێن وێ دبیت دپێشبینی کری نەبن، لەوما پێدڤیە ل سەر وەلاتێن رۆژئاڤا ئارمانجێن خوە دیار کەن کا وان ب دروستی دڤێت چ بدەستڤەبینن بەری شەر بگەھیتە قۆناغەکا دی کو د بەرژەوەندیا یێن دی دابیت.
ئهڤرۆ نيوز:
پەرلەمانێ عێراقێ بڕیاردایە 12ی ھەیڤا گولانا داھاتی ھەلبژارتنێن پەرلەمان و جڤاتا پارێزگەھێن عێراقێ بھێنە ئەنجامدان، نوونەرێن کوردان ژی ل پەرلەمانێ عێراقێ ئاماژە بوێ چەندێ دکەن، ئەو ل گەل پاشخستنا پڕۆسا ھەلبژارتنان بووین، ژبەر کو ھێشتا ھژمارەکا گەلەک یا وەلاتیێن عێراقی ئاوارەنە و دێ ئاستەنگ بۆچێبن ددەمێ ھەلبژارتنان دا، مامۆستایەکێ زانکۆیێ ژی دبێژیت، باشترە کورد ل کەرکووک و خورماتوو ھەلبژارتنان بایکۆت بکەن.
بێریڤان خەیلانی،پەرلەمانتارا کورد ل پەرلەمانێ عێراقێ بۆ رۆژناما ئەڤرۆ گۆت: راستە پەرلەمانی بڕیار لدۆر ژڤانێ ھەلبژارتنان دەرکریە و دێ ددەمێ خوەدا ل رۆژا 12ی ھەیڤا گولانا داھاتی ھێنە ئەنجامدان، بەلێ ئەم ل گەل پاشخستنا پڕۆسا ھەلبژارتناندابووین بۆ دەمێ سالەکێ یان شەش ھەیڤان، ھەتا کۆتلەیێن عەرەبێن سونی پڕۆژەیەکی بۆ ڤێ مەرەمێ پێشکەشی پەرلەمانی کر، ئەڤە ددەمەکی دایە پەرلەمانی چو دەستھەڵات نینە ھەلبژارتنان پاشپێخیت، چونکی ل گوڕ دستوورێ عێراقێ دڤێت د دەمێ چوار سالاندا ھەلبژارتن بھێنە ئەنجامدان، بەھانەیا کۆتلەیێن سونی ئەڤە بۆ دگۆتن پتریا خەلکێ مە ھێشتا ئاوارەیە و ڤەنەگەڕیایە سەر مال و حالێن ددەمێ رێڤەچوونا پڕۆسا ھەلبژارتنان دێ ئاریشە بۆ پەیدا بن، بەلێ
پەرلەمانی ھەر بڕیارا خوە دەرکرن ددەمێ خوەدا ھەلبژارتن بھێنە ئەنجامدان.
بێریڤان خەیلانی گۆتژی” داخوازا عەرەبێن سونە بەرۆڤاژی داخوازا عەرەبێن شیعەیە، ھندی کوردن پتریا مە دگەل پاشخستنێ بووین، ژبەرکو ھێشتا دەڤەرێن ل کەرکووک و دیالە و مووسل داگیرکرینە، عەرەبێن شیعە وەسا دبینن دڤێت ھەلبژارتن ددەمێ خوەدا رێڤەبچن وانژی ئەجێندایێن خوە ھەنە بۆ ھەلبژارتنان.
ژلایێ خۆڤەژی دکتۆر خەلیل ئیسماعیل مامۆستایێ زانکۆیێ بۆ رۆژناما ئەڤرۆ گۆت: ب درێژاھیا دیرۆکێ ھەر دەمێ حوکمەتا عێراقێ یا لاۆازبیت داخوازا دانوستانانکریە ل کوردان و بەرۆڤاژی ھەردەمێ عێراق یا بھێزبیت ئەڤە ھێرشکریە سەر ھەرێما کوردستانێ، لەوڕا نوکە پێدڤیە کورد ھەموو پێکڤە بایکۆتا ھەلبژارتنێن عێراقێ ل کەرکووکێ بکەن، ژبەرکو پشکداریا کوردان د ھەلبژارتناندا ل دەڤەرێن داگیرکری دێ زیانێن مەزن بۆ کوردان ھەبن، راستە ھەگەر پشکداریێ نەکەن دێ کۆرسیێن کوردا کێمتر بن، بەلێ نابیت ھەمبەر زیانێن مەزن یێن پاشە ڕۆژێ ئەم بۆ بدەستڤەئینانا چەند کۆرسیەکان پشکداری ھەلبژارتنان بکەین،بەغدا خوە ب سەرکەفتی دزانیت و دخوازیت کورد و عەرەبێن سونە بینیت بن دەستێ خوە.
دکتۆر خەلیل ئیسماعیل دیارکر” دەڤەرێن کوردستانی ددەمێ نوکەدا داگیرینە و بەغدا دێ ھێزێن سەربازی د پڕۆسا ھەلبژارتناندا بکارئینیت، بتایبەتی ل کەرکووک و خورماتوو، فەرەژی ھەموو لیستێن کوردی ئێک بگرن و بڤی شێوەیێ نوکە نەچنە پڕۆسا ھەلبژارتنان، ئاریشامە تنێ بۆ چوار سالێن داھاتی نینە ل دەڤەرێن کەرکووکێ بەلکۆ بۆ پاشەڕۆژێ دێ عێراق پیلانێن مەترسیدار بکارئنیت.
فرۆکێن روسیا و سووریێ د ناڤبەرا باژێرکێن سامادا و ئەل ئەیس ھێرشی تانک و ترۆمبێلێن سەربازی یێن تورکیا کرن کو دخواستن خوە بگەھیننە ھەوارا رێکخستنا تیرۆرستیا ئەلنوسرا و ئەحرار شام کو ئەڤ دەە رۆژن رژێما ئەسەد ل دژی وان کۆمێن تیرۆرست ئۆپەراسیۆنەکا سەربازی دایە دەستپێ کرن.
دەولەتا تورکیا ھێرشێن دژوار دکەتە سەر باژێرک و گوندێن سەر ب کانتۆنا عەفرینێ و وەلاتیێن سڤیل بۆمبەباران و تۆپباران دکەت و د رۆژا خوە یا ١١ دا ژی ھێزێن یەپەگێ بەرخوەدانیەکا مەزن ل دژی ئۆپەراسیۆنا داگیرکرنێ یا تورکیا و تیرۆرستێن سوپایێ ئازاد دکەن و د شەرێ رۆژا ١١ دا ھێزێن کوردی شیان گوندێن ھەمام و قەستەلێ دوبارە ئازاد بکەن و ٣٩ سەربازێن تورک و تیرۆرستێن سوپایێ ئازاد بکوژن و ٢٣ کەس ژی بریندار کرن و شەرڤانەکی کورد ژی د شەرێ قەستەلێ دا جانێ خوە ژ دەست دا.
د ڤێ مژارێ دا رۆنی ئازاد رۆژنامەڤانێ کورد ل عەفرینێ راگەھاند کو دەولەتا تورکیا ب ھەموو ھێزا خوە یا ئەسمانی و ئەردی و ب تەکنیکێن خوە یێن پێشکەڤتی ھێرشێن دژوار دکەتە سەر گوند و باژێرکێن عەفرینێ و ھەتا نھا د ناڤا ١١ رۆژان دا ژ سەدی زێدەتر وەلاتیێن سڤیل ژ ئەنجاما ھێرشێن فرۆکێن تورکیا جانێ خوە ژ دەست داینە و نێزیکی ٢٠٠ کەس ژ وەلاتیێن سڤیل ژی کو پرانیا وان ژن و زارۆنە بریندار بووینە و گۆت: (دەولەتا تورکیا بۆمبێ ناپالم یێ قەدەغەکری ل باژێرکێ راجۆ و جندریسێ بکار ئیناینە و ل ھەمبەر ھێرشێن دژوار یێن تورکیا و تیرۆرستێن سەر ب وێ ڤە، شەرڤانێن کورد ب کەمین و ھێرشێن ژ نێزیک ڤە دربێن گران ل تورکیا ددەن و ھەتا نھا ژ بلی چار گوندێن سەر سنور چ دەڤەرەک عەفرینێ نەکەڤتیە دەستێ تورکیا و ھژمارا کوشتیێن تورکیا گەلەک زێدەنە).
رۆنی راگەھاند ژی کو نھا د ناڤبەرا کانتۆنا کۆبانێ و عەفرینێ دەریێ ھاتن و چوونێ ڤەبوویە و ھێزێن کوردی دشێن ھەم ھەڤکاریا خۆراک و ھەم ژی ھەڤکاریا سەربازی بگەھیننە عەفرینێ و د رەوشا نھا دا ب ھزاران ھێزێن نوو یێن یەپەگێ و ھێزێن سووریا دیمۆکراتیک گەھشتینە عەفرینێ و گۆت: (فەرماندارێن یەپەگێ و ھێزێن سووریا دیمۆکراتیک ئەڤ دو رۆژ بوون کۆمبوونان ساز دکرن بۆ باشتر پاراستنا عەفرینێ و ڤەکرنا بەرەیەکی دی یێ شەری ل دژی تورکیا و تیرۆرستێن سەر ب وێ ڤە و د ڤێ چارچۆڤێ دا ئەم چاڤەرێ دکەین کو د رۆژێن داھاتی دا یەپەگە و ھێزێن سووریا دیمۆکراتیک ئۆپەراسیۆنا ئازادکرنا باژێرکێن باب و عەزازێ بدەنە دەستپێ کرن و بارێ سەر عەفرینێ سڤک بکەن و د رەوشا نھا دا یەپەگە و
ھێزێن سووریا دیمۆکراتیک ب ئاسانی دشێن ھاتن و چوونێ د ناڤبەرا کانتۆنێن رۆژئاڤا دا بکەن و ئەو یەک دەستێ یەپەگێ ب ھێز کریە).
رۆنی ئازاد ھەروەسا راگەھاند ژی کو رژێما ئەسەد ژی ئۆپەراسیۆنا رزگارکرنا ئدلیبێ ژ دەستێ تیرۆرستێن ئەلنوسرا و ئەحرار شام دژوار کریە و دەولەتا تورکیا خواست خوە بگەھینیتە ھەوارا تیرۆرستان و نێزیکی سەد تانک و ترۆمبێلێن سەربازی و چەک و تەقەمەنی و چەکداران بگەھینیتە باژێرکێ ئەل ئەیس و ل ھەمبەر دا فرۆکێن شەری یێن روسیا و سووریێ ھێرشی تانکێن تورکیا کرن و ئەو نەچار کرن کو پاشڤە ڤەگەرن.
ئهڤرۆ، رهوان نهێلى
پشتى داخوازكارێ گشتى ل دهۆكێ داخوازا ڤهكرنا رێیا خزمهتگوزارى یا ههمبهر ئۆتێلا ركسۆس كرى، ئهڤرۆ باژێرڤانیا دهۆك و كارگێریا ئۆتێلێ گههشتنه چارهكا ناڤنجى و رێ دێ هێته ڤهكرن كو رهنگه سوبه یان دوسبه ب فهرمى بهێته ڤهكرن.
رۆژناما ئهڤرۆ بوچوونا لایهنێ بهرپرس ل دۆر ڤێ كێشێ وهرگرتیه، سوبه چاڤهرێى بن كو چارهسهریهكا ناڤنجى بۆ كێشێ هاتیه دیتن و رۆژناما ئهڤرۆ هوردهكارى بهلاڤ كرینه.
ئهڤرۆنيوز:
حوكمهتا ههرێما كوردستانێ سهبارهت وان فهرمانبهرێن پشتگيرى بۆ دهێته دروستكرن ژلايێ وهزارهتان ڤه بۆ فهرمانگهها پهيوهنديێن دهرڤه ب مهرهما وهرگرتنا ڤێزا، بريارهك دهركر.
ل دووڤ بهلگهنامهكا فهرمى يا سهرۆكاتيا جڤاتا وهزيرێن ههرێما كوردستانێ داخوازا وهرگرتنا چهندين پێرابوونان كريه ل دهمێ داخوازكرنا ڤيزا ژلايێ فهرمانبهران ڤه.
دوێ بهلگهنامێ دا هاتيه” هژمارهك ژوان فهرمانبهرێن كو ب ئهگهرێن جودا جودا ژلايێ وهزارهت وفهرمانگههان پشتگيرى بۆ دهێته دروستكرن بۆ فهرمانگهها پهيوهنديێن دهرڤه، ب مهرهما وهرگرتنا ڤيزێ، پشتى دگههنه وان وهلاتان داخوازا مافێ پهنابهريێ يان ئاكنجيبوونێ دكهن، ڤێ چهندێ ژى كاريگهريا مهزن ل سهر ناڤ وناڤبانگيا ههرێما كوردستانێ ودامودهزگهێن وێ كريه”.
جڤاتا وهزيرێن ههرێما كوردستانێ دووپاتى كريه كو ل دهمێ پێدانا پشتگيريێ بۆ وهرگرتنا ڤيزێ، پێدڤيه فهرمانگهه گهلهك پێرابوونان وهرگرن، ل دۆر وان پێرابوونان هاتيه” ل دهمێ داخوازكرنا ڤيزێ، گهشتكرنا وهلاتان بۆ فهرمانبهرێن وهزارهت ودامودهزگههێن حوكمهتێ، پێدڤيه پشتى پشت راستيێ ژ راستى ودروستى ومهرهما داخوازكهري ڤيزێ، د ڤى رهوشێ دا زێدهتر رهوشا نهخوهشيێ ل بهر چاڤ بهێته وهرگرتن”.
ئهو چهنده ژى هاتيه رۆهنكرن، ههكه داخوازكهرێ ڤيزێ بۆ نهخوهشيێ وبوارێ مرۆڤايهتيێ بيت، پێدڤيه فهرمانبهر سۆزنامهكا فهرمى ويا پشت راستكرى ژلايێ فهرمانگههێن دادنڤيسى پێشكێش بكهت ودڤێت فهرمانبهر دوێ سۆزنامێ دا ب رۆهنى ئاماژێ ب ناڤێ وى وهلاتى بكهت يێ كو دڤێت بچيتێ، ل گهل ئهگهرێ چوونێ وسۆزێ بدهت كو پشتى ب دووماهى ئينانا كارێ خوه ل وى وهلاتى، بهرێ ب دووماهى هاتنا دهمێ ڤيزا خوه، دێ زڤريته ههرێما كوردستانێ وب چو شێوهكى داخازا مافێ پهنابهريێ وئاكنجيبوونێ ل وى وهلاتێ دچيتێ نهكهت.
جڤاتا وهزيران دياركريه، ئهو كهسێ وێ سۆزنامێ بدهت وپاشى پێگير نهبيت دێ تووشى سزاين قانوونى يێن توند بيت، ديسا ئاگههداريا ههموو وهزارهت وفهرمانگههێن ههرێمێ كريه كو پێگيريێ ب ڤى بابهتى بكهن.
ئهڤرۆنيوز:
لژنا دارايى ل پهرلهمانێ عيراقێ دنڤيسارهكێ دا بۆ وهزارهتا دارايى يا عيراقێ، داخوازا ب دووماهى ئينانا برينا مووچێ فهرمانبهرين عيراقێ دكهت كو بۆ ئاواره وحهشدا شهعبى دهێنه مهزاختن.
پهرلهمانێ عيراقێ دبريارهكێ دا كو دقانوونا بودجا سالا 2017 هاتبوو جهگيركرن، رێژا 3،8% ژ مووچێ ههر فهرمانبهرهكێ عيراقى دبرى بۆ مهزاختيێن ئاواران وحهشدا شهعبى وچهندين مهزاختيێن دى
لژنا داريى يا پهرلهمانێ عيراقێ ب نڤيسارا خوه يا هژمار 2289 ل 28/1/2018، كو ئاراستهى وهزارهتا دارايى يا عيراقێ كريه دبێژيت” ئه و بريار بۆ سالا 2017 بوو وبهردهواميدان ب برينا رێژهكا مووچێ فهرمانبهر وخانهشنينێن عيراقێ، يا قانوونى نينه وپشت بهستنێ ب شهرعيهتا دستوورى وقانوونى ناكهت وسهرپێچيه ل سهر قانوونا ئيدارا دارايى وقانوونا بودجا فيدرالى”.
لژنا دارايى يا پهرلهمانى داخواز ژ وهزارهتا دارايى يا عيراقێ دكهت كو وێ رێژا دياركرى ژمووچێن فهرمانبهران وخانهشينان ل سالا 2018 نهبرن وئهو رێژا ژ مووچێن وان يێن ههيڤا كانوونا دويێ 2018 هاتيه برين، دووباره بۆ وان بهێته زڤراندن.
ئهڤرۆنيوز:
دهزگههێ گشتى يێ كاروبارێن مينان ل ههرێما كوردستانێ دكۆنگرهكێ رۆژنامهڤانى دا ئهڤرۆ سێشهمبى 30/1/2018، پۆختا كار وچالاكيێن سهرهكى يێن خوه ل سالا 2017 راگههاند.
عهلى حهمهد بهگ، جێگرێ سهرۆكێ دهزگههێ گشتى يێ كاروبارێن مينان ل ههرێمێ دوى گۆنگرهى دا، گۆت” ددهمێ سالهكێ دا دهزگههێ مه شيايه 13 مليۆن و682 هزار و19 مهترێن دوجاركى پاقژ بكهت ب دهڤهرێن ئازادكرى ژدهستێ داعشێ ڤه”.
گۆت ژى” زێدهتر ژ 27 هزار و108 مين وتهقهمهنى وبۆمبێن چاندى يێن پاشمايێ شهران هاتينه ژكارخستنو ژناڤبرن كو ژناڤبرنا ههر ئێك ژوان گيانێ ب دههان كهسان ژمرنێ رزگاركريه”.
پاشى نيازى خالد رێڤهبهرێ گشتيێ ديوانا دهزگههێ گشتيێ يێ كاروبارێن مينان ل ههرێمێ بهحسێ داهات ومهزاختيێن دهزگههێ ناڤبرى كر وراگههاند” د سالا 2017 دا، زێدهتر ژ 40 مليۆن ديناران ل گهل نێزيكى 60 هزار دۆلاران مه داهات بۆ حوكمهتا ههرێمێ ههبوو، دبهرامبهر دا زێدهتر ژ 14 مليار مهزاختى بوون دوێ سالێ دا”.
ههر دوى كۆنگرێ رۆژنامهڤانيدا، عوبهيد ئهحمهد رێڤهبهرێ گشتيێ كاروبارێن تهكنيكى ئامارا شههيد وقوربانيێن مين وتهقهمهنيان ددهمێ سالهكێ دا راگههاند وگۆت” ل سالا 2017 دا مه 23 قوربانى ههبوون كو11 ژوان گيانێ خوه ژدهستدايه و12 كهسێن دى بريندار وكێم ئهندام بووينه، بهراوردكرن ل گهل سالا 2016، رێژه يا بهر ب كێمبوونێ چووى كو ل سالا 2016 هژمارا قوربانيان 41 كهس بوون كو 16 كهس ژوان گيانێ خوه ژدهستدابوو”.
ناڤبرى ئهگهرێ كێمبوونا رێژا قوربانيێن مين وتهقهمهنيان ل سالا 2017 بهراوردكرن ل گهل سالا 2016 زڤراند بۆ لهزاتيا پرۆسا پاكسازيێ وتيمێن هشياريێ يێن ب سهر دهزگههێ مينان كو ب رێيا تيمێن هشياركرنێ زێدهتر ژ 142 هزار و69 كهس ژ بهرنامێ هشياركرنێ ژمهترسيێن مين وتهقهمهنيان، مفادار بوون.
نيازى خالد گۆت ژى” 57 زهڤيێن مينان پشتى هاتينه پاقژكرن، هاتن رادهستكرن بۆ خودانێن وان ونوكه دوباره وهلاتى بۆ كارێ چاندنێ وئاژهلداريێ بكاردئينن”.
دهزگههێ گشتى يێ كاروبارێن مينان، ههموو كاروبارێن مين وتهقهمهنيان ل ههرێما كوردستانێ ودهڤهرێن دهرڤهى ئيدارا ههرێمێ ئهنجام ددهت وراستهوخوه ب سهر جڤاتا وهزيرێن ههرێما كوردستانێ ڤهيه، ههتا نوكه ب هاريكاريا كۆمپانى ورێكخراوێن ناڤخوهيى ونێڤدهولهتى شيايه زێدهتر ژ رێژا 65% ژ وى ئهردى ل ههرێمێ ب مين وتهقهمهنيان پێسبووى، پاقژ بكهت ودبهرنامێ وێ دايه ژى ددهمێ پێنج سالێن دى مين وتهقهمهنى ل كوردستانێ نهمينن.
نيشاندان