ئەڤرۆ نیوز:

ئەڤرۆ دایکا عایشە دایکا سێ شەهیدان وەغەر کر و سەرۆک مەسعود بارزانی ژی پەیامەک بەلاڤ کر.

د پەیاما خوە دا سەرۆک مەسعود بارزانی دیار دکەت کو دایکا عایشە نموونا خوراگریێ و ئازایەتیێ بوو و من ئەو شانسە هەبوو کو سەرەدانا وێ بکەم و گەلەک تشتان ژێ فێر ببم.

سەرۆک بارزانی دیار ژی دکەت کو سەرەخوشیێ ل خزم و کەسوکارێن دایکا عایشە دکەم و خوە ب شریکێ خەما وان دزانم و داخواز ژ خودایێ مەزن دکەم کو رەحمەتیێ ب بهەشتا خوە شاد بکەت.

دایکا عایشە وەکو دایکا شەهیدان دهاتە نیاسین و سێ کورێن وێ د شەرێ ل دژی رێکخراوا تیرۆرستی یا داعشێ دا شەهید بوون و ئەڤرۆ د ژیێ ٩٤ سالیێ دا ژ بەر نەخوشیێ وەغەر کر.

ئەڤرۆ نیوز:

سەرۆکێ حوکمەتا هەرێما کوردستانێ مەسرور بارزانی ل گەل هەڤسەرۆکێ ئێکەتیێ بافل تالەبانی کۆمبوون و د کۆمبوونێ دا بەحسێ ئاریشێن نها ل کوردستانێ و ئالۆزیێن د ناڤبەرا پارتی و ئێکەتیێ دا هاتنە کرن.

ل گۆر زانیاریان هەڤسەرۆکێ ئێکەتیێ دیار کریە کو نابیت ئالۆزیێن د ناڤبەرا پارتی و ئێکەتیێ دا کارتێکرنێ ل کارێ حوکمەتا هەرێما کوردستانێ بکەت و ئەو وەکو ئێکەتی پشتەڤانیێ ل حوکمەتێ دکەن.

ژ ئالیێ خوە ڤە سەرۆکێ حوکمەتا هەرێما کوردستانێ دیار کریە کو کوردستان د قۆناغەکا سەخت دا دەرباز دبیت و ئالۆزیێن نها کارتێکرنەکا خراب ل جڤاکێ کریە و دڤێت هەموو ئالی پشتەڤانیێ ل بەرنامێ چاکسازیێ یێ حوکمەتێ بکەن دا حوکمەت بشێت خزمەتا هەموو وەلاتیان ل هەرێما کوردستانێ بکەت.

ئەڤرۆ نیوز:

سەرۆک مەسعود بارزانی ب رێیا پەیوەندیەکا تەلەفونێ ل گەل عومەر سەید عەلی رێکخەرێ گشتی یێ بزاڤا گۆڕان ١١ مین سالیادا ئاڤاکرنا بزاڤا گۆڕان ل رێکخەری گشتی و ئەندام و هەموو ئالیگرێن بزاڤا گۆڕان پیرۆز کر و هێڤیا سەرکەفتنێ بۆ وان خواست.