ئهڤرۆ نيوز:
پرۆژێ هنارتنا چهكى ب رهنگهكێ ئێكسهر بۆ حوكمهتا ههرێما كوردستانێ و هێزا پێشمهرگهيى ژ لايێ وهلاتێن ئێكگرتى يێن ئهمريكا ڤه، دهنگێن پێدڤى ل جڤاتا پيران ب دهستڤهنهئينا.
ههر چهنده پشكهكا سناتۆرێن ئهمريكا بهرى نوكه بهحس ل وێ چهندێ كربوو كو پێدڤيه ئهمريكا ئێكسهر چهكى ب كورد و هێزا پێشمهرگێ كوردستانێ بدهن، بهلێ سيناتۆرێن ئهمريكا دژى وى پرۆژهيى دهنگ دا و رازينهبوون بێى ڤهگهريان بۆ بهغدا چهكى بدهنه پێشمهرگهيى.
رۆژا سێشهمبى رێكهفتى 16ى خزيرانێ جڤاتا پيرێن ئهمريكا رێ ل وێ چهندێ گرت كو دهستهلاتا وێ چهندێ ب كوچكا سپى بهێته دان ئێكسهر بێى ڤهگهريان بۆ بهغدا چهكى بدهته حوكمهتا ههرێما كوردستانێ.
د روونشتنا رۆژا سێشهمبى دا و پشتى دانوستاندنێ ل سهر پرۆژهيى دانا دهستهلاتێ ب سهرۆكێ ئهمريكا دا كو بڕيارێ ل سهر هنارتنا چهكى و تهقهمهنيان بۆ پێشمهرگهيى بدهت بێ ڤهگهريان بۆ بهغدا، 45 سيناتۆران دهنگێ نهخێر دا و د بهرامبهر دا 54 دهنگ ل گهل پرۆژهيى بوون.
ب گۆرهيى قانوونێن تايبهت ب سياسهتا بهرهڤانيێ ل ئهمريكا ئهوى پرۆژهيى پێدڤى ب 60 دهنگان ههبوو ل جڤاتا پيران، دا كو بهێته پهسهندكرن، بهلێ د وێ روونشتنێ دا ب تنێ 54 دهنگ ب دهست ڤه ئينان.
ئهو سيناتۆرێن دهنگێ نهخێر داين وهسان دديت كو دانا چهكى ب پێشمهرگهيى دژى سياسهتا ئهمريكايه بۆ شهرێ دژى تيرۆرێ و ئێكپارچهيا عيراقێ، ژ بهر هندێ وهسان دبيت كو ههر چهكهكێ ب كوردێن باشوورێ عيراقێ بهێته دان دڤێت د رێيا بهغدا دا بيت.
ژێدهر: رووداو
ئهڤرۆ نيوز:
ژ بهر هاتنا ههيڤا رهمهزانا پيرۆز، حوكمهتا ههرێما كوردستانێ دهمژمێرهك ژ دهواما فهرمى يا فهرمانگههان كێم كر.
سهفين دزهيى ئاخفتنكهرێ ب ناڤێ حوكمهتا ههرێما كوردستانێ د داخۆيانيهكێ دا بۆ مالپهرێ فهرمى يێ حوكمهتا ههرێما كوردستانێ راگههاند: ب ههلكهفتا هاتنا ههيڤا رهمهزانا پيرۆز، پيرۆزيێن خوه ل ههموو پێشمهرگێن قارهمانێن كوردستانێ و خێزانێن شههيدێن سهربلندێن شهرێ تيرۆرێ و ههموو موسلمانێن كوردستانێ و عيراق و جيهانێ دكهن و هيڤى خواستن ئهڤ ههيڤه ببيته ئهگهرێ بهرقرابوونا ئاستێ سهقامگێرى و ئارامى و سهركهفتنێ ب سهر تيرۆرێ دا.
دبێژيتژى: “ب ههلكهفتا ههرێما رهمهزانا پيرۆز ژى رادگههينن كو دهواما فهرمى ل ههموو دامودهزگههێن حوكمهتا ههرێما كوردستانێ دێ بۆ ماوێ ئێك دهمژمێر هێته كێمكرن ئانكو ل دهمژمێر 8:30 دهقيقهى سپێدێ دێ دهسپێكهت و 1:45 دهقيقه دێ ب دووماهى هێت و رۆژێن پێنجشهمبى ژى دێ 12:45 دهقيقه ب دووماهى هێت.
ئهڤرۆ نيوز:
بهرى ماوهكێ كێم هندرين محهمهد سهرۆكێ كۆمسيۆنا بلندا سهربهخۆيا ههلبژارتن و راپرسيان ل ههرێما كوردستانێ راگههاند كو ژ بهر چهندين ئهگهران ئهو نهشێن ل 20ى تهباخێ ههلبژارتنێن سهرۆكاتيا ههرێما كوردستانێ ب رێڤه ببهن.
هندرين محهمهد، سهرۆكێ كۆمسياران ل ههرێما كوردستانێ راگههاند، د كۆمبوونا نهيا ئاسايى يا جڤاتا كۆمسياران دا، بڕيار دايه كو ههلبژارتن بۆ سهرۆكێ ههرێما كوردستانێ ل 20ى تهباخا 2015ێ ب رێڤه نهچن.
هندرين محهمهد بهحس ل وێ چهندێ كر كو ئهگهرێ ب رێڤهچوونا ههلبژارتنان دكهت و دبێژيت: “ژ ئهگهرێ نهبوونا بودجهيێ پێدڤى نهشێن د ڤى دهمى دا ههلبژارتنان ئهنجام بدهن”.
فوئاد حسێن سهرۆكێ ديوارا سهرۆكاتيا ههرێما كوردستانێ رۆژا شهمبى 13ى خزيرانا 2015ێ د داخۆيانيهكێ دا راگههاند: “بهرێز مهسعود بارزانى، سهرۆكێ ههرێما كوردستانێ و پشت بهستن ب قانوونا سهرۆكاتيا ههرێما كوردستانێ يا ژماره “1” يا سالا 2015ێ يا راستڤهكرى و ب فهرمانا ژماره “91” يا سالا 2015ێ بڕيار دا ههلبژارتنێن گشتى بۆ سهرۆكاتيا ههرێما كوردستانێ ل 20ى تهباخا 2015ێ بهێنه كرن”.
ئهڤرۆ نيوز:
ھێزێن کوردان ل گەل بورکان فرات و ب ھەڤکاریا فرۆکێن ھەڤپەیمانا نێڤدەولەتی باژێرکێ گرێ سپی (تل ئەبیەد) رزگار کرن و ھەردو کانتۆنێن کۆبانێ و جزیرێ ب تەمامی پێکڤە ھاتنە گرێدان و پرانیا تیرۆرستێن ل گرێ سپی ھاتنە کوشتن و ھژمارەک زێدە ژی د دەمێ کو رەڤیان باژێرکێ ئاکچاکالە ل سنۆری ژ ئالیێ سەربازێن تورکیا ڤە ھاتنە گرتن و نھا دەریێ تورکیا ژ داعشێ ھاتە بڕین.
یەک ژ فەرەماندارێ ھێزێن یەکینەیێن پاراستنا گەل (YPG) حسێین کۆچەر د داخویانیەکی دا بۆ رۆژناما ئەڤرۆ راگەھاند کو ئۆپەراسیۆنا ھێزێن وان یا بۆ ئازادکرنا باژێرکێ گرێ سپی و گوندێن د ناڤبەرا کانتۆنا جزیرێ و کۆبانێ دا ب داوی ھاتیە و ھەموو دەڤەر ھاتنە ئازادکرن و گۆت: (نھا ئەم دێ ب ھەموو ھێزا خوە ڤە کار بۆ ئازادکرنا باژێرکێ جەرابلوسێ و گوندێن د ناڤبەرا کانتۆنێن عەفرین و کۆبانێ دا بکەین و ھەتا ھەموو ئاخا رۆژئاڤا بھێتە رزگارکرن دێ ئۆپەراسیۆنێن مە ژی بەردەوام بکەن).
حسێن کۆچەر ھەروەسا دیار ژی کر کو ئەڤە دو سال بوون گرێ سپی د بن کۆنترۆلا تیرۆرستێن داعشێ دا بوو و گرێ سپی کربوونە بنگەھێ سەرەکی یێ د شەرێ ل دژی گەلێ کورد دا و گۆت: (نھا ب سایا رزگارکرنا باژێر دێ پەیوەندیێن وان تیرۆرستان یێ ل گەل تورکیا ژی ھێتە بڕین و بزاڤێن وێ لاوازتر ببن لێ دیسان ژی بۆ پاراستنا دەستکەڤتان و جان و مالێن وەلاتیان دڤێت بێی ناڤبەر ئۆپەرسیۆنێن مە بەردەوام بکەن ھەتا کو کانتۆنا کۆبانێ و کانتۆنا عەفرینێ ژی ب تەمامی ب ھەڤدو را دھێنە گرێدان و ھەتا ژ دەستێ مە بھێت ئەم دێ تیرۆرستان ژ ئاخا خوە دوور بکەن).
فەرماندارێ YPG ھەروەسا دیار ژی کر د ئازادکرنا گرێ سپی دا بورکان فرات و لیوا تەحریر رۆلەکا گەلەک گرنگ گێراینە و فرۆکێن ھەڤپەیمانان ژی ب بۆمباباران کرنا بنگەھێن تیرۆرستان دەستێ مە د شەرێ ل دژی تیرۆرێ و ئازاد کرنا ئاخا رۆژاڤا دا ب ھێز کر و گۆت: (ئەم داخواز ژ وەلاتیێن خوە ب ھەموو پێکھاتەیان ڤە دکەین کو ڤەگەرنە باژێرکێ گرێ سپی و ئەم پێکڤە باژێرکێ خوە ژ نوو ڤە ئاڤەدان بکەین).
ل ئالیێ دی دەزگەھێن راگەھاندنێن جیھانێ د نووچە و راپۆرتێن خوە دا سەرنج راکێشانە سەر ئازادکرنا باژێرکێ گرێ سپی ژ ئالیێ ھێزێن کوردان ڤە و ئاشکرا ژی کرن کو ئێدی کورد بووینە ھەڤپەیمانێ سەرەکی یێ ئوروپا و ئەمریکا و وەلاتێن دیمۆکراتیک و دڤێت ھەموو جیھانا پێشکەڤتی د ھەر واری دا ھەڤکاریا کوردان بکەن.
کەنالێ ٢٤ یێ ئیسپانیا، رادیۆیا دویتشە یا ئەلمانیا و تەلەفزیۆنا فرانس پێنج و کەنال دی و کەنالێ CNN یێن تورکی د نووچەیێن خوە دا جھەکی گرنگ دانە بەرخوەدانا کوردان و دیار کرن کو کوردان سەرکەڤتنەکا مەزن ل دژی تیرۆرستان تۆمار کرینە.
ئەڤرۆ نیوز:
بەرپرسێ دەزگەھێ ھەلبژارتنێن پارتی دیموکراتی کوردستان ئاشکراکر، کۆمسیۆنا ھەلبژارتنێن ھەرێما کوردستانی شیانێن ب رێڤەبرنا ھەلبژارتنێن ٢٠ی تەباخێ نینە و دیارکر، دەنگێن پارتی ھەکە زێدە نەکربن کێم نەکرینە و جەماوەرێ پارتی وەکی خوە مایە، ھەروەسا گۆت، ل دووڤ ھەر راپرسیەکێ، ھەکە ھەلبژارتن بھێنەکرن، سەرۆک بارزانی چو ھەڤڕک نینن بۆ بدەستڤەئینانا دەنگان.
خەسرۆ گۆران، بەرپرسێ دەزگەھێ ھەلبژاتنێن پارتی دیموکراتی کوردستان بۆ رۆژناما ئەڤرۆ گۆت” دوھی دەزگەھێ ھەلبژاتنێن پارتی دیموکراتی کوردستان کۆمبوونا خوە یا ئاسایی گرێدا و تێدا رەوشا نوکە یا ھەرێما کوردستانێ و ھەلبژارتنێن تورکیا ھاتنە بەحسکرن، ھەروەسا د کۆمبوونێ دا ب رژدی ل سەر فەرمانا سەرۆک بارزانی راوەستیاین بۆ ھەلبژاتنێن سەرۆکایەتیا ھەرێما کوردستانێ ھەکە بھێنەکرن، چونکی ئەم وەک دەزگەھێ ھەلبژارتن ھەر ژنوکە یێ خوە بەرھەڤ دکەین بۆ ھەر ھەلبژارتنەکێ ھەکە بھێتەکرن، ژ بەر کو ئەڤە دو سال ب سەر ھەلبژارتنێن ھەرێمێ ڤە دەربازبوون و دڤێت خوە بەرھەڤ بکەین، یان ھەکە راپرسی ل سەر دستووری بھێتەکرن، یان ژی ھەر ھەلبژارتنەکا ژنشکەکێڤە بھێتەکرن ئەم د بەرھەڤین”.
خسرۆی زێدەتر گوت” ئەم باوەرناکەین ل رۆژا ٢٠ تەباخێ ھەلبژارتنێن سەرۆکایەتیا ھەرێمێ بھێنەکرن، ژ بەر کو کۆمسیۆنا ھەلبژارتنان ل ھەرێمێ یا بەرھەڤ نینە ژلایێ پراکتیکی و دارایی و لۆجستی ڤە و شیانێن ب رێڤەبرنا ڤان ھەلبژارتنان نینن، ب کێمی ڤە ١٢٠ رۆژ پێدڤینە بۆ خوە بەرھەڤکرنێ، جارێ کۆمسیۆنا ھەلبژارتنان ل کوردستانێ ھەر نەشێت بکەت، چونکی یا ژ نوو یا ھاتیە دامەزراندن و تنێ ب ھەڤکاریا بەغدا دێ شێت ب رێڤەبەت”.
ل دۆر پێشبینیا رێژەیا دەنگێن پارتی، خەسرۆی گۆت” ھەلبژارتنێن پەرلەمانێ عیراقێ ھاتنەکرن و چو جۆداھیەکا وەسا ل گەل ھەلبژارتنێن پەرلەمانێ کوردستانێ نەبوون، ئەڤە دەربارەی دەنگێن پارتی، رێژەیا دەنگێن پارتی بۆ ھەردو پەرلەمانان نێزیکی ئێکبوو، چو گۆھۆڕین ب سەر دەنگێن پارتی دا نەھاتن، نوکە ژی ئەز پێشبینیێ دکەم پارتی ھەر جەماوەرێ خوە یێ مای و ھەکە دەنگێن پارتی زێدە نەکەن، ئەز د وێ باوەرێ دا نینم کو دەنگێن پارتی کێم بکەن ھەمبەرکرن ل گەل ھەلبژارتنێن بۆری”.
بەرپرسێ دەزگەھێ ھەلبژارتنێن پارتی دیارکر” دەربارەی سەرۆک مەسعود بارزانی، گورەی ھەموو راپرسیەکێ بارزانی کەسێ ھژمار ئێکە ل ھەرێما کوردستانێ و ھەر ھەلبژارتنەک بھێتەکرن، چو کەس پتری سەرۆک بارزانی دەنگان بدەستڤەنائینیت، ھەتا ھەکە سەرۆک بارزانی ٤٠%ێ یا دەنگان بینیت، یان ژی ٥٠%ێ بینیت، ھەر دێ سەرکەڤیت، چونکی چو کەسێن دی ناگەھنە ڤێ رێژا سەرۆکی ھەی، د ھەلبژارتنێن بۆری دا یێن سەرۆکاتیا ھەرێمێ، سەرۆک بارزانی ٧٠%ێ دەنگان ژ بدەستڤەئینان، بەلێ ھەردو حزب پارتی و ئێکەتی پێکڤەبوون، ھەکە ڤێ جارێ جودا پشکداربن، بێگومان ڤێ رێژێ بدەستڤە نائینیت، بەلێ ل گەل ڤێ چەندێ ژی ئەز باوەرناکەم چو کەسەکی ھندی سەرۆک بارزانی دەنگ ھەبن”.
سەرۆکێ ھەرێما کوردستانێ مەسعود بارزانی، ل دووڤ قانوونا سەرۆکاتیا ھەرێما کوردستانێ یا ھژمار (١) ل سالا ٢٠٠٥ ێ یا راستڤەکری، بریار دابوو ل رۆژا ٢٠ تەباخا ٢٠١٥ ێ ھەلبژارتنێن گشتی بۆ پۆستێ سەرۆکێ ھەرێما کوردستانێ بھێنە ئەنجامدان.
ئهڤرۆ نیوز:
ب مهرهما كێمكرنا بهایێ دولارى بهرامبهر دینارێ عیراقى، كو ماوهیهكه بهرهڤ بلندبوونێ یێ چووى، بانكا ناوهندیا عیراقێ چهند بریارهك دهركرن.
ل دووڤ بهیاننامهكا بانكا ناوهندیا عیراقێ، ب مهرهما دابینكرنا خواستا بانكان ل سهر دراڤێن بیانى، ل 20 ڤێ ههیڤێ بهێنڤهدانا رۆژێن شهمبى یا فهرمانبهرێن بانكا ناوهندى یا عیراقێ دێ هێته ههلوهشاندن و ئێدى فهرمانبهرێن وان بانكان رۆژێن شهمبى ژى دێ دهوامێ كهن.
ئهڤرۆ نیوز:
عەلی حەمە ساڵح، جێگرێ سهرۆكێ لژنا دارایى ل پهرلهمانێ كوردستانێ راگههاند: رهوشا داراییا ههرێمێ زور یا خرابه و وهزارهتا دارایى ژى شیانێن ب تمامى شیانێن دابینكرنا مووچێن ههیڤا نیسانێ نینه ژبهر كو بهغدا 508 ملیار دینار بۆ ههرێمێ یێن هنارتین و پارێ بو موچان پێدڤى 850 ملیار دینارن.
عەلی حەمە ساڵح دیسا دیاركریه: كو نوكه یا راوستیاى د ئاست بریاردان ل دۆر كێشێن دارایى و پشتى دهربازبوونا 16 رۆژان ههرێمێ بریارا خوه ل دۆر نههنارتنا نهفتێ ب رێیا كومپانیا سومو نهدایه.
نيشاندان