ئهڤرۆ:
سهرۆكێ ههرێما كوردستانێ پهیامهك ل دۆر رهوشا سیاسى یا ههرێمێ و پرسا سهرۆكاتیا ههرێمێ بهلاڤكر و تێدا هاتیه بهرى دو سالان من داخواز ژ سهرۆكاتیا پهرلهمانى كریه كو ل گهل حزبان پرسا سهرۆكاتیا ههرێمێ ب لێك تێگههشتنێ ئێكلا بكهن و بهرى چهند ههیڤهكان ژى ل گهل حزبان روونشتم و من داخواز ژێ كر زوو چارهكێ بۆ ڤێ پرسێ ببینن.
د پشكهكا دى یا پهیاما سهرۆك بارزانى دا هاتیه: د ماوێ بورى دا من ههموو كارێن خوه یێن سهرهكى ب رێیا تهوافوق و راوهرگرتنێ یێن ئهنجامداین و من رێز ژى یا ل سازان و رێككهفتنا لایهنان گرتى و هاریكاریا وان یا كرى ههتا كو ئهو سازانه رهنگهكێ قانوونى وهربگریت.
ئهو ل رۆژا 23 خزیرانێ ل پهرلهمانى رووداى، مهترسیه ل سهر بنهمایێ تهوافوق و سازانێ، ئهو بنهمایێ كو سهرۆكاتیا پهرلهمانى و كابینا ههشتێ ل سهر هاتینه دامهزراندن، نوكه ژى ژ بهر بهرژهوهندیا گهل و وهلاتێ مه داخوازێ ژ حزبان دكهم، دوور ژ بهرژهوهندیا حزبى یا بهرتهنگ و ل بهرچاڤگرتنا بهرژهوهندیا وهلاتى و كاودانێن نوكه یێن ههستیار، بۆ بنهمایێ سازانێ ڤهگهڕن، چونكو ب تنێ ب سازانێ پرسێن نیشتمانى و سهرهكى ب پرسا سهرۆكاتیا ههرێمێ ژى ڤه قابلى چاهر كرنێ نه. ههروهسا ئهركهكێ نیشتمانى دكهڤیته سهر لایهنان ههتا بهرى 8/20 بگههنه ئهنجامهكى كو دشێن ب سازانێ رێك بكهڤن، ههكه ل دووڤ بنهمایێ سازانێ كار نهكهن، ل وى دهمى ئهز ژى دێ ههلویستێ خوه راگههینم.
د ههمان دهم دا، داخوازێ ژ پهرلهمانتاران و حوكمهت و حزبێن سیاسى دكهم ب كوورى هزر د چارهكرنا قهیرانێن دارایى، شهڕێ داعش و پرسا ژین و ژیارا خهلكى ب تایبهتى پێشمهرگهى دا بكهن و گرنگیێ پێ بدهن.
ئهڤرۆ نیۆز، قائید میرۆ
فهرماندێ پێشمهرگهی ل میحوهرێ شنگالێ ئاشكراكر، پێشمهرگه ئاگههداری لڤینێن داعشه و شهڤا بۆری ژی هێرشهكا دوژمنی ژلایێ رۆژئاڤا هاتیه شكاندن.
عهمید عزهدین، فهرماندێ پێشمهرگهی ل میحوهرێ شنگالێ ب ئهڤرۆ نیۆز راگههاند” هێزێن پێشمهرگهی ل میحوهرێ شنگالێ ئاگههداری لڤینێن تیرۆرستێن داعشة لناڤ سهنتهرێ شنگالێ و شهڤا بۆری ژی ژلایێ رۆژئاڤا پێشمهرگهی هێرشهكا داعش شكاندیه و زیانێن مهزن گههاندینه چهكدارێن وان.
عهمید عزهدینی گۆتژی” رهوش ژلایێ پێشمهرگهیڤه یا كۆنتڕۆلكریه و ئهم بهرههڤین بۆ بهرسڤدانا ههر هێرشهكێ، بهلێ دوژمن نوكه وهكی بهرێ نهشێت هێرشان بكهت و پێشمهرگهی سهنگهرێن خوه گرێداینه و تیرۆرست نهوێرن خوه نێزیك بكهن.
ئهڤرۆ نیوز:
سوبه پهرلهمانێ توركیا بۆ ههلبژارتنا سهرۆكێ پهرلهمانى دێ كومبیت و ههر چار لایهنێن پهرلهمانى ژى بهربژێر یێن ههین.
ههر چار لایهنێن سهركهفتى د ههلبژارتنێن توركیا دا بهربژێرێن خوه یێن ههین بۆ پۆستێ سهرۆكێ پهرلهمانى ، د خولا ئێكێ و دوێ یا دهنگدانێ دا، پێدڤیه بهربژێرێ پۆستێ سهرۆكى پهرلهمانى 2/3 دو ل سهر سێیا دهنگان بدهستڤه بینیت، ههكه چ بهربژێرهكێ ئهڤ دهنگه بدهستڤه نهئینان، د خولا سیێ دا، ههر بهربژێرهكێ 50+1 دهنگان بدهستڤه بینیت دێ بیته سهرۆكێ پهرلهمانى.
ئهڤرۆ نیوز:
ئاژانسا رویتهرز بهلاڤكریه كو نوكه حكومهتا ههرێما كوردستامێ گرێبهستهك بۆ فروتنا نهفتا خوه ب رهنگهكێ راستهوخو ل گهل كۆمپانیهكا جیهانى ئیمزاكریه و د ڤى چارچوڤى دا گرێبهستهكا شهش ههیڤى د ناڤبهرا ههرێما كوردستانێ و كۆمپانیا گولف كیستون ئیمزا كریه.
دوهى حهیدهر عهبادى سهرۆك وهزیرێن عیراقێ رهخنه ژ حكومهتا ههرێما كوردستانێ گرت كو رێژا پێدڤى ل گۆر رێككهفتنا وان ئیمزاكرى ناهنێرن، بهلێ سهفین دهزهیى پهیڤدارى حكومهتا ههرێمێ دیاركر كو ئهو پێگرى رێككهفتێ بوون، بهلێ بهغدا بودجه بدروستى نههنارت،لهوما ههرێم ژى نهچاربوویه نهفتا ب رێیا كومپانیا سومو دهنارت، كێم بكهت.
ئهڤرۆ نيوز:
گهلهك ژ تاخێن ناڤ باژێرێ حهسهكه يێ ژ لايێ چهكدارێن داعش ڤه دهێنه تۆپبارانكرن و وهلاتى ژى ژ مهترسيا ژيانا خوه و زارۆيێن خوه روو كريه عامودێ و دبێژێن دهستێ بهشار ئهسهد يێ ل گهل.
ب گۆرهيى ئهو پێزانينێن دهزگههێن ميديايى بهلاڤكرين، ژ دوهى رۆژا ئێكشهمبى و ئهڤرۆ وهره، باژێرێ حهسهكه يێ رۆژئاڤايێ كوردستانێ ب دژوارى ژ لايێ چهكدارێن داعش ڤه يێ دهێته تۆپيارانكرن.
ژ ئهگهرێ ڤێ تۆپبارانكرنێ ژى هژمارهكا زۆر يا وهلاتيێن وى باژێرى ژ ترسيا ژيانا خوه و زارۆيێن خوه بهر ب عامودێ كۆچبهر بووينه و مالێن خوه ب جهـ هێلاينه.
هندهك ژ خهلكێ وى باژێرى ژى ددهنه زانين كو رژێما سوريا هاريكاريا چهكدارێن داعش دكهت ل دژى كورێن رۆژئاڤايێ كوردستانێ و هێزێن يهكينێن پاراستنا گهل ژى بزاڤێ دكهن رووى ب روويێ وان ببن دا كو توپبارانا چهكدارێن داعش ب راوهستينن.
ئەڤرۆ نیوز،زنار تۆڤی:
ئەڤرۆ رۆژا دووشەمبی پەرلەمانێ کوردستنانێ کومبونەک ئەنجامدا ل دووڤ دا فراکسیۆنا پارتی کۆنفرانسەکێ رۆژنامەڤانی ئەنجامدا و د وی کونفرانسی دا فەرسەت سۆفی ئەندامێ پەرلەمانێ کوردستانێ ژ لیستا زەر گوت:د قوناغەکێدا دژین کو مە پێدڤی ب سازانێ هەیه و هەروەسا نوکە ژ هەمی دەمان پتر مە پێدڤی ب سازانێ هەیە،هەروەسا د روونشتنا روژا 23 یا پەرلەمانی سەرۆکێ پەرلەمانی پەیرەوێ نافخۆ پێشێلکریە،گوت ژی:سەرۆکێ پەرلەمانی بێلایەنیا خوە ژ دەستدایە،هەروەسا فراکسیۆنا زەر داخواز ژ سەڕۆکێ پەرلەمانی کریە کو داخوازا لێبورینێ بکەت،هەروەسا خواندنا وان چار پروژە یاسایان ل 23 ێ پێشێلکرنا بریارا دادگەها فیدرالی بوو،د خواندنا وان پروژە یاسان راوێژ ب سەروکاتیا هەرێمێ نەهاتیە کرن.
ئهڤرۆ نيوز:
بڕياره ئێكگرتوويا ئيسلامى كوردستان سهرهدانا لايهنێن سياسى بكهت ژ بۆ گازيكرنا وان بۆ كۆمبوونا پێنج قولى يا لايهنێنس ياسى و ل دهسپێكێ ژى دێ سهرهدانا بزاڤا گۆڕان ل گردێ زهرگهته كهت.
ئهڤرۆ رۆژا دوشهمبى رێكهفتى 29ى خزيرانا 2015ێ وهڤدێ بلندێ مهكتهبا سياسى يا ئێكگرتوويا ئيسلامى كوردستان دێ سهرهدانا نهوشيروان مستهفا رێكخهرێ گشتێ بزاڤا گۆڕان كهت وهكو دهسپێك بۆ سهرهدانێن لايهنێن سياسى و وهڤدێ يهكگرتوو ژى ب سهرۆكاتيا جێگرێ ئهميندارێ گشتيێ وێ حزبێ محهمهد ئهحمهده و ههر ئێك ژ بهرپرسێ پهيوهنديێن ئێكگتروو، خهليل ئيراهيم و فهرهاد مهلا سالح سهرۆكێ جڤاتا سهركرداتيا ئێكگرتوو ل ههولێر ههڤالينيا وى دكهن.
بڕياره د ڤێ حهفتيێ دا، كۆمبوونهكا پێنج لايهنێن سياسى ل ههولێر بهێته ئهنجام دان و يهكگرتوو تهكستێ ل سهر وێ چهندێ دكهت كو د وێ كۆمبوونێ دا، وهڤدێن پارتێن سياسى ل سهر ئاستێ سهركردێ ئێكێ يێن وان لايهنێن سياسى بن، بهلێ ههكه كهسێن ئێكێ ژى نهبن د رژدن كو ئهو كۆمبوون بهێته ئهنجام دان ههر وهكو سهرۆكێ لژنا يهكگرتوو راگههاندى.
پشتى ل 23ى خزيرانا لايهنێن سياسى يێن كوردستانى بێى پارتى ديموكراتى كوردستان و ب ئامادهبوونا قونسلێ ئيرانێ خواندنا ئێكێ بۆ پرۆژێ قانوونا راستڤهكرنا قانوونا سهرۆكاتيا ههرێما كوردستانێ كرى، هندهك ژ سهركردێن ئێكگرتوو ب ڤێ چهندێ رازى نهبوون و پشتى چهندين دانوستاندن ههلويستهكێ ههڤدژى يێ ناڤ پهرلهمانى دهبڕى و داخوازا سازانا نشتيمانى كر و بۆ ڤێ چهندێ ژى لژنهك بۆ سهرهدانا لايهنێن سياسى و ئهنجامدانا كۆمبوونا پێنج لايهنێن سياسى پێكئينا و دێ سهرهدانا ههر چار لايهنێن دى يێن سياسى كهت.
ئهڤرۆ نيوز:
پارتى ديموكراتى كوردستانێ لژنهك ب سهرۆكاتيا جێگرێ سهرۆكێ ئهوێ پارتى بۆ دانوستاندن ل گهل لايهنێن سياسى ل دۆر بابهتێ سهرۆكاتيا ههرێمێ راسپارديه.
ب گۆرهيى ئهو پێزانينێن رووداو بهلاڤكرين د كۆمبوونا مهكتهبا سياسى يا پارتى ديموكراتى كوردستان دا ئهوا ل رۆژا 25ى خزيرانا 2015ێ هاتيه ئهنجام دان، مهسعود بارزانى سهرۆكێ پارتى ديموكراتى كوردستان بهحس ل دووماهى رهوشا كوردستانێ و پهيوهنديێن لايهنێن سياسى ل گهل پارتى كريه.
د پشكهكا كۆمبوونێ دا بهحس ل كێشا سهرۆكاتيا ههرێما كوردستانێ و كۆمبوونا 23ى خزيرانێ ئهوا پارتى بايكوتكرى كريه.
د كۆمبوونێ دا پارتى بڕيار دايه د رێيا دانوستاندنێ دا ئهڤ كێشه بهێته چاره كرن و لژنهك ب سهرۆكاتيا نێچيرڤان بارزانى، جێگرێ سهرۆكێ پارتى ديموكراتى كوردستان و فازل ميرانى، سكرتێرێ مهكتهبا سياسى يا پارتى و مهسرۆر بارزانى، ئهندامێ مهكتهبا سياسى پێكئينايه.
ههر ب گۆرهيى ئهو زانياريێن رووداو بهلاڤكرين، رهنگه پارتى پهيوهنديێن خوه ل گهل گۆڕان پاشڤهببهت و زێدهتر خوه نێزيكى ئێكهتيێ بكهت.
نيشاندان