ئه‌ڤرۆ نیوز:
یه‌كینه‌یێن پاراستنا گه‌ل ئه‌ڤرۆ د به‌یاننامه‌كێ دا راگه‌هاند كو د ئه‌ڤ ساله‌دا 4964 چه‌كدارێن داعش ل سه‌ر ده‌ستێ وان هاتینه كوشتن و دیاركریه كو ئه‌و ترۆمبێلێن بومبرێژكرى ئه‌وێن داعش ل كوبانێ ته‌قاندى زێده‌تر بووینه ل ژمارا هه‌موو وان هێرشێن ل سوریا و عیراقێ بكارئیناینه.
داعش ل 15 ئیلونا ئه‌ڤ ساله ده‌ست ب هێرشكرنێ بۆ سه‌ر كوبانێ كریه، به‌لێ هه‌تا نوكه به‌ره‌ڤانیكرن ژ وى باژێرى كوردى یا به‌رده‌وامه.
ئه‌ڤرۆنيوز، ره‌وان نهێلى
ل ده‌ستپێكا هاتنا وسه‌رمایێ، كاره‌با نیشتمانى ل هه‌رێما كوردستانێ ب ره‌نگه‌كێ به‌رچاڤ كێمبوویه و ل دووڤ نه‌خشتێ وه‌زاره‌تا كاره‌بێ، نوكه وه‌زاره‌تا كاره‌بێ شیانێن دابینكرنا 17 ده‌مژمێرێن كاره‌با نیشتمانى یێن هه‌ین و ژبه‌ر ڤێ چه‌ندێ سوبه وه‌زیرێ كاره‌بێ دێ ل په‌رله‌مانى به‌رهه‌ڤ بیت.
تارق جه‌وهه‌ر راوێژكارێ راگه‌هاندنێ ل په‌رله‌مانێ كوردستانێ بۆ ئه‌ڤرۆ نیوز گۆت: سوبه ده‌مژمێر 10 و نیڤ په‌رله‌مانێ كوردستانێ دێ كومبیت و دێ به‌حسێ ئاریشا كێمبوونا كاره‌با نیشتمانى كه‌ت كو دكومبوونێ دا، سه‌لاحه‌دین بابه‌كر وه‌زیرێ كاره‌بێ دێ یێ به‌رهه‌ڤ بیت”.
ئه‌ڤرۆ، ره‌وان نهێلى
ل ده‌ستپێكا هاتنا وسه‌رمایێ، كاره‌با نیشتمانى ل هه‌رێما كوردستانێ ب ره‌نگه‌كێ به‌رچاڤ كێمبوویه و ل دووڤ نه‌خشتێ وه‌زاره‌تا كاره‌بێ، نوكه وه‌زاره‌تا كاره‌بێ شیانێن دابینكرنا 17 ده‌مژمێرێن كاره‌با نیشتمانى یێن هه‌ین و ژبه‌ر ڤێ چه‌ندێ سوبه وه‌زیرێ كاره‌بێ دێ ل په‌رله‌مانى به‌رهه‌ڤ بیت.
تارق جه‌وهه‌ر راوێژكارێ راگه‌هاندنێ ل په‌رله‌مانێ كوردستانێ بۆ ئه‌ڤرۆ نیوز گۆت: سوبه ده‌مژمێر 10 و نیڤ په‌رله‌مانێ كوردستانێ دێ كومبیت و دێ به‌حسێ ئاریشا كێمبوونا كاره‌با نیشتمانى كه‌ت كو دكومبوونێ دا، سه‌لاحه‌دین بابه‌كر وه‌زیرێ كاره‌بێ دێ یێ به‌رهه‌ڤ بیت”.
ئه‌ڤرۆ نیۆس ، بارزان سلێمان مزوورى
به‌رپرسێ لقا 14 مووسل ، عصمت ره‌جب ، بۆ ئه‌ڤرۆ نیوز دیار كر كو ئه‌ڤرۆ سپێدێ چه‌كدارێن تیرورستێن داعش بڕیار دا ئافره‌ت ترومبێلێ نه‌هاژون ئه‌گه‌ر ب هاژون ژى دڤێت ئه‌ندامه‌كێ مالێ دگه‌ل بیت و بریاردا ل ترومبێلێن ته‌كسى سیار نه‌بن ئه‌گه‌ر سیار بن ژى دڤێت ئه‌ندامه‌كێ مالێ دگه‌ل دابیت و یێ بریارێ بجه نه ئینن دێ هێته سزادان.
به‌رپرسێ لقا 14 مووسل دیاركر ژى كو ئه‌ڤرۆ والیێ ناحیا گه‌یارا بناڤێ حاجم ئه‌لجبورى ژلایێ داعش ڤه هاته سێداره‌دان ژبه‌ر كو سیخورى بو ده‌زگه‌هێن ئیمناهیێ دكر و ته‌رمێ وى راده‌ستێ نوشداریا داد ل پارێزگه‌ها مووسل كر .
ئه‌ڤرۆ نيوز:
وه‌زيره‌كێ كورد ل حوكمه‌تا عيراقێ ئاشكه‌ه‌را كر كو كێمكرنا مووچه‌يى ژ وان كه‌سان ب تنێ دگريت يێن مووچێ وان ژ مليۆن و نيڤان پتر و هێزێن ئه‌منى و له‌شكرى ب خوه ڤه ناگريت.
فرياد ره‌واندزى، وه‌زيرێ ره‌وشه‌نبيرى و لاوان د حوكمه‌تا عيراقێ دا د داخۆيانيكا رۆژنامه‌ڤانى دا راگه‌هاند بۆ كمێكرنا مووچه‌يى ب تنێ دێ وان فه‌رمانبه‌ران گريت يێن مووچێن وان د زێده و ئه‌وان فه‌رمانبه‌ران ناگريت يێن مووچێ وان يێ كێم و گۆت: “بڕيار ژ هێزێن له‌شكرى و ئه‌منى و هژماره‌كا داموده‌زگه‌هێن حوكمه‌تێ ناگريت”.
وه‌زيرێ ره‌وشه‌نبيرى و لاوان ل حوكمه‌تا عيراقێ ئاشكه‌را ژى كر كو كێمكرنا مووچان پلێن تايبه‌ت د گرت، ئانكو ژ سه‌رۆك كۆمارى هه‌تا رێڤه‌به‌رێن گشتى و ئه‌وان فه‌رمانبه‌ران ژى يێن سه‌ر ب سه‌ر هه‌رسێ سه‌رۆكاتيان و گۆت: “ئه‌وان فه‌رمانبه‌ران ژى دگريت يێن مووچێ وان ژ مليۆن و نيڤان زێده‌تر”.
حوكمه‌تا عيراقێ د چارچوڤێ رێگرتنه به‌ر بۆ چاره‌كرنا كێشا دارايى و كێمكرنا كورتئينانا بودجا گشتى يا سالا داهاتى يا وه‌لاتى، ل چاڤه‌رێ يه، مووچێ پلێن تايبه‌ت و مووچێن زۆر كێم بكه‌ت و هه‌ر ده‌مێ كێشا دارايى چاره بوو و پارێ زێده كه‌فته به‌ر ده‌ستێ كوژمه‌كێ پاره‌ى ل جهێ وى پاره‌يى بده‌نه وان.
ئه‌ڤرۆ نيوز:
سه‌رۆكێ په‌رله‌مانێ كوردستانێ د به‌يانامه‌كێ دا راگه‌هاند كو ژ به‌ر نه‌رازيبوونا خه‌لكێ هه‌رێما كوردستانێ ل سه‌ر بڕيارا كرينا ترۆمبێلان بۆ په‌رله‌مانتاران، ئه‌و بڕياره هاته ژناڤبرن.
ده‌قێ به‌يانامێ:
په‌رله‌مان ترۆمبێلان بۆ په‌رله‌مانتاران ناكريت !.
به‌ياننامه‌يه‌ك ژ سه‌رۆكاتيا په‌رله‌مانێ كوردستانێ.
چه‌ند رۆژه‌كه نه‌رازيبوونه‌كا مه‌زن ل سه‌ر ئاستێ جه‌ماوه‌رى دروست بوويه، ده‌رباره‌يى كرينا ترۆمبێلان بۆ ئه‌ندامێن په‌رله‌مانىێ كوردستانێ، ب ره‌نگێ قست ل سه‌ر مووچێن وان و هنده‌كان ژى بابه‌ت ژى گوهارتيه بۆ هێرشه‌كا نه‌ڕه‌وا بۆ سه‌ر په‌رله‌مانى.
مه د ده‌مه‌كى دا ئه‌ڤ بڕياره دا، بۆ ب دووماهى ئينانا وان عورفێن هه‌ر ئه‌ندام په‌رله‌مان و وه‌زير و شيره‌تكاره‌كى ترۆمبێله‌كێ بۆ بكرن ل سه‌ر كيستێ بودجا گشتى و ئه‌و بوو پارێ ترۆمبێل و په‌نزين و سيانێ ل سه‌ر كيستێ وى كه‌سى بيت ئه‌وێ بۆ خوه دكريت، نه‌ك ل سه‌ر كيستێ خه‌لكێ كوردستانێ و ئه‌ڤه ژى نه‌بيته ب هه‌ردانا سامانێ گشتى، به‌لێ ل به‌رامبه‌ر وێ چه‌ندێ هێشتا جهێ نه‌رازيبوونا پشكه‌كا وه‌لاتيێن هه‌رێما كوردستانێ لێ كه‌فت و بۆ وێ چه‌ندێ هه‌موو ده‌سته‌لاتێن هه‌رێمێ دڤێت گوهداريا خه‌لكێ كوردستانێ بكه‌ن، ب تايبه‌ت په‌رله‌مانێ كوردستانێ كو نوونه‌راتيا وان دكه‌ت، ژ به‌ر هندێ ب هه‌ماهه‌نگى ل گه‌ل سه‌رۆكاتيا فراكسيۆنان بڕيار هاته دان ئه‌ڤ پرۆسه بهێته ژناڤبرن، سه‌ره‌رايى وێ چه‌ندێ كو هه‌موو لايان پشت راست دكه‌ين كو بڕيارا به‌رى نوكه ب هه‌ده‌ردانا سامانێ گشتى نه‌بوويه.
سه‌رۆكاتيا په‌رله‌مانێ كوردستانێ
28\12\2014
ئه‌ڤرۆ نيوز:
وه‌زيرێ ناڤخۆ يێ هه‌رێما كوردستانێ ب ره‌نگه‌كێ فه‌رمى، قه‌زا چه‌مچه‌مال ژ روويێ ئيدارى ڤه خسته سه‌ر پارێزگه‌ها سلێمانيێ.
وه‌زيرێ ناڤخۆ، كه‌ريم شنگالى، د نڤيساره‌كا تايبه‌ت دا كو وێنه‌ك ب ده‌ست ئه‌ڤرۆ نيوز كه‌فتيه، قه‌زا چه‌مچه‌مال ژ روويێ ئيدارى ڤه خسته سه‌ر پارێزگه‌ها سلێمانيێ.
د ڤێ نڤيسارێ دا هاتيه كو مه‌ره‌م ژ كارێ وان كرى ئه‌وه كو مامله و كارێن وه‌لاتيێن وێ قه‌زايێ ب ره‌نگه‌كێ باشتر برێڤه بچن.
پێشتر قه‌زا چه‌مچه‌مال ژ لايێ ئيدارى ڤه ل سه‌ر هه‌ر ئێك ژ ئيدارا گه‌رمان و پارێزگه‌ها سلێمانيێ پارڤه‌كربوو ژ به‌ر كو ل كه‌ركووك هێشتا ژ لايێ ئيدارى ڤه سه‌ر ب هه‌رێما كوردستانێ نه‌بوو.
ب گۆره‌يى ئه‌و زانياريێن ل به‌رده‌ست ئه‌ڤرۆ نيوز، بۆ ڤێ مه‌رمێ، كه‌ساتيێن ڤێ قه‌زايێ راببوون ب كۆمكرنا 10 هزار ئيمزايان و ژ به‌ر ڤێ چندێ ژى وه‌زيرێ ناڤخۆ ره‌زامه‌ندى ل سه‌ر ده‌بڕى.
ئه‌ڤرۆ نيوز، ناجی به‌ده‌ل:
زه‌كی ره‌مه‌زان به‌رپرسێ رێكخراوێن دیموكراتی یا ئێكه‌تیا نیشتمانیا كوردستانێ ل دهۆكێ بو ئه‌ڤرۆ نیوز راگه‌هاند: كوردان ل باشورێ كوردستانێ ژ كه‌ڤن دا په‌یوه‌ندی د گه‌ل كومارا ئیسلامی یا ئیرانێ هه‌نه ب هه‌می ئالیێن خوڤه هه‌ر ژ پارتی دیموكراتی كوردستان و هه‌تا نوكه، ئه‌ڤه ژی تشته‌كێ گه‌له‌ك سروشتی یه چونكه هه‌رێما كوردستانێ پتر ژ (650) كم سنورێ هه‌ڤپشك هه‌یه د گه‌ل ئیرانێ و هه‌روه‌سا هه‌ردوو لایان به‌رژه‌وه‌ندیێن هه‌فپشك دگه‌ل ئێك و دو هه‌نه.
ناڤبری ئه‌و چه‌نده ژی دیاركر كو پشتی پروسا ئازادكرنا ئیراقێ ل 2003 ئه‌ف په‌یوه‌ندیێن هه‌نێ ئالوگوره‌كا مه‌زن ب سه‌ردا هات و به‌رژه‌وه‌ندیێت وه‌لاتێن زلهێز و ئه‌قلیمی ل عیراقێ تێكه‌لی هه‌ڤدوو بوون و هه‌فكێشێن سیاسی هاتنه گوهورین.
زه‌كی ره‌مه‌زان به‌رپرسێ رێكخراوێن دیموكراتی ل دهۆكێ دا زانین ئه‌ڤه نه جارا ئێكێ یه شاندێن ئیرانێ سه‌ره‌دانا هه‌ریما كوردستانێ دكه‌ن، به‌لكو د ماوێ ڤان سالان دا ئه‌ف جوره سه‌ره‌دانه د به‌رده‌وام بوون و یا ڤه‌شارتی نینه كو ئیرانێ ده‌سته‌كێ بالا یێ هه‌يی د ناڤ عیراقێ دا و كورد ژی ناچارن و به‌لكو پێتڤی یه ژی په‌یوه‌ندی د گه‌ل ڤان وه‌لاتان دا هه‌بیت چونكه پێگه‌هێ هه‌رێما كوردستانێ گه‌له‌ك ب هێز كه‌فتی یه ل ده‌ڤه‌رێ و ژبلی كو هه‌رێما كوردستانێ پێدڤی ب ڤان وه‌لاتا هه‌یه ب هه‌مان شێوه ئه‌وان وه‌لاتان ژی پێتڤی ب هه‌رێمێ هه‌یه، لێ نابیت ئه‌ف په‌یوه‌ندی یه ب گه‌هته ئاستێ ده‌ست تێوه‌ردانێ د كارو بارێن هه‌رێمێ دا و ئه‌ز باوه‌رناكه‌م ئه‌ف په‌یوه‌ندی یه دڤی ئاستی دابن به‌لكو ل سه‌ر بنه‌مایێ به‌رژه‌وه‌ندیێن هه‌فپشكه.
ده‌ربارێ شاندێ ئه‌ڤێ دووماهیێ ناڤبری گۆت: “هاتنا شاندێ په‌رله‌مانێ ئیرانێ ب سه‌روكاتیا عه‌لی لاریجانی بو هه‌رێما كوردستانێ پێنگاڤه‌كا د جهێ خو دایه د چیته د چارچوڤێ په‌یوه‌ندیێن دوو قولی دا، لێ ل ده‌ستپێكێ چونا وی بو سلیمانیێ باشی بو هه‌ولێرێ ئه‌ژی تشته‌ك سروشتی یه ژبه‌ر كو مه‌ره‌م ژ ڤێ سه‌ره‌دانێ سه‌ره‌دانا جه‌نابێ مام جه‌لالی بوو و هیچ كومبونه‌كا دی ئه‌نجامنه‌دایه، یا ڤه‌شارتی نینه كو نوكه په‌یوه‌ندیێن (ی ن ك ) و ئیرانێ دئاسته‌كێ باشدایه”.
ئه‌ڤرۆ نيوز:
دو په‌رله‌مانتارێن پارێزگه‌ها ئه‌نبار ل رۆژئاڤايێ عيراقێ رادگه‌هينن كو 90% رووبه‌رێ پارێزگه‌ها ئه‌نبار ل ژێر ده‌ستێ داعش دايه و چه‌كدارێن وێ رێكخراوێ بزاڤێ دكه‌ن پێشه‌ڤه‌چوونێن زێده‌تر بكه‌ن.
نه‌هلا فه‌هداوى و فارس تاها، دو په‌رله‌مانتارێن پارێزگه‌ها ئه‌نبارن راگه‌هان كو د هه‌يڤا بۆرى دا سوپايێ عيراقێ خوه ژ 10% ژ ئه‌ردێ ئه‌نبار ڤه‌كێشايه و داعش ئه‌و ده‌ڤه‌ر كونترۆل كرينه و نوكه 90% ئه‌ردێ ئه‌نبار ل ژێر ده‌ستێ داعش دايه.
د هه‌مان ده‌م دا، عه‌بدولحه‌كيم جغێغى قايمقامێ حه‌ديسه ل رۆژئاڤايێ پارێزگه‌ها ئه‌نبار راگه‌هاند: “هێزێن ئه‌منى يێن عيراقێ ب هه‌ڤكاريا فرۆكێن شه‌رى يێن هه‌ڤپه‌يمانان شيان ئه‌ڤرۆ شكه‌ستنێ بگه‌هيننه هێزێن چه‌كدارێن داعش ل حه‌ديسه و ب ده‌هان چه‌كدار ژێ كوشتينه”.
جهێ ب تنێ يێ ل بن ده‌سته‌لاتا سۆپايێ عيراقێ ل وێ ده‌ڤه‌رێ كو داعش هێشتا نه‌چووبيته تێدا، باژێرێ روومادى و باژێركێ عامريه‌يه ئه‌وا دكه‌ڤيته فه‌لۆجه، د وى ده‌مێ داعش ده‌ست ب سه‌ر پتريا ده‌ڤه‌رێن ئه‌نبار دا گرتى و باژێرێن حه‌يسه و به‌غدا و گه‌رمه و سه‌بازگه‌ها عه‌ين ئه‌سه‌د ئابلۆقه داينه.
ژێده‌ر: رووداو
ئه‌ڤرۆ نيوز:
لژنا جڤاتا نوونه‌رێن عيراقێ يا تايبه‌ت ب ڤه‌كۆلينێن ئه‌گه‌رێن كه‌فتنا مووسل ده‌س ب كار بوو و ژ 19 ئه‌ندامان پێك هاتيه.
ئاژانسا فوران نيوز ژ زارێ ئه‌حمه‌د جبۆرى ئه‌ندامێ لژنێ به‌لاڤكر كو ب فه‌رمانا سه‌رۆكاتيا جڤاتا نوونه‌ران، لژنا تايبه‌ت ب ڤه‌كۆلينێ ل دۆر ئه‌گه‌رێن كه‌فتنا باژێرێ مووسل ده‌ست ب كار بوو و گۆت: “لژنه دێ ل ده‌سپێكێ كارێن بچووك ئه‌نجام ده‌ت و پاشان ژى كارێن مه‌زن”.
ئاماژه ب وێ چه‌ندێ كر كو نڤيسار ئاراسته‌يى لايه‌نێن په‌يوه‌نديدار كريه بۆ ده‌ستنيشانكرنا ئه‌و به‌رپرسێن له‌شكرى و ئه‌منى يێن پێدڤى دكه‌ت لژنه گوهداريا وان بكه‌ت.
رۆژا 15 هه‌يڤا بۆرى، جڤاتا نوونه‌رێن عيراقێ، پێكئينانا لژنه‌كا تايبه‌ت بۆ ڤه‌كۆلينێ د ئه‌گه‌رێن كه‌فتنا مووسل دا راگه‌هاند بوو.
ئەڤرۆ:
حوکمەتا ھەرێما کوردستانێ رادگەھینیت پرۆژە قانوونا بودجێ ٢٠١٥ یێ عیراقێ گەھشتیە وان و پشکا ھەرێما کوردستانێ ب ١٦ ترلیۆن و ٥٣٢ ملیار دیناران ھاتیە دانان و ل دەستپێکا سالا نوو، بەغدا ھەیڤانە دێ وی پارەی ھنێریت و ژبلی وێ چەندێ ھێزێن پێشمەرگەی ھەیڤانە ژ وەزارەتا بەرەڤانیا عیراقێ دێ ١٠٠ ملیار دینار بۆ ھێنە رەوانەکرن.
ئامانج رەحیم سکرتێرێ ئەنجومەنێ وەزیرێن ھەرێما کوردستانێ د پەیجێ خوە یێ تایبەت دا ل تورا کومەلاتیا فەیسبوکێ نڤێساندی یە” ل دووماھی کومبوونا جڤاتا وەزیرێن عیراقێ یا ژمارە ١٥ یا ٢٢\١٢\٢٠١٤، رێکەفتنا ٢ کانینا ئێکێ یا ٢٠١٤ د ناڤبەرا بەغدا و ھەولێرێ ب رەنگەکێ قانوونی د پرۆژە قانوونا بودجێ عیراقێ یێ سالا ٢٠١٥ ێ دا ھاتیە بجھئینان و رۆژا ٢٤\١٢ پرۆژە قانوون گەھشتە مە کو ل ئەنجومەنێ وەزیران ھاتیە پەسەندکرن، ب ڤێ رەنگی رێککەفتنا ٢ کانوونا ئێکێ یا سالا ٢٠١٤ چوو قوناغەکا قانوونی و مادێ قانوونی د ناڤ پرۆژە قانوونا بودجێ دا ھاتیە جھگیرکرن، قوناغا سیێ ژی یا پێکھاتیە ژ قوناغا پەسەندکرنا بودجەی ژ ئالیێ پەرلەمانێ عیراقێ ڤە و دەرکرنا قانوونێ ژ ئالیێ سەرۆکاتیا کومارێ، بەلێ پەسەندکرنا پرۆژە قانوونا بودجەی ژ ئالیێ ئەنجومەنێ وەزیرێن عیراقێ زور یا گرنگە، ژبەر کو پەسەندکرنا ڤی پرۆژەی ل پەرلەمانی گیرو ببیت ژی، حکومەتا عیراقێ دھێتە نەچارکرن کو ل دووڤ قانوونا ئیدارا مالی یا ژمارە ٩٥ یا سالا ٢٠٠٤ ێ کو ١\١\٢٠١٥ رێژا ئێک ل سەر دوازدێ یا بودجێ سالا ٢٠١٥ یێ ھەرێمێ بھنێریت”.
ئامانج رەحیم ئاماژە ب وێ یەکێ کریە کو د برگا ئێکێ ژ مادێ ئێکێ یا پرۆژە قانوونێ دا ئاماژە ب ھنارتنا ٢٥٠ ھزار بەرمیلێن نەفتێ ژ پارزینگەھێن ھەرێما کوردستانێ و ٣٠٠ ھزار بەرمیلان ژ پارزینگەھێن نەفتا کەرکوکێ ب رێیا بوریێن ھنارتنا ھەرێمێ ھاتیە کرن، و بھایێ بەرمیلەکێ نەفتێ ب ٦٠ دولارێن ئەمریکی ھاتیە دەستنیشانکرن، ئەڤە ژبلی گرنتیا دابینکرنا پشکا بودجێ ھەرێما کوردستانێ کو ڤێ چەندێ گرنگیا خوە یا دستووری و قانوونی بۆ دانپێدان ب دەستھەلاتا ھەرێما کوردستانێ وەک د دستووری دا ھاتی ھەیە.
سەبارەت بودجێ پێشمەرگەی، ئامانج رەحیم دیارکر کو ل گور برگا پێنجێ ژ مادێ نەھێ، ژ پرۆژە قانوونا بودجێ ٢٠١٥ ێ، ب رەنگەکێ ئەمر، وەزارەتا بەرەڤانیا عیراقێ پابەندکریە کو مەزاختیێن پێشمەرگەی ژ مەزاختیێن سەروەری یێن وەزارەتا بەرەڤانیێ بمەزێخیت کو بۆ سالا ٢٠١٥ کوژمێ ١٠٠ ملیار دینار ھەیڤانە ھاتینە دەستنیشانکرن و کوژمێ گشتی یێ سالێ ھەمیێ دبیتە ترلیۆنەک و ٢٠٠ ملیار دینار، کو ئەڤ چەندە ژ دەرڤەی ١٧% یا بەھرا ھەرێمێ یە.
ژلایێ خوە ڤە، ئەحمەد خدر جێگرێ رێڤەبەرێ لقێ ھەولێر یێ بەنکا ناوەندیا ھەرێما کوردستانێ راگەھاند کو ل ھەیڤا بھێت وەرە ھەتا پەسەندکرنا بودجێ ٢٠١٥، بەغدا دێ ھەیڤانە ترلیونەک و ٢٠٠ ملیار دیناران بۆ کوردستانێ ھنێریت.
ئەحمەد خدر گۆت” ب ھاتنا ڤی پارەی، دێ پرۆسا بەلاڤکرنا موچەی ب ساناھیتر لێ ھێت، وەکو سەرۆکێ حکومەتا ھەرێمێ راگەھاندی، رەنگە ھەتا ھەیڤا شوباتا سالا بھێت دووماھی ب کێشا پاشکەتنا موچەی بھێت.
نيشاندان