ئهڤرۆ نیوز:
ئهنجلینا جولى نوێنهرا نیازپاكیێ ل نهتهوێن یهكگرتى بۆ كاروبارێن پهنابهران نوكه د كۆنگرهكێ رۆژنامهڤانى دا، ل كهمپا خانكێ یا سهر ب پارێزگهها دهۆكێ ئاماژه ب ناڤهرۆكا سهرهدانا خوه بۆ باژێرێ دهۆكێ دا و گۆت: كوردستان یا بوویه پهناگهههكا مهزن بۆ ئاواران، ئهز یا هاتیم دا ژ نێزیك ئاگههدارى رهوشا ئاواران ببم، سوپاسیا پارێزگهرێ دهۆكێ دكهم كو یا دشیاندا بیت یێ پێشكێشكرى، بهلێ ئاواره پێدڤى ب پتر خزمهتگوزاریانه، سهرهراى وێ چهندێ كو خهلكێ كوردستانێ گهلهك هاریكاریا ئاواران كریه.
ئهنجلینا جولى ههروهسا گۆت” ئهز داخوازێ ژ جڤاكێ نێڤدهولهتى دكهم كو پتر هاریكاریا ئاواران بكهن و ئهگهر پتر هاریكاریا وان نههێته كرن، دێ رهوشا وان خرابپر لێ هێت”.
ئهڤرۆ نیوز:
ئاشتى ههورامى وهزیرێ سامانێن سروشتى ل حوكمهتا ههرێما كوردستانێ رهت دكهت كو وان بڕیار دابیت كو بهایێ لترهكا پانزینێ ببیته 850 دینار.
ژ ئالیێ خوهڤه، دوهى بهیار دوسكى ئهندامێ لژنا سامانێن سروشتى بۆ ئهڤرۆ نیوز راگههاندبوو كو حكومهتێ بڕیار یا داى بهایێ لترهكا پانزینێ ببیته 850 دینار.
ژ ئالیێ خوهڤه، ئامانج رهحیم سكرتێرێ ئهنجومهنێ وهزیران یێ ههرێما كوردستانێ دیاركر كو كو رۆژا دوشهمبى ل دهمژمێر 11 سپێدێ دێ ئهنجومهنێ نهفت و گازێ كوم بیت و بهایێ پانزینێ بۆ قوناغا بهێت هێته دیاركرن.
بڕیارە ڤێ حەفتیێ سێ وەزیرێن حوکمەتێ بھێنە گازیکرن بۆ پەرلەمانی و ل دۆر قەیرانێن موچە و پانزین و پێشمەرگەی ھویردەکاریان بۆ پەرلەمانی رۆھن بکەن.
نازم ھەرکی ئەندامێ پەرلەمانێ کوردستانێ بۆ ئەڤرۆ نیۆز دیارکر، بڕیارە ڤێ حفتیێ ھەرسێ وەزیرێن سامانێن سرۆشتی و دارایی و ئابوری و پێشمەرگە بھێنە گازیکرن بۆ پەرلەمانێ کوردستانێ و دێ دگەل لیژنەیێن تایبەتمەند کۆمبوون.
نازمی گۆتژی” گازیکرنا ڤان سێ وەزیران دێ دانوستانێن و دوڤچوونێ بۆ ئاریشەیێن پانزینێ و قەیرانا دارایی و چاوانیا بەلافکرنا موچەیێ فەرمانبەران و بجە ئینانا بڕیارێن پەرلەمانی بۆ ھێزا پێشمەرگەی بیت، چونکو بەری نوکەژی ھاتینە ئاگەھدارکرن وەزیر بھێنە پەرلەمانی و ھویردەکریێن ڤان قەیرانا ئەشکرە بکەن.
خهلات موسا ماستهر ب ئیسلاما سیاسی زانكۆیا زاخۆ بو ئهڤرۆ نیوز دیاركر جودا بوون د ناڤ ڕێزێن پارت و ڕهوتێن ئیسلاما سیاسی دا ب شێوهیهكێ گشتی ب دیاردهیهكا سیاسی یا بهربهلاڤ دهێته ههژمارتن، ڕیشالێن وێ ژی بۆ كۆمهلهیا ئیخوان موسلمین یا كو ل سالا 1928 ل سهر دهستێ حهسهن بهننایی هاتیه دامهزراندن وهكو بهرسڤكارهك بۆ ههلوهشاندنا خهلافهتا ئیسلامی (ئوسمانی) لسهر دهستێ مستهفا كهمال ل سالا 1924،
خهلات موسا ئهو چهنده ژی دیاركر وهكو پارتا دایك یا گشت پارت و ڕهوتێن ئیسلاما سیاسی (جیهادی و نه جیهادی) ئهو ناڤێ ل خوه دكهن دهێته زانین، كو ژبن عهبایێ وان دهركهفتینه، لهوان ژی بارێ ههمی كارێن توندڕهوێن ب ناڤێ ئایینی ئیسلامێ ل ههمی جیهانی ب ڕهنگ و شێوهیێن جودا جودا دهێنه ئهنجامدان؛ بهرپرسایهتیا وان دكهڤیته سهر شانێن ئیخوانان، ئهگهر ههبن ژی ژ بن عهبایێ وان وهكو ڕێكخستنهكا سیاسی نه دهركهفت بن.
ههر دو لایهنێن پهیمانا دهوكێ (ئهنجومهنێ نیشتیمانی یی كوردی یی سوری و TEV DEM ) ل ههولێرێ ریكهفتن بۆ بهردهوامی دان ب رێكهفتنا دهوكێ، پشتی چهند گوهورین ب سهر دا هاتین.
ل گور كو هاتی راگههاندن ههر دو لایهن رێكهفتن كو ههژمارا لێڤهگهرا سیاسی ببیته 36 ئهندام و ههر سێ پارتیێن كو ژ ENKS هاتی دهرخستن دێ چنه سهر ب TEVDEM و ل ههمبهری وێ دێ ENKS سێ ئهندامێن نوو ژ ناڤا خوه دهستنیشان بكهت. و پارا كهسێن سهربخوه دێ مینت 20% .
ههر وهسا ههر دو لایهنان دهمێ كومبوونا لێڤهگهرا سیاسی ل 5-2-2015 دهست نیشان كرینه بۆ بهردهوامی دان ب رێكهفتنا دهوكێ.
نيشاندان