ئەڤرۆ نیوز:
پەیڤدارێ تەڤگەرا گۆرانێ راگەهاند، ئەڤرۆ ئێکشەمبی، ل سلێمانیێ شاندەکێ پارتی دیموكراتى كوردستان دێ ل گەل گۆرانێ و ئێکەتیێ کۆم بیت.
عەدنان ئۆسمان، پەیڤدارێ تەڤگەرا گۆرانێ د کۆنگرەکێ رۆژنامەڤانی دا دیارکر: ئه‌ڤرۆ ئێكشەمبی 6/12/2020 شاندەکێ پارتی دیموکراتی کوردستان دێ سەرا پارێزگەها سلێمانیێ دەت، دێ ل گەل هەر ئێک ژ تەڤگەرا گۆرانێ و ئێکەتیا نشتیمانی یا کوردستانێ کۆم بیت.
ئه‌ڤرۆ نیوز:
وه‌زاره‌تا به‌رگرییا ئه‌مریكا پێنتاگۆنێ ب فه‌رمانا سه‌رۆكێ وه‌لاتێ خوه پتریا هێزێن وه‌لاتێ خۆه ژ سۆمالێ ڤه‌كێشان.
وه‌زاره‌تا به‌رگرییا ئه‌مریكا پنتاگۆنێ ئاشكه‌راكر، دۆنالد ترامپ، سه‌رۆكێ نها یێ ئه‌مریكا فه‌رمان دایه تا ناڤه‌راستا هه‌یڤا بهێت پتریا هێزێن ئه‌مریكا ژ سۆمالێ بهێنه ڤه‌كیشان، به‌رى دۆنالد ترامپ كوچكا سپى بجهـ بهێلیت ئه‌و پرۆسه دێ ب دوماهى هێت.
پێنتاگۆن د به‌لاڤكرنه‌كێ دا ئاشكه‌راكر، دێ پێداچوونه‌كێب هێزێن خۆه ل رۆژهه‌لاتێ ئه‌فریقیا ژى كه‌ن، ئه‌و هێزێن ژ سۆمالێ دهێنه ڤه‌كێشان ژى، دێ ببۆ وه‌لاتێن ده‌ردۆرا سۆمالێ ڤه هێنه ڤه‌گوهاستن، بۆ به‌رده‌وامییا فشارێ ل سه‌ر رێكخستنێن تیرۆرستى.
پێشتر روژناما وۆل ستریت جۆرنال ئاشكه‌راكربوو، هێزێن سه‌ربازى یێن ئه‌مریكا ل سۆمالێ دێ بو بنگه‌هێن سه‌ربازى یێن جیبۆتى و كینییا هێنه ڤه‌گوهاستن.
ئه‌مریكا نێزیكى 700 سه‌ربازان ژ هێزێن تایبه‌ت بۆ مه‌شق و راهێنانا سوپایێ سۆمالێل وى وه‌لاتى جێگیركرینه.
ئاژانسا رۆیته‌رز ژ زارێ به‌رپرسه‌كێ پێنتاگۆنێئاشكرا كرییه، ئه‌و هێزێن ئه‌مریكى یێن ل سۆمال دمینن، دێ ل مه‌قه‌دیشۆ یا پایته‌ختێ وى وه‌لاتى هێنه بنه‌جهكرن.
ئه‌ڤرۆ نیوز:
ل گۆره‌ى راپرسیه‌كا كه‌ناله‌كى ئاسمانیێ ئیراقى، كو ل هه‌مى پارێزگه‌هێن هه‌رێما کوردستانێ و ئیراقێ هاتیه‌كرن، باژیرێ ھەولێرێ ب پاڤژترین باژێرێئیراقێ هاته دەستنیشانكرنو بەسرا ژىوه‌كو پیسترین باژێر.
ل گۆره‌ى راپرسیا كه‌نالێ ئاسمانی ئیراقىكو ل هه‌مى پارێزگه‌هێن ھەرێما کوردستانێ و ئیراقێ لسەر پاڤژیا باژێران كرى، کەسێن شارەزا و ژینگەهـ پارێزد گەل دا بوون، باژیرێ ھەولێرێ ب پاقژترین باژێر لسەر ئاستی ھەرێما کوردستانێ و ئیراقێهاته هه‌لبژارتن، باژێرێ به‌سرا ژى ب پیسترین باژێر.
ل دویڤ راپرسیێ ئێك ژ باژێرێن دى یێن پاقژ ل ئیراقێ هه‌یه ئه‌و ژى باژێرێ دیالا بوو، کول دویڤ گوتنێن خەلکى، کارتێكرنا خەلکێباژێرێ ھەولێرێ لسەر هه‌بوو، وى ده‌مێ ئاواره‌ى وى باژێرى بووین و چەند سالان تێدا دژیان و ڤه‌گه‌ریانه وارێ خوه.
ئه‌ڤرۆ نیوز:
مالباتا پارێزگارێ وه‌غه‌ركرى یێ كه‌ركووكێ راگه‌هاند، هنده‌ك كه‌س ناڤێ دكتور نه‌جمه‌دین كه‌ریم بۆ دروستكرنا گرۆپ و حزب و ره‌وتێن سیاسى بكاردئینن، ناڤهاتى ژى ژ دوور و نێزیك په‌یوه‌ندى ب وان كه‌سان ڤه نه‌بوویه.
مالباتا دكتور نه‌جمه‌دین كه‌ریم، پارێزگارێ وه‌غه‌ركریێ كه‌ركووكێ د به‌یانه‌كێ دا راگه‌هاند، داخوازێ ژ هه‌موو ئالییان دكه‌ن پێگیریێ ب رێكارێن مفادارییا مالباتا خودێ ژێ رازى بن و سه‌ربخوه ناڤ و ناڤدارییا نه‌جمه‌دین كه‌ریم بۆ چ پرۆژان بكار نه‌ئینن، هه‌ر كه‌س و ئالییه‌كێ ناڤێ دكتورى بۆ به‌رژه‌وه‌ندییا خوه بكاربینیت دێ رێكارێن قانوونى گرنه به‌ر.
بریاره ئه‌ڤرۆ رۆژا شه‌مبى ره‌و‌ته‌كێ سیاسى یێ نوو یێ كوردستانى بۆ پشكداریكرنێ د هه‌لبژارتنێن بهێن یێن ئیراقێ دا ل بازنه‌یا كه‌ركووكێ ل باژارێ هه‌ولێرێ بهێته راگه‌هاندن، سه‌رپه‌رشتێ وى ره‌وتى ژى ئاشكرا دكه‌ت، ره‌وتا وان دێ ب هه‌مان هزر و سیاسه‌تا دكتور نه‌جمه‌دین كه‌ریم بیت، لێ چ په‌یوه‌ندى ب مالبات و كه‌سوكارێن وى ڤه نینه.
ئه‌ڤرۆ نیوز:
وه‌زیرێ ده‌رڤه‌یێ ئه‌مریكا راگه‌هاند، ئه‌و دێ ل سه‌ر پشته‌ڤانیكرنا سه‌رۆكوه‌زیرێن ئیراقێ به‌رده‌وام بن بۆ كۆنترۆلكرنا گرۆپێن میلیشیایێن شیعى یێن نێزیك ئیرانێ و ده‌رخستنا ئیراقێ ژ ژێر هه‌ژموونا ئیرانێ.
مایك پۆمپییۆ راگه‌هاند، ئیدارا ئه‌مریكا ل سه‌ر ده‌مێ ده‌ستهه‌لاتا دۆنالد ترامپى حه‌فتێ و حه‌فت سزایێن جودا ل سه‌ر ئیرانێ و به‌رپرسێن وێ دا سه‌پاندینه و دێ به‌رده‌وام ژى بن ل سه‌ر وان سزایان.
پۆمپێیۆ گۆت ژى: ئه‌و دێ به‌رده‌وام پشته‌ڤانییا مسته‌فا كازمى، سه‌رۆكوه‌زیرێن ئیراقێ كه‌ن بۆ كۆنترۆلكرنا گرۆپێن میلیشیایێن شیعى یێن نێزیكى ئیرانێ، هه‌روه‌سا بۆ ده‌رخستنا ئیراقێ ژ ژیر هه‌ژموونا ئیرانێ.
پۆمپێیۆ دوپات كر، ئه‌و ب رێیا سیاسه‌ت و فشارێن خوه شیاینه ئیرانێ لاواز بكه‌ن و دێ ل سه‌ر وێ سیاسه‌تێ ژى همبه‌رى به‌رپرسێن ئیرانێ به‌رده‌وام بن، ئه‌و سیاسه‌ت ژى بوو ئه‌گه‌رێ ئیمزاكرنا رێككه‌فتنا د ناڤبه‌را وه‌لاتێن عه‌ره‌بى و ئسرائیلێ دا.
حكومه‌تا هه‌رێما كوردستانێ ده‌نگۆیێ قه‌ركرنا پاره‌ى ژ سه‌رمایه‌داره‌كى بۆ دابینكرنا مووچه‌یى ره‌ت كر و راگه‌هاند، ئه‌و نووچه‌یێ د سوشیال میدیایێ دا به‌لاڤ بووى دووره ژ راستیێ.
ژێده‌ره‌كێ ئاگه‌هدار ژ حكومه‌تا هه‌رێما كوردستانێ راگه‌هاند، ده‌نگۆیێ دانا كۆژمێ دوسه‌د و نه‌هـ ملیۆن دیلاران ژ ئالیێ سه‌رمایه‌داره‌كى ڤه بۆ حكومه‌تا هه‌رێمێ ب قه‌ر بۆ دابینكرنا مووچه‌یى دووره ژ راستیێ، وى نووچه‌یى ژى چ بنىما بۆ نینن.
ره‌تكرنا حكومه‌تا هه‌رێمێ د ده‌مه‌كى دایه كو چه‌ندین رۆژێن بوورى هنده‌ك په‌یجێن تۆرێن جڤاكى به‌حس ل وێ یه‌كێ دكه‌ن كو حكومه‌تا هه‌رێما كوردستانێ كۆژمێ دوسه‌د و نه‌هـ ملیۆن دۆلاران ژ سه‌رمایه‌داره‌كێ كوردستانێ قه‌ركرینه بۆ دابینكرنا مووچه‌یێن فه‌رمانبه‌ران.
رۆژا پێنجشه‌مبییا بوورى حكومه‌تا هه‌رێمێ ب برینا سه‌دێ بیست و ئێك ده‌ست ب به‌لاڤكرنا موچه‌یێن مه‌ها چریا ئێكێ یێ فه‌رمانبه‌ران كرییه، وه‌زاره‌تا ساخله‌میێ ژى وه‌اره‌تا ئێكێ بوو مووچه وه‌رگرتى و سوبه رۆژا ئێكشه‌مبى دێ مووچه‌یێن وه‌زاره‌تا پێشمه‌رگه‌ى هێنه به‌لا‌ڤكرن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٢٨٩ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە کو پرانیا وان ل پارێزگەها دهۆکێ یە.
وەزارەتا ساخلەمیێ ئاماژە ب هندێ ژی کریە کو نەه نەخوشێن کۆرۆنایێ ژی ل هەرێما کوردستانێ مرینە.
ل پارێزگەها دهۆکێ ژی ٢١٨ کەسێن دی تووشی کۆرۆنایێ بووینە و نەخوشەک ژی مریە.
ئەڤرۆ نیوز، عەلی حاجی :
د داخویانیەكێ دا سەرۆكێ یانا زاخۆ یا وەرزشی بۆ ئەڤرۆ نیوز دیار كر دەست ب دروستكرنا پروژەیێ سەن ستی یێ شوققەیێن گرێدایی ب یانا زاخۆ ڤە، ئاڤاكرنا وان شوققەیان ژی دێ بیتە پشتەڤانیەكا باش بۆ یانێ .
زێدەتر حەمید سەلمان گۆت: (پشتی حەفت سالێن راوەستیانێ ژ كاركرنێ ل سەر شوققەیێن پروژەیێ سەن ستی یێ گرێدایی ب یانا زاخۆ ڤە،بۆ دەما حەفتیەكێ یە ژلایێ كومپانیا ئەلئەمانی گروپ ڤە دەست ب دروست كرنا شوققەیان هاتیە كرن،ئەڤە ددەمەكێ دایە كار كرن ل سەر وان سوققەیان بۆ دەما حەفت سالان بوو كار ل سەر راوەستیا بوو و ئاڤا كرنا وان شوققەیان ژی پشتی گڤاشتن و هەولێن بەردەوامێن دەستەكا كارگێریا یانا زاخۆ بوو بۆ سەر كومپانیا جێبەجێ كار، بۆ دەما دوو حەفتیێن دیتر ژی دێ كار كرنا د وان شوققەیان دا بەرچاڤ بیت و دێ دووبارە ژی ئەو پروژەیە ب ئامادەوبما پارێزگەرێ دهوكێ هێتە ڤەكرن و ئەم ب هیچڤی نە ئەڤ پروژەیە هەتا دوماهی قوناغ كار تێدا نەهێتە راوەستاندن و ئەم ب چو رەنگان ژی رازی نابیت كار تێدا بهێتە راوەستاندن).
ناڤهاتی ئەو چەندە ژی خویار كر نێزیكی 1150 شوققە كو دبیتە 21 ئاڤاهی بریارە ژلایێ كومپانیێ ڤە بهێنە ئاڤا كرن و ئاڤاكرنا وان شوققەیان ژی هەتا رادەیەكێ باش دێ بیتە پشتەڤانیەكا ماددی بۆ یانا زاخۆ و ئەو شوققەیە ژی دێ ب قستێن درێژ خایەن ب وەلاتیان هێنە دان .
ل دووماهیێ گۆت ژی: (هەر چەندە د ڤان كاودانان دا ئاڤاكرنا پروژەیێن ب ڤی رەنگی یا زەحمەتە ژ بەر كو كوردستان د كاودانەكێ دارایی یێ دژوار دا دەرباز دبیت بەلێ مە ل سەر كومپانیێ دوپات كریە كار د پروژەیی دا بەردەوام بكەت دا كو د زووترین دەم دا مفا ژ وان شوققەیان بهێتە وەرگرتن و بكەڤیتە د خزمەتا باژێرێ زاخۆ و یانا زاخۆ دا).
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٢٤٨ کەسێن دی تووشی ڤایرۆسێ کۆرۆنایێ بووینە و هەروەسا ٩ نەخوشێن کۆرۆنایێ ژی مرینە.
ل گۆر ئامارا وەزارەتا ساخلەمیێ ١٧٧ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ٦٥ کەسێن دی تووشی کۆرۆنایێ بووینە و نەخوشەک ژی مریە و هەروەسا حەفت نەخوشێن کۆرۆنایێ ژی ل پارێزگەها دهۆکێ ب تەمامی چارەسەر بووینە.
نيشاندان