شێخان،بارزان سلێمان مزوورى
كارگێرێ لقا 14 مووسل ل میحوه‌رێ وانكێ ، شێخ محیه‌دین مزوورى ، بۆ ئه‌ڤرو نیوز دیار كر كو ئه‌ڤرو ده‌مژمێر 4:15 خوله‌ك 21/10 هێزێن پێشمه‌رگه‌یێ زێره‌ڤانى ل میحوه‌رێ وانكێ گوندێ خراب گوبه‌ل كونترول كر زیانێن مه‌زن ب داعش كه‌فتن ژماره‌كا زور یا ته‌رمێن خو ل ناڤا گوندى هێلاینه ،
ناڤبرى دیار كر كو نوكه پێشمه‌رگه به‌ره‌ڤ گوندێ شێحیه چوینه شه‌ره‌كێ مه‌زن دهێته‌كرن ژبۆ كونترولكرنا گوندێ شێحیه .
ئه‌ڤرۆ نیۆز:
په‌یڤدارێ بناڤێ شه‌رڤانێن یه‌كینه‌یا پاراستنا گه‌ل رێدور شالیل بۆ ئاژانسا رۆیته‌رز گۆت: ئه‌و چه‌گێ ژ ئالیێ ویلایه‌تێن ئه‌مریكى ڤى هاتیه هنارتن بۆ شه‌رێ دژى داعشێ ل كوبانێ، ئه‌و تێرا سه‌ركه‌فتنا بدروستى ناكه‌ت، هه‌ر چه‌نده دێ كارتێكرنه‌كا ئه‌رێنى ل سه‌ر ره‌وشا شه‌رى هه‌بیت، و دڤێت پشته‌ڤانیه‌كا مه‌زنتر بۆ مه بهێته كرن.
رێدور شالیلى هه‌روه‌سا گۆت: كارتێكرنا وى چه‌كى چو ژ ئالیێ پراكتیكى بیت یان ژى ئالیێ مه‌عنه‌وى ڤه دێ هه‌بیت، ئه‌م باوه‌ر ناكه‌ین شه‌رێ كوبانێ به‌له‌ز ب دوماهى بهێت، هه‌ر وه‌كى هوون دزانن چه‌كدارێن داعشێ هێش گه‌له‌ك ل هه‌مبه‌رى مه هه‌نه بۆ داگێركرنا كوبانێ زێده‌بارى ڕكه‌به‌ریه‌كا ه‌زن ژى ژ ئالیێ شه‌رڤانێن مه‌ڤه هه‌یه بۆ به‌رسینكگرتنا هێرشێن تیرۆرستان.
له‌شكرى ئه‌مریكى هه‌روه‌سا خوه‌یاكریه ئه‌م پشته‌ڤانى و هاریكاریا چه‌كى ژ ئالیێ كوردێن هه‌رێما كوردستانێ بۆ كوبانێ هاتینه ره‌وانه‌كرن.
ئه‌ڤرۆ نیۆز:
فه‌رماندێ په‌یاده‌یا هێزا پاسدارێن شۆره‌شا ئیرانى عه‌مید محه‌مه‌د باكبور گۆت: پاسدارێن ئیرانى هه‌موو بزاڤ و لڤینین ئێمناهى د ناڤا عیراقێ دا هه‌تا دگه‌هیته كوراتیا وێ ژى كونترۆل كرینه، هه‌روه‌سا دیاركر ئه‌و د به‌رهه‌ڤن بۆ ژ ناڤبرن و ژ ره‌ه كێشانا تیرۆرێ ل هه‌ر خاله‌كا هه‌بیت.
عه‌مید محه‌مه‌د باكبورى دداخویانیه‌كا رۆژنامه‌ڤانى دا بۆ ئاژانسا فرانس پرێس گۆت: ره‌وشا ده‌ڤه‌رێن سنۆرى گه‌له‌كا باشه، ئاماژه‌دا هندێ ژى، وانا چاڤدێریه‌كا ته‌مام ل سه‌ر ناڤخوه‌ى و ده‌رڤه‌یا عیراقێ هه‌یه و هه‌ر بزاڤ و چالاكیه‌كا هه‌بیت ئه‌و ل سه‌ر د ئاگه‌هدارن.
ئه‌ڤرۆ نیۆز:
ژێده‌ره‌كێ ناڤخوه‌یا قه‌ره‌ته‌په ل باكورێ به‌عقوبه ئاشكراكر، تیرۆرستێن داعشێ هێرشه‌كا به‌رفره‌ه ل ئالیێ رۆژئاڤایێ قه‌ره‌ته‌په ل گۆندێ سرایلیێ كرن، دئه‌نجامێ وێ هێرشێ دا هژماره‌كا پێشمه‌رگا ژى شه‌هید و بریندار كه‌فیتنه.
ژێده‌رێ نه‌ڤیایى ناڤێ وى ئاشكرابیت گۆت: تیرۆرستێن داعشێ ب جلوبه‌رگێن كوردى خوه داپۆشى بوون و هاتنه دناڤ گوندێ سرایلیێ دا كو نێڤا خه‌لكى وێ سونى و نیڤا دى شیعه‌نه و 15 ژ وه‌لاتیێن سڤیل گوشتن، به‌رى پێشمه‌رگه به‌رهنگاربوونا هێرشا وان بكه‌ت و 17 تیرۆرست هاتن كوشتن و 3 بریندار بوون كو پشتى هنگى پێشمه‌رگه‌ى ب ده‌ستا گرتن، هه‌ڤده‌م 5 پێشمه‌رگه بریندار بوون كو برینێن وان دسڤك بوون.
ژێده‌رى هه‌روه‌سا دیاركر، شه‌روپێكدادان د به‌رده‌وامن د ناڤبه‌را پێشمه‌رگه‌ى و چه‌كدارێن داعشێ دا و هێزێن پشته‌ڤانیا پێشمه‌رگه‌ى ژ ئالیێ خانه‌قینێ ڤه هاتینه بۆ هندێ نه‌هێلن چه‌كدارێن داعشێ به‌ر ب قه‌ره‌ته‌په پێشڤه‌بهێن
ئه‌ڤرۆ نیۆز:
وه‌زاره‌تا به‌رڤانیا عیراقێ راگه‌هاند، ل ژێریا باژێرێ تكریت كو دبێژنێ ده‌ڤه‌را زلوعیه پشتى له‌شكرێ عیراقێ بوسه ل به‌ر كاروانه‌كێ چه‌كدارێن داعشێ ڤه‌داین 45 ژ تیرۆرستێن داعشێ هاتن كوشتن.
وه‌زاره‌تا به‌ره‌ڤانیا عیراقێ هه‌روه‌سا خوه‌یاكر، ل گۆر پێزانێن هه‌والگیرى یێن له‌شكرى كاروانێ تیرۆرستێن داعشێ ژ 12 ترۆمبێلان ل ده‌ڤه‌را (ئه‌لقره‌غول) یا سه‌رب زولوعیێ ڤه پێكهاتبوو و هه‌موو تژى چه‌كدارێن داعشى بوون و دشه‌ره‌كێ دژوار دا هه‌موو ترۆمبێلن وان هاتن ژناڤبرن و 45 ته‌رمێن داعشێ بجه مان.
ئه‌ڤرۆ نیۆز:
حوكمه‌تا هه‌رێما كوردستانێ راگه‌هاند، بزاڤێن گرێدانا كونگره‌كێ نێڤده‌ولى بۆ هاریكاریا مرۆڤایه‌تى ل گه‌ل فه‌ره‌نسا و جڤاكێ نێڤده‌ولى سه‌باره‌ت ره‌وشا ئاوه‌ران و چاه‌ركرنا ئاریشا و ئاڤاكرنا ده‌ڤه‌رێن وان یێن وێرانكرى ب سه‌ده‌ما شه‌رێ دژى داعشێ و كو بشێن ڤه‌گه‌رن ل سه‌ر مال و ملكێن خوه دهێنه كرن.
ئه‌و چه‌نده د به‌یاننامه‌ا نڤیسینگه‌ها په‌یوه‌ندیێن ده‌رڤه‌یا حوكمه‌تا هه‌رێما كوردستانێ دا هاتیه، به‌رپرسێ نڤیسینگه‌ها ناڤبرى فه‌لاح موسته‌فاى ئه‌و بابه‌ته ل گه‌ل بالێوزێ فه‌ره‌نسا ل عیراقێ مارك باریتى و قونسلێ گشتیێ فه‌ره‌نسى ل هه‌ولێرێ ئالان كبیرات هاتیه به‌حسكرن.
ئه‌ڤرۆ نيوز، ناجی به‌ده‌ل:
چونا حه‌یده‌ر عه‌بادی بۆ ئیرانێ پشتی وه‌كو وێستگه‌هێ وى يێ ئێكێ پشتى بوويه سه‌رۆكێ وه‌زيرێن عيراقێ بۆ دووپاتكرنا وێ سياسه‌تا شيعى يه يا ل عيراقێ دهێته كرن.
د. ئاری عارف عه‌بدولعه‌زیز ماموستایێ قانوونا گشتی ل زانكۆیا دهۆكێ بۆ ئه‌ڤرۆ نیوز گۆت: “بڕیار دان و ده‌ست نیشانكرنا هه‌ر سێ سه‌رۆك وه‌زیرێن عیراقێ رۆلێ مه‌رجه‌عیه‌تێ شیعی پیڤه دیار بوو، هه‌تا مه‌رجه‌عی نه‌گۆتی بلا بهێته گوهاڕتن، به‌حس لێ نه‌هاته‌كرن و رۆلێ ئیرانێ ل سه‌ر مه‌رجه‌عیه‌تێن شیعی ژی و پشته‌ڤانا ئه‌وان وه‌ك لایه‌نه‌كێ سوزداريا تائیفی هه‌یه”.
ناڤبری ئه‌و ئیكه ژی گۆت: “چوونا سه‌رۆك وه‌زیرێ نوو یێ عیراقێ دوپاتكرنا ئه‌وێ سیاسه‌تا ل عیراقێ دهێته‌كرن ژ لایێ شيعان ڤه و كاریگه‌ری و رۆلێ ئیرانێ ل گوره‌پانا سیاسیا عیراقێ و ده‌ور هه‌یه، له‌ورا هه‌ر ده‌ركه‌فتنا ئێكێ يا سه‌رۆك وه‌زیرێ نوو یێ عیراقێ دڤێت بۆ ئیرانێ بیت”.
د. ئاری خۆياكر كو ئیران هه‌ڤسیێ عیراقێ یه و پشته‌ڤانیا لایه‌نێ ده‌سه‌لاتێ دكه‌ت ل هه‌ر ئالوزیه‌كێ، له‌ورا د ئه‌ڤێ ره‌وشا ئالوزا عیراق تێ كه‌تی و پێدڤیا عیراقێ بۆ ده‌رباز بوون ژ ئه‌ڤێ قه‌یرانێ بێ رۆلێ ئیرانێ نه‌شیت رزگار بیت.
ئه‌ڤرۆ نيوز، نيوار محه‌مه‌د سه‌ليم:
پشتى د به‌رنامێ نوقته‌تولنيزام يێ كه‌نالێ عه‌ره‌بيه دا، مير ته‌حسين به‌گ، ميرێ ئێزديان ل عيراقێ و جيهانێ ل دۆر پرسياره‌كێ كا ئايا ئێزدى نه‌ته‌وه‌نه يان ئايين، گۆت كو ئێزدى نه‌ته‌وه و ئايين و په‌يوه‌نديێن وان ل گه‌ل كورد و عه‌ره‌بان گه‌له‌ك د خۆشن، ئه‌ڤى نووچه‌ى ده‌نگڤه‌دانه‌كا مه‌زن ل سه‌ر ئاستێ كوردستانى و جيهانى دا.
شێخ شامۆ نوونه‌رێ ئێكانه يێ ئێزديان د په‌رله‌مانێ كوردستانێ دا، كو د هه‌مان ده‌م دا، سه‌رۆكێ بنگه‌هێ لالش يێ ره‌وشه‌نبيرى و جڤاكيه، ره‌خنێن دژوار ل ميرى دگريت و دبێژيت: “به‌حسكرن ل ناسناما ئێزديان هێلا سۆره”.
زێده‌تر دبێژيت: “مه گه‌له‌ك پێ سه‌يره كه‌سه‌كێ وه‌كو ميرى پشكدارى د خه‌باتا رزگاريخوازيا كوردى دا هه‌بيت و ڤا ئاخفتنان بێژيت، له‌ورا چو گۆتنێن ميرى وه‌كو ڤێ ئه‌م تۆره نه‌كرينه و دێ هه‌لۆيستى وه‌رگرين”.
د داخۆيانيه‌كێ دا بۆ ده‌زگه‌هێن راگه‌هاندنێ كو دانه‌ك بۆ ئه‌ڤرۆ نيوز هنارتيه، رێڤه‌به‌ريا گشتى يا كاروبارێن ئێزديان ژى رادگه‌هينيت كو ئێزدى ب نه‌ته‌وه كوردن و ديرۆك و مێژوو ل سه‌ر ڤێ چه‌ندێ شاهدن.
ئاماژێ ب وێ چه‌ندێ ژى دكه‌ت كو ئه‌و خوه ل به‌ر چ لايه‌نه‌كێ سیاسى شرین ناكه‌ن ب ڤان گۆتنان، چونكو ئێزدیاتیێ د دیرۆكێ دا ب كورد دیاركرییه و گه‌نگه‌شه ل سه‌ر كوردبوونا وان ناهێته‌كرن.
دايه زانين كو مير ته‌حسين به‌گ ب خوه ژى ل گه‌له‌ك هه‌لكه‌فتان ئاماژه ب وێ چه‌ندێ كريه كو ئێزدى كوردن و ئه‌ڤه راستيه‌كه ناهێته ڤه‌شارتن.
ل دووماهيێ ژى دبێژن: “دڤيا ميري ئێزديان ئه‌ڤ بڕياره ب تنێ نه‌دابا، ئه‌ڤ بابه‌ته بۆ ده‌مه‌كێ دى هێلابا كو ئێزديان ب خوه بڕيار دابا و پاشه‌رۆژا خوه دياركربا”.
داخۆيانيا ته‌حسين به‌گ ل كه‌نالێ عه‌ره‌بيه:
ئەڤرۆ نیۆز:
سەرکردەکێ ئەنجومەنێ نیشتیمانیێ کوردستانێ بۆ ئەڤرۆ نیوز دیار کر کو چاڤەرێ دھێتە کرن پێشمەرگێن رۆژاڤایێ کوردستانێ یێن کو ل ھەرێما کوردستانێ راھێنان پێ ھاتینە کرن ل گەل پێشمەرگێن ھەرێمێ پێکڤە بچنە کوبانێ و رۆژاڤایێ کوردستانێ.
ل دووڤ گۆتنێن وی سەرکردەی ئەو ھێزا پێشمەرگەی یا کو دھێتە چاڤەرێکرن بچیتە کوبانێ دێ ژلایێ وەزارەتا پێشمەرگەی ڤە ھێتە رەوانەکرن و ھەروەسا وەزارەتا پێشمەرگەی دێ سەرپەرشتیێ ل سەر کار و ئەرکێن وان کەت و گۆت: (رازیبوونا تورکیا بۆ ڤێ چەندێ ھاتیە وەرگرتن نوکە وەزارەتا پێشمەرگەی د دانوستاندنان دایە ل گەل PYD و PKK، ھەتا نوکە ئەو رازی نەبووینە، ھەر دەمێ ئەو رازیبوون دێ پێشمەرگێن رۆژاڤا و یێن ھەرێمێ پێکڤە ب رێیا سنورێ تورکیا چنە د ناڤ کوبانێ دا).
ئەڤرۆ نیوز: لەزگین جۆقی:
بەرپرسێ راگەھاندنا لقی 14 يێ پارتی دیموکراتی کوردستان سەعید مەموزینی بۆ ئەڤرۆ نیوز دیارکر کو چەکدارێن داعش تووشی شکەستنەکا زۆر مەزن بووینە وئێدی شیان نەماینە ھێرشێن خوە ئەنجام بدەن وگۆت: “ژ شڤێدی ھەتا نوکە ل دووڤ پێزانينێن گەھشتینە مە، 35 تەرمێن داعش و زێدەتر ژ 100 بریندارێن چەکدارێن گەھشتینە نەخۆشخانا کۆماری ل مووسل”.
سەعید مەموزینی بەرپرسێ راگەھاندنا لقێ 14 يێ پارتی دیموکراتی کوردستان گۆت: “ل ھەموو ميحوەران پیشمەرگەيێ کوردستانێ يێ د پێشڤەچوونێ دا و زیانێن مەزن گەھاندینە داعش و زێدەتر ژ 12 ھەمەرێن داعش ھاتینە پووچکرن”.
دا زانين ژى كو ئێدی چو د دەستێ داعش دا نەمایە، یێن دشێن درەڤن خوە قورتال دکەن و گۆت: “مزکینيێ ددەینە خەلکێ خوە کو ئێدی داعش نەشێت چو بکەت و دێ ژناڤ چیت”.
نيشاندان