دیدار، هۆشهنگ تاجر:
ئهندامهكا مهكتهبا سیاسی یا پارتی دیموكراتی كوردستان/ سووریێ راگههاند كو توركیا دڤێت دهست ب ئۆپهراسیۆنهكا نوو ل رۆژئاڤایێ كوردستانێ بكهت، لێ رۆسیا و ئهمریكا ڤێجارێ رێ نادهن چونكو رۆسیا دڤێت توركیا ههموو هێزێن خوه ل سووریێ ڤهكێشیت و ئهمریكا ژی ل دژی بهێزبوونا توركیا یه ل سووریێ.
مستهفا جومعه ئهندامێ مهكتهبا سیاسی یا پارتی دیموكراتی كوردستان/ سووریێ د دیدارهكا تایبهت دا ل گهل رۆژناما ئهڤرۆ ل دۆر گهفێن ڤێ دووماهیێ یێن ئهردۆغانی و بهرپرسێن دی یێن توركیا بۆ دهستپێكرنا ئۆپهراسیۆنهكا نوو ل دژی رۆژئاڤایێ كوردستانێ دیار كر كو بهری ههر تشتهكێ ڤێجارێ رهوش وهكو چهند سالێن بۆری نینه، یا ئێكێ رۆسیا و ئهمریكا ب ههموو رهنگهكێ ل دژی هندێ نه كو توركیا دهست ب ئۆپهراسیۆنهكا وهسا بكهت و خالا دی ژی نها رۆسیا و رژێما سووریێ كار بۆ دهرخستنا ههموو هێزێن سهر ب توركیا ل ئدلبێ دكهن و ههر دو وهلاتێن زلهێزێن جیهانێ ژی ناخوازن پێگههێ توركیا ل سووریێ بهێز كهڤیت و گۆت: (بێگومان ئهردۆغانی دڤێت دهست ب ئۆپهراسیۆنهكا نوو ل رۆژئاڤایێ كوردستانێ بكهت، چونكو یا ئێكێ سهرهدانا ئهردۆغانی یا بۆ ئهمریكا كو دخواست ل بایدنی كۆمبیت بێی ئهنجام ما و بایدن بهرههڤ نهبوو ل گهل ئهردۆغانی كۆمبیت و ل ئالیێ دی سهرهدانا ڤێ دووماهیێ یا ئهردۆغانی بۆ رۆسیا ژی شكهستن ئینا، چونكو بهرۆڤاژی جارێن بۆری ڤێجارێ رۆسیا ب توندی هۆشداری دا ئهردۆغانی و داخواز ژ توركیا ژی كر كو د زووترین دهم دا ههموو هێزێن خوه ژ ئدلبێ ڤهكێشیت و نها ژی رۆسیا ل گهل رژێما سووریێ پێكڤه كار بۆ هندێ دكهن كو ئدلبێ ژ دهستێ توركیا و هێزێن سهر ب وێ ڤه دهرخینن، ئانكۆ ب گشتی نها رهوش وهكو بهری چهند سالێن بۆری نینه و ئهز باوهر ناكهم كو رۆسیا و ئهمریكا ب چو رهنگهكێ رازی بن كو توركیا دهست ب ئۆپهراسیۆنهكا نوو ل باكورێ سووریێ و رۆژئاڤایێ كوردستانێ بكهت).
ئهندامێ مهكتهبا سیاسی یا پارتی دیموكراتی كوردستان/ سووریێ ئهو یهك ژی دیار كر كو ههكه توركیا بێی رازیبوونا رۆسیا و ئهمریكا دهست ب ئۆپهراسیۆنهكێ ل دژی رۆژئاڤایێ كوردستانێ بكهت ئهنجامێن وێ دێ بۆ توركیا گهلهك خراب بن، چونكو سهرهرازی ههموو ئالۆزیان ژی نها ئهمریكا و رۆسیا پێكڤه دخوازن كو قهیرانا سووریێ بهێته چارهسهركرن، بێگومان ههر ئۆپهراسیۆنهك كو توركیا دهستپێ بكهت دێ بیته ئهگهرێ هندێ كو رهوشا سووریێ پتر ئالۆز ببیت و ژ بهر هندێ ژی نه رۆسیا و نه ژی ئهمریكا ڤێجارێ رێ نادهن كو توركیا دهست ب ئۆپهراسیۆنهكا نوو ل دژی رۆژئاڤایێ كوردستانێ بكهت و گۆت: (ئهردۆغانی دڤێت ب رێیا گهفێن ب ڤی رهنگی ههبوونا خوه د مهیدانا سیاسی یا ل سووریێ دا بهێز بكهت، لێ ڤێجارێ ژ بهر ناكۆكیێن دژوار یێن د ناڤبهرا توركیا و رۆسیا دا تشتێ توركیا بڤێت نهشێت بكهت، بهری نها رۆسیا ل ههمبهر ئۆپهراسیۆنێن توركیا بێدهنگ بوو، چونكو رۆسیا دخواست ب رێیا توركیا هێزێن چهكدارێن ئۆپۆزسیۆنا سووریێ كۆنترۆل بكهت، لێ نها رهوش ب تهمامی هاتیه گوهۆرین و بهرپرسێن رۆسیا رۆژانه دبێژن كو توركیا پشتهڤانیێ ل وان گرۆپێن تیرۆرستی دكهت و دڤێت توركیا هێزێن خوه ژ سووریێ ڤهكێشیت، بێگومان رۆسیا ڤێجارێ ناهێلیت توركیا دهست ب ئۆپهراسیۆنهكا نووو بكهت).
مستهفا جومعه ئهو یهك ژی دیار كر كو رۆسیا ب ههموو رهنگهكێ كار دكهت كو جارهكا دی شام حوكمێ ل ههموو سووریێ بكهت، سهرهدانا ڤێ دووماهیێ یا بهشاری بۆ رۆسیا ژی ههر بۆ هندێ بوو، رۆسیا نها فشارێن خوه ل سهر توركیا ژی زێدهتر كریه كو دڤێت هێزێن خوه ژ سووریێ ڤهكێشیت، بهری چهند سالان رۆسیا كارتا توركیا ل دژی رۆژئاڤایێ كوردستانێ بكار ئینا و رێ بۆ توركیا خوهش كر كو عهفرینێ و دهڤهرێن دی داگیر بكهت، لێ نها رهوش ب تهمامی هاتیه گوهۆرین و گۆت: (ئهمریكا ژی باش دزانیت كو ئهردۆغانی دڤێت رهوشا سووریێ پتر ئالۆز بیت دا بشێت بهرژهوهندیێن خوه بپارێزیت، لێ ئهو یهك بۆ ئهمریكا خرابه و بهری نها ژی چهندین جاران بهرپرسێن سهربازی و سیاسی یێن ئهمریكا دیار كرینه كو دێ هێزێن وان ل رۆژئاڤایێ كوردستانێ مینن و ههروهسا ئهمریكا ب توندی ژی ل دژی هندێ یه كو توركیا دهست ب ئۆپهراسیۆنهكا نوو بكهت).
ل دۆر چارهسهریا قهیرانا سووریێ ژی ئهندامێ مهكتهبا سیاسی یا پارتی دیموكراتی كوردستان/ سووریێ راگههاند كو ئاشكرایه رهوشا نها یا ئالۆز ل سووریێ دڤێت ب رێیێن سیاسی بهێته چارهسهركرن، ژ بۆ هندێ ژی پێدڤیا سووریێ ب دستوورهكێ نوو ههیه كو مافێن ههموو پێكهاتێن سووریێ تێدا بجه بیت، كهس نهشێت وهكو بهری ١١ سالان سووریێ برێڤه ببهت، دڤێت سیستهمێ رێڤهبهریا سووریێ ژی بهێته گوهۆرین، ههتا ههلوهستێ شامێ ژی ل دۆر كوردان و پێكهاتێن دی ل سووریێ نههێته گوهۆرین بێگومان زهحمهته مرۆڤ بهحسێ چارهسهریا سیاسی بۆ سووریێ بكهت.
نيشاندان