ئەڤرۆ نیوز:
فلۆرانس پارلی وەزیرا بەرەڤانیێ یا فرەنسا شەڤا بۆری گەهشتە بەغدا و بریارە ئەڤرۆ ئێڤارێ سەرەدانا هەولێرێ بکەت و ل گەل بەرپرسێن هەرێما کوردستانێ کۆم ببیت.
ل گۆر دەزگەهێن راگەهاندنا جیهانی ئارمانجا سەرەکی یا وەزیرا فرەنسا بۆ بەغدا و هەولێرێ ل دۆر هێرشێن تورکیا یێن ل سەر عیراقێ و هەرێما کوردستانێ نە و فرەنسا دڤێت سنورەک بۆ هێرشێن تورکیا بهێتە دانان.
ئەڤرۆ نیوز:
کەمال محەمەد وەزیرێ کارەبێ یێ حوکمەتا هەرێما کوردستانێ راگەهاند کو رەوشا کارەبێ ل هەرێما کوردستانێ گەلەک باش بوویە نها پتر ژ ٢٠ دەمژمێرێن کارەبێ بۆ وەلاتیان دهێتە دابینکرن و گۆت: (بۆ وەرزێ زڤستانێ ژی دێ رەوشا کارەبێ باش بیت و دڤێت وەلاتی ژی د هاریکار بن).
ناڤهاتی راگەهاند کو بەری نها چەندین وێستگەهێن کارەبێ هەبوون کو چو مفا ژ وان نەدهاتە وەرگرتن و عیراق نها سوتەمەنیێ بۆ وان وێستگەهان دابین دکەت و ئەو وێستگەه کار دکەن و وەزارەتا کارەبێ ٥٠٠ مێگاواتێن کارەبێ دفرۆشیتە عیراقێ.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ ئامارا ٢٤ دەمژمێرێن بۆری یا کۆرۆنایێ بەلاڤکر و تێدا دیار دبیت کو ل هەرێما کوردستانێ ٤٦٣ کەسێن دی تووشی ڤایرۆسێ کۆرۆنایێ بووینە و ١٧ کەس ژی مرینە.
ل گۆر ئامارا وەزارەتا ساخلەمیێ ل دهۆکێ ٩٠ کەسێن دی تووشی کۆرۆنایێ بووینە و چو کەسەک نەمریە.
١. کەرەنتین: (هیچ هاوڵاتی نوێ کەرەنتین نەکراون)
١٠٩ هاوڵاتی لە کەرەنتینن لە ٣ شوێنی جیاواز لە پارێزگای دهۆك ماونەتەوە.
٢. پشکنین: (٤١٩٩ پشکنینی نوێ)
(١٢٠٨ هەولێر)، (٥٠١ سلێمانی، ١٤٥ گەرمیان)، (٢٢٩٨ دهۆك)، (٤٧ هەڵەبجە)
٣. تووشبوو: (٤٦٣ تووشبووی نوێ)
(٢٦٤ هەولێر)
(٦١ سلێمانی، ٢٤ گەرمیان)
(٩٠ دهۆك)
(٢٤ هەڵەبجە)
٤. چاکبوون: (٣٤٩ چاکبوون)
(٢٨٠ هەولێر)
(٢٠ سلێمانی، ٣٣ گەرمیان)
(١٦ هەڵەبجە)
٥. مردن: (١٤ مردن)
(٨ هەولێر)
(٥ سلێمانی)
(١ گەرمیان)
ئاماری گشتی:
کەڕەنتین هاوڵاتی ٢١٨٣١ (٢١٧٢٢ دەرچوو)
پشکنین ٢٩٠٥٦١ (١١٨٨٦٢ هەولێر، ٨٤١٠٤ سلێمانی، ٨٤٨٤٨ دهۆك، ٢٧٤٧ هەڵەبجە)
تووشبوون ٢٦٣٩٢ (١٠٨٧٠ هەولێر، ١١٢٧٩ سلێمانی، ٣٤١٥ دهۆك، ٨٢٨ هەڵەبجە)
چاکبوون ١٥٨٤٣ (٦٣٤٩ هەولێر، ٧٨١٥ سلێمانی، ٩٤٢ دهۆك، ٧٣٧ هەڵەبجە)
لەژێر چارەسەر ٩٥٨٧ (٤١٦٨ هەولێر، ٢٩٠٢ سلێمانی، ٢٤٤٢ دهۆك، ٧٥ هەڵەبجە)
مردن ٩٦٢ (٣٥٣ هەولێر، ٥٦٢ سلێمانی، ٣١ دهۆك ، ١٦ هەڵەبجە)
بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی تر داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).
وەزارەتی تەندروستی
حکومەتی هەرێمی کوردستان
٢٦ی ئاب ٢٠٢٠
ئەڤرۆ نیوز:
مەحمود محەمەد پەیڤدارێ فەرمی یێ پارتی راگەهاند کو کۆمبوونا بەری نها یا د ناڤبەرا پارتی و ئێکەتیێ دا باش بوویە و گۆت: (د دەمەکێ نێزیک دا ژڤان و جهێ کۆمبوونا داهاتی یا د ناڤبەرا پارتی و ئێکەتیێ دا دیار کەین).
ناڤهاتی راگەهاند هەکە پەیوەندیێن پارتی و ئێکەتیێ د باش بن دێ رەوشا سیاسی و ئابووری ل هەرێما کوردستانێ باشتر لێ هێت و ژ بەر هندێ ژی د کۆمبوونا داهاتی یا ل گەل ئێکەتیێ دا دێ بەحسێ گەلەک تەوەران هێتە کرن.
ئه‌ڤرۆ نیۆز، عه‌زیز هه‌ورامی:
له لایه‌ن جێگری سه‌رۆكی ئه‌نجوومه‌نی پارێزگای سلێمانی سه‌ر به بزووتنه‌وه‌ی گۆڕانه به‌بێ پرسی سه‌رۆكی ئه‌نجوومه‌ن له یه‌كێتی له‌گه‌ڵ كۆمه‌ڵێك ئه‌ندامی ئه‌نجوومه‌ن یاداشتیان واژوو كردووه بۆ تۆماركردنی سكاڵا له سه‌ر حكوومه‌ت.
ئه‌ندامێكی ئه‌نجوومه‌نی پارێزگای سلێمانی، نه‌ی ویست ناوی بڵاو بكه‌ینه‌وه به ئه‌ڤرۆ نیۆزی ڕاگه‌یاند، جێگری سه‌رۆكی ئه‌نجوومه‌نی پارێزگای سلێمانی به‌بێ پرسكردن به سه‌رۆكی ئه‌نجوومه‌ن له‌گه‌ڵ چه‌ند ئه‌ندامی ئه‌نجوومه‌ن هه‌ستاون به كۆكردنه‌وه‌ی واژو تۆماركردنی سكاڵا له سه‌ر حكوومه‌ت، له باره‌ی بڕینی 21% مووچه، له كاتێكدا ئه‌وه مووزایده‌یه چونكه ئه‌نجوومه‌نی پارێزگاكان ئه‌و ده‌سه‌ڵاته‌ی نییه.
سه‌رچاوه‌كه وتیشی، ئه‌وه سه‌رۆكی ئه‌نجوومه‌نی پارێزگای نیگه‌ران كرد ئه‌مڕۆ كۆبوونه‌وه‌یه‌ك هه‌بوو له‌و باره‌وه جێگری سه‌رۆكی ئه‌نجوومه‌ن بۆ مزایده ڕاگه‌یاندنه‌كانی بانگێشت كردبوو، سه‌رۆكی ئه‌نجوومه‌ن ڕێگه‌ی نه‌دا ڕاگه‌یاندنه‌كان بێنه ژوره‌وه بۆیه ئیدی ده‌مه‌قاڵی له نێوانیاندا دروست بوو.
سه‌رۆكی ئه‌نجوومه‌نی پارێزگای سلێمانی سه‌ر به یه‌كێتی نیشتیمانی كوردستانه و جێگری سه‌رۆكی ئه‌نجوومه‌نی پارێزگاش سه‌ر به بزووتنه‌وه‌ی گۆڕانه.
ئه‌ڤرۆ نیوز:
سه‌رۆك وه‌زیرێ ئسرائیلێ راگه‌هاند شانده‌كێ ئیسرائیلی ب هه‌ڤالبه‌ندیا جارید كوشنه‌ر راوێژكارێ بلندێ دونالد تره‌مپی سه‌رۆكی ئه‌مریكا ب مه‌به‌ستا ئه‌نجامدانا دانوستاندنێ و پشته‌ڤانیكرن ل رێكه‌تنا دناڤبه‌را ئیسرائیل و ئیماراتێ سه‌ره‌دانا ئه‌بوزه‌بی كه‌ن.
بنیامێن ناتانیاهو سه‌رۆك وه‌زیرێ ئیسرائیلێ راگه‌هاند جارید كوشنه‌رراوێژكارێ تره‌مپ و نوونه‌رێ ئه‌مریكا بۆ رۆژهه‌لاتاناڤین و ئه‌یڤی بیر كوڤیچ پشكداریا شاندێ ئیسرائیلێ كه‌ن كۆ موئیر بن شباك راوێژكارێ ئاسایشا نیشتمانیا ئیسرائیلێ سه‌رۆكاتیا ئه‌وی شاندی دكه‌ت.
ئه‌و شاندێ هه‌ڤپشكێ ئه‌مریكا و ئیسرائیلێ دێ ب فرۆكه‌یه‌كا راسته‌وخو ژ ئیسرائیلێ ژ ته‌لئه‌بیبێ به‌ره‌ڤ ئه‌بوزه‌بی چیت.
ئه‌ڤرۆ نیوز:
رێكخراوا ساخله‌میا جیهانی د نووترین چالاكیا خودا ل هه‌رێما كوردستانێ دناڤ وه‌زاره‌تا ساخله‌میێ یا حوكمه‌تا هه‌رێما كوردستانێ نڤیسینگه‌ها خوه ڤه‌كر.
د. سامان به‌رزنجی وه‌زیرێ ساخله‌میا حوكمه‌تا هه‌رێما كوردستانێ راگه‌هاند بۆ به‌رهنگاربوونا ڤایرۆسێ كورونایێ مه پێدڤی ب هه‌ڤكاریا رێكخراوا ساخله‌میا جیهانی یه، ژبه‌ركو ل وه‌رزێ به‌ربه‌لاڤبوونا ڤایرۆسی داینه، مه پێدڤی ب هه‌ڤكاریا لایه‌نه‌كی یه، بۆ خوبه‌رهه‌ڤكرن بۆوه‌رزێ سه‌رمایێ و به‌رهنگاربوونا ڤایرۆسی، ڤه‌كرنا نڤیسینگه‌ها رێكخراوا ساخله‌میا جیهانی پشته‌ڤانیه‌كا باشه بۆ وه‌زاره‌تێ د به‌رهنگاربوونا ئه‌ڤی ڤایرۆسی دا.
ئه‌ڤرۆ نیۆز، عه‌زیز هه‌ورامی
له ناوچه‌كانی ده‌ره‌وه‌ی ئیداره‌ی هه‌رێمی كوردستان و پارێزگاكانی عێراق داعش به فراوانی سه‌ری هه‌ڵداوه‌ته‌وه به چه‌كی قورس و سوك هێرش ده‌كه‌نه سه‌ر هاوڵاتییان و هێزه ئه‌منییه‌كانی عێراق، ڕۆژانه چالاكی تیرۆرستی ئه‌نجام ده‌ده‌ن به‌رپرسێكی باڵای پارتی باس له مه‌ترسییه‌كان ده‌كات.
اكبر حه‌یده‌ر جێگری لێپرسراوی لقی 15ی خانه‌قینی پارتی دیموكراتی كوردستان، به ئه‌ڤرۆ نیۆز ڕاگه‌یاند:”تیرۆستانی داعش چالاكی تیرۆرستییان فراوان كردووه به كاتیۆشا هێرش ده‌كه‌نه سه‌ر گونده‌كان و هاوڵاتییانی سفیل شه‌هید ده‌كه‌ن.
هه‌روه‌ها ئاماژه‌ی به‌وه‌كرد:”داعش ته‌واو سه‌ریان هه‌ڵداوه‌ته‌وه هێرش ده‌كه‌نه سه‌ر ته‌واوی گونده‌كان و قه‌زاكان هاوڵاتیی سڤیل ده‌فڕێنن و شه‌هید ده‌كه‌ن، ناو خانه‌قین هاوه‌ن باران ده‌كه‌ن.
ئاماژه‌ی بۆ ئه‌وه‌شكرد، داعش شه‌وی ڕابردوو له سنووری داقوق هێرشیان كردووه‌ته سه‌ر هێزه‌كانی عێراقی 8 كوژراو بریندار له ڕیزه‌كانی پۆلیسی فیدڕاڵی كه‌وتووه‌ته‌وه، به‌رده‌وامیش هێرش ده‌كه‌نه سه‌ر هێزه‌عێراقییه‌كان و میلشیكانی حه‌شدی شه‌عبی له خانه‌قین و ده‌وروبه‌ری.
ئه‌ڤرۆ نیوز:
به‌رپرسه‌كێ چینێ راگه‌هاند د چارچوڤه‌یێ پرۆگرامێ ره‌وشێن ژ نشكه‌كێ ڤه، كارمه‌ند و ده‌ستێ كارێ یێ سه‌ره‌كی ب ئه‌وی ڤاكسینێ ئه‌وان به‌رهه‌م ئینایی تاقیكرن كو پێشڤه‌بریه ب باشترین شیوه.
ژانگ ژونگ وی سه‌رۆكێ ناڤه‌ندا زانستی و ته‌كنولوژی سه‌ر ب لژنا ساخله‌میا نیشتمانی ڤه‌یه راگه‌هاند حوكمه‌تا وه‌لاتێ وی ل هه‌یڤا 7 یا ئیسال رێك دا ڤاكسینێ سارس كوڤ كۆ ل وه‌لاتێ وی هاتیه پێشڤه‌برن و دهێته بكار ئینان ژی ئه‌و ڤاكسینه بۆ ئه‌وان كارمه‌ندێن دبیاڤێ ساخله‌میێ دا كار دكه‌ن، چونكو مه‌ترسیه‌كا زۆرا توشبوونێ ب ڤایرۆسێ كورونایێ ل سه‌ر هه‌یه، ره‌زامه‌ندی هاتیه دان ل سه‌ر بكار ئینانا ئه‌وی ڤاكسینی دناڤ سوپایێ وه‌لاتی و كارمه‌ندێن كۆمپانیان كۆ نه‌چارن ب ئه‌گه‌رێ كارێن وان سه‌ره‌دانا وه‌لاتێن ده‌رڤه دكه‌ن.
سه‌رۆكێ ناڤه‌ندا زانست و ته‌كنولوژی یا چینێ ئه‌و چه‌نده ژی راگه‌هاند ئه‌گه‌ر هه‌یه پرۆگرامێ ره‌وشا ژنشكه‌كێ ڤه یا وه‌لاتێ وی ل پائیز و زڤستانا ئیسال به‌رفره‌هتر لی بكه‌ت، د چارچوڤه‌یێ بزاڤێن به‌رده‌وامێن رێگریكرن ژ دوباره به‌لاڤ بوونا ڤایرۆسێ كورونایێ.
ئه‌ڤرۆ نیوز:
ڤایرۆسێ كورونایێ ل هه‌رێما كوردستانێ یا زێده به‌لاڤ دبیت حوكمه‌ت ژی بۆ وه‌رزێ پائیزێ خو به‌رهه‌ڤ دكه‌ت.
د.سامان به‌رزنجی وه‌زیرێ ساخله‌میا حوكمه‌تا هه‌رێما كوردستانێ راگه‌هاند ڤایرۆسێ كورونایێ ل قوناغا به‌ربه‌لابوونێ دایه وه‌زاره‌ت و حوكمه‌ت ژی خو بۆ به‌رهنگاربوونا ڤایرۆسێ كورونایێ ل وه‌رزێ پائیزێ خو به‌رهه‌ڤ دكه‌ت.
وه‌زیرێ ساخله‌میا حوكمه‌تا هه‌رێما كوردستانێ ئه‌و چه‌نده ژی راگه‌هاند تانوكه ئه‌مریكا بهایێ 800 هزار دۆلاران بۆ كه‌رتێ ساخله‌میا هه‌رێما كوردستانێ ته‌رخانكرینه و مه داخاز ژ نه‌ته‌وه‌یێن ئیكگرتی ژی كریه هه‌ڤكاریا ئاواران بكه‌ن.
نيشاندان