ئەڤرۆ نیوز:
ئەیوب رەمەزان رێڤەبەرێ گشتی یێ رەوشەنبیری و هونەری ل دهۆکێ راگەهاند کو ل هۆلا محەمەد عارف جزیری وان پێشوازی ل د. عەلی تەتەر پارێزگارێ دهۆکێ کرینە و ب پشتەڤانیا سەرۆکێ حوکمەتا هەرێما کوردستانێ دێ هۆلا جزیری هێتە نووژەنکرن و گۆت: (سوپاسیا سەرۆکێ حکومەتێ و پارێزگارێ دهۆکێ دکەین بۆ ڤی کاری و بێگومان دێ بیتە جهێ دلخوشیا هەمی هونەرمەند و هونەردوستێت پارێزگەها دهۆکێ).
ئه‌ڤرۆ نیوز:
سه‌رپرشتیارێ چاره‌كرنا نه‌خوشیێن كورونایێ ل پارێزگه‌ها دهۆك دیاركر نوكه 84 توشبوویێن كورونایێ ل ناڤ نه‌خوشخانه‌یی دا هه‌نه و ژوانا ژی ره‌وشا سێ توشبوویان تێك چوویه.
د.موئه‌یه‌د ئه‌غالی سه‌رپرشتیارێ چاره‌كرنا نه‌خوشیێن كورونایێ ل پارێزگه‌ها دهۆكێ راگه‌هاند ره‌وشا سێ توشبوویێن ڤایرۆسێ كورونایێ تێك چوویه، ئه‌و هه‌ر سێ ژی زه‌لامن نوكه دبن چاڤدێریا چردانه، ئێك ژ ئه‌وان هه‌رسێكان نه‌خوشیا په‌نجه‌شێرێ هه‌یه دژیێ 80 سالیێ دایه، توشبوویه‌كێ دی ژی دژیێ60 سالێ دایه و ره‌وشا وی ژی باش نینه وتوشبوویێ دی ژی نه‌خوشیا شه‌كرێ هه‌یه.
نوژدارێ ناڤبری ئه‌و چه‌نده ژی دیاركر هنده‌ك توشبوو هه‌نه ژێده‌رێ ڤه‌گرتنا وان دیار نینه، ئه‌ڤه جهێ مه‌ترسیێ یه، له‌ورا پێدڤیه وه‌لاتی به‌رده‌وام رێنمایێن خوه پاراستنێ بجهـ بینن.
ل پارێزگه‌ها دهۆكێ هه‌تا نوكه 396 توشبوویێن كورونایی هاتینه توماركرن، ژ ئه‌ڤێ ژماره‌یی ژی 312 توشبوویێن هاتینه چاره‌كرن و ساخ بووینه، نوكه 84 توشبوو دناڤ نه‌خوشخانه‌یێ دا ماینه.
ئه‌ڤرۆ نیوز:
ژماره‌یا گشتی یا توشبوویێن ڤایرۆسێ كورونایێ ل جیهانێ ژ 16 ملیۆن كه‌سان ده‌رباز بوو.
لگۆری ئامارێن ڤایرۆسێ كورونایێ، ژماره‌یا توشبوویێن كوروناێی ل سه‌ر ئاستێ جیهانی گه‌هشته 16 ملیۆن و 205 هزار كه‌سان، هه‌روه‌سا 648 هزار كه‌سان ژی گیانێ خوه ژ ده‌ست داینه.
ئامارێن كورونایێ ل سه‌ر ئاستێ جیهانێ زێده‌تر بوویه ژ ئێكێ ئه‌ڤێ هه‌یڤێ هه‌تا نوكه زێده‌تری پینج ملیۆن توشبوو ل جیهانێ هاتینه تووماركرن، ئه‌مریكا زۆرترین زیان به‌ركه‌تین، كۆ چار ملیۆن و 315 هزار توشبووی تێدا هاتینه توماركرن، ژ ئه‌ڤێ ژماره‌یێ زێده‌تری 149 هزار كه‌سان ژی گیانێ خوه ژ ده‌ست دایه.
ئه‌ڤرۆ نیۆز، عه‌زیز ڕه‌سووڵ
كارگه‌ی دۆشاوی ئاوی ته‌ماته‌ی شاره‌زوور ته‌ماته‌ی جۆتیارانی پارێزگای دهۆك و هه‌ولێر ده‌كرێته‌وه، بۆ ئه‌و مه‌به‌سته‌ش جۆتیاران به تڕێله به‌رهه‌مه‌كانی ته‌ماته‌یان ده‌گه‌یه‌ننه پارێزگای هه‌ڵه‌بجه و ڕاده‌ستی كارگه‌كه‌ی ده‌كه‌ن.
جاسم محه‌ممه‌د به‌ڕێوه‌به‌ری ڕێپێدراوی كارگه‌ی دۆشاوی ئاوی ته‌ماته‌ی شاره‌زوور ، به ئه‌ڤرۆ نیۆزی ڕاگه‌یاند، له پارێزگای دهۆك و هه‌ولێر گرێ به‌ستمان له‌گه‌ڵ ئه‌و جۆتیارانه كردووه ته‌ماته به‌رهه‌م ده‌هێنن لێیان ده‌كڕینه‌وه، له قاجانزی هه‌ردوو لاماندایه.
هه‌روه‌ها ئاماژه‌ی بۆ ئه‌وه‌كرد،له‌گه‌ڵ به‌گه‌ڕخستنه‌وه‌ی كارگه‌كه‌مان ڕۆژانه چه‌ند تڕێله‌یه‌ك ته‌ماته له‌لایه‌ن جۆتیارانی پارێزگای هه‌ولێر و دهۆك ده‌گاته ده‌ستمان، جۆتیاره‌كان سودمه‌ندن له گه‌ڕ خستنه‌وه‌ی كارگه‌كه‌مان له ته‌واوی كوردستان چونكه ئێمه ته‌ماته له هه‌موو جۆتیارانی كوردستان وه‌رده‌گرین.
ئاماژه‌ی بۆ ئه‌وه‌شكرد، ڕۆژانه 37 ته‌ن ئاوی ته‌ماته‌مان ده‌بێت له كاتژمێرێكدا شه‌ش هه‌زار قتوو ئاوی ته‌ماته به‌رهه‌م ده‌هێنین هه‌رقتووی 800 غرامه،هاوڵاتییان ڕویان كردووه‌ته كڕینی به‌رهه‌می ناوخۆ و له بازاڕه‌كانی كوردستان كێشه‌ی ساخ بوونه‌وه‌مان نییه.
كارگه‌ی ئاوی ته‌ماته‌ی شاره‌زوور به دوو براند به‌رهه‌مه‌كه‌یان ده‌خه‌نه بازاڕه‌كانی كوردستان و عێراق ،بۆ بازاڕه‌كانی ناوخۆ به‌ناوی ئاوی ته‌ماته‌ی شاره‌زوور، بۆ پارێزگاكانی عێراق به‌ناوی مه‌عجوون ته‌ماته بغداد ده‌خاته بازاڕی پارێزگاكانی عێراق.
ئه‌ڤرۆ نیوز:
سوپایێ عیراقێ ده‌ست ب ئوپراسیونه‌كێ ل دژی چه‌كدارێن رێكخراوا تیرۆریستی یا داعشێ ل باكورێ رۆژهه‌لاتا به‌غدا كر.
فه‌رمانده‌یێ ئوپراسیونێن هه‌ڤبه‌شێن سوپایێ عیراقێ راگه‌هاند ئوپراسیون سپێده‌هیا ئێك شه‌مبی رۆژا 26/7/2020 ل سێ ئالیان ڤه ل توخیبێ پارێزگه‌ها دیالا ده‌ست پێكریه.
ئوپراسیون ل بن ناڤێ قوناغا سیێ یا قاره‌مانێن عیراقێ یه، بۆ لێگه‌ریان دووڤ چه‌كدارێن داعشێ كۆ به‌رده‌وام ل ئه‌ڤان ده‌ڤه‌ران كردارێن تیرۆریستی ئه‌نجام دده‌ن.
ئه‌ڤرۆ نیوز:
بریار بوو ئه‌ڤرۆ ده‌مژمێر 11 نیڤرۆ كۆمبوونا په‌رله‌مانێ كوردستانێ بهێته‌كرن، به‌لێ هاته پاش خستن.
سه‌رۆكاتیا په‌رله‌مانێ كوردستانێ د راگه‌هاندنه‌كێ دا به‌لاڤكر و تێدا هاتیه كۆ پشتی راوێژ ل گه‌ل فراكسیونێن په‌رله‌مانێ كوردستانێ، ب مه‌به‌ستا دروستكرنا ده‌لیڤه‌یا زیده‌تر بۆ لێك تێگه‌هشتنێ دناڤبه‌را وان دا، بریار دا ب پاشخستنا رینشتنا ژماره 6 یا ئاسایی یا وه‌رزێ بهارێ سالا دوێ خۆلا پێنجێ یا هه‌لبژارتنێن په‌رله‌مانێ كوردستانێ بۆ ده‌مژمێر 11 نیڤرۆیا رۆژا 27/7/2020 ل هه‌مان به‌رنامه‌یی كاری .
ئه‌ڤرۆ نیوز:
ئه‌ڤرۆ ل هه‌ولێرێ سێ توشبوویێن دی یێن ب ڤایرۆسێ كورونایێ، كۆ چه‌ند رۆژه‌ك بۆ ل بن چاڤدێریا چردابوون گیانێ خوه ژ ده‌ست دان.
سپێده‌هیا ئه‌ڤرۆ سێ توشبوویێن ب ڤایرۆسێ كورونایێ كۆ چه‌ند رۆژه‌كان ل بن چاڤدێریا نوژداران و بن ئامیرێن هه‌ناسه‌دانا ده‌ستكرد گیانی خوه ژ ده‌ست دان.
تانوكه 477 توشبوویێن كورونایێ ل هه‌رێما كوردستانی گیانێ خوه ژ ده‌ست داینه و 95 ژ وان ئاكنجیێن هه‌ولێرێ بوون.
ئه‌ڤرۆ نیوز:
په‌رله‌مانێ كوردستانێ دێ ب مێڤانداریا پێنج وه‌زیرێن حوكمه‌تا هه‌رێما كوردستانێ كۆم بیت و ته‌وه‌رێ كۆمبوونێ ژی ده‌نگدانه ل سه‌ر ده‌ست ژ كارڤه‌كێشانا سوران عومه‌ر ئه‌ندامێ فراكسیونا كومه‌لا ئیسلامی بیت.
بریاره ئه‌ڤرۆ ده‌مژمێر 11 نیڤرۆ رۆژا ئێك شه‌مبی 26/7/2020 په‌رله‌مانێ كوردستانێ رینشتنا ژماره 6 یا ئاسایی یا خۆلا بهاری سالا دوێ ژ خۆلا هه‌لبژارتنێن پێنجێ هێته سازكرن.
د كۆمبوونا ئه‌ڤرۆدا پێنج پرۆژه یاسایان و بابه‌تان شرۆڤه كه‌ن ب مێڤانداریا وه‌زیرێ ناڤخۆ و ساخله‌میێ و كارۆبارێن پێشمه‌رگه‌ی و دارایی و ئابووری و پلاندانان و وه‌زیرێ هه‌رێم بۆ كارۆبارێن دانوستاندنا هه‌ریمێ ل گه‌ل عیراقێ ئیته‌كرن.
ئەڤرۆ نیوز:
سەرۆک مەسعود بارزانی پێشوازی ل رۆب والەر کونسولێ گشتی یێ نوو یێ ئەمریکا ل هەولێرێ کر و د روونشتنەکێ دا بەحسێ دووماهیک پێشهاتێن سیاسی ل عیراقێ و کوردستانێ هاتە کرن، ب تایبەتی ژی بابەتێ ڤایرۆسێ کۆرۆنا کو بوویە ئاریشەکا مەزن بۆ هەموو وەلاتان.
سەرۆک بارزانی هەروەسا داخوازا سەرکەفتنێ بۆ کونسولێ نوو یێ ئەمریکا ل هەولێرێ کر.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ب هەلکەفتا ١١مین سالیادا دامەزراندنا بزاڤا گۆڕان د پەیامەکێ دا پیرۆزباهیێ ل رێکخەرێ گشتی، ئەندام و ئالیگرێن بزاڤا گۆڕان دکەت.
سەرۆکێ حوکمەتا هەرێما کوردستانێ هەروەسا دیار دکەت کو بزاڤا گۆڕان وەکو ئێک ژ وان هێزێن کو پشکداری د حوکمەتێ دا کریە، د هەمان دەمی دا رۆلەکێ خوە یێ بەرچاڤ ل بزاڤا سیاسی ل کوردستانێ دا هەیە.
سەرۆکێ حوکمەتێ هەروەسا دیار دکەت کو ئەو هێڤیدارە ب پشتەڤانیا هەموو ئالیێن پشکدار و هێزێن سیاسی ل کوردستانێ حوکمەت بشێت بەرنامێ خوە یێ چاکسازیێ ب رەنگەکێ سەرکەفتی برێڤە ببەت و نها دهێتە خواستن کو ئەم هەموو پێکڤە بەرەڤانیێ ل هەرێما کوردستانێ و هەموو مافێن دستووری یێن خەلکێ کوردستانێ بکەین.
نيشاندان