ئەڤرۆ نیوز، مەحمود نهێلی:
هێزێن ئەسمانی یێن سوپایێ تورکیا گوندێن بنارا چیایێ گارەی ل سنورێ قەزا ئامێدیێ ب دژواری بۆردومان کرن.
گوندێ سارکێ و بێرا ل ناحیا دێرەلۆک ژلایێ فرۆکەیێن تورکیا ڤه هاتنە بوردومانکرن.
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر، کو ئەڤرۆ دەمژمێر ١١ ی بەری نیڤرۆ شیڤا بێرا و ئاقارێ گوندێ سارکێ هاتیە بوردومانکرن لێ تانوکە زیانێن وێ بوردومانێ نەهاتینە زانین و گۆت ژ ئەنجامێ ڤێ بوردومانێ چێدبیت ببیتە ئەگەرێ سوتنا رەز و بیستانێن وه‌لاتیان.
ئه‌ڤرۆ نیوز:
فه‌ره‌نسا ل دژی توركیا، كارڤه‌دانه‌كا وێ خوه ڤه‌كێشان بوو ژ هه‌ڤپه‌یمانیا باكورێ ئه‌تله‌سی ناتویێ .
خوه ڤه‌كێشانا فه‌ره‌نسا ب ئه‌گه‌رێ نه‌رازیبوونێ ل دژی توركیا كۆ هه‌ردوك ئه‌ندامێن ناتونه، فه‌ره‌نسا د وێ هزرێ دایه كۆ ئه‌و وه‌لاته رێزێ ل بنه‌مایێن ناتو ناگریت.
فه‌ره‌نسا داخازێ دكه‌ت كۆ ئه‌ندامێن ناتو ب فه‌رمی پێگیربوونا خوه ب قه‌ده‌غه‌كرنا هنارتنا چه‌كی بۆ لیبیا ژلایێ توركیا بهێته راگه‌هاندن.
توركیا ب هنارتنا چه‌كی و میلیشیایێن چه‌كدار پشكداری شه‌رێ ناڤخویێ لیبیا دا دكه‌ت و هه‌ڤكاریا حكومه‌تا ویفاقا نیشتمانیا لیبیا ل دژی سوپایێ نیشتمانیێ ئه‌وی وه‌لاتی دكه‌ت.
ئه‌ڤرۆ نیوز:
ئه‌ڤرۆ ئوپراسیونا به‌رفره‌ها سه‌ربازی ل باكورێ باژێرێ به‌غدا ده‌ستپێكر.
ناڤه‌ندا راگه‌هاندنا ئه‌منی به‌لاڤكریه كۆ فه‌رمانده‌یێ ئوپراسیونێن به‌غدا ب سه‌رپه‌رشتیا فه‌رمانده‌یێن ئوپراسیونێن هه‌ڤپشك هه‌وه‌كا سه‌ربازی به‌رفره‌هـ ل باكورێ به‌غدا ده‌ستپێكر بۆ ژناڤبرنا تیرۆریستین داعشێ.
ئه‌و چه‌نده ژی هاتیه راگه‌هاند كۆ ئوپراسیون ل سه‌ر بنه‌مایێ زانیاریێن هه‌والگری و ب پشته‌ڤانیا هێزێن ئاسمانی یێن عیراقێ دهێته برێڤه‌برن.
د راگه‌هاندنێ دا هاتیه ژی كۆ هێزێن ئه‌منی رێ پیڤا ده‌ڤه‌رێن باكورێ به‌غدا كه‌ن ژبوی موكمكرنا ئاسایش و سه‌قامگیریێ و ده‌سته‌سه‌ركرنا داخازكریان.
ئەڤرۆ نیوز:
وەزارەتا ساخلەمیا عیراقێ ئەڤرۆ راگەهاند کو د ماوەیێ ٢٤ دەمژمێرێن بۆری دا دو هزار و ٤١٥ کەسێن دی ل عیراقێ تووشی ڤایرۆسێ کۆرۆنایێ بووینە و هەروەسا ١٠٧ کەسان ژی ب کۆرۆنایێ جانێ خوە ژ دەست داینە.
ل گۆر وەزارەتا ساخلەمیا عیراقێ هژمارا تووشبوویێن کۆرۆنایێ ل عیراقێ هەتا نها گەهشتیە ٥١ هزار و ٥٢٤ کەسان.
ئەڤرۆ نیوز:
حەسەن رۆحانی سەرۆک کۆمارێ ئیرانێ د چارچۆڤێ کۆمبوونا نوو یا ئاستانا کو د ناڤبەرا روسیا، ئیرانێ و تورکیا دا برێڤە دچیت ب رێیا ڤیدیو کۆنفرانسەکێ پشکدار بوو و راگەهاند کو قەیرانا سووریێ ب چو رەنگەکێ ب رێیێن سەربازی ناهێتە چارەسەرکرن.
سەرۆک کۆمارێ ئیرانێ ئەو یەک ژی راگەهاند کو ئیران پشتەڤانیێ ل چارەسەریەکا سیاسی بۆ قەیرانا سووریێ دکەت و پێدڤیە تورکیا ژی ژ بۆ هندێ کار بکەت، چونکو ئۆپەراسیۆنێن سەربازی و شەر دێ وەسا کەت ب سالان رەوشا ئالۆز یا ل سووریێ بەردەوام بیت.
ئەڤرۆ نیوز:
کۆمپانیا فەیسبووکێ راگەهاند کو بۆ وان گەلەک گرنگە کو نووچە و دەنگوباسێن ل فەیسبووکێ بەلاڤ دبن راست بن و چو ئارمانجێن دی ل پشت نەبن.
کۆمپانیا فەیسبووکێ دیار دکەت هەر بەرپەرەک یان کەسەک دەنگوباسێن نەراست و بۆ هندەک مەرەمێن دی بۆ ئاژاوەگەریێ بکار بینیت دێ هەر زوو بەرپەرێن وان هێنە بلوک کرن.
ئه‌ڤرۆ نیوز:
توشبوویێن كورونایێ ل جیهانێ ژ 10 ملیۆن و نیڤا ده‌ربازبوو و رێژه‌یا گیان ژ ده‌ست دانێ ژی گه‌هشته سه‌ر نیڤ ملیۆنێ دا.
لگۆری نووترین ئامارێن ل سه‌ر توشبوویێن ڤایرۆسێ كورونایێ گه‌هشته 10 ملیۆن و 591 هزار و 470 كه‌سان، ژ ئه‌ڤێ ژماره‌یێ ژی 5 ملیۆن و 800 هزار و 659 كه‌س ژی باش بووینه، 514 هزار و 50 توشبوویان ژی گیانێ خوه ژ ده‌ست دایه.
لگۆری نوترین ئامارا وه‌زاره‌تا ساخله‌میا حكومه‌تا هه‌رێما كوردستانێ تانوكه 6144 كه‌س تووشی ڤایرۆسێ كورونایێ بووینه و ژ ئه‌ڤێ ژماره‌یێ ژی 1855 كه‌س ساخ بووینه و 207 كه‌سان ژی گیانێ خوه ژ ده‌ست داینه.
ئه‌ڤرۆ نیوز:
بهایێ پترۆلێ ل بازارێن جیهانێ ل چاڤ رۆژێن بووری بلند بوویه.
ئاژانسێن جیهانێ به‌لاڤكرینه، ئه‌ڤرۆ 1/7/2020 ب ئاوایه‌كی بهایێ پترۆلا برێنت ب 41.6 سه‌نتان كرین و فرۆتن پێ هاتیه‌كرن ل بازارێن جیهانێ هه‌ڤده‌م بهایێ به‌رمیلا پترۆلا ئه‌مریكی ژی ب 39.69 دۆلاران كرین و فروتن پێ هاتیه‌كرن.
داكه‌تن و بلند بوونا پترۆلێ د ده‌مه‌كی دایه، ژماره‌یه‌ك ژ ئه‌وان وه‌لاتێن بۆ به‌رهنگاربوونا ڤایرۆسێ كورونایێ كۆ ته‌ڤایا كه‌رتێن پیشه‌سازیێ و بازرگانیی راوه‌ستاند بوون، به‌لێ نوكه ب ئه‌گه‌رێ كێمبوونا مه‌ترسیا كورونایێ، پشكه‌كا چالاكیێن ئابووری ده‌ستپێكرنه‌ڤه ئه‌ڤه‌ژی بۆ ئه‌گه‌رێ بلند بوونا بهایێ پترۆلێ.
ئه‌ڤرۆ نیوز:
جێگرێ رێڤه‌به‌رێ گشتی یێ ساخله‌میا سلیمانیێ راگه‌هاند: ل توخیبێ پارێزگه‌ها سلێمانیێ دو توشبوویێن دی ب ڤایرۆسێ كورونایێ گیانێ خوه ژ ده‌ست داینه.
ئه‌ڤرۆ چارشه‌مبی 1/7/2020 عه‌بدولا ئه‌حمه‌د جێگرێ رێڤه‌به‌ری گشتی یێ ساخله‌میا سلێمانیێ راگه‌هاند سپێده‌هیا ئه‌ڤرۆ ئافره‌ته‌كا دی كۆ ژیێ وێ 98 سال بوو و خه‌لكێ پێنجوین بوو، پشتی توشبوونا وێ ب ڤایرۆسێ كورونایێ و چه‌ند رۆژه‌كا ل نه‌خوشخانه‌یێ مایی گیانێ خوه ژ ده‌ست دا.
ژلایه‌كێ دیڤه قائیمقامیه‌تا قه‌زا سه‌یدسادق راگه‌هاند گه‌نجه‌كێ دژیێ 34 سالی ب ئه‌گه‌رێ ڤایرۆسێ كورونایێ گیانێ خوه ژ ده‌ست دا.
ل گۆری دوماهی ئامارێن وه‌زه‌رتا ساخله‌میا حكومه‌تا هه‌رێما كوردستانێ تانوكه ل سلیمانێ چار هزار و 410 كه‌ش توشی كورونایێ بووینه، 179 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
ئه‌ڤرۆ دێ جڤاتا وه‌زیرێن حكومه‌تا هه‌رێما كوردستانێ كۆم بیت و دیارترین ته‌وه‌رێن دانوستاندنا وان ل سه‌ر دانوستاندنێن هه‌ولێرێ و به‌غدا و پرسیا چاكسازیێ یه.
جۆتیار عادل په‌یڤدارێ حكومه‌تا هه‌رێما كوردستانێ راگه‌هاند ئه‌ڤرۆ رۆژا چارشه‌مبی جڤاتا وه‌زیرێن حكومه‌تا هه‌رێما كوردستانێ كۆمبوونا خوه یا ئاسایی و هه‌فتانه ب سه‌رۆكایتا مه‌سرور بارزانی سه‌رۆكێ حكومه‌تێ و به‌رهه‌ڤبوونا قوباد تاله‌بانی جێگرێ سه‌رۆك وه‌زیرێ حكومه‌تێ و وه‌زیر ب رێكا ڤیدیو كۆنفرانس ساز كه‌ت.
جۆتیار عادل په‌یڤدارێ حكومه‌تا هه‌رێما كوردستانێ ئه‌و چه‌نده ژی راگه‌هاند د ئه‌ڤێ كۆمبوونێ دا دێ دانوستاندنێ ل سه‌ر ئه‌ڤان بابه‌تان كه‌ن:
نيشاندان