ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ٢٤ دەمژمێرێن بۆری دا هزار و ١٣٧ کەسێن دی ل هەرێما کوردستانێ تووشی کۆرۆنایێ بووینە و ٢٦ نەخوشێن کۆرۆنایێ ژی مرینە.
وەزارەتا ساخلەمیێ دیار کریە کو د ماوەیێ ٢٤ دەمژمێرێن بۆری دا ٥١٣ نەخوشێن کۆرۆنایێ ل هەرێما کوردستانێ چارەسەر بووینە.
ل پارێزگەها دهۆکێ ژی ٣٨٦ کەسێن دی تووشی کۆرۆنایێ بووینە و هەروەسا حەفت نەخوشێن کۆرۆنایێ ژی مرینە.
ئهڤرۆ نیوز:
رێڤهبهرێ ئامارا ههرێما كوردستانێ راگههاند، بریاره دوماهیا سالا بهێت پروسا سهرژمێریا گشتى بهێته كرن بۆ وێ یهكێ ژی شاندهكێ حكومهتا ئیراقێ دێ سهرهدانا ههرێمێ بكهت.
سیروان محمد، رێڤهبهرێ ئامارا ههرێما كوردستانێ راگههاند، بریاره دوماهییا سالا بهێت پرۆسهیا سهرژمێریا گشتى بهێته كرن و بریاره شاندهكێ حكومهتا ئیراقێ سهرهدانا ههرێمی بكهت، ژبو هندهك كارێن تهكنیكى و پێدڤیه بگههنه رێكهفتنهكێ كو فورما سهرژمێری و رێكخستن وهكو ئیراقێ بن.
سیروان محمد ئاماژه ب وێ یهكێ ژى كر، ل ههرێما كوردستانێ لیژنهیهكا تایبهت دروست كریه و دێ دانوستاندنێ ل دۆر دهڤهرێن كوردستانى د گهل بهغدا كهن و دێ وێ پرسێ ئێكلاكهن.
تا نوكه ههشت سهرژمیریێن گشتى ل ئیراقێ هاتینه كرن، كو دوماهیك سهرژمێرى یا سالا1997بوو، ئهو سهرژمێرى ل پازده پارێزگههێن ئیراقێ هاته كرن و سێ پارێزگههێن ههرێما كوردستانی د ناڤ دا نهبوون، د وى دهمی دا ههژمارا ئاكنجیێن ئیراقێ 19 ملیون و184هزار و 542 كهس بوون.
ئهڤرۆ نیوز:
رێكخستنا ههنگاو یا مافێن مروڤى راگههاند، د ههیڤا دهربازبووى دا ب كێمى 15 كۆلبهر و كاسبكار ل سنۆرێن رۆژههلاتا كوردستانێ هاتینه كوشتن و برینداربووینه.
د راپورتهكێ دا رێكخستنا ههنگاو یا مافین مروڤى راگههاند، د ههیڤا چریا ئێكێ یا سالا 2020 دا، ب كێمى 15 كۆلبهر ل سنۆرێن رۆژههلاتا كوردستانێ د گهل ههرێما كوردستانێ هاتینه كوشتن و برینداربووینه، ژ سهدێ ههشتێ وحهف ژ وان حالهتان، ب تهقهكرنا راستهوخۆ یا هێزێن ئهمنى یێن ئیران و توركیا بوون.
ل دویڤ وێ راپورتێ ژى، ههژمارا زێددهتر یا كوشتى و برینداران ل پارێزگههێن سنه و ئورمییه هاتینه تۆماركرن كو ل ههر ئێك ژ وان پارێزگههان شهش حالهت هاتینه توماركرن. ههروهسا دو كولبهرێن دى یێن برایێن ئێك ب تهقا هێزێن توركیا بووینه قوربانى
ئهڤرۆ نیوز:
لژنا بلند یا بهرهنگاربوونا كۆرۆنایێ ل ههرێما كوردستانێ كۆم بوو و بریار دا خواندن ل ههموو پۆلێن ئێكێ ههتا 12 ئامادهیى تا دهستپێكا مهها دوازده بهێنه راگرتن.
د. ئاسۆ حهوێزی، پهیڤدارێ وهزارهتا ساخلهمیا ههرێمێ راگههاند: پرۆسا خواندنێ ب شێوهكێ دهمكى دێ ههتا ئێكێ كانوونا ئێكێ یا سالا دوهزار و بیستی هێته راگرتن، لێ خواندنا ئۆنلاین دێ بهردهوام بیت و ناهێته راگرتن، بۆ خواندنا ناڤ پۆلان ژى دا ل رۆژا ئێكی كانوونا ئێكێ جارهكا دی ههلسهنگاندن دێ بۆ رهوشێ هێته كرن و بریار دێ ل سهر هێتهدان.
پێشتر پرۆسا خواندنێ ل ههرێما كوردستانێ، ل پۆلێن ئێك و دو یێن بنهرهتی ل گهل دوازده ئامادهیی د ناڤا پۆلان دابوو، پۆلێن دی ل سییێ سهرتایى ههتا یازدێ ئامادهیی ب شێوێ ئۆنلاین دهستیپێكربوو، بهلێ ب ئهگهرێ بلندبوونا هژمارا تووشبوویان ب كۆرۆنایێ، بریار هاتهدان بۆ دهمێ ههیڤهكێ پرۆسا خواندنێ بهیته راگرتن.
ئەڤرۆ نیوز:
سەرۆک مەسعود بارزانی د پەیامەکێ دا هەڤخەمیا خوە بۆ وەغەکرنا نڤیسەر و هۆزانڤانێ ناڤدارێ کورد ل رۆژهەلاتێ کوردستانێ دیار دکەت و دبێژیت جەلال مەلەکشا هۆزانڤانەک نەتەوی بوو و جهێ تبلێت وی د پێشڤەبرنا کەلتورێ کوردی دا دیارن.
سەرۆک بارزانی هەروەسا هەڤخەمیا خوە بۆ مالباتا خودێ ژێ رازی جەلال مەلەکشا و هەموو خەلکێ کورد ل رۆژهەلاتێ کوردستانێ دیار دکەت.
ئەڤرۆ نیوز:
سەرۆکێ هەرێما کوردستانێ نێچیرڤان بارزانی ژ بەر وەغەرا د. نەجمەدین کەریم پارێزگارێ شەرعی یێ کەرکووکێ پەیامەک بەلاڤکر و راگەهاند کو ژ دەستدانا نەجمەدین کەریم ژ بۆ مە و گەلێ کوردستانێ خەمەکا مەزنە. سەرەخوشیێ ل هەڤژین و زارۆیێن د. نەجمەدین کەریم، خەلکێ کەرکووکێ و هەموو خەلکێ کوردستانێ دکەم و هەڤخەمێ وانم.
سەرۆکێ هەرێما کوردستانێ هەروەسا دیار ژی دکەت کو د. نەجمەدین کەریم هەر د ژیەکێ گەنج دا پشکداری د شۆرەشێ دا کریە و دەمێ بارزانیێ نەمر نەخوش کەفتی ژی د. نەجمەدین کەریم ل ئەمریکا وەکو نوشدار خزمەت کر و کەسەکێ دلسوز بوو و گەلێ کوردستانێ چ دەمەکێ خەبات و دلسوزیا د. نەجمەدین کەریمی ژبیر ناکەت.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ژ بەر وەغەرکرنا د. نەجمەدین کەریم پارێزگارێ شەرعی یێ کەرکووکێ پەیامەکێ بەلاڤ دکەت ئەڤە ژی دەقێ پەیاما سەرۆکێ حوکمەتێ یە:
بهداخ و پەژارەیەکی زۆرهوه، ههواڵى كۆچى دوایى کەسایەتیی نیشتمانپەروەر و تێکۆشەری دیار و بە هەڵوێستی کوردستان (دكتۆر نهجمهدین كهریم)م پێگەیشت. د.نەجمەدین لە سەردەمی شۆڕشی ئەیلوولەوە وەک پێشمەرگەیەک و سەرکردەیەکی یەکێتی قوتابیانی کوردستان و دواتریش لە دەرەوەی وڵات، رۆڵێكى گرنگیی لە خهباتى رزگاریخوازى گهلى كوردستان و ناساندنی پرسی کورد لە نێوەندە دیپلوماسیی و ئەکادیمییە جیهانییەکاندا هەبوو. لە دواى ئازادکردنی عێراقیش لە رژێمی دیکتاتۆریی، وەک پارێزگاری کەرکووک، جێدەستی لە قووڵكردنهوهى گیانى بەیەکەوهژیانى ئاشتییانەی نێوان پێكهاته جیاوازهكان و داکۆکیکردن لە پرسە نیشتمانییەکان دیار بوو. پرسه و سهرهخۆشى خۆم له بنهماڵه بهڕێزهكهى و خهڵكى كوردستان و بەتایبەتی شاری کەرکووک دهكهم و هاوبهشى خهمیانم، خواى مهزن گیانى به بهههشت شاد بكات و ئارامییش بە هەموومان ببەخشێت.
مهسرور بارزانى
سهرۆكى حكومهتى ههرێمى كوردستان
2020/10/31
ئهڤرۆ نیوز:
دكتور نهجمهددین كهریم پارێزگارێ شهرعیێ پارێزگهها كهركووكێ ب ئهگهرێ جهلتا دلى وهغهرا داویێ كر.
ئۆفیسا دكتور نهجمهددین كهریم، پارێزگارێ شهرعیێ كهركووكێ ئهڤرۆ رۆژا شهمبى د بهیانهكێ راگههاند، ناڤهاتى ئهڤرۆ ل سهعهت یازدهى شهڤ ب دهمێ ئهمریكا وهغهرا داویێ كر.
ئاشكرا ژى كر، دكتور نهجمهددین كهریم وهسیهت كریه ل كوردستانێ بهێته ڤهشارتن و ئاشكرا كر، ب شێوهیهكێ دهمكى دێ تهرمێ وى ل ههرێمێ هێته ڤهشارتن ههتا باژارێ كهركووكێ دهێته ئازادكرن و بگهڤیته ژێر كۆنترۆلا پێشهرگهیێ كوردستانێ، دێ تهرمێ هێته ڤهگوهاستن بۆ كهركووكێ.
د. نهجمددین كهریم، ل سالا 1949 ل باژێرێ كهركوكێ ژ دایك بوویه و دهرچوویێ كولیژا پزیشكیه ل زانكۆیا مووسلێ، خواندنا خوه یا بلند ژى ل زانكۆیا جۆرج واشنتۆن ل ئهمریكا تهمامكریه، ههروهسا ژ رۆژا سێیێ نیسانا دوهزار و یازدێ تا شازدهى ئۆكتوبهرا دوهزار و ههڤدێ پارێزگارێ كهركووكێ بوویه.
ئەڤرۆ نیوز:
پارێزگارێ دهۆکێ ب هەلکەفتا ژدایک بوونا پێغەمبەرێ خودێ (س) پەیامەک بلاڤکر.
د.عەلی تەتەر پارێزگارێ دهۆکێ د پەیامەکێ دا ب هەلکەفتا ژ دایک بوونا پێغەمبەری (س) بەلاڤکریە و د دەستپێکا پەیامێ دا هاتیە”بسم الله الرحمن الرحيم” وَمَا أَرْسَلْنَاكَ إِلَّا رَحْمَةً لِّلْعَالَمِينَ،”صدق الله العظيم” بھەلکەفتا ژ دایکبوونا پێغەمبەرێ خۆدێ (محمد) “سلاڤێن خۆدێ ل سەر بن، جۆانترین پیرۆزباھیان ئاراستەی موسلمانێن جیهانێ و تایبەت موسلمانێن کۆردستانێ و پارێزگەھا دھۆکێ دکەین.
د.عەلی تەتەری ئەو چەندەژی د پەیاما خودا دیارکریە کۆ ژدایکبوونا پێغەمبەری “سلاڤێن خۆدێ ل سەر بن”، وەرچەرخانەک بوو، ددیرۆکا مرۆڤایەتیێدا، ھیڤیدارین ئەڤ یادە ببیتە یادا خێر و خۆشی و بەرەکەت و دلوڤانیێ و نەمانا نەخۆشیێ و ناکوکیێ بۆ وەلاتێ مە و ھەمی مرۆڤایەتیێ؛ ژبەر کۆ بوونا پێغەمبەری رەحمەتە بو ھەمی جیھانێ.
ئهڤرۆ نیوز:
كۆمسیۆنا مافێن مرۆڤى ل ئیراقێ راگههاند، د چل و ههشت سهعهتێن بۆرى دا حهفتێ خوهنیشاندهرێن ئیراقێ و كارمهندێن هێزێن ئێمناهیێ د ناڤا خوهنیشاندانان دا بریندار بووینه.
كومسیۆنا مافێن مرۆڤى ل ئیراقێ راگههاند، حهفتێ كهس ژ خوهنیشاندهر و هێزێن ئێمناهیێ د ناڤا خوهنیشاندانێن ئیراقێ دا بریندار بووینه، ژ وانا سێزده خوهنیشاندهر و ههشت كارمهندێن هێزێن ئێمناهیێ ب تنێ ل باژارێ بهغدا بریندار بووینه.
راگههاند ژى، بریندارێن ههردو ئالیان ژ ئهنجامێ پێكدادانێ بوون، پشتى ههژمارهكا خوهنیشاندهران مۆتۆلۆف و نارنجۆك هاڤێتینه ناڤا رێزێن هێزێن ئێمناهیێ، ههروهسا ههردو ئالیان شهرێ بهران د گهل ههڤدو كریه و بریندار كهفتینه ناڤ.
كومسیۆنا مافێن مرۆڤى ل ئیراقێ ئاشكرا ژى كر، ههژمارهكا كهسان ژى ژ بهر غازا رۆندكرێژ بریندار بووینه.
چهندین رۆژێن بۆرى ل باژارێ بهغدا یا پایتهخت و ههژمارهكا باژارێن ئیراقێ خوهنیشاندانا هاتن كرن و تا نها ژى بهردهوامن.
نيشاندان