ئهڤرۆ نیوز:
بریار بوو ئهڤرۆ دهستهیا سهرۆكاتیا پهرلهمانی كۆم ب بیت، بهلی ئهو كۆمبوون نههاتهكرن، ب ئهگهرێ بهرههڤ نهبوونا سهرۆكا پهرلهمانێ كوردستانێ، كۆمبوون هاته پاش خستن بۆ سوبههی.
ههرچهنده بریار بوو ئهڤرۆ كۆمبوونا دهستهیا سهرۆكاتیا پهرلهمانێ كوردستانێ بهێته سازكرن، بهلێ ب ئهگهرێ بهرههڤ نهبوونا د.رێواز فایهق سهرۆكا پهرلهمان كوردستانێ كۆمبوون هاته پاش خستن.
ئهڤرۆ نیوز:
وهزارهتا ساخلهمیا عیراقێ راگههاند هاتنوچون ل رۆژێن چهژنا قوربانی ب تهڤایی دێ هێته قهدهغهكرن.
ئهڤرۆ 22/7/2020، ریاز عهبدلئهمیر رێڤهبهرێ گشتی یێ وهزارهتا ساخلهمیا عیراقێ راگههاند وهزارهتا ساخلهمیێ داخاز ژ لژنا ساخلهمی و لژنا بلندا بهرهنگاربوونا كورونایێ كریه قهدهغهیا هاتنوچونێ ل رۆژێن چهژنێ دا بهێته راگههاندن.
ریاز عهبدلئهمیری ئهو چهنده ژی راگههاند كۆ ئهگهرێ ئهوێ داخازیێ رێگرتنه ژ زێدهتریا بهلاڤ بوونا كورونایێ ل عیراقێ، كۆ ههفتیهكێ پشتی چهژنا رهمهزانێ و قهدهغهنهكرنا هاتنوچونێ ژمارهیا توشبوویێن كورونایێ زۆر زێدهتر لێ هات و رهوش گههشته ئاستهكێ مهترسیدار.
رێڤهبهرێ گشتی یێ وهزارهتا ساخلهمیا عیراقێ ئهو ئێكه ژی دازانین لژنا بلندا بهرهنگاربوونا كورونایێ رهزامهندی ل سهر قهدهغهكرنا تهڤایی ل رۆژێن چهژنێ دا دایه.
ههتا نوكه 97 هزار و 159 كهس ل عیراقێ توشیی كورونایێ بووینه و ژ ئهڤێ ژمارهیێ ژی سێ هزار و 950 كهسان ژی گیانێ خوه ژ دهست دایه.
ئهڤرۆ نیوز:
جێگرێ سهرۆكا پهرلهمانێ كوردستانێ راگههاند: دهستپێكا ههفتیا بهێت كۆمبوونا پهرلهمانێ ب پشكداریا ژمارهیهكا وهزیرێن حوكمهتا ههرێما كوردستانێ هێتهكرن.
هێمن ههورامی جێگرێ سهرۆكا پهرلهمانێ كوردستانێ راگههاند بریاره 26 و 27 و 28 ئهڤێ ههیڤێ پهرلهمانێ كوردستانێ كۆم بیت، نه مولكێ پارتی یه و نه یێ یهكهتیێ و نه گۆڕانێ یه، بۆ كهسێ نینه رینشتنێن پهرلهمانێ رابوهستینیت.
ناڤبریی ئهو چهنده ژی دیاركر ئهو كۆمبوونا پهرلهمانی ب پشكداریا ژمارهكا وهزیران هیتهكرن، ژمارهكا پرۆژه و پێشنیاره یاسایان ههنه ل حوكمهتێ و پهرلهمانی بۆ دهستهیا سهرۆكاتیێ هاتیه هنارتن دێ كهنه بهرنامهیێ كاری.
ئهڤرۆ نیِوز:
بریكارێ وهزارهتا ئاڤهدانكرن و ئاكنجیبوونا حوكمهتا ههرێما كوردستانێ راگههاند سیستهمێ كودێ بیناسازی كۆ سهرۆكێ حوكمهتێ بریار سهر دایه، كارهكێ گرنگ تێدا هاتیهكرن و بریاره ژ نها پێدا بۆ دروستكرنا ئاڤاهیان و بالهخانان لبهرچاڤ بهێته وهرگرتن.
ئاگرین عهبدولا برێكارێ وهزارهتا ئاڤهدانكرن و ئاكنجیبوونێ بۆ میدیایا راگههاند سیستهمێ كودێ بینا سازی كۆ ژلایێ سهرۆكێ جڤاتا وهزیرێن ههرێما كوردستانێ بریار ل سهر هاتیه دان و ههر ئێك ژ وهزارهتا پلان دانان و ئاڤهدانكرن و باژێرڤانیێ و دهستهیا وهبهرهێنانێ ژ بجهكرنا وی بهرپرسیارن.
ناڤبری ئهو چهنده ژی راگههاند ئهڤ سیستهمه ل وهلاتێن پێشكهتی دهێته بكار ئینان، لبهرچاڤگرتنا جهێ هاتنوچونێ و چونی و سهركهتنا كهسێن خودان پێدڤیێن تایبهت و كهسكاتی و كهوالیتیا چیمهنتویێ و كهل و پهلێن ئاڤاهی و جهێ سهركهتن ب سهر ئاڤاهی و جهێ بهێنڤهدان و خوارنێ و ههموو ئهوان تشتان دڤێت ل ئاڤاهیی دا بهێنه لبهرچاڤكرن.
ئهڤرۆ نیوز:
دوماهی ئامارا توشبوویێن ڤایرۆسێ كورونایێ ل سهر ئاستێ جیهانێ دهرباز بوو ژ 15 ملیۆنان.
ئهڤرۆ چارشهمبی، ژمارهیا توشبوویێن ڤایرۆسێ كورونایێ ل سهر ئاستێ جیهانێ گههشته 5 ملیۆن و 98 هزار و 721 كهسان، كۆ پرانیا وان ژی ل ئهمریكانه كۆ ژمارهیا وان 4 ملیۆن و 28 هزار و 569 كهسان.
ههڤدهم ئهو كهسێن گیانێ خوه ژ دهست داین ل سهر ئاستێ جیهانێ بلند بوویه بۆ 691 هزار و 593 كهسان.
لگۆری ئاماران ژی 9 ملیۆن و 116 هزار و 242 توشبووی ژی ژ كورونایێ رزگار بووینه.
ئهڤرۆ نیوز:
بریاره ئهڤرۆ دهستهیا سهرۆكاتیا پهرلهمانێ كوردستانێ كۆمبیت بۆ شرۆڤهكرنا پرسا دهستپێكرنا رینشتنێن پهرلهمانی.
كۆمبوونا دهستهیا سهرۆكاتیا پهرلهمانێ كوردستانێ ددهمهكی دایه، كۆ یهكهتیا نیشتمانیا كوردستانێ بریار دایه سهرۆكا پهرلهمانی و فراكسیونا وان پشكداری رینشتنێن پهرلهمانی نابیت تا ئهوی دهمی كۆمبوونا وان ل گهل پارتی دیموكراتی كوردستان دهێتهكرن بۆ چارهكرنا ئاریشهیێن دناڤبهرا وان دا.
بهریا نها ئومێد خوشناو سهرۆكێ فراكسیونا پارتی راگههاند بوو ئهو ناچنه بن فشارێن بریارێن سهركردایهتیا یهكهتیێ دێ بهردهوامیێ دهنه رینشتنێن پهرلهمانی.
فراسكیونا گۆڕان ژی داخازاكریه پهرلهمان ب ئهگهرێ ئاریشهیێن حزبایهتیێ نه ئێته راوهستاندن ژ كاری و رینشتن بلا دهست پێ بكهن.
ئەڤرۆ نیوز:
د. عەلی تەتەر پارێزگارێ دهۆکێ دیار کر کو وان وەکو پارێزگەها دهۆکێ دڤێت ئاسانکاری بۆ هاتنوچوونا د ناڤبەرا پارێزگەهان دا هەبیت لێ راکرنا ب تەمامی یا قەدەغەیا هاتنوچوونێ نها د جهێ خوە دا نینە و وان نەڤێت نها هاتنوچوون د ناڤبەرا پارێزگەها دهۆکێ و پارێزگەهێن دی دا ئاسایی ببیت.
ناڤهاتی راگەهاند ئەو ل گەل هندێ نە ئاسانکاری بۆ هاتنوچوونێ د ناڤبەرا پارێزگەهان دا بهێتە کرن.
ئەو یەک د دەمەکێ دایە کو ئەڤرۆ هەڤال ئەبوبەکر پارێزگارێ سلێمانیێ راگەهاند کو وان پێشنیازا هندێ دایە لیژنا بلند یا بەرهنگاریا کۆرۆنایێ ل هەرێما کوردستانێ کو قەدەغەیا هاتنوچوونێ د ناڤبەرا پارێزگەهان دا بهێتە راکرن.
ئەڤرۆ نیوز:
هەڤال ئەبوبەکر پارێزگارێ سلێمانیێ راگەهاند کو وان بۆ کۆمبوونا بلند یا بەرهنگاریا کۆرۆنایێ ل هەرێما کوردستانێ پێشنیاز کریە کو قەدەغەیا هاتنوچوونێ د ناڤبەرا پارێزگەهێن هەرێما کوردستانێ دا نەمینیت.
ناڤهاتی ئەو یەک ژی دیار کو بێگومان دڤێت رێنمایێن خوە پاراستنێ بهێنە بجهکرن و ب مەرج قەدەغەیا هاتنوچوونێ یا د ناڤبەرا پارێزگەهان دا بهێتە راکرن.
ئەڤرۆ نیوز، عەلی حاجی :
دۆر ل چاڤێ راگەهاندنێ سەرۆکێ حکومەتا هەرێما کوردستانێ سەرەدانا باژێرێ زاخۆ کر و ژلایێ بوتان محسن قایمقامێ زاخۆ ڤە هاتە پێشوازی کرن و ل دووڤ دا ژی کومبوونەک دگەل ئیدارا باژێرێ زاخۆ ساز کر.
دکتور عەلی تەتەر پارێزگارێ دهوکێ بۆ دەزگایێن راگەهاندنێ گۆت: (د سەرەدانا خوە دا بۆ باژێرێ زاخۆدا ،مەسرور بارزانی سەرۆکێ حکومەتا کوردستانێ ب کوژمێ ٥٠ ملیار دیناران بریارا دروست کرنا پروژەیان ل زاخۆ دەرکر کو ئەو پروژەیە دێ ل هەمی ناحی و گوندان خوە ڤەگریت و هەر دیسان ژ وان هندەک پرۆژەیان ژی کو بەردەوام خەلکێ زاخۆ بەحس لێ دکەت ئەو ژی تەمام کرنا جاددەیا دناڤبەرا ئیبراهیم خەلیل بۆ زاخۆ و هەر دیسان تەمام کرنا جاددەیێ ژ ئیبراهیم خەلیل بۆ کومەلگەها دێرەبونێ و پروژەیەکە پێدڤیە بهێتە ڤەکرن بەلێ ژ بەر نە تەمام بوونا پشکەکا جاددەیێ هەتا نوکە نەهاتیە ڤەکرن بەلێ دێ د دەمەکێ نێزیک دا هێتە ڤەکرن کو دبیت هەتا ١٠٠ ملیار دینار تێچوویێ وی پروژەی بیت و ژ پروژەیێن ستراتیژی یە و دێ پاشەروژێ دا مفایەکێ باش ژێ هێتە دیتن و هەر دیسان ژ وان پروژەیان ژی بریار ل سەر دروست کرنا پروژەیێ ئاڤا باتیفا هاتیە دان کو دێ هەمی گوند و کومەلگەهـ و سەنتەرێ ناحیێ ب خوە ڤە گریت ئەو ژی ئێک ژ پروژەیێن ستراتیژی یە و دێ بۆ ماوەیەیکێ درێژ ژی مفا ژێ هێتە دیتن و ئاریشەیا ئاڤێ ل وێ ناحیێ چارەسەر کەت و هەر دیسان).
پارێزگارێ دهۆکێ هەروەسا دیار کر نەبوونا ئوڤەر پاسەکێ دناڤبەرا جاددەیا زاخۆ بۆ زانکویا کو دبوو ئەگەرێ چەندین کێشەیان لەورا بریار هاتە دان ئەو کێشەیە ژی بهێتە چارەسەر کرن و زێدەباری ڤان پروژەیان بریارا جێبەجێ کرنا چەندین پروژەیان د بیاڤێن ئاڤ و کارەب و ساخلەمی و پەروەردە و قیرکرنا جادەیێن زاخۆ و هەر دیسان ژی سەرۆکێ حکومەتێ بریار ژی دایە کو پشتی ڤێ قوناغێ پروژەیێن مایی ژی بهێنە دروست کرن کو ژ پروژەیێن درێژ خایەن دهێنە هەژمارتن.
ل دۆر بەلاڤکرنا پارچە زەڤیان ل پارێزگەها دهوکێ دکتور عەلی دیار کر ئەو کەسێن رزامەندیا وەرگرتنا پارچە زەڤیەکێ وەرگرتین رێژەیا وێ گەلەک زێدەترە ژ رێژەیا زەڤیێن بەردەست و ئەڤ چەندە ژی پێدڤیە ب رێژەیەکا زور یا ئەردی هەیە و نە بتنێ نەبوونا ئەردی ئاریشەیە بەلکو برنا خزمەتگوزاریان ژی بۆ وان تاخان ئێک ژ ئاریشەیانە و وەکو پێدڤی ژی حکومەتا خوەجهی ژی نەشیایە وان پارچە زەڤیان بۆ وان کەسان دەستنیشان بکەت یێ کو ژمارا ئەردی پێ هاتیە دان و ب بەلاڤ کرنا پارچە زەڤیان ژی کێشەیا نیشتەجێ بوەنێ چارەسەر نابیت لەورا ئەم ب هێڤی نە دگەل سەرمایەداران رێککەڤتنێ بکەین کو پروژەیێن نیشتەجێ بوونێ دروست بکەن بەلێ ب بهایەکێ ئەرزان دا کو مفا ژێ بهێتە دیتن و شوقەیێن گران بها ژی بتنێ کەسانێن دەولەمەند دشێن بکرن.
ناڤبری گۆت ژی: سەرەدانێن ب ڤی رەنگی دێ بەردەوام بن و بلا خەلک چاڤەرێ بیت دێ کارێن باش هێنە ئەنجام دان بەلێ پێنگاڤ ب پێنگاڤ و د پێنگاڤا ئەڤرۆ یا سەرەدانا سەرۆکێ حکومەتێ بۆ زاخۆ رەزامەندی ل سەر هەمی پروژەیێن زاخۆ هاتە دان و ئەم خەلکێ خوە ژی ب هەژی هەمی پروژەیان دبینین.
ئهڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل سهر ئاستێ جیهانێ ههتا نوكه گههشتیه 14 ملیۆن و 859هزار و 319 توشبوویان، ژ ئهڤێ هژمارهیێ ژی ههشت ملیۆن و 911 هزار و 341 كهس ژی ساخ بووینه، 613 هزار و 353 كهسان ژی گیانێ خوه ژ دهست دایه.
ل سهر ئاستێ وهلاتێن جیهانێ، ئهمریكا د پلهیا ئێكێ دهێت، كۆ تێدا سێ ملیۆن و 916 هزار و 429 توشبووی تێدا هاتینه توماركرن، ژ ئهڤێ ژمارهیێ ژی ملیۆنهك و 849 هزار و 989 كهس ساخ بووینه، 143 هزار و 834 كهسان ژی گیانێ خوه ژ دهست دایه.
نيشاندان