ئەڤرۆ نیوز:
لژنا دیتنا هەیڤێ یا وەزارەتا ئەوقافێ راگەهاند، هەیڤ ل ئەسمانێ هەرێما کوردستانێ نەهاتیە دیتن و سوبەهی پێنجشەمبی تمامکەرا هەیڤا شەعبانێ یە و رۆژا ئەینیێ ئێکەم رۆژا هەیڤا رەمەزانێ یە.
رۆژا ئێکێ یا هەیڤا رەمەزانێ هاتە دیار کرن
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سهرهكى نوچێن گرنگ
سەباح هەورامی: ب تنێ پێنج توشبوویێن ڤایرۆسێ کۆرۆنا یێ ل سلێمانیێ ماینە
ئەڤرۆ نیوز:
ل سنۆرێ پارێزگەها سلێمانیێ، ب تنێ پێنج تووشبوویێن ڤایرۆسێ کۆرۆنا یێ ل نەخۆشخانێ ماینە، رێڤەبەرێ گشتیی یێ ساخلەمیا سلێمانیێ دبێژیت، مە پێدڤی ب 20 رۆژێن دیتر هەیە، هەتا دەربارەی ڤایرۆسێ کۆرۆنا یێ ل بەرچاڤێن مە روون بیت، ئەرێ ئەڤ ڤایرۆسە ب تەمامی ب دووماهی هاتیە یان نە، د چەند دەمژێرێن داهاتیدا پرانیا تووشبوویان دێ نەخۆشخانێ بجهـ هێلن.
د. سەباح هەورامی، رێڤەبەرێ گشتی یێ ساخلەمیا سلێمانیێ گۆت، ئەوا مە وەکو ساخلەمیێ پێشکێش کری، زێدەتر ژ وێ ئاسانکاری هاتیە کرن، دەمێ وەلاتی دچنە جهێن قەرەبالغ، مەترسیا هندێ هەیە تووشی کۆرۆنا یێ ببن، چونکی هێشتا مەترسیا ڤی ڤایرۆسی یا مای.
هەروەسا گوتیە ژی، کۆرۆنا ل هەرێما کودستانێ و سلێمانیێ ل ژێر کۆنترۆلێ دایە، بەلێ ئەم ژ مەترسیا ڤایرۆسێ کۆرۆنا یێ دەرباز نەبووینە، چونکی هێستا کۆرۆنا ل جیهانێ دا ب دووماهی نەهاتیە.
جڤاتا وەزیرێن هەرێمێ: دەرگەهێن مزگەفت و جهێن دیتر یێن ئایینی دێ داخستی مینن
ئەڤرۆ نیوز:
ئەڤرۆ چار شەمبی 22 نیسانا 2020 جڤاتا وەزیرێن هەرێما كودرستانێ کۆمبوونەک ئەنجامدایە و تێدا راگەهاندیە ژ: پێخەمەت پاراستنا گیانێ وەلاتیێن هەرێما کوردستانێ، بڕیار هاتەدان دەرگەهێن جهێن ئایینی ژوان ژی (مزگەفت، كەنیسە و سەرجەم پەرستگەهێن دی) و ناڤەندێن خواندنێ داخستی بمینن.
هەر د وێ راگەهاندنێ دا جڤاتا وەزیرێن هەرێما کوردستانێ پیروزباهیا هاتنا هەیڤا رەمەزانا پیرۆز ل هەموو موسلمانان كر و سوپاسیا ماموستایێن ئایینی ژی كر، كو د پێگیربوون ب رێنمایێن حكومەتێ بۆ خۆ پاراستنێ ژ ڤایروسێ كۆرۆنا یێ.
جڤاتا وەزیران داخوازەکێ ژ حوکمەتا عیراقێ دکەت
ئەڤرۆ نیوز:
ئەڤرۆ جڤاتا وەزیران ب سەرۆکاتیا مەسرور بارزانی سەرۆکێ جڤاتا وەزیران و ب ئامادەبوونا قوباد تالەبانی جێگرێ سەرۆک وەزیران کۆمبوو.
کۆمبوون ب رێیا ڤیدیو کۆنفرانس برێڤە چوو و تێدا بەحسێ بابەتێ کۆرۆنایێ و خوەپاراستنا وەلاتان هاتە کرن و هاتە دیار کرن کو هێشتا مەترسیا کۆرۆنایێ یا هەی و دڤێت وەلاتی پێگیریێ ب رێنمایێن ساخلەمیێ بکەن.
جڤاتا وەزیران ژ بەر هاتنا مەها رەمەزانا پیرۆز، پیرۆزباهی ل هەموو موسولمانێن کوردستانێ کر و راگەهاند ژ بۆ پاراستنا هەموو وەلاتیان دەرگەهێن مزگەفتان و جهێن دی یێن عبادەتێ جارێ ناهێنە ڤەکرن.
د کۆمبوونا جڤاتا وەزیران دا داخواز ژ حوکمەتا عیراقێ هاتە کرن کو پێگریێ ب شایستێن دارایی یێن هەرێما کوردستانێ و بابەتێ مووچەی بکەت و ل هەمبەر دا هەرێما کوردستانێ ژی بەرهەڤە ل گۆر دستووری یا پێدڤی بجه بینیت.
دەست ب سەخبێریکرنا جاددێن زاخۆ هاتە کرن
ئەڤرۆ نیوز، عەلی حاجی :
سەرۆکێ باژێرڤانیا زاخۆ د داخویانیەکێ دا بۆ ئەڤرۆ نیوز دیار کر دەما دو روژایە تیمێن وان دەست ب هەوەکا سەخبێریکرنا جاددەیێن نافخویی و پارکێن دناڤ باژێرێ زاخۆ دا کرین پشتی ژ ئەگەرێ بارانان زیان بەر ب وان جهان کەڤتین.
زێدەتر بژار مونیب گوت: (ل سەر پێشینەیا باژێرڤانیا زاخۆ تیمێن وان دەست ب سەخبێریکرنا جاددە و پارکێن باژێرێ زاخۆ کرین و ئەڤ هەوە دێ د بەردەوام بن ل گورەی شیانان،ئەو جهێن پێدڤی ب سەخبێریێ هەین پرانیا وان ژئەگەرێ لەهیێ بوون و پشکەکا دیتر ژی خەلکەکێ خوە ژناڤ برینە و د ڤێ حەفتیێ دا دو جاران کارگەها قیرێ دەینە کاری دا کو ئەو بشێن جاددەیان سەخبێر بکەین و ئەڤ هەوە ژی پشتی وێ یەکێ هاتی یە کو نوکە دا باران راوەستیاینە و هەر دیسان ل سەر جاددەیان ژی سستیەک پەیدا بویە ژ ئەگەرێ قەدەغەیا هاتن و چوونا دناڤ باژێری دا لەورا مە ئەڤ چەندە ژی بو خوە ب دەلیڤە دیت).
ئەو چەندە ژی خویاکر ” نێزیکی ٤٤٢ کێلومەترێن جاددەیان ل زاخۆ نەهاتینە قیرکرن و ئەگەرێن نەقیرکرنا وان جاددەیان ژی ژ ئەگەرێ نەبونا بودجەیەکا تایبەتە بۆ پروژەیان ل زاخۆ “
ناڤهاتی گوت ژی مە چەندین جاران ب رێیا نڤێساران جهێن پەیوەندیدار ئاگەهدار کرینە بەلێ هەتا نوکە ئەو تاخێن نەهاتینە قیر کرن وەکو خوە ماینە و خەلکەک ژی گازندەیان ژ نەقیرکرنا جاددەیێن خوە دکەن.
وه‌زیرا چاندنی: ل سالا بهێت داخازا پاره‌یه‌كێ ته‌رخانكری بۆ توڤێ پێدڤی بۆ جۆتیاران دكه‌ت
ئه‌ڤرۆ نیوز:
وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند: وه‌زاره‌تا چاندنێ و ژێده‌رێن ئاڤێ خودانا 17 جورێن نمونه‌یێن گه‌نمی یه كۆ هاتینه توماركرن، ب ئاوایه‌كی 12 جور بۆ نانی و 6 ژی بۆ ساڤارینه.
بێگه‌رد تاله‌بانی وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند بووینه خودانێ 17 جورێن نمونه یێن گه‌نمی یێن توماركری كۆ جهێ دلخوشیا جۆتیارانه، ئه‌ڤه ژی كارێ رێڤه‌به‌راتیێن ڤه‌كۆلین و رێنمایێن چاندنێ بوویه، ده‌ست خوشیێ ل رێڤه‌به‌راتیێن ڤه‌كۆلینێن چاندنێ دكه‌ین كۆ به‌رده‌وامن ژ چاڤدێری و وه‌رگرتنا داتا ژ زه‌ڤیێن تاقیكرنێ.
وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ ئه‌و چه‌نده ژی راگه‌هاند: به‌رهه‌م ئینانا 17 جورێن نمونه‌یێ گه‌نمی زێده‌تره ژ گه‌نمێ هاوه‌رده‌كری و زێده‌تر شیان و خۆگۆنجاندنا هه‌ی ل گه‌ل سه‌قایێ كوردستانێ.
وه‌زیرا چاندنێ و ژێده‌رێن ئاڤێ ئه‌و چه‌نده ژی دازانین ئیسال نێزیكی پێنج هزار ته‌نێن توڤی هاتینه پارڤه‌كرن، داخا پاره‌یه‌كێ ته‌رخانكری دكه‌ین بۆ ئه‌وێ چه‌ندێ ب شیێن ل سالا بهێت توڤێ پێدڤی ب سه‌ر جۆتیاران پارڤه بكه‌ین.
ئه‌مریكا پینج ملیۆن دۆلاران ده‌ته وی كه‌سێ جهێ خه‌لیفه‌یێ داعشێ دیار بكه‌ت
ئه‌ڤرۆ نیوز:
ئه‌مریكا پێنج ملیۆن دۆلاران ده‌ته هه‌ر كه‌سه‌كی كۆ زانیاریان ل سه‌ر جهێ محه‌مه‌د سه‌عید عه‌بدلره‌حمان ب حاجی عه‌بدلا خه‌لیفه‌یێ داعشێ بده‌ت.
بالیوزخانه‌یا ئه‌مریكا ل به‌غدا د به‌یاننامه‌یه‌كێ دا به‌لاڤكر پێنج ملیۆن دۆلاران ده‌ته هه‌ر كه‌سه‌كی كۆ زانیاریان ل سه‌ر جهێ محه‌مه‌د سه‌عید عه‌بدلره‌حمان كو ناڤداره حاجی عه‌بدلا خه‌لیفه‌یێ داعشێ بده‌ت.
د به‌یاننامه‌یا بالیوزخانه‌یا ئه‌مریكا ل به‌غدا دا هاتیه ئه‌و تیرۆریست ژ دایك بوویێ 1976 پشتی كوشتنا ئه‌بوبه‌كر به‌غدادی د ئوپراسیونه‌كا هێزێن ئه‌مریكا ل سالا 2019 بوویه خه‌لیفه‌یێ گرۆپا تیرۆریستی یا داعشێ.
به‌یاننامه‌یا بالیوزخانه‌یا ئه‌مریكا ئه‌و چه‌نده‌ژی دیاركریه، كۆ حاجی عه‌بدلا به‌رپرسه ژ كوشتن و ره‌ڤاندنا وه‌لاتیان و بیانیان.
وه‌زاره‌تا دارایا عیراقێ بزاڤا ڤه‌كرنا ده‌گه‌هێن نوو یێن داهاتی دكه‌ت
ئه‌ڤرۆ نیوز:
وه‌زیرێ دارایێ عیراقێ راگه‌هاند: فه‌رمانگه‌هێن تایبه‌ت سه‌ر ب وه‌زاره‌تێ راسپاردینه كۆ كار بكه‌ن بۆ ئه‌وێ چه‌ندێ داهاته‌كێ دی بۆ موچه‌ی دابین بكه‌ن ئه‌ڤه ژی ب ئه‌گه‌رێ داكه‌تنا بهایێ پترۆلێ ل بازارێن جیهانێ.
د راگه‌هاندنه‌كێ دا وه‌زاره‌تا دارایی یا عیراقێ فه‌رمانگه‌هـ راسپاردینه ژ ئه‌ڤرۆ بزاڤێن خو بێخنه كاری بۆ ئه‌وێ چه‌ندێ داهاته‌كی بۆ موچه‌ی دابین بكه‌ن ل سه‌ر بنه‌مایێ رێنمایێن تایبه‌ت ب موچه‌ی.
ئه‌و چه‌نده ژی د راگه‌هاندنێ دا هاتیه روونكرن، ئه‌و رێكار ژ ئه‌نجامێ ئه‌وێ ره‌وشا دارایی یا گران كۆ عیراق ب ئه‌گه‌ری داكه‌تنا بهایێ پترۆلێ تووشی بوویه.
ئه‌ڤ چه‌نده د ده‌مه‌كی دایه كۆ بهایێ پترۆلێ ل بازارێن جیهانێ به‌رده‌وام روو ل داكه‌تنێ یه و نوكه به‌رمیلا پترۆلێ یا برێنت 16 دۆلارانه، ئه‌ڤێ چه‌ندێ زیان گه‌هاندیه ئه‌وان وه‌لاتێن پشت به‌ستنێ ل سه‌ر داهاتێ پترۆلێ بۆ موچه و رێڤه‌به‌رنا وه‌لاتی دكه‌ن.
122 سال سه‌ر ئێكه‌مین رۆژناما كوردی ده‌رباز بوون
ئه‌ڤرۆ نیوز:
ئه‌ڤرۆ رۆژا چارشه‌مبێ 22/4/2020، 122 سال ل سه‌ر چاپا ئێكێ یا رۆژنامه‌یا كوردی بناڤێ رۆژنامه‌یا كوردستان ده‌ربازبوون.
رۆژنامه‌یا كوردستان ئێكه‌مین رۆژنامه‌یا ئه‌هلی یا كوردی بوو، كۆ ژمارا ئێكێ ل 22 نیسانا سالا 1898 ب بزاڤێن میقداد مه‌دحه‌ت به‌درخان و جه‌لاده‌ت به‌درخان ل قاهیره یا وه‌لاتێ مسرێ ده‌ركه‌ت بوو.
رۆژنامه‌یا كوردستان ل ده‌مێ پێنج سالان و ل پێنج وه‌لاتان و جهێن جودا ب چوار لاپه‌رێن فولسكاپ كۆ 31 ژماره ژێ ده‌ركه‌ت بوون، كۆ ژماره 1-5 ژلایێ میقداد مه‌دحه‌ت به‌درخانیڤه هاتینه ده‌رخستن و ژماره 6-31 دوماهی ژماره بوویه ژلایێ عه‌بدلره‌حمان به‌گ برایێ وی ڤه هاتیه ده‌رخستن.
رۆژنامه‌یی چ جهه‌كێ جیگیر نه‌بوو ب ئاوایه‌كی، كۆ ژماره 1-5 ل قاهیره و 6-19 ل جنیڤ و 20-23 دوباره ل قاهیره و 24 ل له‌نده‌نێ و 25-29 فولكستن و 30-31 دوباره ل جنیف هاتینه چاپكرن.
ب ئه‌گه‌رێ خراپیا ره‌وشا سیاسی و ئابووری یا ئه‌وی ده‌می نه شیان درێژیێ ب ده‌رخستنا رۆژنامه‌یێ بده‌ن، له‌ورا بتنێ 31 ژماره ژێ ده‌ركه‌تن، ژماره‌یا 19 هه‌تا نها نه‌هاتیه دیتن، به‌لێ ته‌ڤایا ژمارێن دی دوباره هاتینه چاپكرن و پاراستینه.
رێكخراوا ساخله‌میا جیهانی: ل دووڤ زانیاریێن كورونایێ ره‌وش به‌ره‌ڤ خرابیێ دچیت
ئه‌ڤرۆ نیوو:
رێكخراوا ساخله‌میا جیهانی راگه‌هاند ب ئه‌گه‌رێ كورونایێ چاڤه‌ریا مه‌ترسێ ل جیهانێ دكه‌ین، نابیت كه‌ره‌نتینه ب دوماهی بهێت.
رێكخراوا ساخله‌میا جیهانی ئه‌و چه‌نده راگه‌هاند روودانێن خراپتر چاڤه‌ریێ جیهانێ دكه‌ن، وه‌ره‌ن پێكڤه هه‌ڤكاریا ئێك بكه‌ین و ب له‌ز دوماهیێ ب ئه‌ڤان تراژیدیا بهینین، مرۆڤایه‌تی هێشتا دشیت به‌رهنگاربوونا ڤایرۆسێ كورنایێ ب بیت، چونكو نه‌خوشیه‌كا گشتگیره، به‌لێ زانیاریێن ل سه‌ر ئه‌ڤی ڤایرۆسی نیشا مه دده‌ن كۆ ره‌وش به‌ره‌ڤ خرابیێ دچیت.
ئه‌ڤ راگه‌هاندنا رێكخراوا ساخله‌میا جیهانی د ده‌مه‌كی دایه كۆ كه‌ره‌نتینه‌كرن ل هنده‌ك وه‌لاتێن ئه‌وروپا ئیتالیا و ئیسپانیا و ئه‌لمانیا تا راده‌یه‌كێ هاتیه راكرن، ئه‌ڤه ژی مه‌ترسیێ زێده دكه‌ت، ژمارا ئه‌و كه‌سێن تووژی ڤایرۆسێ كورونایی بووین ل جیهانێ ژ 2 ملیۆن و نیڤا ده‌ربازكریه.
نيشاندان
WP Facebook Auto Publish Powered By : XYZScripts.com