ئەڤرۆ نیوز:
شاندێ هەرێما کوردستانێ ئەڤرۆ ل گەل سەرۆک کۆمارێ عیراقێ کۆمبوو و پاشی ژی دێ ل گەل سەرۆک وەزیرێن عیراقێ و وەزیرێ دارایی ژی کۆمبن.
ئەندامەکێ پەرلەمانێ عیراقێ ژی دیار دکەت کو پشتی کۆمبوونێن شاندێ هەرێمێ ل گەل سەرۆک کۆمار، سەرۆک وەزیر و وەزیرێ دارایی رەنگە شاندێ کوردی ل گەل مستەفا کازمی سەرۆک وەزیرێن راسپاردی بۆ ئاڤاکرنا کابینا نوو یا عیراقێ ژی کۆمبیت کو بریارە سپێدێ کارناما کابینا خوە راگەهینیت.
ئه‌ڤرۆنیۆز، سالار دۆسكی:
ل ناحیه‌كا سه‌ر ب قه‌زا سێمێلێ ڤه بۆ جارا ئێكێ لیترا پانزینێ بۆ ئاسته‌كێ نزم دابه‌زی، خودانێ پانزینێ ژی هوكار ڤه‌گه‌راند بۆ هاریكاریا خه‌لكی.
سه‌ركه‌فت شه‌عه‌بان، خودانێ پانزیخانا راستی ل كومه‌لگه‌ها دومیز سه‌ر ب ناحیا فه‌دیێ ڤه، ئه‌ڤرۆ رۆژا دوشه‌مبی 20 نیسانێ بۆ ئه‌ڤرۆ نیۆز ئاشكراكر كو بهایێ هه‌ر لیترەکا پانزینێ بۆ 400 دیناران ئه‌رزانكریه و ئه‌ڤه وه‌ك هاریكاری بۆ خه‌لكێ كوردستانێ.
خودانێ هه‌مان پانزیخانه ئه‌و ژی گۆت: (پانزینا دفرۆشم ژ جورێ كاره و ب 475 ژ ژێده‌ری دگه‌هیته پانزیخانێ و ئه‌ڤ جوره پانزینه ل هه‌موو پانزیخانا ژ 500 دیناران و زێده‌تر و ئه‌ف كاره مه ئه‌نجام دا وه‌ك هاریكاری بۆ خه‌لكی و داخوازێ ژ هه‌ڤالێن خوه هه‌موویان دكه‌م پشته‌ڤان و هاریكارێ خه‌لكی بن).
سه‌ركه‌فت ئه‌و ژی دیاركر كو ماوێ هه‌یڤه‌كێ یه كار نه‌كریه ژ به‌ر ڤایرۆسێ كورونایێ و بلا ڤێ هه‌یڤێ ژی قازانج نه‌بیت و بۆ هه‌ژاران بیت.
ل دور بابه‌تی ئه‌ڤرۆ نیۆز، په‌یوه‌ندی ب عه‌بدوسه‌مه‌د تێلی سه‌رۆكێ لیژنا پیشه‌سازی و سامانێن سرۆشتی كر ل جڤاتێ لێ په‌یوه‌ندیا وی یا به‌رده‌ست نه‌بوو.
ئەڤرۆ نیۆز، قائید میرۆ:
وەلاتیێن ھەرێما کوردستانێ دخوازن بۆ ھەیڤا رەمەزانێ دەرگەھێن مزگەفتا بھێنە ڤەکرن و پەیڤدارێ وەزارەتا ئەوقاف و کارۆبارێن ئاینی ژی رەتکر چ بڕیار بۆ ڤەکرنا مزگەفتا ھەبن و دیار، ھەر مامۆستایەکێ ئاینی دەرگەھێ مزگەفتێ بێی حکومەتێ ڤەکەت دێ بەرپرسیاربیت.
نەبەز ئیسماعیل، پەیڤدارێ وەزارەتا وەزارەتا ئەوقافێ بۆ ئەڤرۆ نیۆز دیارکر” گرتنا دەرگەھێ مزگەفت و جھێن ئاینی ب بڕیارا لیژنا بلندا بەرھنگاربوونا ڤایرۆسا کورونایێ بوویە، لەوڕاژی بۆ ڤەکرنا مزگەفت و جھێن ئاینی ئەم وەکی ئەوقاف چاڤەڕێی بڕیارا لیژنا بەرھنگاریا کۆرۆنایێ دکەین، تنێ وانا دەستھەلات ھەیە مزگەفت بھێنە ڤەکرن.
پەیڤدارێ وەزارەتا ئەوقافێ دبێژیت” ھێشتا مەترسیا ڤایرۆسا کورونایێ دوماھی نەھاتیە و ئەم باوەرناکەین بۆ ھەیڤا رەمەزان مزگەفت و جھێن ئاینی بھێنە ڤەکرن، چونکە مۆل و بازاڕێن مەزنژی نەھاتینە ڤەکرن.
نەبەز ئیسماعیل ئاماژەکر” ل زۆربەیا ولاتێن ئیسلامی دەرگەھێ مزگەفت و پەرستگەھا ھاتینەگرتن، لەوڕا نابیت بێی بڕیار چو مامۆستایەکێ ئاینی د ھەیڤا رەمەزانا پیرۆزدا مزگەفتێ بکار بینیت.
ئه‌ڤرۆ نیوز:
لژنا دارایی ل جڤاتا نوونه‌رێن عیراقێ ته‌ئكید دكه‌ن كۆ رێكێ ناده‌نه حكومه‌تێ ده‌ستكاریا موچه‌یێ فه‌رمانبه‌ران بكه‌ت.
هه‌یسه‌م جبوری سه‌رۆكێ لژنا دارایی ل جڤاتا نوونه‌رێن عیراقێ ئه‌و نوچه ره‌تكرن كو سه‌باره‌ت ئه‌گه‌ری كێمكرنا موچه‌یێ فه‌رمانبه‌ران هاتینه به‌لاڤكرن، و راگه‌هاند: پێشكێشكرنا پێشنیارێن برینا موچهی ب رێژه‌یه‌كێ دیره ژ راستیێ، هنده‌ك پێشنیار بۆ كێمكرنا قه‌یرانا دارایی هاتینه پێشكێشكرن وه‌ك چالاكرنا گۆمرك و خویكێ.
ئه‌ڤ داخویا سه‌رۆكێ لژنا دارایی یا جڤاتا نوونه‌رێن عیراقێ دده‌مه‌كی دایه كۆ په‌یڤدارێ جڤاتا وه‌زیران یا عیراقێ راگه‌هاند كورت ئینانا بودجێ 40 ملیار دۆلاران دهێته خه‌ملاندن و ئه‌ڤه ژی ژبلی ئه‌وان پیگیربوونێن دارایی وه‌ك دانا قه‌رێن ده‌ره‌كی ل سه‌ر حكومه‌تێ، قه‌یرانا داراییی ب ئه‌گه‌ری داكه‌تنا بهایێ پترۆلێ، وه‌زاره‌تا دارایی چه‌ند پێشنیاره‌ك بۆ گوهورینا موچهی دانوستاندنێ ل سه‌ر دكه‌ت.
ئه‌ڤرۆ نیوز:
عه‌لا جه‌لوب فه‌هد په‌یڤدارێ نڤسینگه‌ها راگه‌هاندن و په‌یوه‌ندێن حكومه‌تا عیراقێ راگه‌هاند: حكومه‌ت دانوستاندنێ ل سه‌ر چه‌ند پێشنیاره‌كان بۆ گوهورینا سیسته‌مێ موچهی دكه‌ت، كۆ پاشه‌كه‌وتێ نه‌چاری ب رێژا 25% ئێكه ژ ئه‌گه‌ران.
عه‌لا جه‌لوب ئه‌و چه‌نده ژی راگه‌هاند:لژنا دارایی ل گه‌ل شاره‌زایێن ئابووری ل وه‌زاره‌تا دارایی نوكه مژوولی ڤه‌كۆلینكرنا چه‌ند پێشنیاره‌كانه بۆ گوهورینا سیسته‌مێ موچهی،ئێك ژ پێشنیاران ژی، كۆ ب شێوه‌یه‌كێ نه‌فه‌رمی هاتیه ئاراسته‌كرن، پاشه‌كه‌وتكرنا نه‌چاریا موچهی ژ ته‌ڤایا فه‌رمانبه‌ران ب رێژا 25% یان كێمكرنا ده‌رماله‌یێن ناجێگیر سه‌ر موچهی.
عه‌لا جه‌لوب فه‌هد په‌یڤدارێ نڤسینگه‌ها راگه‌هاندن و په‌یوه‌ندێن حكومه‌تا عیراقێ ئه‌و چه‌نده ژی ل سه‌ر بژارده‌یان راگه‌هاند: هه‌موو بژارده دبه‌ر ڤه‌كۆلینان دانه و كیشك باشتره حكومه‌ت دێ وێ هه‌لبژێریت، ئه‌ڤه ژی ل سه‌ر حكومه‌تا نوو گرێدایه، كۆ ره‌شنڤیسێ یاسایێ پێشكێش بكه‌ت و تێدا پێشنیاران و چاره‌سه‌ری تێدا بن بۆ ئاریشا موچهی كۆ تێدا ده‌رباز دبیت، كۆ بده‌ست كورتئینانه‌كا مه‌زن ڤه دنالیت، ئه‌ڤه ژی زێده‌باری قه‌یرانا كورونا و داكه‌تنا بهایێ پترۆلێ، كورت ئینانا بودجێ 40 ملیار دۆلاران دهێته خه‌ملاندن زێده‌باری پیگیربوون ب قه‌رزێن ده‌رڤه سه‌ر عیراقێ كۆ ب شیوه‌كێ پشك دده‌ت.
ئه‌ڤرۆ نیوز، سالار دۆسكى:
وه‌زیرا چاندنا حوكمه‌تا هه‌رێما كوردستانێ دیار كر، كو ره‌وش ل هه‌رێمێ یا به‌ر ب باشبوونێ ڤه دچیت و ئەو شیاینه د ماوێ ڤایرۆسێ كۆرۆنا یێ دا گه‌له‌ك هاریكاریا جوتیاران بكه‌ن و چ زیان نه‌گه‌هشتیه كه‌رتێ چاندنێ و خودانێن پرۆژان.
بێگه‌رد تاله‌بانى، وه‌زیرا چاندنێ ل حوكمه‌تا هه‌رێما كوردستانێ بۆ ئه‌ڤرۆ نیۆز ئاشكرا كر، كو ره‌وشا نه‌خوشیا كورونایێ هێدى هێدى یا به‌ر ب باشیێ ڤه دچیت هه‌رێما كوردستانێ و ل قوناغا ده‌ربازبوونێ داینه و ئێدى دێ جوتیارێن مه ب ئازاده‌نه به‌رهه‌مێن خوه بینه بازارى.
وه‌زیرا چاندنێ ئه‌و ژى گۆت: بابه‌تێ كۆرۆنا یێ و قه‌ده‌غه‌یا هاتنوچوونێ گه‌له‌ك نه‌خوشى بۆ جوتیاران و خودان كاران، به‌ر هه‌ر زوو ل گه‌ل وه‌زیرێ نافخو و پارێزگه‌ران كه‌فتینه سه‌ر هێلێ و شیاین میكانزمه‌كا جوان بۆ جوتیاران بدانین و جوتیار گه‌له‌ك تووشى زیانێ نه‌بن.
بێگه‌رد تاله‌بانى گۆت ژى: ل هه‌موو جهان ل سه‌ر هێلێ بووین و هژمارێن رێڤه‌به‌رێن گشتیێن چاندنێ هاتبوونه به‌لاڤه‌كرن و نوكه ژى دێ هاریكاربین هه‌تا كاودان وه‌ك پێشتر ڤه‌دگه‌رن.
ئەڤرۆ نیۆز، رێوار محەمەد رەشید:
رێڤەبەریا گشتی یا رەوشەنبیری و هونەری ل پارێزگەها دهۆکێ ب هەماهەنگی دگەل چەندین سازیێن دی یێن پارێزگەها دهۆکێ دێ رێورەسمەکێ تایبەت بۆ سەرکەفتنا قووناغا ئێکێ ل پارێزگەها دهۆکێ ب سەر کۆرۆنایێ دا ل رۆژا 22/4/2020 کو یا هەڤدەمە دگەل سال رۆژا رۆژنامەگەریا کوردی ل دەمژمێر 10:00 شەڤ ئەنجام دان.
حەسەن عارف، ژ لژنا بەرهەڤکرنا رێورەسمێن ڤێ چالاکیێ بۆ ئەڤرۆ نیۆز دیار کر کو دڤا رێورەسمان دا دێ کارەبا نیشتیمانی و یا موەلیدان بۆ دەمێ پێنج خولەکان ل سەرانسەری پارێزگەها دهۆکێ هێتە ڤەمراندن، هەروەسا دێ داخواز ژ خەلکی هێتەکرن کو ل سەر بانێن خوە روناهیەکێ هەلکەن وەکو شەمالک و خەتیر و لائیت یان هەر رۆناهیەکێ دا سەقایەکێ جوان بدەت زێدەباری ڤێ چەندێ دێ ژمارەکا بالۆنان هێنە هەلکرن و بەر ب ئاسمانی هێنە بەردان و ل سەر چەندین تاخێن دهۆکێ دێ هێنە بەلاڤکرن و گۆت: “دەنگێن ناقوسا دێران و کەبارێ ل مزگەفتان ژی دێ هێتە هەلدان، هەروەسا دێ ئاگر ژ لایێ وەرزشڤانان ڤە ل سەرێ چیایێ زاوا و کێلیا شەدایێ هێتە هەلکرن و چەندین یاریێن ئاگری ژی ل چیایێ زاوا دێ هێنە هاڤێتن”.
ناڤهاتی ئاماژە دا وێ چەندێ کو د ڤان رێورسمان دا دێ خەتیرێن ئاگری ل پارکا نەورۆز و پارکا ئازادی ژلایێ ستافەکێ دەستنیشانکری ڤە هێنە هەلکرن بێ کو قەرەبالغ پەیدا ببیت و گۆت: “سترانەکا تایبەت دێ هێتە بەرهەڤکرن بۆ سوپاسیکرنا کەسێن ماندی بووین د بەرهنگاریا ڤایرۆسێ کۆرۆرنا یێ دا، هەروەسا ل وی دەمی دێ ترۆمبێلێن هاتنوچوونێ و پۆلیسان د ناڤ تاخێن دهۆکێ دا گەڕیێن و مۆزیکەکا دەربرینێ ژ دهۆکێ بکەت دێ ل سەر بلندگۆیێن ترۆمبێلان دەنە کاری، زێدەباری ڤێ چەندێ دێ چەندین فلیکس ژی هێنە دروستکرن و ل سەنتەرێ باژێرێ دهۆکێ هێنە هەلاویستن کو دەربرینێ ژ سوپاسیکرنا کەسێن ماندوو بکەت”.
حەسەن عارفی خویا کر کو د وێ رۆژێ دا ب رێیا کۆرەک تیلیکۆم ب نامەکێ دێ داخواز ژ خەلکی هێتە کرن کو پشکدار بن و تێکست ژی دێ ئەڤە بیت (وەلاتیێن خوشتڤی: ئەڤ شەڤە دەمژمێر 10 پشکداربە ب سوپاسیکرنا هێزێن ناڤخوە و پێشمەرگە و ستافێ ساخلەمیێ ب هەلکرنا هەر جۆرە روناهیەکێ و دەست قوتانێ لسەر بانێن مالێن خوە)، هەروەسا سپۆت ڤیدیۆ دێ هێنە دروستکرن و بەلاڤکرن ل سۆشیال میدیایێ ژ بۆ سوپاسیکرنا هێزێن نافخوە و پێشمەرگە و ستافێ ساخلەمیێ و ریکلام ژی دێ هێتە دروستکرن بۆ پشکداریکرنا خەلکی و گۆت: “ئەڤ چەندە ب هەماهەنگی ل گەل رێڤەبەریا پۆلیسان و هاتنوچوونێ ب فرۆکان دێ هێتە وێنەکرن، دگەل کەسانێن شارەزا د بیاڤێ وێنەکرنێ دا ب کامیرێن باش دیسان ل چەند جهێن دەستنیشانکری فلای کام دێ هێنە بکارئینان بۆ وێنەکرنا مەراسیمان، بۆ هندێ ڤیدیۆیەکا باش ژ ڤێ رێورەسمی بهێتە دروستکرن و پاشان ل تیڤی و سۆشیال میدیایێ دێ هێتە بەلاڤکرن”.
ئەڤرۆ نیوز:
رێڤەبەریا ساخلەمیا ھەولێرێ راگەھاند، ب ئەگەرێ کێمبوونا رێژا توشبوو یێن ب کۆرۆنا یێ نەخۆشخانا ئێکێ یا تایبەت ب کۆرۆنا یێ ڤە ھاتە داخستن.
د. دلۆڤان محەمەد رێڤەبەرێ ساخلەمیا ھەولێرێ راگەھاند، ب ئەگەرێ کێمبوونا رێژا توشبوو یێن کۆرۆنا یێ و زێدەبوونا رێژا چێبوویان ئێکەم نەخۆشخانا پێشمەرگە یا تایبەت ب کۆرۆنا یێ ڤە ھاتە داخستن.
دیار کریە ژی، د نوکە دا ب تنێ نەخۆشخانا رزگاری و ئیماراتی نەخۆشێن کۆرۆنا یێ تێدا هەنە.
نيشاندان